[NewS]

التــــــــــابع

كانو جالسين على نفس المقهى .. المقهى اللي جمعهم ال3 في ليله من الليالي ..

نينو تكلم روحها " غبيه .. انا غبيه .. كنت احسب نفسي ان ممكن اطرده من حياتي وافكاري بسهوله .. كنت افكر نفسي اني اقوى من هالمشاعر !! ... نظراته اللي تحاصرني الحين اكبر دليل على اني ضعيفه .. قـــــدام مشاعري !! "


شيجي كان يطالع نينو اللي خلته يترك كل شغله وبروفاته ويجي المقهى .. كان منتظر يسمع كلامها اللي بتقوله ..

نينو : انا جايه وابي اقول ... ) فجأه ترددت .. ماعرفت وش تقول .. وصارت تطالع في كاتو (

كاتو ابتسم لها وقال : انا جيت علشان اسمع كلامك ..

كانت نظراته لنينو غريبه .. تخليها ودها تقوم تجري وتترك المكان ..

وتترك الكلام اللي جات تقوله ..

وتترك شيجي على كرسي في مقهى ..

بــــــــدون اي كلمه ..

نينو تشجعت وقالت : انت ليه اعطيت امس سوسو ورده ؟؟

بينها وبين روحها " وش هالسؤال ؟؟ وش هالسؤال التافه .. انا ماجيت اقوله هالتفاهات ؟؟ ليه مشاعري تكلمت مو عقلي !! .. اكرهه !!"

شيجي ابتسم وقال : ليه تبيني اعطيكي انتي الورده !

نينو خلااااص .. كل شي توقف عندها !! .. وش الكلام الللي يقوله ؟؟

كــــــــــــــــان نفسها تعطيه كف ..

كف معتبر يصحيه ويصحيها من هالكوابيس اللي تلاحقها !!

نينو باستهزاء : انت آخر انسان على وجه الأرض ممكن آخذ منه ورده !

) ليه علمها هالإنسان الكذب ؟؟ .. طول عمرها كانت صادقه ليه تكذب الحين ؟! (

شيجي : هذا الكلام اللي جبتيني علشانه ..؟

نينو : انت ماعندك احساس !!

انت بتدمر احلى شي بحياتي !

كاتو وكان مستغرب : احلى شي بحياتك ؟؟

نينو والعبره خانقتها : ايه بتدمر احلى شي عرفته بحياتي !!

كاتو : انا ؟؟ ... كيف ؟؟ ..وش هالخرابيط !

نينو : تعرف وشهو احلى شي بحياتي ؟ ....

قطع حوارهم صوت شنطه طاحت ع الأرض ..

التفتو الإثنين ..

كانت سوسو واقفه من بعيد تناظرهم ,, شنطتها طاحت من الصدمه ..

__________________________-

كان في خاطر نينو بس تقول لشيجي : انت بتدمر احلى شي عرفته بحياتي ..

صداقتي مع سوسو ..

بس مالحقت تقولها !!