كيف الأعضاء الغالين؟ ان شاء الله تمام؟ اليوم سويت درس سريع سريع عن الجيفات لأنها عقدتني وعقدت العالم ,, كل ما حملت برنامج عشانها ما يضبط لين طحت بهالطريقة والى الآن الحمد لله ماشي الوضع تمام التماام^^
الموضوع اهداء للغلا اللي طلبته
في البداية حبيت أنوه على كم نقطه:
*يمكن في أحد سبق ونزل موضوع مشابه,, بس أنا هنا اعتمدت الطريقة اللي أستخدمها وحاولت أشرح وأوصل الفكرة قدر الامكان^^
*برنامج الفوتوشوب اللي ينفع هو النسخة 7 أو 8 (طبع مالنا دخل في الفوتوشوب نفسه, اللي يهمنا هو الايميج ريدي),, النسخ الثانية حاولت أطبق عليها الطريقة بس ماعرفت ( لأن الايميج ريدي مدموج في نفس الفوتوشوب) سوو؛ اللي يعرف كيف يسوي الجيفات بالنسخ الثانية يا ليت لو يفيدنا
*أنا بشرح على قد فهمي,, اذا فيه أخطاء ياليت أحد ينبهني^^ (أول مرة أشرح)
بسم الله نبدأ:
أولا: نفتح الفيديو اللي نبي ناخذ الجيفات منه عن طريق برنامج KMplayer ونضغط Ctrl+G فتطلع لنا هذي النافذه>>
ثانيا: نضع نفس الاعدادات الموجوده بالصورة 1-مكان الحفظ.. ونلاحظ انه يحفظها كــ كابسات ( لازم كل جيف نحفظه في مجلد لحاله عشان ما يتداخلون)
2- اللي فهمته انو اذا قللت الرقم صار الجيف بطيء واذا زدت الرقم يصير أسرع.. مثل كذا:
هنا حطيت القيمه 1>>
وهنا حطيت 3 >>
فلو تلاحظون الأول أبطأ من الثاني ^^
3- هنا نحدد وقت الجيف,, نحاول ما نزيد عن 20 ثانية مراعاة للحجم
4- نحدد ابعاد الجيف ,, اختاروا اللي يناسبكم^^
ثالثا: بعد ما خلصنا من الاعدادات نحدد المقطع المطلوب من الفيديو ونشغله ونضغط ( بداية) من النافذة السابقة.. لو رحنا للمجلد اللي حفظنا فيه بنلقاه زي كذا>>
رابعا: نروح لم الايميج ريدي: File>import بالعربي: (ملف> استيراد)
ونختار المجلد اللي حفظنا فيه الكابسات,, بيقوم الايميج ريدي ويجمع الصور فتصير جيف
نحفظه عن طريق: File> Save Optimized As بالعربي: (ملف> حفظ المحسن باسم)
( في حالة ما تفعل الخيار السابق نختار update HTML وبدون ما نسوي شي نختار Cancle ونرجع للقائمة بنلقا Save Optimized As متفعل أدري حركة غبية بس سويتها وضبطت )
وبكذا انتهينا
شغلوه وبيطلع تماام
غومين على حوسة الموضوع سويته على وجه السرعه
أنتظر تطبيقاتكم .. واللي بيطبق أكيد له تقييم وأنا حاضرة لأي استفسار