لآ عنـوآن يشـرحْ مـن أنــآ . .~*
 

السلام عليكم و رحمهـ الله وبركآتهـ

http://www.dohaup.com/up/2010-08-19/admin1750622052.png

افتتحت الجزء الثآني من مدونتي
بنسخ كل الكلام و الصور من المدونهـ القديمهـ و بحطها هنيه

طبعا كلكم مستغربين من الي صاأرلي .. رجعت اسجل مرة ثآنيـهـ
لآن المنتدى ماطاع يدخلني بعدما سويت تسجيل خروج و كلمة المرور و النك كلهن صح بس هو مادري شو فيه !!
فــ اضظريت اسجل مرة ثآنيـهـ
الي منقهرة منهـ ان فيه رسايل متعودهـ اقرآهن :mixed-smiles-126:
و شو الي بيعوضهن الحين؟! :mixed-smiles-181:

اهـم شي اني رجعت لصديقآتي في المنتدى و مدونتيه الي مشتاقتلهآ :mixed-smiles-010:

:mixed-smiles-094:

مــن اأنــآآ ..؟!
 

السلام عليكم و رحمة الله و بركاته


مـــــن أنـــــآآآ ؟!


النك : yama lover ^^

العمر : 16 سنة
<- العمر كله ^^ خخ

تاريخ الميلاد : 2-5-1994

البلد : الامارات – ابوظبي

اللون المفضل : الوردي و الاحمر

الرقم المفضل : رقم خمسة

الهواية : السفر و تعلّم اللغة اليابانية و التصوير الفوتوغرافي و احب اسوي سويتآت و حلويآت :mixed-smiles-009:

من صفاتي :
,ماحب حد ينتقدني لآني استسلم بسرعة ><
,ممكن اكون طيبة القلب
,أزعل بسرعة
,غيورة شوي خخخخ
,ماحب الانتظار و غير صبورة
أحب اكون سبيشل بين الكل <متكبرة الاخت هاااه

من الاشياء الي احبها و الي اكرهها


أحب :
الشتاء و المطر و جمعة الأهل في البر و احب الجوكليتس بشكل فضيع باستثناء الدارك جوكليت
احب الوايت موكا من ستار بوكس و احب اليابان و احب السفر احب اسمع اغاني يابانية و احب الطفولة و ذكرياتي الحلوة و احب الي يحبوني ^^

أكره :
الزحمة , الامتحانات , الحر , الاستهبال الزايد عن حده , الخيانة و الكذب , اكره
الهنود , اكره الحشرات و حتى من الفراشات و كلل شي
اكره الي يكرهوني و الي يستهينون بقدراتي
اكره الدلع الزاايد و اكره الإزعاج و اكره الأطفال المزعجيييين
و اكره الآبار و المستشفيات

الشي الي ما استغنى عنها
تليفووووني الحبيييب , مستحيل اروح مكان عنه ^^

من مستخدمي :
بلاك بيري , لابتوب ماك وايت , ايبود تاتش , كانون 450 دي

من الاشخاص المقربين لي في هالحياة بعد امي :
1- بنت عمي , chii lover ^^ توأم روحي ,, روح في جسدين على قولة دياآجي
و هي بنت عمي و صديقتي و صديقتي في الطفولة و العمر ان شاء الله =)

2- و توأمتي في البيت ,, اختي
خخخخخ هي مب توأمتي ,, بس كلهم يقولون نحن توائم مع ان ماشي شبه هههههه


انتــظروني في أول يومياتي خخخ

رد: لآ عنـوآن يشـرحْ مـن أنــآ . .~*
 

السلام عليكم و رحمة الله و بركاته


بكلمكم اليوم شوي عن الاشياء الي صارتلي في 2010 و الاشياء الي أول مرة تصيرلي :mixed-smiles-293:

في سنة 2010

أول شي ..

