: موني حبيبتي انا ماني غريبه قولي لي ايش فيك ؟
منار : ماما , بليز ما أبغى أكلم أحد , لا تعتبريها طرده و لا تاخذي بخاطرك بس إطلعي برا أبغى أقعد لحالي شوي
أم منار : حاضر حبيبتي موني بس انتي لا تتضايقين و لا تزعلين و اذا تبغين تقولين شيء قولي و اذا أحد زعلك قولي لي و أنا مستعده أسوي لك اللي تبغين فيه , باي
منار : باي
أول ما خرجت أم منار من غرفة بنتها انفجرت منار بالبكاء
و هيا تعاتب نفسها " انا ليش سويت كذا ؟ ممكن لأني ما أبغى أتعلق فيه زياده و أتفاجئ بإنه يستخدمني لعبه زيي زي غيري من البنات عنده و أبكي أكثر و أكثر من كذا ,, إيوا ,, هذا هوا السبب بس كيف أقول له , و إيش ممكن يسوي لي ؟ يقولون انه يزن ما يرفض طلب لفيصل يعني لو يسفروني القمر عادي عندهم , بس لا أبوي كمان غني زي فيصل , بس ,, مو زي يزن ,, يا ربي ساعدني "
ما كملت تفكير ,,
لأنه جوالها دق برقم غريب
مالها خلق ترد ي العادة ,,
دق 3 مرات و فالرابعه طفشت و ردت
منار : آلووو
: .......
منار : بترد و لا أقفل ؟
: ............
منار : ترا جد بقفل
: و هوا يمديكي تقفلين اذا كنت أنا اللي داق
منار تذكرت هذا الصوت و ماتت بكاء و خلت فيصل عَ الجوال يكلم نفسه
فيصل كان يسمع بكاها و خاف عليها من قلبه " لا يكون خافت من اللي قلته لها اليوم ؟ "
فيصل : مناااااااااااااااااااااااااااااااار
منار : ايش تبغى ؟
فيصل : موني انا كنت بموت من سمعت انك كنتي تبكين بعد ما رحتي من عندي
منار : ............................
فيصل : موني أعطيني فرصه
منار : فيصل
فيصل : يالبيه
منار : انا ,, انا كمان إكتشفت حبي لقلبك مو لشكلك بس ,, خفت أكون لعبه زي باقي بنات الجامعه لا أكثر و لا أقل عندك و ..
قاطعها فيصل : و اذا قلت لك انه قلبي عندك و مستحيل آخذه ؟
منار : ببقى معاك طول عمري عشان أظمن إنك تعيش
فيصل : خلاص حبيبتي لا تبكين
منار : أوكي بكره أشوفك باي
فيصل : باي
~~~~~~~~~~~~~~~~~~~~~~~~~~~
: هــآ ؟
ريان : يعني رزونتي أنا أبغى أعرف عنك أكثر و أكثر ,, و كل ما عرفت عنك أكثر زاد حبي لك
رزان بدلع : طيب حبيبي ريان وين تبغى نلتقي ؟
ريان : يا فدييييييت اللي بلتقي فيها , اوكي حبيبتي الحديقة العامه ايش رايك ؟
رزان : أوكي بيبي أشوفك الساعه 5 باي
ريان : بآي ~
أول ما صكر من رزان صااح بأعلى ما عنده : يا شباااااااااااااااااااااااااااااااااااااااااااااااا اااب
فهد : ها بشر ؟
صقر : وجع ايش ذا الهدوء اللي فيك وافقت و لا لا ؟
ريان : و هيا تقدر ترفض ؟
تركي : أوكي ريان خذ جوالك و اعطيني جوالي يالملقوف حطيت في جوالك أرقام بنات لا حصر لها و كل وحده عاد بدلع اسمها يعني السالفه قوية
كمال : أوكي و انا إتفقت مع ولد خالتي يزن على السالفه و قال انه بيسوي باقي الأشياء
ريان : أوكي شباب متأكدين انه كل شيء جاهز دحين ؟
فهد : عال العآل انت بس روح و قول " الله "
صقر : حسسته بيروح يجاهد
كمال : ريان يالدلخ بتقابلها كذا ؟
ريان : ليش فيني شيء ؟
تركي : فيك أشيااااء ؟ لبس سواق بيتنا أكشخ من ذا يلا انقلع بدل
صقر : من جد ايش ذا بنطلون عادي و تي-شيرت عادي ايش تحس فيه
فهد : صح كلامهم لازم تبين لها كشختك
تركي : و صياعتك
صقر : ايوووووا عشان تحسب انك مهتم فيها بعدين تكتشف انه قبلها 300 مليون وحده
كمال : كأنه العدد مبالغ فيه
صقر : عادي عادي
ريان : أوكي ايش ألبس
كمال : لا تخاف , يزن ذويييييق و أكيد انه منتبه لهرجة الملابس و الشعر و الستايل بشكل عام
ما كمل كلامه الا سياره طويله فخمه توقف عندهم و يطلع منها رجال و يجي يسلم على كمال و بعدها التفت على الشباب و هوا يقول : مين السيد ريان ؟
ريان : انا
كمال : ريان يالدلخ يلا روح بيودونك مكان ما تحلم فيه يكشخونك و الساعه 5 يرمونك عند الدقية العامه
ريان و هوا يقوم : ما عندك مصطلح أحسن من يرمونك
أول ما وصل ريان عند السياره فتحوا له الخدم الباب و دخل و قفلوا الباب وراه
وصل عند فيلا كبيره أو أشبه بقصر
ريان : لو سمحت
رئيس خدم الفرقة الثانية : تفضل سيد ريان
ريان : هذا قصر و انتو بتودوني صالون أو شيء زي كذا
رئيس الخدم : سيد ريان هذي الفيلا فيها كل شيء , بندخلك أول شيء حمام البخار و بعدها تروح للمصفف العالمي يسوي لك شعرك و رح تلبس اللبس اللي إختاره السيد يزن
ريان : أوووف مصفف عالمي مره وحده
رئيس الخدم : طبعاً , السيد يزن يحب الفخامه
ريان : اها , هوا في ذي الفيلا يعيش ؟
رئيس الخدم بصوت عالي : هههههههههههههههههههه
ريان : انا قلت شيء يضحك ؟
