كل أبو شي في موضوع واحد <<اللي طفشان يدخل
لإزالة كل الأعلانات،
سجل الآن في منتديات أنيدرا
السلام عليكم ورحمة الله وبركاته
صبحهم / مسهم بالخيرات والمسرّات
عدد النجوم فالمجرّات
وعدد السكان فالسبع قارات
وعدد ما سوت أمريكا من غارات
وعدد ما فالرياض من حارات
.
من أولها سياسه .. الله يستر هههههه
~,~
وشسمه وش أخباركم عساكم تزقحون إن شاء الله؟
وآخباركم مع هالحرّ المخيس .. اللي لو تشغل عشرين "مكيف سبيليت" فـالسيارهـ مانفع ههههه
الله يعين البنات اللي يروحون فالباصات .. أنواع الخياس والعطورات اللي تفوحّ هع هع
وش ذالجوّ .. أجل درجة الحرارة تصك 48 .. طيب لو كملت ووصلت 50 كان عطونا إجازات ..
أحس فليناها ياأهل الرياض بهالإجازات ههههههه
<~ فيس يناظر ويضحك على أهل الشرقيه وجدهـ والشمال والجنوب والسويدي ومنفوحه وضواحيهم ..
/
أجل ذاك اليوم راجعه من المدرسه الظهرر .. وأشوف هاك الليموزين مسيكين ذابت سيارته من فوق من حرارة الشمس ..
الله يكفينا وياكم عذاب جهنم بس .. اللهم آمين ..
على طاري جهنم .. يقولون سعر الرز للحين نار .. ماسك على ماهو عليه .. وكل ماله يرتفع ..
الله يخلي التخزين فمخازن هالتجار بس ..
على طاري التجار والأبقار ..
فيه واحد متهاوش مع زوجته وكانوا بالسيارة ومارّين على مزرعة أبقار ..
قال لزوجته : يقربون لك هذولا ؟
قالت : إيه أهل زوجي !!
ههههه
/
ملاحظه كبر راس واحد أعرفه .. تراني أحبكم <~ لايكثر بس ..
نروح لفقرات الموزوع ..
][ طوط طوط ][
.
أحمد يمسك بجواله, ويتصل برقم الشركة الوطنية,
الرد الآلي: طوط طوط مركز العناية بعملاء الهاتف والإنترنت .......... لوجود عملاء آخرين يرجى الإنتظار 10 دقائق ..!
موظف الشركة (1): السلام عليكم معاك فلان الفلاني كيف أقدر أخدمك ..
العميل: لو سمحت إتصالي مفصول من عندكم وودّي الله يعافيك تشوف لي حل معه..
موظف الشركة (1): طيب أنا رفعت لك طلب وأنتظر الدعم الفني خلال 48 ساعه يجي ويصلحه..
/
بعد مرور 48 ساعة على المشكلة الفنية بالخط
أحمد يمسك بجواله, ويتصل برقم الشركة الوطنية,
الرد الآلي: طوط طوط مركز العناية بعملاء الهاتف والإنترنت .......... لوجود عملاء آخرين يرجى الإنتظار 20 دقيقة ..!
العميل (المسكين): السلام عليكم, لو سمحت قدمت طلب على رقمي وأبي تشوف وش صار عليه الله يعافيك..؟
موظف الشركة (2): إيه الطلب لازال مفتوح .. والدعم الفني مابعد وصل له .. إنطق 48 ساعه ثانيه وإن شاء الله يزين..!
/
بعد مرور 96 ساعة على المشكلة الفنية بالخط
أحمد يمسك بجواله, ويتصل بنفس رقم الشركة الوطنية,
الرد الآلي: طوط طوط.. مركز العناية بعملاء الهاتف والإنترنت .......... لوجود عملاء آخرين يرجى الإنتظار 40 دقيقه ..!
العميل (المزروف): أخيراً رديتوا .. وشسمه ياخوي قدمت طلب قبل أربع أيام ...........ألخ
موظف الشركة (3): طيب معليش المشكله على كل الحي ألحين مو بس عليك .. أصبر معنا ويزين إن شاء الله ..
العميل (المزروف): طيب جارنا خطه شغال عادي .. شلون تقول كل الحي فيه مشكله ؟!!
موظف الشركة (3): أحم .. هاهـ .. لا قصدي فيه كباين معينه بس .. بتنحل قريب ..
العميل (المزروف): طيب يعني وش الحل ألحين ؟؟
موظف الشركة (3): أصبر معنا 48 ساعه ثانيه وبـ يزين أو أتصل على الإدارة إذا ماضبط !!!!!
