عرض مشاركة واحدة
قديم 10-08-2015, 11:22 PM   رقم المشاركة : 5
2DAY..4U
 
الصورة الرمزية 2DAY..4U





معلومات إضافية
  النقاط : 3226483
  الجنس: الجنس: Male
  علم الدولة: علم الدولة Egypt
  الحالة :2DAY..4U غير متصل
My SMS مَوْلاَيَ صَلِّ وَسَلِّمْ دَائِماً أَبَداً عَلَى حَبِيبِكَ خَيْرِ الْخَْلقِ كُلِّهِمِ


أوسمتي
رد: نَادِي القِراءَة .. ~

وعليكم السلام ورحمة الله وبركاته
مساء الخير
وأخيرااا وبعد طول إنتظار خرج الموضوع المنتظر إلى النور
طبعا سعيد جداااا بفكرة نادي القراءة ان شاء الله يكون فرصه طيبه تشجع الجميع على القراءة
وتزود التفاعل المثمر والبناء مابين كل رواد النادي الكرام
ويكون النادي فرصه كمان لفتح أفاق جديدة ومعرفة علوم عديده والتجول في عوالم مديده
طبعا شكرا كوفي على انها اتاحت لنا جميعا تلك الفرص العظيمة للقراءة وللتفاعل والمشاركه والتواصل والإستفادة والمتعة
فشكرا كوفي وايضا شكرا لبشوش لمن طرحت الفكره في البداية
الإقباسات في المدخل والمخرج الخاص بالموضوع انا عن نفسي طبعا من غير ماتقولي ياكوفي كنت عارف انهم من إقتباسات عباس العقاد
مش بس لانه من الكُتاب المفضلين عندي
لا كمان لانك انك مختاره إقتباسات خالده للعقاد يعني مافيش حد عندنا في مصر مايعرفش ان الكلمات دي للعقاد فعلا من اجمل ما قال العقاد عن القراءة
فأقصد انه اختياراتك كانت موفقه جداااااا وكالعاده ماشاء الله دايما
الشرط التالت في محله تماما ياريت الجميع يلتزم به
لان في احداث ونهايات في الروايات بتنحرق علينا وبتقل من متعة وتشويق القراءة فأتمنى جميعا نراعي الشرط دا

- عرَّفونا بأنفسُكم كقُرَّاء ؟! منذُ متى بدأتم بالقراءة ؟ ماهِيَ
أنواع الكتب الِّتي تقرأونها ؟!

يعني فعلا الموضوع دا يفتح النفس ويشجع على القراءة
انا من الناس اللي بتمر عليا فتره بكون بحب فيها القراءه بشكل فظيع
وشكلكم كدا هتحمسوني وتشجعوني
ولكن انا من النوع اللي بيحب نوع الكتب المتعلقه بالدين والنظريات البحثيه والعلوم والتنميه البشريه والنفسيه والطبيعه
وكنت احب اقرأ لكتاب زي مصطفى محمود و عباس العقاد ومصطفى الفقي
والشيخ متولي الشعراوي وأنيس منصور وتوفيق الحكيم وأحلا م المستغانمي
ونبيل فاروق و احمد خالد توفيق واحمد مراد
ولكن جربت اني اقرأ رويات طويله والحقيقه الامر فعلا مختلف وشيق وممتع
لدرجه فعلا انك ممكن تنام على الروايه علشان نفسك تخلصها

- ماذا تقرأون حالياً ؟!
حاليا بقرأ في في روايات مصريه للجيب
في سلسلة الرجل المستحيل العدد رقم 128 (الصحوة)
والحمد لله باقي للي كام عدد واخلص سلسة الرجل المستحيل كاملة
كمان في نفس الوقت بقرأ عدد خاص (30) وهو عدد خاص
يقدمه د. احمد خال توفيق بمناسبة مرور ثلاثين عاماٌ على صدور الروايات.. طبعا بعد انتهاء سلسلة ما وراء الطبيعه بموت بطلها رفعت إسماعيل

- ماهيَ أفضَل الكتب الِّتي قرأتموها مؤّخراً ؟!
بالإضافة إلى بعض الأعداد الممتازة اللي عجبتني جداااا في سلاسل مختلفة من روايات مصريه للجيب
في كتاب الحسين أبو الشهداء لعباس العقاد وآينشتين والنسبية لمصطفى محمود وعصفور من الشرق لتوفيق الحكيم والفيل الأزرق لاحمد مراد

ان شاء الله انا هنا معاكم اكيد
واتمنى نلاقي عدد كويس ينضم معانا ونلاقي تفاعل كبير
متابع على طول بإذن الله معاكم هنا
وتسلم اديك يا استاذه كوفي
بالتوفيق




  رد مع اقتباس