عفرآ وهي شااااقة الحلج ولاجنها تعبآنه : هلا والله بالغااااالي متى رديت من السفرر؟
وأنــآ أتطمش عليهم ..! منو هذاا بعد !!!!!
أتطالع أماية واختي أتريا تفسير !
أماية رحمتني وقالت : هلا بويه مايد .. اقرب اقرب .. سالم هذا مايد اللي عفرآ خلصت عنه حليبه !
الكل ماعدا أنا : هههههههههههههههه ..
ما تعيبني هالسوالف أخويه بالرضـاعة واختي بالرضااعة ..! أتغصص أنقهههر !
واشويه والا دخلوا القوم أخواني الـأعزاء .. بعرفكم عليهم وااحد وااحد .. بنيــات ان عيبكم وااحد منهم خبروني امرره بالباجر نحن عند باب بيتكم ..!
أحمــد أصغر عني وأصغر عن حصة .. عمره 24 سنة . يشتغل ف الشرطة .. هادي ودوومه سـاكت وان رمس أوووه يسكت الكل ..! طويل وحنطـآوي ..
جــاسم هو عقب مايد .. عمره 19 سنة .. يدرس فجــامعة الشــآرجة .. طب أسنــآن .. ~> زلمة أخويه خخخخ .. شـاطر .. أبيضــاني ~> يوم أقولكم زلمة خخخخ .. مسولفجي ..
سعيد آآآآآآخر العنقود عمره 16 سنة .. أونه علمي ..! مادريبه يذاكر والا ..! دوم يوم نسير لهم أشوفه مجابل البلاي ستيشن ! ساعات أقول بشل هالسيقاا وبعقه فالزبااالة .. هذا الله يسلمكم شبيهي .. فرفوش وحشررررررة !
دخلوا وسلموا ..
وطبعا عفروه عدلت يلستها ووقايتها والا باكلهاا ..
أحــمد وجـآسم : سلامات بنت العم ..
سعيــد فـآج حلجـه متشقق : سلااااامااااااااات خطيبتيـــه .. شو يااااااج ؟ أكيد هذا مشغلنج بشكآرة عنده !
ه هههههههههه كلنـآ ضحكنــآ ,, وأنا أوني عاده أضحك ! ما عليك براويك !
بصرآحة فالبدآية ما حبيت ييتهم ! بس عقب يوم شفت عفـآري مستـآنسة استـآنست .. وعرفت إنهـآ شــرات عمي يحبون اليمعه ! ويرتـاحون يوم يتيمعون ويا أعز النـآس ع قلوبهم ! ..
تذكرتهــا يوم تترجـاني من شهر ..
عفرآ : دخيييييلك ساالم بنعزمهم بس قوم أمك وحصـة ..
سالم بكل جدية : قلت لج لا ..! لشن عزمهم ع خيبتنـــآ ! تبينهم يشوفونـآ كيف عايشين يعني ..!
ومنعتهـآ وكلما رمست عن العزيمة واليمعة أحشرهــآ .. لين فقدت الأمـــل !
قطع عليّه حبل أفكـآري .. سعيد وهو يقولي : يلا نحن بنسيــر دير بالك ع خطيبتيــه وجان مآ تبآ أنــآ بيلس عندهآ وطزز فالمدرسة ..
عفرآ : ههههههههههههه هيه قول جذه .. هب حبا فيني ..! ماعليه يآ بو عسكور ..
أحمد : بسكم هذرة يلا بنخليكم الحينه .. أجر وعافية بنت العم ..
سلموا وظهروا ..
تميــنــآ أنــآ وهي روآحنــآ ..!
سرت ويلست حذآلهــآ .. ابتسمت لهآ وردت لي الابتســامة استآنست المزااج عاااااااال العاال عيل برمسهـآ .. : عفــآري ..
عفرآ : امم هلا ..
ســالم : ليش تبين تسيرين بيت أبوي؟
عفرآ : أبــآ أغيّر جو ! لــآعت جبدي يــآ ســألم ..
سكت .. يالله شكلها بتشن هجوم عليّه ان نطقت بحرف !
عقب قلت لهـآ : انزين فكري عدل محتاينج فالبيت أنــآ ..! مــآ أصبر عنج ..
بطلـت عيونها منصدمـة وتلعثمت وماعرفت شو تقول وأخيرا قالت : اممم انزين بس كمن يوم لين ملجة ربيعة حصوه بحضرها وبرد البيت أوكي ؟
اممم أبـآ آخذ فترة نقآهــة ..!
قلتلها ومن غير تفكيير : ليييييييش حبيبي ؟؟
اتطالعتني منصدمة جنها تقول هذا مريض ؟ شو ؟ خخخ
غمضت عيونها وقالت : ساالم لو سمحت بتم بسسسس هالأيـآم لين ملجة اربيعة حصوه وبرد الشقة وبلعوزك ومابخليك في حاالك .. ها شو قلت ؟
ابتسمت ع كلامهـآ وقلت : انزيين فدييتج .. بسير بييب لج شي تآكلينه ! مـآ يمدحون أكل المستشفيــات ..
ابتسمت لي .. وصلت عند البـآب .. صديت جداهـآ شفتهــآ تتأملني ويوم عرفت اني جكيتهـآ صدت الصوب الثآني أونهـآ عاده تطالع السقف خخخخخ .. حركات حبيبتي .. قلت لها : وعلى فكــرة ! أنـآ اللي بعسكر فبيت أبويه وبلعوزج .. هههه ظهرت وخليتهاا منصدمة .. وحليلهاا بنت عمي ..