الان الساعة 6 و 35 دقيقة صباحا .. و انا قاعد على المكتب اللي بحجرة الفحص و اشعر بالجوع و
التعب و الملل.
امس الثلاثاء كان دوامي صباحي . صحيت الساعة 4 صباحا و ما جاني نوم بعدها، فقعدت احضر
محاضرات من الللي مخزنة عندي على الجهاز. لما جاء وقت الدوام، رحت للمستشفى و ظليت بيه
من الساعة 8 صباحا لحد 5 مساء (دوامي ينتهي الساعة 2 بس ظليت بعد الدوام عشان احضر مع
الدكتور الاستشاري حالاته). طلعت من المستشفى ميت من الجوع و التعب و اشتريت لنفسي ثلاث
سندويتشات من الكفتيريا و اكلتهم بالبيت و نمت.
لما صحيت من النوم الساعة 2 صباحا لقيت 9 مكالمات بدون رد على نقالي من رئيس القسم و واحد
من الدكاترة اللي معنا بالقسم و من المترونة (الموظفة الادارية اللي تنظم المناوبات و تستدعي
الدكاترة). و بعد ما رديت على المكالمات، فهمت أن الدكتور اللي ماسك ليل عنده حالة وفاة و ما
قدر يجي الدوام، و انه في حالات محتاجة حد يشوفها و هما محتاجين لبديل له.