عسى كيجي ما اطلعت توني مخلصه القصه
ظلاااااااااااااااام حالك كي جي بزاوية الغرفه تصيح<< فلم هندي
بالعاده كيجي ما تحب النور لما تكون زعلانه و تمت تصيح و تصيح و تصيح و تصيح<< فهمتوا انها تصيح؟
---
نرجع يوم ورا<< الله !!
كيجي سافرت اليابان في رحلة عمل بدال ابوها بما انها نائبته<< يا سلام بزنس وومن يا حليلها
ابوها باختصار مدير شركة انتاج ضخمة في الوطن العربي بكبره << ما شاء الله لا تحسدونه
كان يبي يسوي فلم خليجي عن فنون الكاراتيه حاول مني مناك اييب ممثلين صينين بس راسه عوره من حجيهم ما اعجبه
جان تنقز له كيجي تقول انا بشوف لك ممثل ياباني كومبارس مب لازم مشهور<< طبعا هي في بالها خطه على ميييين ممثل كومبارس
ابوها مسكين صدقها و خلاها تروح
كيجي من فرحتها سيده اتصلت بأعز صديقاتها فلانه<< اي مو انا اللي كاتبتها لازم اكون فيها ههههه
كيجي: فلانوه فلانوه فلانوه
فلانه: هاه هاه هاه << ما شاء الله عالاخلاق
كيجي: برزي اغراضج
فلانه: هاه شنو منو؟
كيجي: بنروح اليابان باجر الساعه 5 الفجر بامر عليج يللا مع السلامه
و جان صكرته في ويه فلانه و ما خلت لها فرصه تفهم شسالفه
كيجي في غمضة عين شنطتها برزت<< اصلا من اعلن ابوها انتاج هالفلم و هي في راسها الخطه و مبرزه الشنطه
اليوم الثاني الفير
فلانه راقده في العسل غاطسه في الفراش البارد متدفيه و تحلم بكوياما << لازم تدخله بالقصه
الحلم
فلانه تزف كوياما على كلمة اخوان<< للحين في قلبها
فلانه تسوي روحها رقيقه تصيح برقه: حرام عليك شسويت فيني خليتهم يتشمتون فيني
كوياما قلبه متقطع<< تحلم الاخت
كوياما: انا ما كان قصدي... بس هم كانوا كلهم بالغرفه و انا...
فلانه تطالعها بنظرة أمل شنو بيقول
كوياما: انا كنت....
للحين تتأمل
كوياما: كنت مستحي اقولها جدامهم
يتصدد عن فلانه ما يشوفها<< يعني مستحي
اما هي قوية العين تبحلق فيه
كوياما: انا اح....
"فلانووووووووووووووووووووووووووووووه قومي حسبي الله عليج بنتأخر قومي بسج رقاد يللااااااااااا" صراخ كيجي
قامت فلانه مصروعه و منقهره انقطع الحلم
طالعت كيجي بطرف عينها بعصبيه و عيونها شوي تشب نار
فلانه: كيجي الله ياخذ ابليسج قولي امين
كيجي: امييييين بس الحين مافي وقت قومي قومي اشوف
فلانه: مابي اروح معاج زين<< يعني تناحسها
كيجي: عيل احسن ريحتيني
فلانه تغطت بالفراش على امل يتكمل الحلم عقب فكرت شوي و جان تنقز من السرير
فلانه: كيجي تعالي تعالي بروح خلاص
كيجي ترد لها : انا قايله يللا بسرعه بدلي ثيابج شنطتج حطيناها بالسياره
و مثل البرق بدلت فلانه
في اليابان
كيجي: و اخييييييرا وصلنا
فلانه: كيجي تعالي ما قلتي لي احنا ليش اهني؟
كيجي: يللا بدون كلام اركبي التاكسي
كيجي لراعي التاكسي: لو سمحت روح مبنى جوني<< ما تنطر سيده
فلانه تطالعها بعيون متوسعه من الصدمه
فلانه: ك...كيجي من صجج و لا تسوين فيني مقلب؟
كيجي: يعني ليش بسوي فيج مقلب يللا بابا روح مبنى جوني<< الاخت عبالها دريول هندي
فلانه قلبها بيوقف من الوناسه
يوم وصلوا مبنى جوني
دخلوا مسوين روحهم شايفين خير و اهم اصلا في داخلهم متخرعيين و قلوبهم ترقع مليون
راحت كيجي سيده عند جوني<< الله جوني مره وجده
كيجي: شوف جوني احنا يايين من طرف شركة انتاج كبيره في الوطن العربي