أول مرة تنكسر ايدي -ـ-" .. بقولكم القصة ..
في المدرسة .. كنت بروح انا و بنات صفي للمختبر ,, و اجوف البنات يركضن قلت خلني اركض بعد هههه
و وصلت المختبر و فجأة !!
لقيت عمري طايحة ع الارض على ايدي اليسار ههههههههه و انا اضحك .. خخخ و البنات بعد ماااتن من الضحك و الابلة قعدت اتقول
حراااام .. بسم الله عليج .. اتعوّرتي؟ قلت عادي عادي هههه
و محد قوّمني من الارض كانن يضحكن علي قالتلي الابلة هاتي ايدج بقومج قلت لالا عادي انا بقوم بروحي هههههههههه و في نص الدرس ايدي عورتني و ماقدرت استحمل .. :mixed-smiles-062:
:( قلت لها و هي تشرح . , ممكن اروح عند الممرضة؟ ايدي تعورني و البنات ضحكن و عاد انا عصبت و ماضحكت !!لآن خلاااص صار الامر جدّي ., و طلعت وسكرت الباب قالن البنات اوووو عصبت
وطبعا ما لقيت الممرضة و انتظرت لين ما رجعت البيت وقلت لامي و سرت المستشفى و قالولي انها مب كسر :mixed-smiles-186:
التواء على قولة الدكتور -ـ-
و اليوم الي بعده هههه لقو ايدي لافينها بالهالشي الابيض < حسستيني انه كائن فضائي
و البنات و الابلوات قالن اووووو سلامات خخخ و حسيت اني اتدلعت عليهن شوي
كان في بنتين اظن يشلن عني الكتب ههههههه حسيت صدق اتدلعت هههههههه !! :mixed-smiles-041:


ثاني شي

وهي اني اول مرة احس اني احب اليابان من الخااطر , و اني انعجب في ممثل ياباني و الي هو يامادا ريوسكي ^^
و هذا الشي جلب حياتي كلها و غيّر روتيني .. كنت احس بالملل قبل لاعرف هالاشياء بس تووتآ دخلتني عالمها
الياباني و الحين انا مشاركتنها خبالها هههه .., و صارت الاغاني اليابانية كلها في ايبودي و اخبارهم دايما اعرفها و اللغة اليابانية بدت تتحسن و احاول ابذل جهدي عشان اتعلم هاللغة بروحي ^^
و يعني ,,, صار الياباني جزء لا يتجزء من عمري ^^

الشي الثالث ,,

قبل عيدميلادي بكم اسبوع
قالولنا في بعثة لليابان و طبعا طلعت رووحي و ردت فجأة خخخخ و ماصدقت ,, حسيت بشعور غرييب
و البنات فرحن لآنهن يدرن اني احب اليابان و عينهن ع ردة فعلي و الصدمة و الحماس
بس طبعا اهلي ما وافقو ولا بيوافقون ^^ و بعد ما فقدت الامل ,, ,, حسيت بشعووور اني كرهت اليابان و خاطري امووت احس بشي غريب ., بس طلع ان هذا من صلاة الاستخارة ,, سبحان الله تغير رأيي فجأة ,,! :mixed-smiles-019:
الحمدلله لك يارب ان تغيّر رأيي في البعثة ^^
و الحين ,, انا و توتا نفكر نسير اليابان بأي طريقة هههه ان شاء الله نسير يوم من الأيام
يارب نلاقي فرصة و نسير انا وهي مع بعض لآن مافكر اني اسير بروحي بدونها هههههههههه


الشي الرابع :mixed-smiles-109:

اكتشفت ان عندي غمازة وحدة في خدّي .. جهة اليسار بس ما تبين وايد ^^


الشي الخامس

ااول مرة اسافر امريكا .. :mixed-smiles-272:
الصراحة روووعة هالبلد ,, خاطري اعيش فيها ^^
و حتى شعبها طيبين ,, يعني اذا دخلت محل او شي .. يرحبون فييك و يقول
hi . . how are you? Can i help you?
ماشاء الله .. و دايما مبتسمين
انا اول مرة اجوف هالشي ,, لآن في اوروبا غييير عنهم ><”
كل واحد في حالة و ماله شغل بالثاني و لا يرحبون ولا شي و معاملتهم مب اوكي
و في امريكا .. اذا شافوكم بعباة و شيلة .. مايتمون يشوفونكم بنظرة استغراب !!
لا , عادي , , اذكر قالتلنا وحدة واااو نايس كلر < حق الشيلة ان الالوان حلوة هههههههههه
اما في اوروبا ياكلوووونكم من نظرات الاستغراب و الفضول
سبحان الله !!