رئيس الخدم : آسف سيد ريان , بس السيد يزن غني جداً و بالنسبه له ذي الفيلا و لا شيء
ريان : اهااا
رئيس الخدم : يلا خلينا ننزل عشان لا تتأخر
ريان : اووووكي
~~~~~~~~~~~~~~~~~~~~~~~~~~~~~
: يعني بالله هذا مين ؟
غلا : قلت لك رامي
حلا : ما شاء الله مره روميو و مره رامي ايش رايك كل يوم تتعرفين على واحد
غلا : يا غبيه هذا رامي هوا نفسه روميو
حلا : حتى لو المفروض ما تكلمين أي شخص
غلا وقفت و هيا معصبه و بتخرج من الجناح : على الأقل رامي ما سوى شيء غلط و لا فكر يقتل جنى أو وحده من صحباتي
حلا فهمت انه اختها قصدها على ريان
~~~~~~~~~~~~~~~~~~~~~~~~~~~~
: يعني متى ؟
رامي : قلت لك لمن أجهز أموري
تهاني : أي أمور انا حتى فستان العرس شريته
رامي معصب : و مين قال لك تشتريه ؟
تهاني : ايش فيك عصبت ؟ عادي يعني ان شريته دحين أو بعدين ما تفرق انت في النهاية مو زوجي ؟
رامي : لا مو زوجك لسا , مجرد خطيب حتى خطبه رسميه ما سويناها و انتي على طول على فستان العرس
: و اللي يقول لك عرسك بعد 3 شهور يا رامي
رامي : أمي لو سمحتي هذي حياتي
أم رامي : انت اللي ما تستحتي تكلم تهاني كذا
تهاني : حرام عليك خالتي رامي حسبة زوجي
أم رامي : لا مو حسبة زوجك , هوا زوجك فعلاً
رامي : يا ربييييي تراني طفشت منكم يلا باي
و طلع غرفته و تهاني تموووت و تاخذ رامي
و أم رامي تحب تهاني زي أي وحده من بناتها و تبغاها لولدها
أما عند رامي فالأوضاع كانت مختلفة تماماً كان يبغى يعيش حياته , يبغى يكلم غلا , يبغى يتعرف عليها أكثر
يمزح معاها يقعد معاها بدون ما أحد يمنعه عنها
إيوا
إيوا
رامي يحب غلا و يبغاها زوجته بدل من تهاني
بس
أمه فيها الضغط و السكر و القلب و ما يقدر يزعلها من بعد وفاة أبوه ماله الا أمه و أخوه رائد
نزل تحت عندهم و لقي تهاني لحالها طالع فيها فتره و هيا انحرجت و على بالها نظرات حب بس الصدمة لمن قال لها رامي : تهاني أنا ما أبغاك
و طلع مره ثانيه لغرفته و تهاني طبعاً ما قصرت و قالت لأم رامي
~~~~~~~~~~~~~~~~~~~~~~~~~~~
1- هل بيكون حب منار و فيصل بدون مشاكل ؟
2- هل بيتخلى فيصل عن خططته او لا ؟
3- إيش رح يصير مع ريان و رزان ؟
4- مين الشخص الغير متوقع حضوره للحديقه ؟
5-هل ستتخلى أم رامي عن فكرة زواجه من تهاني ام انها مصره ؟
: محمد قلت لك مامي تقول لازم نخطب لك إنت في آخر سنة من الجامعه
محمد : موني حياتي قدري موقفي قلت لك وحده في بالي لمن أرجع بخطبها بنفسي
منار : طيب مين هيا ذي ؟
محمد : لمن أرجع بتعرفين
منار : اجل بضغط على مامي تخطب لك قريب
محمد : ههههه لا بليز موني الا أمي
منار : اجل قول مين هيا
محمد : كل اللي أقدر أقوله لك انها وحده قريبه منك غير كذا لا تحلمين
منار : اكسيوزمي ؟
محمد : يلا موني باي
منار : لحظه لحظه لحظه ايش قصدك إنت ؟
محمد : ترا بقفل في وجهك , يلا باي
منار : باي
أول ما قفلت منار من محمد قعدت تفكر بكلامه " ايش قصده بإنها وحده قريبه مني ؟ معقوله يكون قصده على وحده من صحباتي ؟ لالالالا مستحيييييل لو كان كذا كان عرفت من أول منها بس مين هيا ؟؟ "
~~~~~~~~~~~~~~~~~~~~~~~~~~~
: سمر
سمر : هلا
أريج : ذاكرتي ؟
قمر : عفوا عفوا عفوا ؟ احنا نذاكر ؟ ليش ؟
أريج : سلاماااات انتي من زمان فاصلة و فيوزاتك ضاربه و شاكه انك ثالثة جامعه
سمر : لو سمحتي الا قمورتي ما أرضى عليها ترا
أريج : أعوووذ بالله
قمر : الا تعالي هنا ؟ سمر وين من زمان ما سمعنا عن أخبارك إنتي و طلال
سمر بإحراج شق وجهها : لا مافي شيء
أريج : قولي قولي
سمر : يقول بيخطبني
قمر : و الله تمام ياخذ فينا أجر
أريج : وااااااي ماي فريند عروسه أوميقاد " ياإلاهي " مأ أصدق صراااحه
سمر : خلاص بنات غيرو الموضوع
قمر : هههههههههه يعني إني إنحرجت
أريج : يبغالنا نسوي اليوم سهرة على ذي المناسبة
سمر : حسستيني إنك أول مره تجين بيتنا و تسوين سهرة دايماً إنك ناطه في بيتنا و تطلبين من المطاعم و تشترين أفلام و إحنا اللي ندفع
قمر : ههههههههه ما عندها غير انها تلط
أريج : بسم الله عليا قولوا لا إله الا الله
سمر : لا إله الا الله محد قال شيء
قمر : ههههههههههههههههه
~~~~~~~~~~~~~~~~~~~~~~~~
: حياااتي تعرفين ايش يعني حيااتي , انتي حياتي كلها , أحبك رزوني
رزان : و انا بعد
ريان : يا فديتك
دق جوال ريان بإسم " هند 23 " >> طبعاً كان تركي اللي داق بس هما خلو كل الأسماء بنات
رزان : رد عاادي
ريان و يسوي انه متردد : آآ لا لا مو ضروري
رزان و هيا تسحب جواله و هذي حركة ما توقعها ريان : ريان عادي رد و أنا بكلم ما..
