اليومـ ـابد ما توقعت إني أقومـ من النومـ مبكر ,رحت الجامعة مواصلة وحالتي يرثى لها من أول محاضرة وأنا مغرزة ولا قادرة أفهمـ كل إلي فلحت فيهـ إني أكتب ورى الدكتور بخطة خياس من النوم والسرعة وميمو حالتها نفس حالتي بس هي طلعت بعد المحاضرة راحت البيت ونامت وأنا بقيت أنتظر محاضرة الأحصاء عاد هذهـ المحاضرة أبد ما فهمت منها شيء أو بالأصح ما سمعت ـاخذت كتاب الرواية وحطيته ع الطاولة وحطيت عليه الملزمة وقلت للي جالسة جمبي إذا طلعت الدكتورة تصحيني >>يعني نمت أدري لو إني ما رحت أحسن بس على الأقل تسجيل حضور وميشو اليوم بس شفتها 10 دقايق لأنو كان عندها اختبار و3 محاضرات بس الشيء الحلو المعمل لما جات ميمو وجلست أهذر معها راح النوم وصرنا لق لق لق ولما دخلنا كان مرة حماس لدرجة إني أنا إلي أشتغلت ع التجربة وأنا إلي رازة فيسي عند الدكتورة بما إني القائدة حق مجموعتي وـانا إلي حليت لهم الواجب وبعدين قالت لنا الدكتورة ننضف أدوات التجربة وأنا ميمو نظفانهمـ وبعدين طلعنا , لما رجعت البيت ع طول ع السرير وما توقعت إني أصحى 11 بس الأخوان المصونين مزعجين بقوة أخوي الصغير يصرخ والكبير مشغل جهازة ومطول عليه وعيال جيراننا طالعين الشارع يتهاوشون وبدون المكيف أسمع صوتهمـ بكل وضوح
لقد إنني جيت >> كذابة لو المبارة كان ما جيتي بس من جـد اليومـ حمـاس وألوـان الحمـاس بعـد المباراة وـانا أتابعها حسيت بيجيني إنهيـار عصبي وربي متوترة حد الدعسة ولما جبنـا القول فرحت لدقايق بعدين رجعت توترت أكثر عن أول >> ما برتاح إلا لما أسمع الحكم مصفر والحمد الله فزنـا >> ما تلاحظون هذهـ أول مرة أقول شعوري عن مباراة بس بصراحة أحس بوناة وشعور مدري وش يبي
اليومـ بجد حسيت بمعاناة ريوتي لما تكتب بحوثهـا وخاصة لو الشيء إلي تبحث عنه مو متوفر كثير ><" سوري ع التدوينة إلي مدري وش تبي بس متحمسة لووول لي باك بس الحين بخلص أشغالي
من جد وجد الجد من زمـان عن هنـا أفتقدت إني أكتب في بلوقتي كثير عشان تسذا قرقرت اليومـ إني أدخل وأكتب شو صار أمس لأنو ـامس كـان مرة حلو ويطفش بنفس الوقت
في الجامعة أول محاضرة كانت عندنا بيئة نباتية وكانت القاعة ما فيها بنات كثير بس ـانا وميمو وثلاث بنات ما نعرفهمـ المهمـ وحنـا جالسين فجعة جات دكتورة وقالت : إنتو عندكم محاضرة بيئة " تكلمني لأني قبالها" قلت لها : إيهـ عندنا قالت : آهـ كويس أنا حديكو الأوراق وأنتو تبدأو في الحل وشوي وتعطينا هذيكِ الورقة الي نظلل فيهـا الدوائر >> سوري ع الشرح بس أكيد عرفتوهـا كـان أقول لهـا : دكتورة ما عندنـا إختبار كان تقول : هذا استبيان المهمـ بعد المحاضرة بدأ الطفش جلسنا أنا وميمو في مكان وهي تنقلني محاضرات العقيدة إلي هي كاتبتهمـ ولما خلصت أنا نقلتها محاضراتي " لأنو أكيد هي بتكتب أشياء أنا ما لحقت أكتبها والعكس صحيح .. إلخ " بعدين قالت تبغى تعيد البحث حقهـا لأنو المومري تبعها خربانة وـانا كنت أخذت لابي عشانها عدناه بس نفس الشيء الفلاش الثاني فيه علة وجربت سيدي بس الملف مو راضي يصير المهم ـرحنا ندور قاعة فاضية عشان نشحن اللاب فيهـ وحدة توي فتحت الباب إلا وأسمع شايني وأغنيتهم " هلو " في أرجاء القاعة قالت لي ميمو : جويج من هذولا إلي يغنون قلت لها : هذهـ الأغنية الجديدة تبع شايني قالت : يعني تعرفينهمـ أجل خلصي ودخلي داخل هذهـ القاعة أملنا الوحيد المهمـ دخلنا وقلنا للبنات يأخذون راحتهمـ بس أحسن شيء سووهـ يومـ غيروا الأغنية وحطوا فايتينق مان " بس المشكلة صرت أسمعها مرتين السماعات في أذاني وهم مشغلينها بس خلصت بسرعة وطلعت المهمـ لما طبعناه وكل أبو شيء رحنا للمشرفة كان تقول لازم ظرف وربي بغيت أفحط صياح من التعب خلاص يأخي أرحمونـا وميمو الزفته قالت لي أعتبري