ساره قاعده تزين الصاله الداخليه و احمد يساعده و امها في المطبخ تزين حلا شوي و ينفتح الباب و طلع منه حمد و في يده كيسه راح المطبخ لامه
حمد حط الكيس على الطاوله:يمه هذي الشموع و الاشياء اللي طلبتيها
بعدين قرب للكيكه اللي على الطاوله امه قاعده تزينها بالكريمه مد صبعه:يمه تذوقيني
امه سعاد تبعد بسرعه:وخر يدك ما في ما بتذوق الحلا الحين بعدين بعدين الحين روح ساعد ساره و احمد
حمد اكره شي عندها ان حد يقول له سوي كذا او ساعد , سوا روحه فيه النوم و مصدع تثاوب و و حط يده على راسه:يووهـ يمه مدري شلون جاني النوم بروح انام
سعاد ناظرته بنص عين و سكتت بعدين ضربت ظهره:بلا دلع يا ولد و لا تفكر تكذب على امك و روح ساعدهم يالله قدامي
حمد:انزين بس بروح اغير ملابسي مو حرام هالثوب الابيض النظيف الصافي يتوسخ ..؟؟ اذا عادي عندك كل اللي بقوله يا خساره
سعاد:يالله روح بدل ولا تتنقع في الغرفه بروح الصاله بعد شوي و اذا ما شفتك في الصاله ما بذوقك من الحلا
حمد بأنصياع:انشالله
مشى لفوق غير ملابسه و نزل راح الصاله و قعد يطالعهم
حمد بغرور و تأمر يأشر على اشغلهم:وشو ذا ما اشوف شغل مرتب كل شي محيوس ... عيدوو كل شي خمس دقايق اذا ما خلصتووـآأإ مخصوم من مصروفكم الشهري مفهوم..؟؟
ساره لفت له من اول كلامه و تكلمت بإستهزاء :هلا والله فيك يا انسه حمديهَـ من زمان ما مريتي علينا .. اوووووووف اشوف شعرك كثيف عن اخر مره شفتك فيها مشالله
حمد فارت اعصابه:انتي متى تعقلين يا ربيه الحين يمر ملك (رفع يدينه و هو يدعي) يا ربي تتزوج ساره و تفكنا من شرها قريب انشالله
ساره بدلع ينرفز:وآآآآآآي ليشش تسوين صوتك خشن كذا حمديه
حمد راح مسكها من شعرها بعصبيه:وش هالقلة ادب
ساره مسكت شعره و صرخت:آآآآآآييييييييييييي يالم شيل يدك
حمد:اذا شلتي يدك عن شعري بشيل يديهالحمار وش سوى في
ساره:ا...
قاطعهم احمد:شوي شوي على حبيبتي من سمح لك تمسها
ساره و هي تأشر لـ حمد:شفت هالحمار وش سوى في حبيبتك
حمد:هي اللي رفعت ضغطي انا وش ذنبي
احمد:في هالحال لازم تمسك اعصابك و الحين لو ما تشيل يدك من شعرها ما تلوم الا نفسك
حمد شال يده من شعر ساره و سحب يد من شعره و ناظرها بنظره غضبانه
ساره تحط يدها شعرها و بدلع :شفت النذل شلون خرب تسريحة حبيبتكـ,ـ
احمد بصوت واطي بس سمع حمد:خلاص ما يصير اسوي له شي تراهو رجال
حمد:ترى اسمعك
احمد بلا اهتمام:ادري
ساره حطت يدها على خصرها بدلع:لا والله يعني ما ادري انه رجال
احمد:بس ولو ما يصير اهينه
ساره انقهرت:المهم انا بروح فوق
احمد:لا تزعلين بس انتي واثقه زود
ساره ما
عبرته و دخلت المصعد و ضغطت الحبه و خمس ثواني و ينفتح الباب راحت غرفتها اخذت لها شاور و غيرت ملابسها بعدين قعدت تناضر نفسها بالمرايه و تلعب بشعرها
\
و قسم اشتقت له بس باقي شهر و يصير لي سنه ما كلمته ولا شفته ولا دريت بحاله يا ترى هو شلونه الحين ..؟؟
و هي تتذكر اليوم اللي مضى عليه 11 شهر من مر و هو كان اخر يوم شافته فيه
احمد:انا ادري ان فراقي عنك صعب عني بس فرضاً لو تزوجتي وش راح يصير فيك و فيني ..؟؟ انتي تدرين ان فراقك علي صعب بس انا ابي اتعود
ساره و عيونها تلمع من الدموع:يعني شلون ..؟؟
احمد بألم:كل اللي بنسويه بنعيش سنه كامله بدون ما اسمع صوتك و بدون ما اشوفك ما بينا مسن ولا جوال بإختصار لا تعرفيني ولا اعرفك يعني تذكريني بقلبك بس
مسك جواله و رماه في البركه اللي جنبه:ولا تحاولين تتصلين علي , آسف بس لمصلحتك و لمصلحتي