ما كملت كلامها لأنها قرأت اسم هند 23 على الجوال
طالعت في ريان بصدمه
ريان و يسوي نفسه متوتر : آآ لا آآ مو اللي في بالك هذي .. هذي أستاذتي بالجامعه
رزان مصدوومه : ليش يا ريان ؟ ليش تكذب علي ؟ و انا حبيتك من قلب ؟ تخون ؟ هذا و احنا في البداية كذا ؟
ريان مسوي فيها معصب : انتي هي ايش قصدك أخون و ما أخون الواحد يعني ما يمديه يكلم بالجوال اللي يبغى
رزان في صدمه من كلامه
ريان و هوا يقوم : يلا باي خليني أدق على هند الثانيه ذي أشوف ايش تبغى متكشخ على الفاضي عندك
~~~~~~~~~~~~~~~~~~~~~~~~~~~~~~~
: يعني خلاص ألغي الموضوع
فيصل : يزن انا الين الحين ما أعرف اذا ما بيننا مشاكل أو لا اذا لقيت أي مشكله بطلب منك
يزن : و انا في الخدمه
فيصل : تسلم حبيبي
~~~~~~~~~~~~~~~~~~~~~~~~~~~~~~~
ريان و هوا خارج من الحديقه لقي رجال باين عليه الكبر و كأنه يدور أحد
ما يدري ليه بس أول ما شافه تذكر جنى و اليوم اللي فقد كل شيء في حياته مع موتها
راح عنده
ريان : يمديني أساعدك بشيء ؟
الرجال : يا ولدي انا على الله ثم عليك بوريك صورة و قول لي اذا تعرف اللي فيها أو لا
ريان : طيب
الرجال طلع من جيبه صورة و باين عليها قديمه هذي الملامح مو غريبه عنه
دقق أكثر في الصورة
أكثر و أكثر
أكثر و أكثر
لحظه لحظه لحظه
هذي مو صورة ( جنى ) و هيا صغيره ~
الا الا هذي جنى و هذي زي الصورة اللي أعطته هيا لمن كانوا مع بعض
ريان طالع في الرجال معصب : انت من وين جبت هَـ الصورة ؟
الرجال : انت تعرفها ؟ الله يخليك قولي إنك تعرفها ؟ و في معاها ولد قدها و لا لا ؟ وينها الله يخليك قولي وينها
ريان لاحظ انه الرجال مهتم بطريقة غريبه ؟ و أي ولد هذا اللي قدها ؟ قال و هوا يمسك أعصابه : انت مين ؟
الرجال : أنا أبو ابراهيم
ريان : أبو ابراهيم ؟
أبو ابراهيم : انت تعرفها
ريان : ايوا أعرفها بس ايش اللي تبغاه منها بالضبط ؟
أبو إبراهيم : الله يبشرك بالخير , تعال معايا يا ولدي أقول لك القصة بس الله يخليك توديني لها
ريان : مستحيل
أبو إبراهيم : ليه ؟
ريان : الله يرحمها
أبو إبراهيم بصدمه قوية : ماتت ؟؟؟
ريان : الله يرحمها إن شاء
أبو إبراهيم : لا ! لا تقولها ! انا صار لي 3 سنين أدورها و تجي تقول لي إنها ماتت
ريان : لا حول و لا قوة الا بالله طيب قول لي ايش سالفتها
أبو إبراهيم : ما بقول لك إلين ما توديني لأخوها
ريان : أخوها ؟ عفواً بس تراها لقيطه اذا كنت تدري
أبو إبراهيم بحزن : ايوا أدري بس كان معاها أخوها التوأم
ريان : أخو توأم ؟
أبو إبراهيم : تعال خلينا نجلس أقول لك السالفه
~~~~~~~~~~~~~~~~~~~~~~~~~~~~~
: ههههههه ايوا ؟
فيصل : هههههه مو لازم على أي شيء تضحكين
منار : سوالفك خطيره كمل
فيصل : لو أدري انك بتضحكين كان سولفت لك الين الصبح
منار : ايوا ايوا الين الصبح
فيصل : أقول لا تصدقين
منار : ههههههههه المهم كمل
فيصل : أممممم بس انتهيت كل اللي صار انه الإدارة طردتني أنا و يزن سنة كامله عقاباً لنا
منار : هههههههه أحسن
فيصل : هذا بدل انك ترفهين عليا
منار : ههههههههههههههههههههههههههههه
فيصل : اوكي موني ترا تعبت من كثر ما أسولف لك عن سوالفي من يوم و أنا صغير الين دحين و انتي بس تضحكين
منار : و المطلوب ؟
فيصل : قولي لي سوالفك
منار : أممممم بعطيك الفاينل لأنه مافيني أتكلم , انا و صحباتي كنّا 5 انا و سجى و جنى و التوأم حلا و غلا
فيصل : كنتم ؟
منار : أمممم يب جنى ماتت الله يرحمها
فيصل : الله يرحمها من إيش ؟
منار : السالفة ما أقدر أقولها لك لأنك نذل ههههههه بس سبب موتها الشخص اللي تعلقت فيه
فيصل : ههههههههههه مردودة يالحبيبه , يعني كيف قتلها ؟
منار : يب يب قتلها
فيصل : و كيف كانت ردة فعل أهلها ؟
منار بضيقه : زيك
فيصل : عفوا ؟
منار : جنى زيك لقيطه
