بسم الله الرحمن الرحيم
سميت الموضوع اجمل ايام حياتي واسواها
لانو اجملها لما كنت صغيرة وكنت اساعد جدي واسواها ايام موتو الله يرحمو
نفسي ارجع تاني مرة صغيرة بس علشان كنت اجلس معاه
كان عمري اياميها بين ال 3 الى 4 سنوات تقريبا كنت لسة بنت كتوكوتة
كان جدي ينزل عندنا اكثر شئ وكان يبيت عندنا بالاسابيع وكنت في حركة اعملو هي
لما كان يروح الحمام كنت امسك يدو واودي الين الحمام كان جدي باحسن حال وكان يعملونفسو تعبان علشان كان يحب يحسسني انو انا بساعدو وكان لما يدخل الحمام كنت استنى عند الباب اجبلو الشبشب والصلحلوهو واجلس استنى استنى الين مايخرج من الحمام وكان يلعبني مررررررة كثير كنت جدا جدا متعلقة فيلو
وكان هو باني مسجد في مكة المسجد الين دحين موجود كنا نروح مكة كثير علشان ماما تروح بيت سيتي وبابا كان يروح صلاة الجمعة في مسجد جدي وكان جدي عامل زيي الغرفة الصغيرة في المسجد كان يجلس هناك فانا من كثر احب جدي كنت اروح مع بابا واخواني صلاة الجمعة كنت اروح عند جدو اسلم علي وبعدين تبدا الصلاة فكان زحمة تحت في دور الرجال فكنت اروح الدور التاني عند الحريم كنت اجري واللعب مع الاطفال الي كنت اشوفهم وكنت على هذي الحال امكن سنة او سنتين فيوم جدي مرض راح بابا ودا المستشفى فبعد امكن تقريبا بعد كم يوم اتوفى جدي
فـ بابا قلنا علو وفاة جدي الله يرحمو وللاسف ماكنت فاهمة انو جدي مات فهذي كانت اسوا ايام حياتي وانا زعلان من نفسي لانو ما عرفت ابكي يوم العزى فدحين كبرت ونسيت هذي الذكريات الحلوة بس الحمدلله استرجعتها من تاني
نصيحة مني حاولو انكم ماتنسو الايام الحلوة لانها ذكرى منجد جميلة
وان شاء الله كمان ماتنسوها باذن الله
حاولو انكم ترفعو اوراق حاجات بسيطة علشان تتذكرو انا الين دحين رافعة رسايل وانا صغيرة
باي
الموضوع الأصلي :
اجمل ايام حياتي واسواها || الكاتب :
koneko || المصدر :
منتديات أنيدرا