السلام عليكم و رحمة الله و بركاته يا الربع وحشتوني و ذا كله بسبب دي المدرسة الزقة
عاد ابشركم جبت العيدين < أمزح أمزح جبت 90
ما علينا , ما وحشتكم تحشيشاتي ؟ اشك صراحة -بتصفق-
إلا وش رايكم بالنيولوك كيف بس ؟؟ تصميمي و ذا
المهم يا زلمات -خير خليتكم عيال-
ما علينا خل نكمل .
مرتن من المرارير المهم يوم جا ذاك الوقت 12/12/2012 -حلو التاريخ صح-
المهم انا و شلتي الشميلة ما قدرنا ندرس تمام نخطط وش نبي نسوي بذا اليوم
ايه نسيت الوقت بعد 12:12
المهم طبعا اتفقنا نجيب الجوالات في حال بنسوي حاجة و لا شيء
و وقتها جت لدمنكش فكرتن جهنمية , عاد وش سوينا تتوقعون ؟
انا أقولكم الحين
المدرسة الي انا فيها جمبها مصلى و طبعا الحدود حقته واضحة لأنه لاصق بالمدرسة اصلا , المهم نحنا رحنا عند درج الحمام تبعه , و فيه لفة ما يوضح وش نسوي هناك
طبعا فكرة دمنكش الجهنمية كالتالي :
1- نتبرع بوحدة من جوارب الجزمة
2- نكتب ورقة فيها اسمائنا و حساباتنا و ايميلاتنا و كذا
3- نربط الجوارب بعد ما ندخل الورقة جوتها
4- نرميها من السطوح حق المدرسة و الي ياخذها عاد يكلمنا
و المهم الرسالة الي مع الاسماء و كذا
سوينا هالشي بعدين صورناها و حطيناها بالبيبي كصورة عرض و نحنا ميتين ضحك
و يوم جت الساعة 12:12 رميناها من السطح
بعدين دخلنا الفصل و نحنا ميتين ضحك , و من زود التحشيش الي فينا صورنا رجلنا و نحنا بس لابسين جورب واحد