فيصل حس انه هذي الجمله حركت قلبه " جنى زيك لقيطه " مو لأنه منار قالت لقيطه ! لا ! حس انه يعرف شعور جنى لمن كانت حية لأنه عاش نفس اللي عاشته , و هيا مالها الا صحباتها اللي يذكرونها و هوا من له يذكره ؟ غير منار و يزن ؟ بنات الجامعه بيتذكرونه أيام و ينسونه , منار و يزن هما الوحيدين اللي رح يتذكرونه في كل لحظه من لحظات حياتهم
منار : فيصل ألوووووووووووووووو
فيصل : ايوا ايوا موني حبيبتي معاك
منار : لا صدقت
فيصل : بتتذكريني
منار : إيش ؟
فيصل بضيق : لو مت بتتذكريني ؟
منار بخوف : بعيد الشر لا تفاول
فيصل : جاوبيني
منار : اذا قدرت تغير الموضوع بعدين دق عليا
و قفلت الجوال في وجهه و هيا بتموت من البكى ! كيف لو جاها خبر وفاة فيصل ؟ ايش رح تكون ردة فعلها ؟؟؟؟
~~~~~~~~~~~~~~~~~~~~~~~~~~~~~~~
1- ايش قصة وفاة جنى و مين أخوها التوأم ؟
2- و مين أبو إبراهيم ؟
3- ايش قصة سمر و طلال ؟
4- ايش رح تسوي رزان بعد ما إكتشفت خيانة ريان لها ؟
: كيف ؟
أبو ابراهيم : ريان هدي , لا تخليني أندم قلت لك على الموضوع
ريان معصب : إسأل نفسك إنت إيش قاعد تقول
أبو ابراهيم : ما عندنا وقت , لازم نلقى أخوها بسرعه
ريان و كأنه يكلم نفسه بس بصوت مسموع : فوق إنها لقيطه ! عرفت أبوها بس بعدت عنه عشان لا تخرب بيته !
ابو إبراهيم بصدمه : كانت تعرف أبوها ؟
ريان و هوا يتذكر لمن كان مع جنى
------------------------------
: جنى إيش فيك
جنى : لقيت الشخص اللي معاه نفس السلسال
ريان : نفس السلسال اللي كان معاك ؟
جنى : ايوا , راقبته إكتشفت إنه أبوي , تخيل ريان , على الرغم من إني عرفت أبوي اللي إكتشفت إنه ما يبيني , بس إكتشفت شيء خلاني أتمسك بالحياة
ريان : إيش ؟
جنى : مقدر أقول لك حالياً , بس إني أدور على الشخص اللي مستحيل انه يرفضني
ريان : انا موجوود
جنى : هههههههه و مافي شخص يعوضني عنك , بس شخص قريب مني
ريان : اجل خلاص انا زعلت
جنى : هههههههه لآآ ريان بليز لا تزعل
------------------------------------------
ريان و معاه إبتسامه و هوا يتذكرها يهمس : ههههه يعني كانت تعرف إنه عندها توأم كمان ! شالت حمل ثقيييل بدون محد يحس فيها !
أبو إبراهيم : تعرف وين ممكن ألقى أخوها ؟
ريان : إيش يبغى أبوها كمان فوق اللي سواه في جنى ؟ نفاها من الحياة برميها و دحين يدور لها و مستعد يدفع فلوس ! أخيراً صحي ضميره !!!
أبو ابراهيم : على العموم هذا كرتي إذا هديت ممكن نتفاهم
ريان : أبغى أشوف أبوها
أبو ابراهيم : مستحيل ! حالته النفسيه صعبه جداً و طارق هوا الوريث الوحيد لأملاك أبو طارق كلها
ريان : كمان ما شاء الله يسمي عياله و يرميهم ما شاء الله ما شاء الله على هذا الأب
أبو ابراهيم : فمان الله
ريان : باللي ما يحفظ أبو طارق السامج ذا
~~~~~~~~~~~~~~~~~~~~~~
: كيييييييييييييييييييييييييييييييييييييييييييييف ؟
حلا : ايش بك سجى هدي
سجى : كيف أهدى و إنتم مخبين عليا من 7 سنوات شيء زي كذا
حلا : كل اللي قلته انه سوينا عزا ل جنى بدون جثة
سجى : و كيف هذي بالله ؟
حلا : ايش بك متنرفزة كذا ؟ أولاً كان هذا سر محد يعرفه غيري أنا و موني
سجى : و أنا و غلا مو صحباتها ؟
حلا : موني قالت لي ما أقول لكم و أنا إنطميت
سجى : مسكينه ذي الجنى ! لا حياة لا أهل لا عز لا دلال لا حب , و لا حتى جثتها ما ينعرف وينها !
حلا : الله كتب لها كذا و إحنا ما بيدنا شيء , المصيبه انه ذا الريان مو راضي يعترف وين حط جثتها !
سجى : و كيف عرفتوا انها ميته أجل ؟
حلا : مدري ! موني جاتنا أول و قالت لنا انه ريان قال لها انه جنى ماتت و لازم نسوي لها عزا
سجى : يعني ..
حلا : ايش ؟
سجى بتفكير و إبتسامه خفيفه على وجهها : يعني انتم مو متأكدين انها ميته ؟
حلا : إيش تقصدين ؟
سجى : لالا خلاص و لا شيء , بس كنت أهلوس يلا باي
حلا : اوكي باي
~~~~~~~~~~~~~~~~~~~~~~~~~~~~~~~~
: شفتي كيف أنا رحيم هَـ اليوم ما سويت فيك و لا شيء لأنه مالي خلقك
: الله يخليك انا ما أبغى منك شيء بس رجعني الله يخليك يا يامن
يامن عصب : ترا طفشتيني قلت لك رجعة ما رح ترجعين فاهمة يا منى ؟
منى : اسمي مو منى اسمي ..
