اليوم الساعه 3 الفجر
دخلت المطبخ شفت شي ينور في الارض
انفجعت قلت لايكون قنبله لانه خراج من الارض
رحت ناديت جوليان حتى هي افجعت
لمى قربنا من النور طلع التماس بس يمه خارج من الارض
وجلست جوليان تخوفني تقول الاتماس يسوي حريق
دقت على جوال ماما بس كان سايلنت وما ردت
عاد انا استنيت بابا لين قام
حرام والله فجعته عينه كانت مقفله
:بابا في شرارة طالعه من الارض
حسيته صحصح وعينه انفتحت بقوه من الفجعه
جلس يدور مصدر الشراره لين أذن
بعدين فصل الفي حق الفرن راحت الشراره
ارتحت الحمد الله لان قبلها بكم يوم طاحت الشوكه من ماما ع الارض
شالتها انضربت ماس
بس الحمد الله الله ستر على ماما كانت تطبخ ع الفرن الحمد الله ماصابها شي
واخذت تهزيئه محترمه من ماما مره ثانيه تشوفين كذا تعالي صحيني مو تدقين ع الجوال
ولا فوق من كذا لقينا الدولاب محروق
الله لايعيده من يوم من جد ماكان حلو من بدايته
لان خالتي وبنت خالتي تضاربو
الى الان مو مستوعبه انهم تضاربو من جد
انصدمت من وقاحة بعض الناس الي تتريق ع اعصار ساندي
مهما كانت الديانات الواحد لايجلس يستهزء الحين صار عندنا انفجار
يعني يكفي استهزاء بالغير عشان الله لايبتلينا
والله يرحم الي ماتو بالانفجار ويسكنهم جنات النعيم ويصبر اهلهم
ويشفي المرضى ويرجعهم لاهلهم وان شاء الله تكون آرخر المصائب
ويكفي استهزاء