هوشتي مع بزر في السوق

[RO0O RO0O]

بسم الله الرحمن الرحيم ...

اخواني واخواتي المعفنين والجميلين في انيدرا << تدلين الباب

نعم نعم لقد وضعت موضوع في هالقسم << بشري امتس

ترى مالي خبرتـ(ن) كثيره بالمقدمات والهذرات(السواليف) الزايده .. << طيب ليه ما تبدين ؟؟

وبما اني بديت اتعود اترجم << وش دخل ؟؟!!

اتركو اللي فوق وتعالو هنا << يرحم امتس ابدي بسالفتك لا اللحين اشوتك اخليك شاورما


المهم المهم ابدا << مبرروووك ..

في يوم من ايامنا الجميله في السعوديه والبرق يبرق والعصف يعصف << اموت على التعبير + اصلا من بدا الصيف ما شفنا برق ولا عواصف ؟؟


المهم قررت انا ..{Ro0o Ro0o }... الخروج الى السوق مع اختي واخي واخي واختي وامي وابي والشغاله

وهذا عندما كنا في جده ..


رحنا لم مول من المولات الموجوده << مانب قايله اسمه عشان ما يزعلون المولات الثانيات .. << برااا ..

المهم ..

كان كل واحد لحاله يعني اوريكم التخطيط :

انا واختي اللي اصغر من بسنه

امي لحاله عشان تاخذ الراحه بالمقاس والاختيار بدون تعليقات والدي العزيز ..

اخوي واخوي واختي الصغيرة << كانو يبي يروحون لم الالعاب عشان اختي ..

ابوي << رايح لم القهوه ..

والشغاله << خلينها بالسيارة << اكذب اكذب راحت مع اختي الصغيرة عشان تنتبهله ..


المهم ما علينا ..

وانا كنت اتسوق واتقضى وافحط في اسياب الموول الكبير المليء بالشباب من كل الانواع والفتيات من كل الانواع

والصغار والكبار من كل الانواع << يعني كوكتيل او مشكل << وش الفرق ؟؟

المهم اختي دخلت لم محل من المحلات اللي اخذ عقلها بألوانه الفتاكه ..

وانا رحت لم محل ثاني وقلت لها : ما اوصيت وانا اختتس خلي جوالتس مفتوح وردي على كل مكالمه ادقها عليتس

اختي قالت ابشري ..


رحت انا لم محل ثاني حق ثياب واشياء ثانيه المهم اخذت حاجتي وطلعت

ورحت لم كوشك يبيع ايسكريم .. << اذا صار بطنك يعورك من الجوع ما عندك غير باسكن روبنز 31

المهم طلبت ميلك شيك فانيليا ساده << لا يفوتكم طعمه << انتي جايه تكتبين موضوع ولا تسوين دعايات ..


ورجعت اكمل هجولتي في الموول الا واسمع هذاك الصوت اللي ياليتي ما سمعته ..

بزر او طفل صغير قاعد على كرسي ولابس فنيلة الاتحاد << عدوي اللدود << لا اقصد الاهانه للاتيحادين هنا ..

المهم :

لابس فنيلة االاتحاد وجالس على الكرسي وقاعد يقول : ياسر وينه في الاستراحه ياسر وينه في الاستراحه

هنا انا سويت معمل متفجرات نوويه والنار بدأت تخرج خارج نقابي الذي كنت ارتديه ..

وقلت في نفسي : وبما أني هلاليه ما اروح الا وانا مكفخته ومخليته كمبو دبل هرفي ..

فرحت وجلست خلف الولد الصغير بمسافه طويله لا تقل عن متر ونص ..


واجلس اشوفه بعين تقولون الجني جاي وكافخها ..

المهم وانا قاعده واشفط الميلك شيك شفط سريع تقولون سيارة مجاري جايه تشفط بياره <<بالوعه

ويوم تأكدت ان الميكل شيك خلص االا وافسر كموم العبايه

واصوب العلبه على راس الولد .... ايتش ني سان ستارتووو وطوووووووووووف وتنطلق العلبه تقولون صاروخ بس صغير ..

ويوم وصلت العلبه الى راس الولد انحرفت عن المسار ..

وطاحت جنب الولد البزر ويلتفت الولد البزر ويشوفون ويقول : انتي اللي جدعتيه ..

يوم سمعته غدا وجهي تسذا>> غدا يعني صار ..

وقلت : هههههههههههههه لا يا ابو الشباب موب قصدي بس كنت احسب الزباله جنبك تعرف يعني هههههههه ما لبست النظاره ..


الولد ما عطين فيس ورجع لم اهله ..


وقلت انا : انا وش سويت انا وجهي صح اني سويت شي بطل وفيه فداء للهلال بس موب قدام الخلق


وقلت لازم اتصل على اختي وبما انها اعقل مني << هذا وانتي اكبر منه ..

واتصل عليها واقولها وينتس ؟!

تقولي انا فوق .

قلت احلفي

قالت والله

قلت ادري انتس فوق بس ايهم فوق ؟ فوق فوق ولا فوق اللي فوق فوق << ادري ما فهمتوا بس اختي فهمت علي

وقالت لي لا فوق فوق اللي فوق فوق

واروح طيراااان عنده قبل لا اسوي شي غبي


وخلصت قصتي ..

نمتوا ولالا << انقلعي مناك ..

شوفو ترى اللي تقرى ولا ترد ما راح اخليه تعطين رايه الله لا يبخل عليكم

يالله اشوفكم بعد مده

الموضوع الأصلي : هوشتي مع بزر في السوق || الكاتب : RO0O RO0O || المصدر : منتديات أنيدرا