الشي السادس

اكتشفت بداية السنة ان ريلي غير طبيعية , فيها عظمة زيادة و مع الوقت تكبر, و من كم يوم سرت المستشفى واشوف شو بيقولون عنها
قالتلي الدكتورة ان ريلج فيها فلات فوت !!
<- هااااااه ! انا الصراحة ما صدقت احس ريلي عادي مافيها شي :mixed-smiles-133:
وو قالت ان مع الوقت هالعظمة بتكبر و انتي بعدج صغيرة و قالت بسويلج فحص دم نجوف نسبة الكالسيوم و الحديد
و طلع كل شي زين الحمدلله بس بقت نتيجة فيتامين دال
والله كريم ان شاء الله

الشي السابع

اول مرة احس اني اكره كيمرتي . . كلهم يقولون ان تصويري مب اوكي و ان انا ماعرف اصور عدل
و المشكلة ان في حد يجاملني ><”
و استسلمت للانتقاد و حسيت اني ماريد اشوف الكيمرا مرة ثانية :mixed-smiles-225:
كان التصوير كل شي بالنسبة لي ., و هذي اول هواية طلعتلي
<- حسيت انها وظيفة . . خخ
و انا و بنت عمي طلبنا من امريكا استوديو للتصوير , و جربنا شوي فيه و هي ماشاء الله تحب التصوير و هي تعلمني و شو هي اخطائي

الشي الثامن

انا مااااحب شي اسمه "جبن" :mixed-smiles-078:
بس اتغير الوضع و صرت احبه ههههههههه
و حتى الجام أو الـ”مربّى”.. في امريكا اول مرة اجرب الجام .. جام بالفراولة ^^
و اتغيرت الاحووواااال ههه :mixed-smiles-229:

الشي التاسع

أول مرة حد يحضنني بهالقووة ^^
بعد ما رجعت من المطار
استقبلتني توتآ في بيت اخوي ..,ووو
biiiiig huugggg !! ^^
كان الموقف جدا محزن < بلييز بيصيحووون !! :mixed-smiles-257:
<آآآآوت

يووو .., تكلمت واااايد هههههههههه
انتظروني ان شاء الله في رد ثاني ^^
:mixed-smiles-094:

رد: لآ عنـوآن يشـرحْ مـن أنــآ . .~*
 

السلام عليكم و رحمة الله و بركاتهـ


الحب و الكراهية .., شي مانقدر نتحكم فيه !!
مب اي واحد شفناه .. دخل قلبنا
ليش؟
يمكن ما يكون حلو , يمكن يسوي حركات ما تعجبنا , يمكن يضايقنا , يمكن خذنا منه موقف و ما توقعنا منه ... الخ
في مليون سبب

انا عن نفسي ..,
اذا حد دخل قلبي من صديقات او بنات , مب بكل سهولة
انا اذا حد دخل قلبي , اعزّه و احترمه و اكون صادقة في تعبير شعوري له
مب اخليه في قائمة "مجرد صديق " ., لآني اذا كان الشخص متمسكة فيه
يعني الشخص غالي .., جداً .. ! :mixed-smiles-091:

أما الكره ,, فأنا عمري ما كرهت حد من كل قلبي ..! :mixed-smiles-030:
انا الصراحة توني اكتشف هالشي فيني
صح اني اعصب من شخص .. لكن اعرفوا اني ما كرهته من كل قلبي
ممكن كراهية ,, صح !! :mixed-smiles-160:
لكن كراهية من القلب و ماتكون له مكانة ف قلبي !!
هذا مب موجود عندي

هذا الشي الي عجبني فيني :mixed-smiles-090:


طيــّــــب ..
كنت افكر اكتب خرااابييييييش أو الي يسمونه "خواطر" !!
شوفو شو النتيجة واحكمو .. خخ ترااا هذي اول تجربة


حالتــي مع صديقي الجديد

{ الاستــسلاآم !! }

سقطت أرضاً ..
ولا يمكنني النهوض ..
واستسلمت لكلام الناس ..
هل هذا بسبب ضعفي و عجزي؟!
ام بسبب اني لا املك رداً أو تبرير على انتقاداتهم لي ؟!
هل يا ترى أستحق ما يصيبني؟
هل أستحق ان تنزل دمعتين على خدي يومياً؟
و هل عليّ أن أستمع لما يطلبون و أتعلم من خطأي؟!
أم اضلّ جالسة في مكاني , مكتوفة اليدين و اتلقى صنوف العذاب و التجريح منهم ؟؟؟




