[•[ !Noon ]•]

مونسون

نسيت أشكرج عالصور فديت روحه والله شكله رد يرهق نفسه

مره ثانيه هالإنسان يباله حد يضربه بجد يعني يبغي يطيح فِ المستشفى مره ثانيه مب

ناقصين الرعب النفسي اللي عشناه الصراحه قبل . . .


بالنسبه لزواج النجوم بحط كذا كومنت عليه يالله نبا ردودكم

أول مره سمعت عن البرنامج كان من عقب ما شفت الدراما مالته تبع bof جاني هوس

أعرف كل شي عنه الصراحه شفت بعض المقاطع تحمست و قلت لاااااااا

مستحيل لازم أشوفه كله و فعلن وصلت فيني لدرجة أني حملتها عالآيفون يعني أقدر

أنزل عليه مقاطع اليوتيوب و أشوفها و أنا فِ السياره فكنت كل يوم و أنا

رايحه الدوام و طالعه منه أشوفه و كنت أضحك شرات الخبله حتى قبل ما نام اشوفه


في البدايه أبدن ما تقبلت هوانغ بو لأنها كانت مب حلوه و عيوز بس

عقب كذا حلقه حبيتها حسيت لو يابوا مكانها وحده صغيره بتصير العلاقه مايعه و بعدين

ما حس بتكون فيه مشاهد ولا مواقف تفطس من الضحك سو إت وز أوكِ ,


الحلقه الأولى مت من الضحك عليه لما يقول ما توقعت أنها هاذي تطلع

يعني حسيته كان يبغي وحده صغنونه و كيوت لكن طلعت هوانغ بو وللي عرفته عن الولد أنه

يرتبك و مايكون على بعضه لما يكون مع شخص أكبر منه فِ السن !!


بس الهبله لما هي شافته حسيتها طاااارت من الفرحه و خاصه لما قالت

لوتو مالت عليها الزفته طبيعي تقول جيه العيوز أم عيون زايغه بعدين الشغله الثانيه اللي كانت

حببتني فِ شخصيته لما قال أنه يكره حركات البنات المليقه خاصه لما تقول

كلام مب منطقي ييبلي نجم من السماء صادق هالبنات عايشين فِ أحلام ورديه اصحوا بأه


اخ بس منهم إذا تكلمت فِ الموضوع هذا ما بسكت يالله نبا تفاعلكم . . . .