أنا عرفت إن ألم الأسنان له مضاعفات قبل سنتين،، أمي كان عندها فحوصات عشان بتسوي عملية، وكان لازم يتأكدوا إن كل شي فيها سليم، وسوت فحص للأسنان، وشالوا منها يمكن 4 أسنان ><" ، عـ أساس لا يأثر خراب الأسنان على نتيجة العملية، والعملية شي مآآآآآله علاقة بالأسنان أبداً أبداً ، بس احنا ناس ما تروح المستشفى إلا إذا قرّبت تموت من الألم -_-"
ما شآآآء الله، انتي موسوعة،، أنا فعلاً كمية السوائل اللي أشربها قلبــــلة جداً،، وغير الجو اللي صاير من سيء إلى أسوأ،،، أحس حالي مثل سمكة شالوها بعيد عن البحر ، الجفاف في الرياض لا يُحتمل،، عندي جفاف في عيني، وأنفي، وبشرتي،، والفترة الأخيرة وصل الجفاف لـ حلقي ، صار لي حوالي شهر أعاني من الكحة الناشفة، وأحاول أكثر موية، بس ماعرف أشرب وأنا مو عطشانة ><"
امممم، بالنسبة للجلسة عـ اللاب والشاشات، أحاول إني بين فترة وفترة أقوم أتحرك شوي، أو أحرك راسي،، فـ ما أتوقع إن اللاب مأثر علي عيني،، من ذي الناحية
بالنسبة للمخالفات،، أعرف إنها وجع راس،، لما أصير نشيطة وأدخل موقع أخوي، ألف على المواضيع وأصك المخالفات، وأحذف أو أعدل في الردود،، أدوووووخ،،، بس ترى أحياناً فيه ناس تكتب بسرعة وما تشوف الكلام اللي كتبته قبل ما ترسل الرد، بعدين يطلع الكيبورد انجليزي، وهم كاتبين على أساس عربي،، مثلاً:
la;,,,,,v K du'd; hguhtdm << ترجمي ذا
فهمتي قصدي؟؟ بس حتى هذي النوعية من الأخطاء ، اللي يرتكبها مُلام، المفروض يشوف رده قبل ما ينط برى الموضوع ^^"