جوني مسوي روحه مهتم: اها انزين؟
كيجي: بغينا واحد من عيالك
جوني: عيالي؟
كيجي: يعني حد من شركتك
جوني: ليش؟
كيجي: عندنا فلم عن الكاراتيه و بغينا ممثل من عندكم
جوني: عندكم حد في راسكم يعني
فلانه: اي كوياما
طالعتها كيجي بطرف عينها تهددها
كيجي: ما عليك منها بغينا تومويا لو ما عليك امر<< دريول مب ممثل
جوني: من عيني<< على كيفه تومويا ماله راي
كيجي: لو ممكن نقابله الحين<< مسويه روحها رزه
جوني: الحين ادق عليه
اول ما طلع جوني جان تطلع الخرعه كيجي ما عرفت تقعد ساكنه في مكانها و تتعدل و تطلع المنظره و تخز نفسها و تعدلت و اصطلبت و جان يدخل تومويا<< ما شاء الله سريع << عشان نكون منطقيين تومويا كان في المبنى اصلا
فلانه نفسها وقف و كيجي للحين مقاومه مسويه روحها شايفه خير
تومويا: دومو
كيجي: دومو
تومويا: سمعت انكم طالبيني
كيجي: بغيناك تمثل في فلم عندنا
تومويا: كلموا مدير اعمالي بهالشي<< يعني انت مالك راي؟
كيجي: انت شرايك؟
تومويا: اشوف النص و اقرر بعدين...
قبل لا يكمل كلامه جان تطلع له كيجي النص بسرعه
فلانه للحين منكتم نفسها مب عارفه شتقول
تومويا يطالع النص: اممم اهااا اممم اوووه ااهااا اممم << يقرا
رفع راسه تومويا جان يقول: موافق
كيجي ميوده نفسها لا تصرخ: اتفقنا؟
تومويا: اتفقنا<< ما شاء الله بسرعه اتفقوا
جان يطالع تومويا فلانه
تومويا: الانسه بخير؟<< تخرع من شكلها مكتمه
فلانه: هاه من؟ انا؟<< صحت من دوامة الصدمه
تومويا يبتسم : اي انتي
فلانه "يعني استحت": ههههههه اي بخير
كيجي تطالعها بحقد
و لما طلعوا من مبنى جوني
كيجي: فلانوه وخري عن تومويا
فلانه مستغربه: شسويت؟
كيجي: اشوفج تبين تعلقينه لاااااااا انا لازم اشوف لج حل لازم اخليج تشوفين كوياما عشان ما يطير تومويا مني<< حق المصلحه
فلانه: و الله ؟؟ صج؟؟
كيجي: اي تعالي نرد لجوني
فلانه: لا باجر مب لازم اليوم فشيله
كيجي:ويييييييه لين باجر ما يندرى شيصير ما اوعى الا انتي خاطفه تومويا
فلانه يعني عصبت: شجايفتني خطافة الرجاله ؟؟
كيجي: لا و الله شكله هو اللي عينه زاغت
فلانه: شاسوي اذا خلقني جميله<< طبعا كيجي زين ما افلعتها باقرب حصاة
كيجي تسحبها من يدها و تدخلها المبنى مره ثانيه: تعااالي بس بدون كلام زايد
فلانه انكتم نفسها فجأه
فلانه: اسمع....اسمع ...
كيجي: شتسمعين المكان مافيه ولا حس
فلانه: ركزي ركزي بتسمعين<< مب اذن
كيجي تحاول تسمع: لا تجذبين مافي غير اصواتنا
فلانه: لا لا سمعي صوت ضحك
كيجي: ول عليج شتسمعين انتي؟
فلانه: قولي لا اله الا الله لا تصكيني بعين
كيجي: ما علينا من وين ياي الصوت
فلانه تسحب كيجي: انتي امشي وراي انا بتتبع الصوت
فعلا بدا الصوت يبين شوي شوي << مب اذن صج
فلانه قلبها يرقع : هالضحكه اعرفها
كيجي: بدون اكشن و حركات قولي كوياما و خلصينا
فلانه: اي كوياما
كيجي استانست اكثر من فلانه وجان تركض بفلانه صوب الصوت
جان يلقون كوياما بغرفة ويا ناس ما يندرى منهم و يسولف و ميت ضحك و فلانه ماسكه نفسها لا يغمى عليها
و جان يسكتون اللي داخل فجأه و يطالعون صوب الباب اللي كانوا واقفين عنده كيجي و فلانه اللي نفسها انقطع
جان بلتفت كوياما و ينصدم من اللي شافه و هو كتم بعد<< فلم هندي
كوياما: هذي...هذي...