يامن قاطعها : منى ! ولا أي زفت ! الحرمة اللي جابتك ليا تقول اسمك منى و إسمك على بعضه ما يهمني , و بعدين لمين تبغين ترجعين بالضبط ؟
منى : انا صح وحيده بس في ناس تحبني و تبغاني
يامن : صار لك سنين هنا أكيد الكل نساك
منى : لا أنا متأكده ما نسوني
يامن : على العموم خذي من الحبوب اللي جبتها في الليل , لأني برجع سكران زي أي يوم و ممكن أسوي فيك أي شيء
منى : أساساً كل يوم كذا ! طفشت , خليني على الأقل أكلم ..
يامن قاطعها : أهلك ؟ تذكري يا حلوه انه ما عندك أهل كل اللي عندك أنا !
منى راحت تنام و هيا تتأفف من يامن : أفففف أوكي
~~~~~~~~~~~~~~~~~~~~~~~
: إنتي هي إيش تقولين ؟
حلا : هذا اللي صار
منار : سجى إنتي إيش قاعده تقولين
سجى : قلت انتم مو متأكدين من موتها
غلا : إيش قصدك
سجى : انها حية
البنات صاروا يطالعون في بعض و هذا الشيء الوحيد اللي ما فكروا فيه , كيف يعني جنى ممكن تكون حية ! , صاروا يبتسمون إبتسامات خفيفه ! جنى ممكن تكون حية @
سجى : إيش فيكم ؟
منار : جنى حية ؟
غلا : بنات اذا كانت من جد حية ! انا مستعدة ألف الأرض كلها أدور لها
حلا : لا ترسمون آمال بعيده , خليني أكلم ريان بالأول و أشوف ممكن في جثة فعلاً
منار : لا لا تقوليها
سجى : و ليش ما نرسم أمل اننا نرجع خمسة بنات ؟
غلا : انا عن نفسي برسم الأمل هذا الين ما تجي جنى
منار : بس اذا كانت من جد حية , كيف تعيش ؟ كيف تاكل ؟
حلا : صح , هيا كانت في الشقة اللي إشتريناها لها , كيف دحين تعيش
سجى : لا تنسين يا حلا , كلمي ريان و سجلي المحادثة ولا أي شيء , المهم إننا نسمعه
منار : أورايت قيرلز ؟
سجى × حلا × غلا : أوكي
~~~~~~~~~~~~~~~~~~~~~~~~~~~
1- مين يامن و إيش قصة منى ؟
2- جنى ! حية ! هذا الكلام جد ! او انه مجرد إحتمال ؟
3- إيش قصة جنى اللي قالها أبو ابراهيم لريان ؟
4- ريان ما فهمناه ؟ يحب جنى ولا حلا ؟
5- إيش رح يكون جواب ريان من سؤال حلا عن الجثة ؟
: ههههههههههههه يا بختكم إني صاحبكم
ريان : يا حبي لك يا شيخ
فهد : ههههه و قد قلت لكم إني أذكاكم
ريان : و أنا أشهد
صقر : هههههههههههه لا تصدق عمرك بس , أهم شيء تعابير وجهها لمن شافت الجوال
تركي : هههههه لا شباب كله كوم , و ريان لمن يحكينا كوم ثاني
كمال : الله يخلي يزن المخبول اللي ساعدكم مالت عليكم ههههههههههههههههه
ريان : بس خلاص يا شباب عمري ما ضحكت كثر هَـ اليوم
فهد : الله يخليني
صقر : لا تقولون آمين
و عناد فيه
ريان × كمال × تركي : الله يخلي فهد لنا , آمين
صقر : وجعه إن شاء الله هههههههههههه
ريان : يلا شباب خلوني أروح البيت ورايا إحتفالات
فهد : ههههه قصدك طراقات
ريان : على قولك , هههه , يلا باي
~~~~~~~~~~~~~~~~~~~~~~~~~~
في الصباح , و بالأخص في الجامعه
: يا ربيييي مو معقوله كل هذا تأخير
خالد : إهدى شوية ياخي
رامي : انا أبغى أخلص معاها الموضوع بأسرع وقت
خالد : يا شيخ ! غلا المسكينه ايش لها في مشاكلك مع أهلك ؟ خليها بعيده عنك تعيش حياتها
رامي : ياخي أحبها أبغى أعيش معاها عمري كله تقول لي خليها تعيش حياتها الشرهه مو عليك , عليا أنا اللي أحاكيك
خالد : خلاص هدي شويتين و قول لي كيف بالله بتسوي كل شيء معاها بسرعه ؟ يعني بتنط عندها من صباح الله خير و تقول أنا يا غلا أحبك و أبغى أتزوجك , إستخفيت إنت ؟
رامي : و من قال كذا ؟
خالد : أجل إيش بتسوي ؟
رامي : إستنى و رح تشوف
ما صبروا كثير الا و دخلت غلا و معاها بنتين و باين عليهم مبسوطين و يضحكون
رامي : خالد خالد هذي هيا جات
خالد : أخيراً , يلا إنقلع
رامي : حاضر عمي
~~~~~~~~~~~~~~~~~~~~~~~
: لا سجاوي كله كوم , و طيحة حلا عند باب البيت كوم ثاني , كانت خطيييييره
حلا : يلا عاد لا تتحرشون فيني
غلا : و انا إيش قلت يعني ؟
سجى : هههههههه أهم شيء إنك كنتي تبغين تصورين البيت الجديد فيديو و طلعت فيه حلا و هيا طايحه عند الباب
غلا : هههههههههههههههههه في الخدمه دايماً
حلا : و الله إنكم ما تنعطون وجه
غلا التفتت و هيا ميته ضحك شافت رامي إبتسمت له و رجعت تتكلم مع البنات , بس حست انه رامي لسا يطالع فيها لمن إلتفتت لقيته جاي ناحيتها , و هيا تعرف انه حلا بتسوي لها سالفه
