My~ M e m o r i e s

[mystery_m]

اليــوم : الأربعا
التاريخ:2_9_2009
الساعة :3:14 am

المود :متضايقة

عشان انا مضايقة يا يومياتي العزيزة قلت بحطلج خاطره كاتبتنها من زمان

بس يا دنيا والله تعبنا

يكفي جروح يكفي آلام

ما يمر يوم الا وزعلنا

كل يوم عتاب وتجريح وملام

بس يا دنيا والله زهقنا

نعاني من غدرالأصحاب

نعاني من بعد الأحباب

قفلت في وجوهنا كل الأبواب

وصارت الحياة كلها اكتئاب

بس يا دنيا والله ملينا

ملينا ضلم


ملينا زعل


ملينا جروح

بس يادنيا ارحمينا

ليت الحزن يروح

ليتني اقدر ابوح


تكفيني جروح الروح

يكفي يادنيا والله قرفنا


قرفنا من عيشة البشر

ناس طبعهم الغدر


قلوبهم اقسى من الحجر


ااه ياويلي من ضلم البشر


بس يكفي يا دنيا تعبنا

=(

[F.T]

ابا اسير السينما ابا اطالع فلم Drag me to hell قبل لا يخلص عرضه بس منو بيسير وياايه الفلم رعب واخاف هههههههه وبعدين هاييج الفلبينه ما تخليني ادش فلم رعب خايفه ع مشاعري الشيخه حافظه شكلي من كثر ما اروح لهسينما كله تقولي اندر 18 مادري شو خصها الا تباني اتضارب ويااها بس اخر شي ادش هااااع >>الحين شو ياب سالفة السينما وهاي مالت التكت

هههههه هاي الفلبينه دايما في ويهج ،، آآخ منها ،، تمينا انرمسها واااايد>>> بس آخر شي خذتلج بطاقه مالت فلم غير الرعب وعقبها دخلتج ويانا الرعب لا شيء مستحيل وياياه هع هع


اليـــــــــــــــــــــــــــــــــــــــــــــــ ــــــوم 6\8
رديت من الكليه الساعه 4
لقيت مريوم يالسه حزينه على الكنبه في الصاله ،، وكشتها نااطره ،، والحوااايب متقرفصه ولابتوووبي عندها<< هذا اللي يخلي شي عندج >>

هاكله عشان بدت في مشروووع ترجمة ،، بس انصدمت عقب ماخلصت ان المسلسل حد نزله قبل هي ماتنزله بكم من ساعه

مسكيييييييييييييينه خيتو

[mystery_m]

هههههه هاي الفلبينه دايما في ويهج ،، آآخ منها ،، تمينا انرمسها واااايد>>> بس آخر شي خذتلج بطاقه مالت فلم غير الرعب وعقبها دخلتج ويانا الرعب لا شيء مستحيل وياياه هع هع

ههههههه ,, هالانساانة مادري ليش كارهتني ,,ما تبا ادخلني بكل الطرق ولا بعد يابتلي المدير و المدير ما عنده خلاف الا هي معانده وانا اعند عنها لو بس ماكان الفلم على وشك انه يبدأ كنت طفشتها وخليتها تلعن اليوم الي اشتغلت فييه في هالسينما هههههههههه>>لا حرام ,, بس نجت من شري هااااع ,,خليها تسويها مره ثانيه انا براويها أنا محد يقولي لاااااااء هع

اليـــــــــــــــــــــــــــــــــــــــــــــــ ـــــوم 6\8
رديت من الكليه الساعه 4
لقيت مريوم يالسه حزينه على الكنبه في الصاله ،، وكشتها نااطره ،، والحوااايب متقرفصه ولابتوووبي عندها<< هذا اللي يخلي شي عندج >>

هاكله عشان بدت في مشروووع ترجمة ،، بس انصدمت عقب ماخلصت ان المسلسل حد نزله قبل هي ماتنزله بكم من ساعه
مسكيييييييييييييينه خيتو

يييه ذكرتيني والله انها سالفه تقهر ,,اسميني اتضيجت و امسحت كل الي سويته يلا معلش ههههه ما يسوى عليه

[mystery_m]

اهلا يا يومياتي العزيزة

اليوم :الثلاثا
التاريخ:8_9_2008


اليوم متعب جداً رحت المـــول ودخلت محل محل ما عيبني شي غير الــshoes
اشتريتلي كم من شوووز



وايد احب الشوزاات


اففف بس نحاااسه دورت لي سوع ما لفيت ولا ساااعه حللوه

واستوالي موقف محررررررج بسبب ولد اخووووي الي ما يخلي حد الا يطنز علييييييييه ههههههه

شااف حاطه وااااايد بلشر وما دري شوو مسويه ابعمرها
المهم شافها امبارك جان يقووول وبصوت عالي جدام الجمع الغفير >>بسم الله هههاي طاعوا هااااااي شوو مسويه ابعمرهاااا امييييييه خوفتينا وهي اطالعه بنظره وانا ماسكه ضحكتي و قلتلها السموحه منج الشيخة ما عليه اعذرييه يااهل

سحبت بروك ورحنا مكان ثاني

انا :بروووووووووووووووووك
مبارك: هااااااااااااااااا
انا: اشحقه تقوولها جيي هاااا ؟
مبارك:هههههااااي زيغتني والله انها زيغتني ما شفتيها شو امسويه ابعمرها >>يالس يطنز ويضحك
انا: وانت اشووه تباها فضختنا جدام النااااااس برايها اتزيغ لعمرها
مبارك: ههههههههههه
انا :الحين بوديك عند امك لا تي وياايه مره ثانية ما تخلي حد ابحااله انته

ها الولد من يسير امكان و يشوف شي مب عايبنه ما يخلي شي افخاطره يقوول الي يباه وما عليه من حد >>الله يستر وهو صغير جيي مادري شو بيسوي يوم يكبر



هاي صورته الي منسدح عدال اخووه

[mystery_m]

اليوم يا يومياتي العزيزة حبيت انزل قصيدة امم ما تعتبر قصيده لانها مب موزونة بما فيه الكافية هع

لــي عــزة نــفس مــاتــرضـى بــسواة الــردية
ولا اخـــاوي اهــل الــغدر يــلــي اغــدروبــي
وابــعد عـــن ســود الــنوايا والـناس الــرديـه
خســوا ذول الــي حــاولــوا تــدنيس ثــوبـي
وخســوا انــي بكــلامـهـم اكــون ضـــحيــه
نـــعالــي اشـــرف مــنهـم ولــو مــادروربي
يــا نـفس يــلي تسـولف بالهرج الكذوبــي
تـوبي لله وتــوبي مــن ضـلم الناس البريـه
ما يـغــير الـهرج ضحــكة الويــهه الـرحـوبي
مهــمـا حـــاولــوا ذولــا الـناس العــصــيــه
يــا كــثر مــن مـدحنـي ومــن بـين عيوبـي
وتــرا اكــبر عــيوبــي انــي بــنتٍ قــويـــه
اتحــدى مــن تحداني ولا ارضى بالغلوبـي
ومــا يــنزل راســي دام الــروح بــي حــيه

,,و سلامتكم