فحصة العلوم أمس صارت ضرابة بيني و بين وحدة أول شي كنت أملي ربيعتي سبيلينج كلمة
بعدين
هي : خفصي صوتج .
أنا : أعتقد أني كنت قاعدة أكلم ربيعتي ما كلمتج .
هي : جب يا الخايسة يا الحيوانة
أنا : محد غيرج ترآ لو ما سكتي بعطيج كف .
هي : يربي ، جوفي شكلج .
أنا : شوفيه شكلي ؟ أحلى عن شكلج .
بعدين يوم جيت أبى أكلم الأبلة
أنا : أبلة جوفي ترآ يا هي برا الصف يا أنا بطلع .
المس : ( تطالعني بنص عين )
أنا : أوكي أوكي
<< طراااااخ ( طلعت و سكرت الباب بقوة و ما سويت حق الأبلة و لا حق البنات سالفة )
يعني ما أستأذنت من الأبلة أني أبى أطلع فبعدين سرت عند الأدارة و خبرتهم بالسالفة
لأن هذي البنت مصختها من أول السنة و هي معاملتها زفته وياي و دوم تنتضارب و ما أعرف شتبى بالظبط ؟ فخلاص كنت واصلة حدي و هي خلتني أنفجر بعدين يوم رحت للصف الأبلة قالت لي وين كنتي ؟ سويتلها طاف و قعدت مكاني و فالفسحة يت عندي هذيج إلي تضاربت وياها تبى تعتذر و البنات حاولو وياي بس أنا ما أبى أكلمها بعدين قالو البنات تخيلي لو ماتت بعدين بيأنبج ضميرج قلت تموت أنا شدخلني ؟ بعدين أنا ما سويت شي عشان يأنبني ضميري أنا بنت فحالي ما أحب أتضاربب و لا أسوي مشاكل بس المشكلة يوم ياخذون علي ويه يمصخونها و ما ينفع وياهم إلا العين الحمرة
أصلا هاي البنت أكتشفت أنها تغار مني لأن كل شي أسوي تحاول تخربه أو تنسبه حق نفسها و و في وايد أشياء لاحظتها بعد