غلا بتردد : آآ بنات عن إذنكم بروح دورة المياه و أجي أشوفكم في القاعه
حلا × سجى و هما رايحين جهة القاعه : أوكي
أول ما راحوا صارت تطالع في رامي و هوا جاييها و الإبتسامه شاقة وجهه
غلا : هـآي
رامي : هلو كيفك ؟
غلا : الحمد لله تمام , كيف الصحه ؟
رامي يتميلح : تسألين كيفي أنا و لا الصحه كيفها ؟
غلا إنحرجت , أبد ما توقعت كذا : ههههه لا الصحه
رامي لف وجهه عنها : أوكي روحي لها و إسألي
غلا : ههههههههههههه أنا اللي أعرفه انه روميو بطل مو زعووول
رامي لف وجهه على طول عليها أول ما ضحكت : ههههه روميو الله يرحمه هذاك في زمن أجدادنا , أنا دحين روميو دلوع ما يرضى على نفسه
غلا : ههههههههههههههههههه
رامي : انتي دايماً تتأخرين ؟
غلا : لا ليش ؟ " بشك " إنت كنت تستناني ؟
رامي بتوتر ملحوظ : آآآآ لا بس يعني , كنت أستنى صاحبي و شفت إنك توك داخله و الوقت تأخر
غلا : هههههههه صدقتك ! تستنى صاحبك ها ؟
رامي : غيري الموضوع
غلا بعقلانيتها فهمت تفكير رامي تماماً : إختصر إيش تبغى ؟
رامي : و لا شيء بس قلت أسلم
غلا : إحلف
رامي : مابي
غلا : هههههههه ترا انا عندي أخت توأم و إذا شافتك معاي بتسوي لي سالفه , يعني لو سمحت إنت في جهة و أنا في جهة
رامي ما قدر يتخيل حياته بدون غلا : لالا غلا الله يخليك , انتي أهم شيء في حيـا..
سكت ما يدري ليش تكلم فجأة كذا
غلا فهمته و إختصرت عليه الموضوع
غلا : رامي
رامي : هلا
غلا : تراني فاهمتك
رامي : فاهمتني ؟
غلا : فاهمه إنت بإيش تفكر , و عارفة إنه اللي قلته قبل شوي ما كان زلة لسان
رفعت عينها له و هيا تكمل : كان كلام من قلبك صح ؟
رامي توتر
غلا توترت
الجو كله توتر
لمن صارت العين بالعين
رامي أخيراً قطع جو التوتر اللي طول بهمس : فاهمتني
غلا هزت راسها بإيوا
رامي : طيب ليش إنتي في جهة و انا في جهة ؟
غلا شافت انه الوقت الأنسب : مو إنت تكرهني ؟
رامي : من قال , عالعكس أنا ..
غلا استنت كثير و بالأخير قررت إنها تمشي : بي-باي روميو
رامي بسرعه لف عليها : غلا أنا أحبك لا تخليني
غلا ما توقعت إنه بيقول بعد كل ذاك السكوت لفت عليه شافت في عين رامي الصدق
رامي كمل : لا تخليني
غلا : ...........
رامي : غلا , بليز
غلا : كنت أعرف
رامي : ........
غلا : كنت أعرف , بس كنت أبيك تقولها بنفسك عشان أرتاح
رامي : و إرتحتي
غلا بإبتسامه خلت عيون رامي في خيال بعيد : أكيد
رامي رد لها الإبتسامه : أوكي , يلا نروح للقاعه
غلا : يعني إنت تعرف انه إحنا نفس التخصص
رامي : أكيد
غلا : وين تجلس
رامي : هههههه وراك على طول
غلا : و ليش ما تقول من أول هههههههههه
رامي : يلا نروح
غلا : أوكي
~~~~~~~~~~~~~~~~~~~~~~~~~~~
في القاعه
: لا ما فهمت
فيصل برجاء : موني بلييز , قوليها
منار بدلع : إيش أقول ؟
فيصل : قوليها يلا
منار : إيش هيا ؟
فيصل : قولي لي يلا
منار : فيصل إذلف مكانك شوف الناس كلها تطالع فينا
فيصل و لا حتى إلتفت للي جنبه : مالي شغل في الناس , إنتي أهم شيء عندي , يلا قولي لي أحبك
منار : ليش مو إنت تقولها بالأول
فيصل : موني حرام عليك , دايم أقول لك كلام حلو و إنتي و لا حتى عبرتيني بحرف
منار : سوري , فيصل يلا على مكانك
فيصل إبتسم لها و هوا يمسك إيدها : أحبك
منار ذابت في مكانها ما قدرت تستحمل نفسها قدام وجه فيصل على طول صارت تقرص في خدوده : و انا بعد , يلا يا شطور روح مكانك شوف كيف فضحتنا
فيصل إبتسم لها مره ثانيه و هوا يقوم بعد ما كان واقف على ركبته عندها : أوكي حبيبتي أشوفك بعد المحاضره أوكي ؟
منار : من عيووني ~
دخلو غلا و رامي و البنات سوو لغلا تحقيق لأنها لسا تكلم رامي ما عدا منار اللي تشجعها بكل فساد هههههههههه
اما رامي المسكين ما بقي سؤال الا و وصله من خالد المغثه @
~~~~~~~~~~~~~~~~~~~~~~~~~~~~~~~~~~~
في الليل
: إنتي هيـ..ـه
: نعم إيش تبغى يامن هم ؟
يامن : يـ..ــلا ت ت تعـ..ـالـ..ـي الغـ..ـرفـ..ـه صـ..ـار لـ..ـي سـ..ـاعـ..ـه أستنـــــــ..........ـاك
دخلت عليه منى : إيش تبغى إخلص
يامن يتكلم و هوا سكران : تعـ..ـالـ..ـي هنـ..ــا عنـ..ـدي
منى : إيش تبغى مني ؟
يامن : ههههه أبغـ..ـى اللـ..ــي يبـ..ـغـ..ـاه أي ذكـ..ـر مـ..ـن أي أنـ..ـثـ..ـى
منى : يامن ترا طفشت , صار لي سنين عندك و إنت كل يوم نفس الروتين , حسسني إنك فعلاً زوجي مو كذا
يامن : ههههههههههه و مـ..ـن قـ..ـال إنـ..ـي متـ..ـزوجـ..ـك يـا حـ..ـلوه , كـنت أكـ..ـذب عليــ..ــك
منى إنصدمت : يعني الأوراق كلها كانت تزوير ؟ و كنت تاخذ مني اللي تبغى ؟
يامن : إنتـ..ـي أساساً صغـ..ــيره كيـ..ـف تبغـ..ـيـ..ـني أتزوجك ؟
منى راحت عند يامن و مسكته من ياقة تي-شيرته : يا نذل , يا حقيييير ! يا وااطي يا حيوااان
مسكها يامن و حطها عنده في السرير و هوا يسكتها : أص أص أص , ما أبغى أسمع و لا كلمه
منى و لأول مره من القهر اللي فيها دفته بقوه لدرجة انه طاح من على السرير و شردت من البيت بسرعه و هيا ما تعرف أساساً وين هيا صار لها سنين في هَـ البيت ما خرجت منه و لا شافت لا شمس و لا قمر طول هَـالسنين , صارت تطالع في القمر و هيا مبسوطه هيا عارفه مين تبغى و وين تروح لكن لازم بالأول تعرف هيا وين بس كيف رح تعرف شافت ناس رايحه و جايه و هيا بملابس النوم و الكل يطالع فيها و تشوفهم رايحين و جايين بأجهزة مختلفه هيا وين ؟؟؟
شافتها بنت رحمت حالها اللي واضح إنها تعذبت في حياتها راحت لها : في شيء يمديني أساعدك فيه , انا إسمي هدى
منى رفعت راسها و هدى أول ما شافت وجه منى لاحظت الجمال الكبير اللي فيها , لكن التعب مأثر عليها
منى : الله يخليك قولي لي أنا وين ؟
هدى : إنتي تبغين مكان محدد ؟
منى : إيوا
هدى : وين ؟
منى : شارع الـ....
هدى : هههههه حبيبتي هذا الشارع غيرو اسمه من 4 سنين
منى بإحراج : آسفه بس من زمان ما رحت له و لا سألت عنه
هدى : عادي عادي حبيبتي يلا تعالي معاي أوصلك له
,,
وصلت منى للشارع , المفتاح لسا معاها فتحت بيتها القديم تتذكر كل لحظات حياتها الحلوه اللي كانت هنا بس إستغربت إنه البيت مو على نفس ترتيبه القديم , معقوله في أحد دخله بعدها , عادي ليش تستغرب و ليش تتعب أو تزعل , حياتها كلها آلام مالها لحظات سعاده تدوم
~~~~~~~~~~~~~~~~~~~~~~~~~~~~~
1- إيش بيصير بين منار و فيصل ؟
2- هدى ؟ منى ؟ يامن ؟ إيش القصة ؟
3- كيف رح تكون علاقة رامي بـ غلا ؟
4- فرحة ريان ببعد رزان ! هل رح تختفي ؟
: ريان تراك اليوم مو طبيعي
ريان : لالا عادي مافي شيء
ريان يتذكر اليوم إيش صار فيه مع حلا
---------------------------------
ريان : حلا ؟ ما أصدق ! سامحتيني ؟
حلا : أنا بس جيت أسئلك عن شيء
ريان : حتى انا
حلا : انت قول أول
ريان : لالا عادي إنتي قولي أول
حلا : أوكي , إنت قبل 7 سنوات لمن قلت ل منار انه جنى ماتت و لازم نسوي عزا
ريان : إيوا
حلا : إيش دراك إنها ميته و إنت بنفسك تدري إنه مافي جثه ! الا إذا كنت مخبيها
ريان : لا طبعاً انا ما أكذب
حلا : أجل ؟
ريان : هذي أمي
حلا : أمك ؟
ريان : إيوا تعرفين اني كنت خطيب جنى ذيك الفتره و هيا خرجت مع أمي مره من المرات عشان الملكه و الزواج , و رجعت أمي و قالت إنه جنى ماتت و لازم نسوي عزا انا من الصدمه ما فكرت في جثه أو أي شيء , و كنت أقول إنه مستحيل أمي تكذب
حلا : طيب إنت تعرف إيش يعني هذا كله ؟
ريان : إيش ؟
حلا : إنت بنفسك تعرف أمك إيش كثر تكره جنى لأنها لقيطه و فقيره ! و هذا يعطي نسبه إنه أمك كذبت عليك 100%
ريان : حلا , لو سمحتي هذي اللي تتكلمين عنها أمي , و مستحيل تكون قتلتها
حلا : و لأنها أمك , ما كانت تبغاك تعيش مع لقيطه ما تعرف تربيتها , و هذا في النهايه يعطي إحتمال واحد بس
ريان : إيش هوا ؟
حلا : جنى تتنفس
ريان بصدمه كبيره : ها ؟
حلا : جنى حية يا ريان , دحين إنت قول لي إيش سؤالك
ريان لا زال في صدمته : لالالا و لا شيء
--------------------------------------------------------
تركي : ترا طفشتنا مخرب علينا الجو بنكادتك
ريان : شباب بروح البيت ورايا شغلة مره مهمه
فهد : أوكي سلم لي على أشواق
ريان طالع في فهد بدون نفس : على تبن
صقر × كمال : هههههههههههههههههههههه
~~~~~~~~~~~~~~~~~~~~~~~~~~~~~~~~
في الصباح @ الجامعه
: حييية ؟
حلا : هذا اللي انا شايفته
منار : اذا كان قايل لك كذا يعني جنى حية
سجى : ونااااااااسه ماني مصدقه
غلا : بنات لازم نروح اليوم لبيتها و نرتبه ممكن في أي لحظه ترجع , أو نلقاها
منار : جنى حية بنات جد مو مصدقه !
