[شيـخـة الغـيـد]

اول شي لازم اوجه شكري الى مشرفتنا العسل لودتي لأتاحتها هالفرصة لنا >>مدري لييش حسيتني رسمية
وانشاء الله نكون قدها ................وطبعا لازم ما ننسى الدبة الجميلة سولي اللي اعطتنا هالفكرة الجوهنمية وخلتنا نطلق العنان لمخيلتنا ( معليش متحمسة)
>> معليش السموحة منكم مقدمة زي وجهي أدري





انا عاد ياحلويين اعتبر اعضاء SS501 اخوان وبيست فرند فقط باستثناء كيمو طبعا
بس المشكلة انه جانغ مين كان يعتبرني اكثر من صديقه تقدرون تقولون حبه الاول يعني احم احم .. وهذا طبعا سبب لي مشاكل كثير مع كيمو بعدين

~ البارت الاول~

بسم الله الحين نبدا قصتي ( قصة حبي الاول) >> برا
الشخصيات في القصة :

كيمو >> وهل يخفى القمر

جانغ مين

واكيد انا طبعا بيكون اسمي شوشو ياعمري ادلع نفسي

نبدا ...التقينا انا وكيمو في السوبر ماركت اللي بحارتهم طبعا هو راح يشتري رامن و بعض السوجو>> والعياذ بالله
وانا يا حبيلي رحت اشتري رز ابو كاس تدرون اهلنا مايستغنون عن الكبسة المهم ولا عربتي تصقع كيمو بالغلط ولايلتفت علي كيمو بوجهه الجميل الغضبان >>يمديكم على الوصف ويقول
كيمو : عمى ماتشوفين الطريق
أنا : : عمى يعميك وشلون اقدر اشوفه من طولك يااخي
كيمو : لا ياشيخة وتنكتين بعد

أنا عاد وصلت معي وسفهته وكملت طريقي وكيمو راح بالاتجاه المعاكس وبعدها صارت الصدفة الثانية التقينا مرة ثانية عند مكان المحاسبة ( وكأن القدر قد رسم لنا خطى الطريق لنلتقي)>> جو الروايات مأثر
طبعا كل واحد صد عن الثاني بس كان فيه شي غريب كل ماكنت اصد وجهي عن كيمو احسه قاعد يناظرني والعكس صحيح كل ماهو يصد عني اتأمل في ملامحه الجميلة
تقدرون تقولون حب صامت ومن النظرة الاولى >> ياولد خربتها
المهم وكل واحد يروح بطريقه .

وفي يوم من الايام دق علي جانغ مين
اللحين بتسألوني وش دخل جانغ مين بالقصة أنا اقولكم
هذا الله يسلمكم أنا وجانغ مين درسنا بنفس المدرسة
يعني هو كان بسنة التخرج يوم انا كنت توني متسجلة بالسنة الاولى ( كأني كبرت عمري شوي) وجانغ مين كان بالنسبة لي سنباي نيم فقط لانه كان دايم يساعدني ويوقف معي >> ابد مادخلت جو فتيان قبل الزهور
بس هو كان يعتبرني حبه الاول وانا ماكنت ابيه يتعلق فيني اكثر فخليت العلاقة بيننا سطحية
والصدفة الغريبة انه كيمو يصير صديق جانغمين من الطفولة و كيمو كان يعيش في مدينة اخرى وقرر انه يجي الى سيؤول عشان يحقق حلمه انه يصير مغني
المهم نرجع لسالفة يوم دق علي جانغ مين طبعا هذا الكلام عقب ماتخرجنا من الجامعة وصارت لكل واحد وظيفته

جانغ مين : آلو شوشو
أنا : اهليين سنباي اخبارك
جانغ مين : تمام والله شوشو وش رايك نتقابل بكرة بالكوفي شوب اللي جنب بيتكم ابعرفك على صديقي وهو فنان وبحكم انك تشتغلين بالمجال الفني يمكن تساعدينه يتعاقد مع شركتكم .
أنا : طيب مافيه مشكلة من عيوني>> كف
جانغ مين : تسلم لي عيونك أنيونغ .. ( ذابت الاخت )
فاصل .. طبعا بتتسائلون وش وضع وظيفتي
انا وظيفتي يا حلويين انتاج الاغاني واستكشاف المواهب الغنائية عشان بعدين تتبناهم الشركة >> وظيفة كوووول صح
وجاء بكرة ورحت على الكوفي شوب انتظر الجماعة وقعدت اشرب كوفي ورا كوفي>>تراه كوفي مهوب شي ثاني
والاخوان الى اللحين مابعد شرفو
واخيرا لمحت من بعيد جانغ مين سانباي بإبتسامته المعهودة
على فكرة ترانا ماشفنا بعض من أيام التخرج المهم جاء وعطاني hug دافئة >>البنت انحرفت

وسألته وين صاحبك اللي قلت لي عنه قال وهو يجلس على الكرسي : راح يجيب قيتاره من السيارة

اتخيل اللحين فيس وحدة منكم طالعة لي مع الشاشة وتقول وش دخل القيتار بالسالفة يا مال الوشسمه فطولو بالكم علي ياحلوين وأسمعو التفسير الخونفشاري
في الحقيقة والواقع وبحكم اني منتجة في المجال الفني >>احم احم
فلازم قبل لا اشتغل مع اي احد اسمع موهبته أول وبعدين احكم أذا اتعاقد معه ولا لا... كشخة هع نرجع للحوار

رديت عليه بعصبية : ياأخي صاحبك هذا مايدري انه هذي مقابلة عمل ولازم يحترم المواعيد اللحين انا معطلة أشغالي وجاية و....
فجأة قاطعني جانغ مين: هذا هو وصل
التفت عشان أشوف هالادامي *$^#%@ وكانت المفاجأة اكييد عرفتوها >> احلفي عاد

شفت كيمو الانسان اللي رفع ضغطي بالسوبر ماركت وبغيت اتهور فيه هذاك اليوم لولا ان الله ستر.
عاد لاشعوريا قلت: هييه أنت , وش تبي انت ووجهك
كيمو: أقول لاتنافخين أنتي اللي وش تبين ملاحقتني في كل مكان
جانغ مين : ياجماعة استهدو بالله ياكيمو هذي الأستاذة شوشو اللي حكيت لك عنها
وأنتي ياشوشو هذا المغني اللي يبي يتعاقد مع شركتكم

...... ناظرنا انا وكيمو بعض بنظرات مصدومة خالية من التعابير
وقلنا بنفس اللحظة بصوت فجر شبابيك المحل : آندييييييييييه >>يعني مستحيل لغير الناطقين بالكورية

الباقي بنكمله بالحلقة القادمة