عائلة كبيرة تربطهم علآقآت كثيرة ,,
صدآقة , أخوة , تنافس , زملاء عمل وتدريب , سنين من المعرفة
تشاركوا اشياء كثيرة في السنين مراهقتهم ..
جمعهم حلم وهدف واحد , الترسيم
وع المسرح وفي لحظة تحقيق الحلم بذلوا كل جهدهم عشان يظهرون تعب وتدريب السنين ,
مرت اللحظات سريعه , تمنوا الدقايق ماتنتهي
وبعد ما اظهروا كل اللي عندهم ,دموعهم ما وقفت من الفرحة بتحقيق الحلم
.
لازال يجمعهم نفس الحلم والطموح
. لازال التفكير واحد والاسم واحد .
Super Junior
13 عضو , العائلة الكورية الاكبر ..
الاوما [ إيتوك ] العضو الاكبر والحنون على كل الدونسنغ , يهتم لكل شي يصير للاعضاء ودائما دموعه معبرة لما يصير شي لاولاده . المشجع الاكبر لكل الاعضاء في كل نشاطاتهم ,
[ هيتشول ] الاخ الاكبر , اللي يظهر للناس انه عايش لنفسه وبس لكن في داخله يهتم بكل شي يصير لأخوانه الاصغر منه , رغم انه يكابر ومايظهر اهتمامه , لكن التعرض لأحد من اصحابه واعضاء فرقته شي ممنوع .
[ هان كيونغ ] الأخ المغترب اللي رجع ناسي اللغه وصار مسخرة العائلة بكل المناسبات , هادي وحنون ويحاول يعوض عن غيابه بتدليل الاعضاء وتلبية طلبآتهم .
[ يسونغ ] الاخ الغريب الاطوار , اللي فجأة يبي يحتك مع الكبار وفي لحظه ثانيه يصير صغير مع الصغار ,
الابا [ كانغن ] بشخصيته الرجولية , بإهتمامه بكل الاعضاء وبتحمله لمسؤولية السوبر جونير كفرقة ,
[ شيندونغ ] دبدوب العائلة , الاكل صديقه الصدوق , وفي وقت الملل يكون الكوميدي اللي يسلي العائلة , شخصية منفتحه مستحيل ينمل منه
[ سانغمين ] اخوهم المدلع اللي يحب الوردي و الارانب و فطائر اليقطين .. شكله برئ و طفولي لكنه يتحول في دقايق
[ إينيوك & دونغهي ] التوأم المشآغب , الاطفال في بيت السوبر جونير , نقدر نقول انهم اذا اجتمعوا انقلب البيت رأساً على عقب
[ شيوون ] الابن الرياضي الوسيم المتدين , محترم لدرجة انكم تستغربون من احترامه للاخرين ,
[ ريووك ] على انه من الابناء الصغار الا انه كبير بالنسبة لعمره, يشيل هم افراد العائلة ويهتم بصحتهم, نقدر نقول انه الاخ اللي تعتمد عليه الام بالاهتمام بابناءها هذا اذا ما كان يهتم بالام بعد
[ كيبوم ] الابن المبتعث للخارج , الصغير الهادي اللي يجلس في ركن الغرفة و يتابع الاستهبالات اللي تصير بابتسامه .. عاقل و اكبر من سنه
[ كيوهيون ] اخر العنقود , مدلل العائلة هادي بطبعه لكن ياما تحت السواهي دواهي
One Band , One Family , One Love
- الاسم الحقيقي : بارك جونغ سو ..
- تاريخ الميلاد : 1 يوليو 1983
- طوله 178 و وزنه 59 ..
- يقول انه لما كان في الثانوي قالوا لهم اذا تبغون تدخلون الجامعه لازم تكونون موهوبين في شي معين مثل الرقص فراح الاستاذ هو و شلته و سووا فريق رقص ,,
فشافه واحد وقام نصحه يدخل اختبار الاداء عشان موهبته .
- لما ترسموا سوبر جونيور جونغ سو طلع باسم ليتوك [ ايتوك ] كاسم شهره له و معناه "المميز" و بما انه الكبير صار هو الليدر للفرقة
..
- ايتوك له تاريخ اسود في قيادة السيارات و لو قال يعرف يسوق زين فهو من جنبها و مره اشتركوا في برنامج يركبون فيه سيارة و يحاولون يوقفونها او يمرون من اماكن عشان تطلع مواهبهم .. ما يحتاج نقول انه فشل في اغلب المواقف اللي واجهته في البرنامج
..
- ايتوك و اينيوك لهم برنامج راديو خاص فيهم اسمه سوكيرا كيس ذا راديو يستضيفون فيه فنانين و يستقبلون رسائل المستمعين
..
- قريب مره من دونغهي و يعتبره اخوه الصغير للابد .. و السبب انه ابو دونغهي قبل ما يموت وصاه عليه و قال له انا اثق فيك عشان كذا ابغاك تعتني بولدي
..
- هو اللي يصحي الاعضاء كل يوم عشان جداولهم لكن مع انه هو اللي يصحيهم يقولون عنه انه هو اكسلهم و اذا نام يطفشون و هم يصحونه و اذا راحوا لصالون يجلس يحوس يدور على مكان ينام فيه ..
- هيتشول يقول انه كان معاه في غرفة وحده زمان و كان لما يجي يصحيه يتعب معاه لدرجه اوقات يضربه و ايتوك ولا استجابه .. و يقول لما يصحى من النوم يروح قدام المرايه و يجلس يزبط في شعره ولا كانه متأخر ولا كانه سوا شي
..