البحث بحثك وروحي أشتري ظرف وماني معطتك فلوس قلت لها : مو مهمـ تعطيني بس طسي والأخت الباكا رايحة المعمل من دون ما تأخذ اللابكوت حقها وأعطيتها حقي المهمـ رحت أشتريت الظرف وسلمت البحث إلا كان أشوف ميشو الدوبة من زمـان عنهـا من أول أسبوع وهي كل اختبارات جلست معهـا لحد ما بدأ المعمل حقي ومعه بدأ الحمـاس في البداية استغربت إنو الدكتورة لما تحضر البنات تأخذ معهمـ فصيلة الدمـ تبعهمـ ولما وصلت لأسمي قالت : وإنتِ يا جوجو تعرفيهـا ولا نفس الخمس إلي قبلكِ قلت لها : لا أعرفهـا قالت : كويس وبدت تكمل التحضير وبعدين قالت معملنـا اليومـ كيف نعرف فصيلة الدمـ وقسمتنـا مجموعـات وقتهـا تمنيت إنو ميمو معي في المعمل " مو لما تطلع أنا أدخل " المهمـ جلست تنقلنـا خطوات العمل كان تقول " أوخزي أصبعكِ الإبهـام بالإبرة " سويت حركة في وجهي كان تنتبه لي وتقول " جوجو هذا كلام كيف التطبيق المهمـ مجموعتي فيهـا 3 بنات ما يعرفون فصائلهمـ ووحدة ما تعرف إذا موجب أو سالب جربت أوخز وحدة بس ما طلع في أصبعها دمـ قلت لها خلاص أخاف أعوركِ بعدين قالت لي وربي أخاف من الأوبر خلصيني طلعي أي شيء وبس قلت لها : تقولين لي أنا وش عرفني بعدين أخاف إلا كان تطلع الدكتورة من وراي : خلاص أنا بسوي لها وسوت لها وقالت لي أكمل الشغل ولما سويتهـا طلعت فصيلتها AB+ من زود الحمـاس جربت في بنت ثانية وطلعت فصيلتها A+ عاد في أول وحدة عملت لها لما شفت شكل الدم خفت قالت لي الدكتورة إنتِ داخلة قسم إحياء برغبتكِ ولالا مغصوبة قلت لها : لا برغبتي أصلاً لو انقبلت في قسم غيرهـ ما بكمل دراسة قالت لي : طيب وش إلي خلاكِ تحبين الأحياء قلت لها : عشان أدرس علم الوراثة كان تأخذ أذني وتفرصهـا وتقول : الحين إنتِ تبين تدرسين علم الوراثة وهذا احنا في معمل علم الوراثة ليه خايفة السنة الجاية إذا وصلتوا للتشريح وش بتسوين قلت لها : آآهـ " عن أذني " ما بعد أتعود إذا تعودت بيصير الوضع عادي
وبس الحين بروح أذاكر هذهـ الفترة ما أعتقد بدخل كثير لأنو الإختبارات بدأت أشوفكمـ على خير
ـأخباركمـ إن شاء الله مو مغرزين في أمور الدنيـا ..؟
فترة الإختبارات إلي راحت غبية بقوة الله لا يعيدهـا من أيامـ في الأسبوع هذا من جد قهر بس إن شاء الله يكون تقديمي حلو فيهمـ >> ـانا أحس كذا متى أخلص من همـ الإختبارات وأفتكِ >.< يا حياتي أنا أحس الأسبوع إلي راح طلع من عيوني ع قولة ميمو والأسبوع هذا شكله بيطلع من أذوني هع
إيهـ صح في مرة من المراري إلي كننت أنا وميمو في الفراري قصدي كـنت في الجامعة جالسة مع ميمو فجأة قالت لي : جوجو شكراً لأنكِ صديقتي أنا أطالع فيهـا ولاني بفاهمة شيء وفي نفس الوقت خفت لا يكون صاير لها شيء بس قلت لها : فعواً قالت : يا ربي ما أصدق كنت متوقعة إنكِ بتتمسخرين إنتِ وجهكِ قلت لها : متى تمسخرت قالت لي: أوص ولا كلمة خليني أكمل كلامي >> احترام متبادل قلت لها : طيب بس أول فتحي اللوكر حقي " قسم إنه معفن لازم أطلع كل قوتي عشان يفتح " فتحته وبعدين كملت : هو صدق إنكِ صديقتي من إبتدائي بس ما كنا نفس كذا الحين احنا أحسن مع بعض هزيت رأسي بالإيجاب طلعت كيس من اللوكر تبعها وعطتني إياهـ وقالت لي : تذكرين قبل شهر بالضبط قلت لكِ إن هدية عيد ميلادكِ هي شيء أبيهـ عشان كذا خذي الكيس وشوفي ولما تقرري تفتحيها تعطيني هههههههههههه من جد ضحكت عليهـا وقتهـا رحت لها خميتها وجلست أشكرها وكذا هذهـ الهدية
واليومـ أنا محتارة وش أجيب لميشو هدية..؟ مر على عيد ميلادها 4 أيام عشان هيك لازم أروح السوق اليوم وأشتري لها هدية سنعة ولازم أشتري شنطة لأنو حقتي راحت في خبر كان يا حياتي عليهـا ولما أرجع أبي أحل واجب الإحصاء >> أكرهـ الرياضيات وفروعة
بس أحسن شيء سووهـ
العرض العادي
