أمس نزلت أنا و أخوي ندور أي شيء ينكال المهم كان يكلمني عن لعبة فالسوني 2 و بعدين قاعد يقولي أكامي أنا قاعدة أفكر بكامي و باكانيشي ههههههههه المهم و كل شوي أقوله أكامي أكامي المهم قعدت أطالع موقع مكتبة كينوكونيا لقيت كتاب sleepwalker كنت ناوية أشتريه بس لأنه أسم أغنية أليس ناين , حسيت أن الكتاب فيه شي حلو بس كنسلته من اللسته ==" , قررت أشتري كتاب أراشي و كاتتون المهم اليوم سرنا دبي و أول ما وصلنا سرنا دبي مول بعد ما ضيعنا الدرب كان عبالي أنه مسكرينه لأن صارت حريقة بس الحمدلله طول الدرب و أنا أدعي أنه ما يكون مسكر , أول ما دخلنا جي أشكالنا > أكبر من المولات إلي فالعين بمليون مرة المهم حلو كان
تمينا نمشي و نمشي أخر شي قررو ياكلون المهم رحت كلت أكل ياباني كان خاطري فالسوشي بس ما في ==" , و أمي تقولي يا حبج للصينين أقوللها موب صينيين يابانيين < لازم , المهم بعد ما خلصنا تمينا نمشي حضراتهم عاقيني أخر شي و أنا شايلة الأكياس و الشنطة و كل شوي أتخرطف و الشيلة شوي و بتطيح بعدين تريينا خالي يي عندنا و طول ما أحنى نمشي و أنا أقوللهم عن المكتبة و كيف أن حلمي داخل المكتبة ذليتهم بعد ما وصلنا دخلت أنا و أخوي و هم راحوا في ريال واقف عاليمين عدال المدخل حسيته ياباني المهم أبتسم لي و أنا > أقول أكيد ياباني أكيد ياباني بعدين ضعنا أنا و أخوي فالمكتبة قاعد يدور على مانغا ناروتو المهم رحت قسم المانغا و الأنمي شفت مانغا ديث نوت الصورة كانت نير و ميلو ==" كنت بشتريه بس أتذكرت السبب الرئيسي لييتي المهم سألت ريال عن كتاب أراشي عطاني ورقة فيها القسم تميت ألف و أدور ضعت ما لقيت الكتاب و لا شي سألت حرمة و راوتني المكان المهم أول ما طالعت الكتب الأبتسامة شقت ويهي في أراشي و كاتتون و نيوز و و ساتو تاكيرو و سوج و ذا قازيتي و لاراكو و سكريو و فيه ياسو من أسيد بلاك شيري أعتقد هو إلي مغني أغنية من أغاني ون بيس المهم تذكرت ساتو ذكرني فدريم و نينو النتفة فماسو قلبي كنت شوي و بصيح بعد دقيقة من التأمل أحترت شو أشتري أخر شي أشتريت كتاب فيه وايد صور لأراشي و كتاب فرقة سوج و فيه عن فرقة في في دي و داوت و ذا كيدي و أيابي و ذا قازيتي المهم رازعين صورة يونو و ماكس ==" قرف و أف تي أيلاند و بوي فريند يا كرهي لهم يعني لازم يرزعون أشكال الكوريين المهم ما علينا جيت أبى أحاسب الحساب كان ناقص رحت أدور على أخوي إلي شرد و خلاني ما لقيته جيت أبى أطلع أدور أمي قال لي إلي شكله ياباني إلي أول ما دخلت أبتسم لي دو يو لوك فور يور مامي أنا هههههههههههه أقول شدراه بعدين قالي أن أخوي طلع مناك سرت أدورهم بعدين أشوف أمي تطالعني بنص عين قالت لي شو ليش ما أشتريتي قلتلها أن الفلوس ما كفت المهم رجعت و يوم جيت أبى أطلع من المكتبة قالي الريال كلام مشفر بس كأني سمعته قالي كلمة يابانية المهم أبتسم لي و أبتسمت له < قصة حب هههههههههههه المهم ما علينا منه يوم طلعت قالي خالي شو أشتريتي طبعا أهني أنا سكت شل الكيس من أيدي و قال أراشي أنا هههههههههه قالي شو كوريين قلت أستغفر الله أي شي تشوفونه لازم يكون كوري قلتله ياباني المهم طبعا قالي فرقة سوج يشبهون البنات و أخوي كل شوي يقول عطيني أطالع أراشي المهم مشينا إلا خالي يقولي مرة ثانية عطيني أطالع كتاب أراشي أنا هني قلت لا أكيد عيبوه ههههههههههه المهم قالت لي أمي خليتيني أيي لدبي بس عشان تشترين هالكتابين إلي فيهم يابانيين المهم طنشتهم تمينا نمشي و نمشي سرنا نشوف السكيت شفنا واحد قاعد يتخقق أنه يعرف يتزحلق أخوي و خالي من الصبح يحشون فيه هههههههههه المهم أخرتها دعم فريال ثاني رحنا المقهى و أشترولي أيس كريم و عصير توت حامض و يعرفون ما أقدر أشرب الأشياء الحامضة و خلوني بالغصب أكملهم و أشتريت نفس أكسسوارات شين و ريوكي المهم شفنا النافورة الراقصة و برج خليفة بعدين سرنا أربع ساعات نحن نمشي عكس العين نمشي 15 دقيقة نتعب المهم ما صدقت وصلت السيارة عشان أشوف الكتابين طبعا أنا أطالع و أنا مبتسمة المهم و أخوي قاعد يقولي الاغاني و الموسيقى اليابانية أحلى عن الفرنسية إلي كانوا مشغلينها فالمقهى أنا عاد ما صدق أفتح وياه سالفة تخص اليابان قلتله أكيد شو تتمصخر
المهم رجعنا البيت و ييو عيال خالتي عندنا بعدين سرت أقعد عند أمي قالت لي أقول يبي الكتب إلي أشتريتي عشان أشوفهم أنا هني أنصدمت و سكت قلتلها بالياباني تمت تصارخ و تقولي لو ياباني ليش أشتريتيه تفهمين شي طبعا كذبت عليها و قلت يعني المهم عصبت أخوي يشتري إلي يباه و ما تقوله شي و أنا ما أطلب أي شي منها بس هاي أول مرة
صدق قهر عصبت و قالت لي خلاص يبي الكتب قلتلها بتعلقين أكيد قالت لي لا ما بعلق هاي حياتج و أنتي حرة فيها المهم شافت أراشي هههههههههههه و سوج طبعا لازم التعليق قالت لي ليش لبسهم جذي المهم أنا سويت طاف بعدين قالت لي شكله نفس البنت شافت تاكيرو إلي من سوج علقت عليه ==" المهم أنا طاف أول مرة نطلع طلعة و ما تصير فيها مشاكل لأن قبل كل ما كنا نطلع لازم حد يزعل