/
بعد مرور 144 ساعة على المشكلة الفنية بالخط
أحمد يمسك بجواله, ويتصل برقم الإدارة لنفس الشركة الوطنية,
الرد الآلي: طوط طوط .. يرجى الإنتظار 100 دقيقة ..!!
العميل (المنعون خيّرهـ): لو سمحت سالفتي كذا وكذا وكذا .. متى بيجي موظف الدعم الفني طال عمرهـ ؟ وش السواة الله يحفظك ويخليك لعين ترجيك !!؟
الموظف في الإدارة: أنا رفعت خطاب ثاني للموظف حق الدعم الفني وبيجيك بعد 48 ساعه..
العميل (المنعون خيّرهـ): يعني 200 ساعه بعد !!
الموظف في الإدارة: معليش إنتظر 48 ساعه ثانيه!!
العميل (المنعون خيّرهـ): طيب وإذا ماجاء ؟!!
الموظف في الإدارة: ههههه ردد معي " يالييييييييييييل ماطووولك" !!
الرد الآلي: عزيزي العميل شكراً لإتصالك ونتشرف بـ خدمتك/ونتفنن بـ بهذلتك/ونستمتع بـ زرفك !!
طوط طوط طوط طوط
][ إعلانات غلط × غلط ][
.
هذا غلاف الفلم المعروف 300 .. شوفوا مسكة السيف شلون .. لو دققتوا فيها لقيتوها تركيب بالفوتوشوب .. بس باين أنه مصمم زلابه
هههههه
.
وهذي دعاية لاب توب .. وخشة ذا البيضا اللي واقفه ورا ذالزرقا منعكسه فالشاشه هههههه
والله من الفهاوهـ بس ..
.
هنا صورة الجمهور .. صح المصمم فلتة زمانه يوم قصها بإحترافيه بس ولو ليش تنسخ نفس الخشة جنب بعض يالفاهي
.
هذي واضحه .. 8 قيقا ومنعكسه 4 قيقا
نسوا يعدلونها صح ..
.
هذي معليش لو المصمم قدامي قلت له يرحم أمك لعد تصمم غلافات
أجل جبهه هذا كبرها؟ هههههههه
.
لمين اليد الخامسه؟
.
بومبا وخرّ راسك شوي
ناظروا الظل شلون جاي قايلين للرجال وقف بس انت كذا ومدّ يدينك جعلها منيب قايل .. وحنا بالفوتوشوب بنركب الشيك
بس والله يا الظل لاعبن فالصورة لعب
وفاضحهم
][ أنت قدّي .. إقبل ألتحدّي ][
فيه سالفه قديمه شوي سامعها من زمان .. فيه شايب كل يوم يروح البنك ويسوّي إيداع 500 ريال
المهم أستغرب مدير البنك .. ناداهـ يوم من الأيام وقال له: من وين تجيبها أنت حرامي يعني ولا وشو؟
قال: لا أنا تاجر وهذا كسبي كل يوم.. وأكسبه بالتحديات
قال المدير: شلون مافهمت؟
قال الشايب: تتحداني أحب عيني ببراطمي .. وتعطيني 500 ريال
قال المدير: إيه أتحداك ..
الشايب فك عيونه (لأنها تركيب) وحبها ورجعها .. وأنقهر المدير وعطاهـ 500 ريال
قال الشايب: طيب تتحداني أعض خشمي بأسناني .. وتعطيني 500 ريال ..
المدير جلس يلمس خشمه لايصير تركيب ولاشي .. بعدين قال: يالله أتحداك ..
الشايب فك أسنانه التركيب .. وعض خشمه ورجعها .. وخذ الـ 500 ريال ..
وأنقهر المدير .. وطلع الشايب كسبان 1000 ريال في 10 دقايق ..
من بكرا دخل الشايب بيودع فلوسه .. تجمعوا عليه الموظفين وقالوا له أن المدير معصصصب مررهـ .. ويبغاك .. دخل ع المدير ..
قال المدير: رجع لي فلوسي ..
قال الشايب: بسوّي تحدي ثاني .. إذا فزت أنت تعطيني 100 ريال .. وإذا فزت أنا أعطيك 5000 ريال .. عشر دبلات فلوسك اللي خذتها منك ..
ووافق المدير علاطول ..
قال الشايب: أتحداك أن السروال اللي تحتك لونه أزرق ..
قال المدير: لا غلط .. لونه أبيض ..
قال الشايب: طيب أثبت لي وورني ..
رفع المدير ثوبه عشان يوريه .. والموظفين برا يناظرون ويضحكون عليه ..