- اعطوه لقب انجيل يعني ملاك لانه انولد في يوم ممطر و يقال انه وصل من السماء .. طبعا الكلام ذا كله خرابيط فانز لانه ولو كان ليدر و انجيل فهو انسان في النهاية
..
- ايتوك معروف بشخصيته المرحه و كلامه الكثير و نكته البايخه اللي تضحك العالم غصب .. و معروف بضحكته و شخصيته اللطيفه و دموعه ..
- في ابريل عام 2007 ايتوك تعرض لحادثه سير هو و اينيوك و كيوهيون و شيندونغ .. و كان هو ثاني اسوأ متضرر من هذا الحادث و سووا له 170 غرزة في ظهره
..
- مهووس باللون الابيض لدرجه انه كل دولابه و غرفته لازم فيها هذا اللون .. و يقول ما ارتاح لو ما لبست شي ابيض حتى لو لبسه مافي يدخل فيه هذا اللون مثل ساعه بيضا
..
- يعتبر مقدم جيد للبرامج بسبب قدرته على الكلام و التواصل مع الضيوف و سرعة بديهته .. شارك في تقديم الكثير من برامج الموسيقى هو و اعضاء الفرقة مثل كانغن و شيندونغ
و اوقات تلاحظون انه يقط في التقديم حتى لو كان ضيف ..
- عضو في فرقتين فرعية للسوجو و هي Super Junior T و Super Junior Happy ..
- عنده رقصه شهيره عنه يحب يؤديها و هي اذا جا يقدم عن نفسه يدق رجوله بالارض و يلف جسمه و يقول
- يعيش الحين في شقة سوبر جونيور اللي في الدور العلوي و يتقاسم هو و دونغهي الغرفه
..
- قبل الديبوت كان بيصير في فرقة من 5 افراد و كان من بينهم دونغهي بس تغيرت الخطط و انضم لسوبر جونيور لما تكونت ..
- ايتوك عنده اخت اكبر منه طلعت معاه في كم برنامج مثل Introducing Star's Friend .. و هنا صورتها .
- دايم يعطي انطباع بانه اكبر مرجوج في الفرقه لكن اذا جينا للصدق هو قائد رائع و ينتبه على الاعضاء و يقلب جدي في اوقات الجد ..
- تيكي يتكلم عن كيف صاروا سوبر جونيور فيقول انهم قبل التدريب طلعوا في تمشيه جماعيه لكل المتدربين في الشركه .. و بدأوا يعرضون مواهبهم فشافهم المدير و قال لهم انتوا عندكم مواهب متعدده و جمعهم و صاروا سوبر جونيور
..
- قبل عدة شهور ايتوك طلع بشي جديد اسمه "Milk Club" و تكلم عنه في الـCyworld حقه .. ملخصه انه نادي سواه عشان للناس اللي يبكون بسرعه و يخفون حزنهم و اللي عندهم مشاكل انضم للنادي تيوون و يوونا من سنسد و اونيو من شايني و يووتشون من دبسك .. الفانز سووا دوشه عليه و قاموا يقلقون و يكبرون السالفة بس طلع النادي كله لمجرد المزاح بس ..
- تيكي عليه حركات دلع احيانا و حركات جذب انتباه
.. و يمكن لـMilk Club و حده من ذي الحركات ..
يحب يشكي للعالم و يقول لهم قد ايش هو تعبان و قد ايش يعاني
.. و يقولون مره ترك لصقه جروح على يده يومين عشان يقول للفانز انه اخذ ابره !!
- في حياة كل فنان لازم تصير اغلاط و فضايح و دنيا و تيكي مو استثناء منهم .. اول غلط جا بدون قصد منه في احد البرامج لما قال انه Kim Yuna و هي بطلة تزلج رفضت دعوه ارسلها لها في الـCyworld .. هو ما حسب حساب الفانز المتعصبين اللي هاجموا صفحه بطلة التزلج و ارسلوا لها مئات رسايل الانتقاد و الكره .. بس تدارك الوضع و نزل اعتذار قال فيه انه ما كان يقصد الا انه يخلي البرنامج اكثر تشويقاً
..
الغلط الثاني انه في احد برامج الموسيقى و اثناء ما فرقة Davichi كانوا يلقون خطاب بعد فوزهم بالمركز الاول تيكي كان واقف ورا Kang Min Kyung و ظهر على وجهه تعبير اشمئزاز بعد ما قرب منها .. العالم كله قال انه سوى كذا عشان البنت رائحتها مو كويسه و هاجموها و استنكروا منها .. بس بعدها بفتره برنامج Kiss The Radio استضافوا الفرقة و البنت تكلمت و سألت تيكي عن اللي سواه .. هو قال انه صحيح شكلي يعطي انطباع اني شميت منها شي لكن في الواقع اللي شميته كان رائحه الثلج المجفف اللي استخدموه على الستيج
..
- يعاني من مشكله انه يتعب كثير ولا ياخذ كفايته من النوم .. و كم مره يغمى عليه اثناء التصوير او التدريب .. قبل الترسيم هيتشول كتب في صفحته انتري طويله عن تيكي و قال فيها انه تيكي اغمى عليه من التعب و انه اخذ غفوه و هم ينتظرون السيارة تاخذهم نهايه اليوم و هيتشول كان خايف تيكي يطيح فدعمه بيدينه و قال انه هو و تيكي الاخوه الكبار للباقين و هم اللي يتحملون المسئولية لكن تيكي هو الاخ الاكبر الوحيد لهيتشول
..