[( لوتي فروتي )]

هايووووو للجميع

يسلمووووووو مستر ميسري على فتح النادي وعلى المواقع الي حطيتها ماعمري فكرت انو لهم مواقع ع النت


تيب بالنسبة لأسئلتك :

- متى و كيف تعرف على اول سلسة قرأها من روايات المؤسسة

كيف اتعرفت عليها ؟

اتذكر زمان لما كنت سنة سادس كنت اشوف خالو دايما يقعد يقري هدي القصص وبعدها بفترة شفت اخواتي يقرأوها

فحبيت اقلدهم وجربت اقرى وحدة من القصص وعجبتني ومن داك الوقت سرت دايما اروح عند خالو واقراها ولما خلصت الي عندو دلني على مكتبة اشتري منها

لكن للاسف سرت ما اقراها كتير من اول ماقعدت ع النت من اولى ثانوي
وكانت اول قصة قراتها حقت تختخ ولوزة >> مااعرف اسمها

وكمان الشياطين ال13 مدري 12 مدري 17 مدري 14 الي كل واحد من دولة >>> والله نسيت اسمها

الي يعرف اسمها يقولي


-

ما هي السلاسل التي قرأها و التي هو مستمر في قراءتها لحد الآن

السلاسل الي قراتها :

ملف المستقبل
رجل المستحيل
ماوراء الطبيعة
المكتب 19 ( اعداد قليلة )
زهور ( اعداد قليلة ) عشان اختي تخاصمني
مغامرات ع في 2 ( اعداد قليلة )
كوكتيل ( برضو اعداد قليلة )
فلاش ( قليلة )
سماش ( قليلة )
زووم ( قليلة )
والروايات العالمية للجيب زي الفك المفترس
وفانتازيا مدري سفاري الي فيها قصة اسمها اسطورة نهر اظن سفاري >> بعدماقريتها كرهت نفسي مرة مملة
والاعداد الخاصة ( للاسف يمكن عدد واحد ) لاني اقعد ادور في السوق واشتري اشياء اخر شي امر ع المكتبة وانا مفلسة

واكتر شي احب اقرا روايات عالمية زي بارداليان - كبيتان - صخرة الحب - عشاق فينيسيا - تريستان وايزلت - الزنبقة السوداء ( مدري احد يعرفهم ولا لا ) >> خرجت برى الموضوع
والف ليلة وليلة >> جننت بابا الين مايخليني اقراها
لكني فتتها وبابا زعل مني مرة لانو جابها ليا من مصر مدري سوريا ( انا مرة مهملة )

وقصص اجاتا كريستي >>> خرجت من السكة

- ما هي اكثر سلسلة يحبها

كنت احب ملف المستقبل لكن كانت فيه قصة اسمها المخ مدري العقل شي زي كدا لما قراتها مخي عورني راسي بينفجر من الاحداث وطرشت
وماسرت احب اقرا ملف المستقبل

رجل المستحيل احبها مرررة تعجبني تريقة ادهم ع الاعداء احب اقلدو :devilidea_1:
بس اكره شوية المبالغة فيها واحيانا المؤلف يقول كلمات عامية مايعجبني اسلوبو مرة

المكتب 19 حلوة لكن ماتتلاقى بسهولة


واكترررررررررررررررررر شي احبووووو

ماوراء الطبيعة مررررة تعجبني

الكاتب مرة ستايلو روعة ومميز عندو افكار مااخد الطريقة التقليدية انو بطل القصة واحد شاب ووسيم لا اخدها انو واحد عجوز قرب يموت وعندو مغامرات مرة حلوة مع الاشباح والوحوش وفي النهاية مدري كيف يلف الكلام ويخلي لها نهاية منطقية

فللله



- ما العدد الذي تقرأه حاليا ؟

حاليا ولا شي بسبب النت

ملف المستقبل حلو بس دحين الاعداد الي نزلت كلها تعورلي راسي ابغى الاعداد القديمة بداية مااتعرف نور على سلوى

رجل المستحيل احبو لكن الي يقهرني لما اروح المكتبة افتح اخر صفحة الاقي مكتوب ( البقية في العدد المقبل )

وانا مااقدر اكمل القصة عشان مااضمن اني اروح المكتبة تاني بطلت

ماوراء الطبيعة لحد الان احبو ونفسي تكون عندي كل الاعداد بس ماسرت اروح المكتبة الا نادرا وكمان تكون الاعداد عندو مكررة نفس الي عندي


بس خلاص احاول اتابعها في النت



اسفة اذا ازعجت احد برايي

تحياتي