هيه صح بقولكم ,, :mixed-smiles-194:

تاريخ 25-7 ع العصر سرت المستشفى حق ريلي ..., قلتلكم عن العظمة :mixed-smiles-311:
خخ و في نفس الوقت .., توتـــآ قالت بتسير بعد
بس هي سارت مع ابوها ..,
وانا طلعت قبلها المستشفى :mixed-smiles-023:
دخلت ملفي و كل شي و قالتلي الدكتورة عن نتائج التحليل و قالت كللله تمام الحمدلله
قالت الكالسيوم عندج اوكي ..! تشربين حليب؟
قلت الصرحة ..لآ !! :mixed-smiles-221:
قالت آآه !! طيب شكلج تاكلين فواكة و خضروات .. !!
خخ قلت اممم .. هيه :mixed-smiles-100:

وطبعا طول الوقت و المسجات شغالة بيني انا و توتآآ
"هاه وينج؟" ..., "انا بعدني في البيت" ... "يا ذكية خلصي بسرعة جدامج حرييم و مابتخلصين و بتستوي زحمة " :mixed-smiles-013: ... "اقوول انا وصلت و الحين يطلعون ملفي " .. بس انا مارديت لآن الدكتورة قالت روحي قسم الاشعة
و طلعت .. اشوف عمي و معاه هالبنت الكسلانة الي توها واصللة !! :mixed-smiles-076:
واخييرا ,,
دخلت قسم الاشعة
كان الدكتور طوييييل ماشاء الله :mixed-smiles-252:
خلصت و رجعت عند الدكتورة .,, اني اشوف توتآآ قاعدة سويتلها باااااي خخخخخ و دخلت الغرفهـ :mixed-smiles-097:
شفنا صورة الاشعة و عطتني اياهن . .
و طلعت
لقييت توتآ و قعدت اقولها الي صار :mixed-smiles-162:
ورويتها صورة ريلي ,, ضحكت عليّ :mixed-smiles-055:
هذا عييب خلقي ..! اهئ اهئ ماايضحك
و هي كانت بعدي ,, و بعدين دخلت

ووو خلصت القصــــة !!


هذا كان يومـــي

:mixed-smiles-094:

مقتطفآآت ع السريع ~ْ
 

السلام عليكم و رحمهـ الله و بركاتهـ



قررت احطلكم صوور عن سفرة هالسنة..,
بما ان مدونتي خاليه من الصوور :mixed-smiles-023:

بسم الله نبدأ .. ~*


http://www.up.6y6y.com/uploads/image...b2284d534b.jpg

http://www.up.6y6y.com/uploads/image...4b91aca5bd.jpg

http://www.up.6y6y.com/uploads/image...34fc8e113d.jpg

دومينوز بيتزآآ كآن العشآآء

http://www.up.6y6y.com/uploads/image...523c817553.jpg

و الصبــح .. ريوقنآآ ..
بس ما صورته كله
لاازم يحطون بطاطا و بصل و مرة حاطيلنا طماط و فوقه فلافل!! .., :mixed-smiles-314: حسيت كأنه غدآ او عشاآ
><"

http://www.up.6y6y.com/uploads/image...6b8a414108.jpg

أحلــى شي هالـغراش الماي هذيلا:mixed-smiles-277:<يعني قنينة مآء اذا ما فهمتو ^^"
يووو كوايي .., صغاار :mixed-smiles-194:
خخخ
بس نحن داسينهن عن ولد اخوي ., يمسك 2 و يفتحهن ., :mixed-smiles-162:
اقولكم .. كوايي ما صدقتوني :mixed-smiles-250:

http://www.up.6y6y.com/uploads/image...df21e2280c.jpg


نسكآفيـه أوكاسا ^^
كل عصـر .., أو كلما نرجع من الشوبنق :mixed-smiles-191:

http://www.up.6y6y.com/uploads/image...479e96c9d0.jpg

و الاآيبود ..
لازم عااآد آرآآشــي .., :mixed-smiles-101:

مرة شافت اميه هالصورة .. وانا كنت اسمع آيبود هههه :mixed-smiles-202:
قالت أووو بسم الله ..! منوه هذيلا
قلت هذيلا مغنيين .., سكتت ., لآنها تدري بخبالي :mixed-smiles-077: