افتتحت الجزء الثآني من مدونتي
بنسخ كل الكلام و الصور من المدونهـ القديمهـ و بحطها هنيه
طبعا كلكم مستغربين من الي صاأرلي .. رجعت اسجل مرة ثآنيـهـ
لآن المنتدى ماطاع يدخلني بعدما سويت تسجيل خروج و كلمة المرور و النك كلهن صح بس هو مادري شو فيه !!
فــ اضظريت اسجل مرة ثآنيـهـ
الي منقهرة منهـ ان فيه رسايل متعودهـ اقرآهن
و شو الي بيعوضهن الحين؟!
اهـم شي اني رجعت لصديقآتي في المنتدى و مدونتيه الي مشتاقتلهآ
الهواية : السفر و تعلّم اللغة اليابانية و التصوير الفوتوغرافي و احب اسوي سويتآت و حلويآت
من صفاتي :
,ماحب حد ينتقدني لآني استسلم بسرعة ><
,ممكن اكون طيبة القلب
,أزعل بسرعة
,غيورة شوي خخخخ
,ماحب الانتظار و غير صبورة
أحب اكون سبيشل بين الكل <متكبرة الاخت هاااه
من الاشياء الي احبها و الي اكرهها
أحب :
الشتاء و المطر و جمعة الأهل في البر و احب الجوكليتس بشكل فضيع باستثناء الدارك جوكليت
احب الوايت موكا من ستار بوكس و احب اليابان و احب السفر احب اسمع اغاني يابانية و احب الطفولة و ذكرياتي الحلوة و احب الي يحبوني ^^
أكره :
الزحمة , الامتحانات , الحر , الاستهبال الزايد عن حده , الخيانة و الكذب , اكره
الهنود , اكره الحشرات و حتى من الفراشات و كلل شي
اكره الي يكرهوني و الي يستهينون بقدراتي
اكره الدلع الزاايد و اكره الإزعاج و اكره الأطفال المزعجيييين
و اكره الآبار و المستشفيات
الشي الي ما استغنى عنها تليفووووني الحبيييب , مستحيل اروح مكان عنه ^^
من مستخدمي : بلاك بيري , لابتوب ماك وايت , ايبود تاتش , كانون 450 دي
من الاشخاص المقربين لي في هالحياة بعد امي : 1- بنت عمي , chii lover ^^ توأم روحي ,, روح في جسدين على قولة دياآجي
و هي بنت عمي و صديقتي و صديقتي في الطفولة و العمر ان شاء الله =)
2- و توأمتي في البيت ,, اختي
خخخخخ هي مب توأمتي ,, بس كلهم يقولون نحن توائم مع ان ماشي شبه هههههه
بكلمكم اليوم شوي عن الاشياء الي صارتلي في 2010 و الاشياء الي أول مرة تصيرلي
في سنة 2010
أول شي ..
أول مرة تنكسر ايدي -ـ-" .. بقولكم القصة ..
في المدرسة .. كنت بروح انا و بنات صفي للمختبر ,, و اجوف البنات يركضن قلت خلني اركض بعد هههه
و وصلت المختبر و فجأة !!
لقيت عمري طايحة ع الارض على ايدي اليسار ههههههههه و انا اضحك .. خخخ و البنات بعد ماااتن من الضحك و الابلة قعدت اتقول
حراااام .. بسم الله عليج .. اتعوّرتي؟ قلت عادي عادي هههه
و محد قوّمني من الارض كانن يضحكن علي قالتلي الابلة هاتي ايدج بقومج قلت لالا عادي انا بقوم بروحي هههههههههه و في نص الدرس ايدي عورتني و ماقدرت استحمل ..
:( قلت لها و هي تشرح . , ممكن اروح عند الممرضة؟ ايدي تعورني و البنات ضحكن و عاد انا عصبت و ماضحكت !!لآن خلاااص صار الامر جدّي ., و طلعت وسكرت الباب قالن البنات اوووو عصبت
وطبعا ما لقيت الممرضة و انتظرت لين ما رجعت البيت وقلت لامي و سرت المستشفى و قالولي انها مب كسر
التواء على قولة الدكتور -ـ-
و اليوم الي بعده هههه لقو ايدي لافينها بالهالشي الابيض < حسستيني انه كائن فضائي
و البنات و الابلوات قالن اووووو سلامات خخخ و حسيت اني اتدلعت عليهن شوي
كان في بنتين اظن يشلن عني الكتب ههههههه حسيت صدق اتدلعت هههههههه !!
ثاني شي
وهي اني اول مرة احس اني احب اليابان من الخااطر , و اني انعجب في ممثل ياباني و الي هو يامادا ريوسكي ^^
و هذا الشي جلب حياتي كلها و غيّر روتيني .. كنت احس بالملل قبل لاعرف هالاشياء بس تووتآ دخلتني عالمها
الياباني و الحين انا مشاركتنها خبالها هههه .., و صارت الاغاني اليابانية كلها في ايبودي و اخبارهم دايما اعرفها و اللغة اليابانية بدت تتحسن و احاول ابذل جهدي عشان اتعلم هاللغة بروحي ^^
و يعني ,,, صار الياباني جزء لا يتجزء من عمري ^^
الشي الثالث ,,
قبل عيدميلادي بكم اسبوع
قالولنا في بعثة لليابان و طبعا طلعت رووحي و ردت فجأة خخخخ و ماصدقت ,, حسيت بشعور غرييب
و البنات فرحن لآنهن يدرن اني احب اليابان و عينهن ع ردة فعلي و الصدمة و الحماس
بس طبعا اهلي ما وافقو ولا بيوافقون ^^ و بعد ما فقدت الامل ,, ,, حسيت بشعووور اني كرهت اليابان و خاطري امووت احس بشي غريب ., بس طلع ان هذا من صلاة الاستخارة ,, سبحان الله تغير رأيي فجأة ,,!
الحمدلله لك يارب ان تغيّر رأيي في البعثة ^^
و الحين ,, انا و توتا نفكر نسير اليابان بأي طريقة هههه ان شاء الله نسير يوم من الأيام
يارب نلاقي فرصة و نسير انا وهي مع بعض لآن مافكر اني اسير بروحي بدونها هههههههههه
الشي الرابع
اكتشفت ان عندي غمازة وحدة في خدّي .. جهة اليسار بس ما تبين وايد ^^
الشي الخامس
ااول مرة اسافر امريكا ..
الصراحة روووعة هالبلد ,, خاطري اعيش فيها ^^
و حتى شعبها طيبين ,, يعني اذا دخلت محل او شي .. يرحبون فييك و يقول
hi . . how are you? Can i help you?
ماشاء الله .. و دايما مبتسمين
انا اول مرة اجوف هالشي ,, لآن في اوروبا غييير عنهم ><”
كل واحد في حالة و ماله شغل بالثاني و لا يرحبون ولا شي و معاملتهم مب اوكي
و في امريكا .. اذا شافوكم بعباة و شيلة .. مايتمون يشوفونكم بنظرة استغراب !!
لا , عادي , , اذكر قالتلنا وحدة واااو نايس كلر < حق الشيلة ان الالوان حلوة هههههههههه
اما في اوروبا ياكلوووونكم من نظرات الاستغراب و الفضول
سبحان الله !!
الشي السادس
اكتشفت بداية السنة ان ريلي غير طبيعية , فيها عظمة زيادة و مع الوقت تكبر, و من كم يوم سرت المستشفى واشوف شو بيقولون عنها
قالتلي الدكتورة ان ريلج فيها فلات فوت !!
<- هااااااه ! انا الصراحة ما صدقت احس ريلي عادي مافيها شي
وو قالت ان مع الوقت هالعظمة بتكبر و انتي بعدج صغيرة و قالت بسويلج فحص دم نجوف نسبة الكالسيوم و الحديد
و طلع كل شي زين الحمدلله بس بقت نتيجة فيتامين دال
والله كريم ان شاء الله
الشي السابع
اول مرة احس اني اكره كيمرتي . . كلهم يقولون ان تصويري مب اوكي و ان انا ماعرف اصور عدل
و المشكلة ان في حد يجاملني ><”
و استسلمت للانتقاد و حسيت اني ماريد اشوف الكيمرا مرة ثانية
كان التصوير كل شي بالنسبة لي ., و هذي اول هواية طلعتلي
<- حسيت انها وظيفة . . خخ
و انا و بنت عمي طلبنا من امريكا استوديو للتصوير , و جربنا شوي فيه و هي ماشاء الله تحب التصوير و هي تعلمني و شو هي اخطائي
الشي الثامن
انا مااااحب شي اسمه "جبن"
بس اتغير الوضع و صرت احبه ههههههههه
و حتى الجام أو الـ”مربّى”.. في امريكا اول مرة اجرب الجام .. جام بالفراولة ^^
و اتغيرت الاحووواااال ههه
الشي التاسع
أول مرة حد يحضنني بهالقووة ^^
بعد ما رجعت من المطار
استقبلتني توتآ في بيت اخوي ..,ووو
biiiiig huugggg !! ^^
كان الموقف جدا محزن < بلييز بيصيحووون !!