فلانه: كـ..كو...كوياما
كيجي: بسم الله شصار فيكم
كوياما و فلانه يبحلقون في بعض
كوياما: ما اصدق مستحيل
فلانه: اذا انت مب مصدق انا شاقول
كيجي: شسالفه تعرفون بعض؟؟
فلانه: ويا ويهج وين اعرفه
كوياما: مستحيل اخاف اني حلمان مره ثانيه حد يوقظني<< مصختها صح؟
فلانه: بسم الله ترا بدا يخوفني شفيه
جان يقوم كوياما من مكانه و يركض صوبهم هني فلانه خافت
كيجي: مو انا قلت لكم اهبل شفيييك؟
كوياما: امبله هذي انتي
فلانه استجمعت قواها و انطقت: شسالفه؟
ياها واحد من الشباب اللي قاعدين جان يقول: اوووووه الظاهر انتي البنت اللي تطلع له بالحلم كل يوم
كوياما يهز راسه انه يقول اي
فلانه اغمى عليها
كيجي منقهره و محتره منها
<< مو جنه كيجي بطلة القصة؟
قامت فلانه بسرعه : و الله؟
كوياما: مستحيل حلم و تحقق
فلانه: يعني كنت تنطرني؟
كوياما: كنت اموت قهر يوم اكتشف انج كنتي حلم
كيجي: احم احم احنا هني
فلانه التفتت عليها بعصبيه بعدين ابتسمت فجاه : كيجي تعالي معاي شوي
جان تسحبها فلانه و تقطها عند تومويا
فلانه: الله يهنيكم انا برد لكوياما بااااي
و جان تصكر الباب وراها
كيجي انحرجت من تصرف فلانه الغبي
تومويا: شسالفه ؟؟
كيجي مستحيه: هاه منو؟
تومويا: شفيج مبلمه؟
كيجي: لا و لا شي
تومويا يطالع الباب: شسالفة رفيجتج؟؟
كيجي: ما عليك منها خبله
تومويا: شكلها مستانسه
كيجي: مب مهم
تومويا: شصار لها؟
كيجي: اووووه خلها تولي الحين ابي اتكلم
تومويا شكله تحطم: تقول كوياما هي تحبه؟
كيجي تتأفف: اي و طلع يحبها بعد الله يهنيهم ممكن اتكلم الحين
تومويا تحطم: هاه؟ اوكي قولي اللي عندج
كيجي: شفيك متحطم
تومويا: لا ولا شي بس دشت مزاجي
كيجي بصدمه: منو؟
تومويا: رفيجتج
كيجي: هااااااااااااه ؟
تومويا: شفيج؟ اسف اذا ضايقج كلامي
كيجي طلعت معصبه و تصيح: الله ياخذج يا فلانوه اللي يسمع يقول ماخذه لقب ملكة جمال الكون 10 مرات ورا بعض
و هني راحت غرفتها بالفندق و تقوقعت على روحها و تمت تصيح و تصيح و تصيح لليوم
كيجي: الله يخس اليوم اللي خذتج فيه وياي يا فلانوه<< كل هذا حقد
في هاللحظه في حد طق الباب
كيجي بعصبيه : براااااااااااااا مابي اشوف حد
" كيجي بطلي الباب انا تومويا"
صاروخ بطلت الباب
جان تطلع فلانه وياه و جان تصكر الباب في ويههم
"كيجي بطلي الباب انا اسفه "
بطلت الباب شوي شوي و خلتهم يدخلون
تومويا: انا فعلا اسف عاللي قلته
كيجي: فكني شتبي؟<< يعني معصبه عليه
تومويا: انا كلمتني فلانه عنج و بصراحه
كيجي متأمله
تومويا: حبيت نكون...
كيجي بتموت من الوناسه
تومويا: اصدقاء
و جان تتحطم كيجي<< هاي عقاب اللي يسب كوياما هههههههه اتغشمر طبعا
ان شاء الله تعجبج القصه
العرض العادي
