أحلى شيء ممكن تسويه بهالوقت.. إنك تطلع من البيت، بآخر الليل، خاصة الشوارع فاضية ومافيه زحمة !
وتروح البنك ..
فقط عشان تودع مبلغ الدفع الشهري لاستضافة المنتدى ... ^^
مؤخراً، صرت اعتبر انجاز كل مرة تتم عملية الدفع بنجاح وسلاسة ...
حمد لله!
طبعاً، أشكر اخويه KAITO KED على دفعه للاستضافة عن الشهر السابق، احس كانها العيدية اللي حصلتها من ربيعي، بينما بالبيت مقطوعة عنا على اساس اننا كبرنا ...
يالله حمد لله ...
يالله .. صار الحين شهر كامل من آخر نسخة احتياطية للمنتدى ...
عن جد، هالفترة كنت منشغل جداً بالتنقل بين امارات الدولة .. ومشاوير يومية بالبيت ...
اشتقت بصراحة لأيام الجامعة .. ليتها تعود .. ^^" ..
تدرون و ش العجيب ...
لما اكون بفترة دوام وجامعة ... احصل وقت اطول وافضل للعمل على المنتدى ..
بينما لما اكون بالاجازة، أحس تطلع عندي مشاغل كثير لدرجة ما افتح المنتدى حتى .. !
يباله ترتيب الموضوع ...
المهم، كنت غالق المنتدى كم ساعة من اجل عمل نسخة احتياطية له ... صحيح انه مشترك بخدمة من اجل عمل نسخ احتياطي للمنتدى بشكل يومي تلقائياً ... لكن، مع هذا .. احسن شيء اخلي نسخة خاصة وتكون معي على كمبيوتري .. افضل بكثير يعني...
خلصت النسخ .. لكن، أول ما اشغل المنتدى، ترتفع معدلات التحميل على السيرفر بشكل مفاجئ ...
خاصةً، لما اشغل المنتدى للزوار .. لهذا السبب، كان المنتدى مغلق عن الزوار لمدة ساعة
لين انحلت المشكلة ورجع كل شيء بشكل طبيعي ...
احلى ما بالموضوع، انك تطالع مجموعة ارقام بخلفية سوداء وتتسائل ليش الرقم يطلع فجاة دون مبرر ( يعرفها اللي تابع مواضيعي السابقة بالمنتدى ) ..
احياناً .. اشوف اعضاء لأول مرة بالمنتدى ...
واتفاجئ اكثر، لما اشوف عدد مشاركاته فوق 6000 مشاركة ...
اقول بخاطري ... معقولة فيه اعضاء كثيرين لدرجة ما اعرف اشخاص مثل هذيلاً ... !؟
عن جد متفاجئ اليوم من هالنقطة ...
الله يزيد ويبارك ...
بس تدرون ... من جهة ثانية .. فيه اعضاء والله مشاركاتهم يمكن ما تزيد عن 200 مشاركة .. لكن، لهم بصمتهم بشكل كبير جدا سواء بالمنتدى او حتى بحياتي الشخصية .. وممكن اعتبرهم من الأشخاص المميزين هنا ...
لذلك، فالتميز ليس فقط بعدد المشاركات .. بلـ بقيمة هذه المشاركات ...
بصراحة، اعتبره انجاز بحياتي ... لأنه عادة، كنت استمر بالمنتديات الى ألف مشاركة وان كثرت الى الفين ...
لكن واخيراً، اشوف 6000 مشاركة ... وربي عز ...
بس تدرون ... لما اشوف شخص أمامي، وموصل الى 50,000 مشاركة ... احس واعرف، انه في هذا المنتدى، ناس مو بس يحبون انيدرا .. الا يعشقونه ويحبونه بقوة ...
وانا فخور بتواجد أشخاص مثل هؤلاء .. نضعهم دوماً وأبداً في قائمة أفضل الناس في هذا العالم ...
حفظهم الله لنا في انيدرا ... ^^