مسك يدها و فتحها و حط فيها ورده مجففه
احمد بهمس:آسف بس أي شي لك عندي لا يمكن احتفظ فيه
احمد رفع راسه لها و ناضر عيونها:انتبهي لنفسك , انسيني . مع السلامه وعدي معك بعد 12 شهر
ابتسم لها ابتسامه حزينه و اختفى من عيونها
دموعها بعيونها و تحس انها بتنفجر تحس انها من زمان ما ابتسمت من قلب مسكت راسها و هي تحاول تمسك اعصابها نزلت دموعها و هي مغمضه بقوووووووه آآه يا احمد والله مكانتك كبيره يا ربيه متى يخلص هالشهر و اشوفه و ربي اشتقت له احس اني من بعده ولا شي
/
غمضت عيونها و مشطت شعرها و بدت تستشور شعرها لما خلصت طالعت الساعه الحين الساعه اربع العصر قامت طلعت من الغرفه و طفت اللمبات و سكرت الباب و نزلت تحت ...!؟
/
‘’
/
ردت انفال بصوت داااااااايخ:آآآلوووه
خاالد بصوت جذاب:مسا الورد حبيبتي
انفال انتبهت و جلست و هي تبتسم و تعدل شعرها كأنه يطالعها:مساا الكادي و شلونك ..؟؟
خالد ابتسم:انا بخير دامي سمعت احلى صوت في الوجود انتي اللي ما قلتي لي وشلونك و نفسيتك حياتي ..؟؟
انفال:الحمدالله
خالد تذكر بعدين تكلم و هو يبتسم ابتسامه واسعه:استلمتي الشهاده ..؟!
انفال:ايه
خالد ابتسم بحماس:وش تقديرك
انفال بحيا و فرح:امتياااااااز
خالد ابتسم:كنت متوقع منك هالشي
انفال ضحكت بنعومه
خالد:دوم هالضحكه , مبروووووووك الامتياااااااز و عقبال ما ابارك لك زواجنا
انفال اختفت من الحياااااه صار وجهها احممممممممممممر
خالد لا حظ سكوتها:ليش سكتي
انفال ردت بحيا:ولا شي
خالد:حبيبتي بكره اتجهزي على الساعه 8 الليل بمرك و صيري جاهزه
انفال همست بدلع عفوي:اوكي قلبي
خالد خق عليها:اش قلتي
انفال انتبهت للي قالته و حطت يدها على فمها:قلت اوكي
خالد:بس ..؟؟
انفال ارتبكت:أي
خالد:بلا قلتي شي
انفال:لا
خالد:ألا
انفال بأستلام:اوكي قلبي
خالد طاااااار من الوناسه:و اخيراً حن قلبك علينا و قلتي كلمه حلوه
انفال:هههههه
خالد:المهم حياتي احين اخليك ^_^ مع السلامه انتبهي لنفسك
انفال:مع السلامه ربي يحفظك
خالد اكتفى بالابتسامه
خالد سكر و هي ضمت الجوال و همست:ربي لا يحرمني منه
طالعت الساعه و شهقت الساعه اربع العصر
و محد قومني اياا الحماره ساااااارونه قلت لك قوميني و نسيتي و قامت خذت لها شاااااور ع السريع طلعت و جففت شعرها و تمشطت و رفعت شعرها بذيل حصان و نزلت بسرعه و انصدمت لما شااافت البيت معتم و الستاير مسكره نزلت من الدرج بخطوات هاديه و هي تنادي بخوف:سااااارووونه وينك , احمد يمممممه يبه وينكم
مشت شوي شوي خايفه تصقع في شي و فجأه انفتحت الانوار و شافت نفسها
واقفه قدم طاولة الطعام و الطاوله عليها كيك و اكل و الصالهـ مزينه و الطاوله كماإأن ..^^ و الكل مجتمع حول الطاوله بس في احد ناقص ناقص رفعت حاجب
ما طالعت من على جنبها و شافت ابوها و امها تجمعت الدموع بعيونها و عرفت وش سبب اللي مسوينه كل ذا عشانها ..؟؟ ياااربيهـ مني مصدقه سالت الدموع من عيونها و راحت ضمت امها بقوووووه
سعااااد ابتسمت بحنان لبنتها و ضمتها:مبرووووووك يا قلبي التخرج و عقبال ما تتخرجين من الجامعهـ
انفال ابتسمت و مسحت دموعها و ابتعدت عن امها:الله يبارك فيك ماما
بارك لها ابوها و اخوانها و ساره قطعوو الكيكه و كلووو لما صارت الساعه خمس و نص
ابو احمد:يالله شباب قوموو توضوو ما بقي شي و تصير الصلاااه عشان نروح المسجد
الشباب قااموو ما بقي غير ساره و انفال و سعاد يسولفوون مع بعض من بعد ما طلعوو الشباب قاموو يصلوون و بعدها البنات قااموو يصلوون
/
\
/