<آآآآوت
يووو .., تكلمت واااايد هههههههههه
انتظروني ان شاء الله في رد ثاني ^^
الحب و الكراهية .., شي مانقدر نتحكم فيه !!
مب اي واحد شفناه .. دخل قلبنا
ليش؟
يمكن ما يكون حلو , يمكن يسوي حركات ما تعجبنا , يمكن يضايقنا , يمكن خذنا منه موقف و ما توقعنا منه ... الخ
في مليون سبب
انا عن نفسي ..,
اذا حد دخل قلبي من صديقات او بنات , مب بكل سهولة
انا اذا حد دخل قلبي , اعزّه و احترمه و اكون صادقة في تعبير شعوري له
مب اخليه في قائمة "مجرد صديق " ., لآني اذا كان الشخص متمسكة فيه
يعني الشخص غالي .., جداً .. !
أما الكره ,, فأنا عمري ما كرهت حد من كل قلبي ..!
انا الصراحة توني اكتشف هالشي فيني
صح اني اعصب من شخص .. لكن اعرفوا اني ما كرهته من كل قلبي
ممكن كراهية ,, صح !!
لكن كراهية من القلب و ماتكون له مكانة ف قلبي !!
هذا مب موجود عندي
هذا الشي الي عجبني فيني
طيــّــــب ..
كنت افكر اكتب خرااابييييييش أو الي يسمونه "خواطر" !!
شوفو شو النتيجة واحكمو .. خخ ترااا هذي اول تجربة
حالتــي مع صديقي الجديد
{ الاستــسلاآم !! }
سقطت أرضاً ..
ولا يمكنني النهوض ..
واستسلمت لكلام الناس ..
هل هذا بسبب ضعفي و عجزي؟!
ام بسبب اني لا املك رداً أو تبرير على انتقاداتهم لي ؟!
هل يا ترى أستحق ما يصيبني؟
هل أستحق ان تنزل دمعتين على خدي يومياً؟
و هل عليّ أن أستمع لما يطلبون و أتعلم من خطأي؟!
أم اضلّ جالسة في مكاني , مكتوفة اليدين و اتلقى صنوف العذاب و التجريح منهم ؟؟؟
هيه صح بقولكم ,,
تاريخ 25-7 ع العصر سرت المستشفى حق ريلي ..., قلتلكم عن العظمة
خخ و في نفس الوقت .., توتـــآ قالت بتسير بعد
بس هي سارت مع ابوها ..,
وانا طلعت قبلها المستشفى
دخلت ملفي و كل شي و قالتلي الدكتورة عن نتائج التحليل و قالت كللله تمام الحمدلله
قالت الكالسيوم عندج اوكي ..! تشربين حليب؟
قلت الصرحة ..لآ !!
قالت آآه !! طيب شكلج تاكلين فواكة و خضروات .. !!
خخ قلت اممم .. هيه
وطبعا طول الوقت و المسجات شغالة بيني انا و توتآآ
"هاه وينج؟" ..., "انا بعدني في البيت" ... "يا ذكية خلصي بسرعة جدامج حرييم و مابتخلصين و بتستوي زحمة " ... "اقوول انا وصلت و الحين يطلعون ملفي " .. بس انا مارديت لآن الدكتورة قالت روحي قسم الاشعة
و طلعت .. اشوف عمي و معاه هالبنت الكسلانة الي توها واصللة !!
واخييرا ,,
دخلت قسم الاشعة
كان الدكتور طوييييل ماشاء الله
خلصت و رجعت عند الدكتورة .,, اني اشوف توتآآ قاعدة سويتلها باااااي خخخخخ و دخلت الغرفهـ
شفنا صورة الاشعة و عطتني اياهن . .
و طلعت
لقييت توتآ و قعدت اقولها الي صار
ورويتها صورة ريلي ,, ضحكت عليّ
هذا عييب خلقي ..! اهئ اهئ ماايضحك
و هي كانت بعدي ,, و بعدين دخلت
لآ عنـوآن يشـرحْ مـن أنــآ . .~*
مــن اأنــآآ ..؟!
... "اقوول انا وصلت و الحين يطلعون ملفي " .. بس انا مارديت لآن الدكتورة قالت روحي قسم الاشعة 
مقتطفآآت ع السريع ~ْ
حسيت كأنه غدآ او عشاآ
<يعني قنينة مآء اذا ما فهمتو ^^" 
العرض العادي