سجى : إيوا طبعاً إنتي و هيا الروح بالروح
منار : حرام عليكي أحبكم كلكم
حلا : إعترفي , بس إنك تحبين جنى أكثر
منار : إيوا أحبها , عندكم مانع ؟
غلا : بنات إستنوا خلوني أستوعب
منار : اليوم نلغي كل مواعيدنا و نتفرغ لبيت جنى
حلا : صح , متسحيل نخلي الخدم ينظفون بيتها , هذي جنى ! لازم إحنا بنفسنا نروح
سجى : بنات مرو عليا اورايت ؟
منار : أوكي أنا بمر عليك , و نتقابل الساعه 5 في بيت جنى إتفقنا قيرلز ؟
سجى × حلا × غلا : أوكي
~~~~~~~~~~~~~~~~~~~~~~~~~~~~~~
: خالد تتوقع انها أهملتني
خالد : لا ما أتوقع
رامي : بس مهما كان ! هيا بنت زيها زي غيرها ! تتوقع إنها تحب غيري ؟
خالد : لا ما أتوقع
رامي : يا ربييي , طيب تتوقع انها من النوع اللي من ولد لولد ؟
خالد : لا ما أتوقع
رامي : يا شيخ غير إجاباتك ترا طفشتني نفسياً و معنوياً
خالد : إيش أسوي لك ما أتقابل معاك الا غلا و غلا
رامي : خالد يا سامج أقول لك أحبها تقول إنك زهقتك
خالد : أوكي أوكي كمل أسئلتك بس لا تتوقع الا نفس الجواب
رامي : أقول يلا يلا بس إنقلع قاعتك
خالد : للمعلوميه ترانا نفس القاعه
رامي : و هذا من سوء الحظ
~~~~~~~~~~~~~~~~~~~~~~~~~~~~~
: يعني إيش تبغاني أسوي ؟
فيصل : مدري مدري يا يزن بس أمس و اليوم أحسها مشغوله بشيء
يزن : طبيعي تكون مشغوله تبغاها يعني 24 ساعه متفرغه لك و إنت لمن تنشغل تسحب عليها سحبة الكلاب
فيصل : أولاً ايوا أبغى طول الوقت متفرغة لي و لا هذا ما يصير حب , ثانياً انا عمري ما سحبت عليها
يزن : لا يا شيخ ! أولاً هذا ما يسمونه حب هذي أنانيه ! ثانياً لمن يجي اليوم اللي تنشغل فيه و تسحب عليها اليوم اللي بعده تترجاها تسامحك .. انت لا تنسى انها قالت لك انها رح تنشغل يعني ما سحبت عليك من الباب للشباك
فيصل : أففففف .. مدري يا يزن مدري ! احس أبغاها معايا طول الوقت و لا تلف وجهها عني لأي شيء ثاني
يزن : يا سلام ! و إنت تلف وجهك عادي
فيصل : ألف وجهي بكيفي
يزن : و هيا من حقها تلف وجهها كمان
فيصل : لا مو من حقها
يزن : و إنت بأي حق تمنعها
فيصل : مزاااج ياخي
يزن : أجل إقلب وجهك و لا تناديني مره ثانيه يالغبي
فيصل : يزن يا شيخ هدي شوية تحملني قدر شعوري يالدلخ
يزن : مقدر مقدر بس إخلص
فيصل : أقولك شيء , غير السالفه ! إلا إيش آخر أخبار أخوك طلال ؟
يزن : طفشني يبغاني أسافر له أخطب له وحده يحبها
فيصل : طيب أنا إيش دخلني
يزن : أولاً إنت سألت عن أخباره , ثانياً اللي بياخذها وحده إنت تعرفها
فيصل : أولاً إنكتم , ثانياً اذا كانت وحده من صحباتي القديمات تراني ما أتذكر تعرفني أحب التغيير
يزن : لا مو صحبتك و لا قد شفتها بس أكيد سمعت بها
فيصل : ليدي قاقا مثلاً ؟
يزن : لآ , سمر
فيصل فكر لوقت : سمر مين ؟
يزن : لا يا شيخ ! سمر أخت منار
فيصل فكر شوية بعدين إستوعب : هـــــــــــا ؟؟؟
يزن : بسم الله عليك خير ؟
فيصل : كيف هذي بالله
يزن : اذا منار ما قالت لك فأنا أقول لك , عندها أخ إسمه ناصر و هذا مخلص الجامعه و حده شركه أبوه الفخمه , و عندها توأم سمر و قمر ثالثة جامعه , أما أخوهم محمد اللي معاهم في نفس الجامعه فهوا في السنة الأخيره من الجامعه
فيصل : مدري كأنها قالت لي بس ما ركزت
يزن : الله يشفيك على العموم اذا بسافر تجي معاي ؟
فيصل : مدري أشوف , بعدين لا تستهبل و نذالة تحجز تذاكر أعرف إنه عندك طيارات لا تعد و لا تحصى خذني في أفخم وحده و لا تبخل
يزن : هههههههههه أوكي من عيوني يالورع
فيصل : شاطر عمي
~~~~~~~~~~~~~~~~~~~~~~~~~~~~~
1- إيش بيصير بين منار و فيصل لأنها ما ترد عليه ؟
2- هل ستتم خطبة طلال و سمر ؟
3- ريان ! ترا طفشتنا , انت تدور رضى و حب مين حلا أو جنى ؟
4- جنى ؟ هل هي فعلاً حية ؟