طلع الشايب لهم وخذ من كل واحد منهم 500 ريال ..
وقال لهم: ماقلت لكم بفسخ سرواله ههههههه
طبعاً كوّن ثروهـ في دقايق .. وجمع 50000 بعد خصم الـ 5000 حقت المدير ..
/
على طاري السالفه لاتتحدى أحد إلا أنت واثق أنك بتنجح وتفوز فيه ..
فيه ناس تحدوا لهم واحد أنه يعض خشمه .. وتأكدوا ان خشمه صدقي وأسنانه صدقيه أوب تركيب .. وطقوا المراهنات عليه وكذا ..
شوفوا وش صار .. الصور تحكي لكم السالفه ..
.
.
.
.
.
.
.
][ قتل online ][
.
.
في اليابان فيه لعبه إسمها Maple story
كل شخص يسجل فيها يلعب وكأنه عايش حياة مع الناس بس عن طريق النت .. ويحارب وحوش وياكل ويشرب وكل ابو شي فالعالم .. ماخلوا شي هالجابانيز <<ياحبيلهم والله..
المهم .. فيه وحدهـ إسمها ....<<مدري .. عمرها 43 كانت مسجله معهم ..
كانت متزوجه واحد منهم .. وفجأه وبدون سابق إنذار طلقها ..
عاد أنها يوم طلقها وتروح تقتله في نفس اللعبه ..
ألحين الأخ زوجها باللعبه رافع عليها قضية عشانها قتلته ..
و متهمها أنها هكر ودخلت على بياناته ولعنت والديه ..
وإذا ثبتت التهمه عليها بيسجنونها 5 سنين , أو تدفع 5000 دولار كتعويض لهالمسكين ..
مايستفاد:
إنتبهوا قبل لاتلعبون مع احد ..
طلقها على النت ذبحته .. أجل لو طلقها صدز وش بتسوي فيه؟!!
تعليقاتكم؟
][ طفاقة حريم ][
نقلا عن جريدة اليوم:
اقتباس:
هوى مصعد كهربائي يحمل بداخله 20 سيدة من الدور الثاني إلى الدور الأرضي بمستشفى الولادة بالأحساء مساء أمس الأول.
و تعود تفاصيل الحادث إلى أن مصعد المستشفى - والذي تبلغ طاقته 16 شخصاً - لم يستطع أن يتحمل الحمولة الزائدة به حينما صعدت 20 سيدة بغرض استخدامه للنزول وفور اغلاق باب المصعد هوى سريعاً ليرتطم بقوة كبيرة بأسفل أرضية القبو ، ليسارع رجال الأمن في المستشفى والفنيون بالنزول إلى ( البادروم ) ومحاولة فتح الباب واستطاعوا إخراج المحتجزات بعد تدافعهن مما أدى إلى إصابة امرأتين بكسور ورضوض نقلن على إثرها عن طريق سيارات الإسعاف إلى مستشفى الملك فهد بالهفوف.
التعليق:
يعني ألحين يوم أنه مكتوب أنه يشيل 16 بس .. ليش تركبون يالـ 20 ..!؟
ولا نعفقه زايدهـ وأنا أبي أوصل أول .. هذاكم وصلتوا كلكم مع بعض .. تحت !!
بعض الناس " سبحان الله " .. تتعب تقول مخ مافيه سديق ..
وبعدين يوم أنهم فتحوا لكم المصعد وراكم تراكضون <~ أحس أني جالسه قدامهم ألحين وأهاوش ..
وشسمه الصبر زين .. خاصه فهالمواقف العصيبه ..<~ كيف عصيبه بس
إلا بسألكم .. ليش الواحد إذا وقف عند باب الأصنصير "المصعد" وشاف لمبته مولعه وواحد واقف قبله وضاغطها يجي ويضغطها مرهـ ثانيه؟!
يعني أنت كذا تقول له إستعجل شوي ولا شلون؟ هههههههه
][ ص ـور وتـ ع ـليقات ][
..
شايب خربان .. وش تدور ورا الصوره يعني بيطلع الباقي؟
هههههههههه
.
لاويقولون الاطفال قمه البراءه
هم يقولون مالي دخل أنا
ههههه
.
.
الحب الخليجي في صورة
.
أحد يساعدها بالله .. مضيّعه تسلبها !!
.
زعل جماعي
.
الرز بنكهة القهوة السعودية
.
بانتظار تعليقاتكم حبايبي...
جــــــــــــاآآآآنى
الموضوع الأصلي :
كل أبو شي في موضوع واحد <<اللي طفشان يدخل || الكاتب :
mrjojh_cool || المصدر :
منتديات أنيدرا