ببداية الدوامات سجلت بمعهد
لكن انسحبت كان صعب التوفيق بينه وبين بحثي اللي معي
الحين ناشبة بخطة البحث احتاج بس ابدا اشتغل فيها ومو قادرة الله يعين ويسهل من عنده
جالسة اتهرب بأي طريقة حتى النوم ماقصرت معه
المشكلة ان المفروض امس مسلمتها لهم ساحبة عالدنيا وأهلها يارب سهل من عندك
ان شاءالله الجميع بخير؟ ادري مافيه احد بس لازم اسوي كأن المنتدى مكتظ والجميع موجودين :-)
ليه الجو كئيب كذا
اعتقد هذا موسم الكوابيس والقلق والصداع
الغالبية يفلوزون واللي مايفلوز يصير الزكام معيشه بتعليقة صداع لاهو طيب ولا مريض
تغيرات الجو الله يعينا عليها
القهوة والشاي حبايب القلب برضو صاروا يجيبون الصداع هل كيف لماذا متى
صايرة عجوز متذمرة
قلت لكم من زمان
جالسة أفكر لو أنيدرا تطبيق بالجوال بيزيد النشاط او يبقى كما هو ؟
ليه بعض الجامعات معروفة بالتعقيييييييد
وكل موظف يتفنن بتعقيد معاملة الطالب اكثر من اللي قبله!!!
اوقات كل شي تمام وجاهز
يرجعونك مليار مرة ف كل مرة يعطونك ورقة (وحدة)
بكل مرة ورقة!!! بالقطارة !
عشان تتأخر وتنزنق، واما تهون عن دراستك او تاكلها وتنضغط!!!
أمس سهرت مع اختي الجميلة على مسلسل غربي
واللي يعرفني يدري ان مودي آسيوي
بس المسلسل جميل
أفاعي وسحر ومدري شبعد
المهم نمت نومة لكم أن تتخيلوها
ما باقي كابوس ما زارني ولا أفعى ما طبت بحلمي
... فاصل ...
فيه قط جالس جنبي أول مرة يشوف الأيقونات
يقول: قاعدين يصيحون
مسكين شايل هم الايقونات ومب مستوعبهم
(قط = طفل بثر )
نرجع لموضوعنا
كم باقي وتخلص مدونتي يمكن عشر تدوينات
بروح اكمل الفلم الكوري
سحبت عالخطة عشان المسلسل الأمريكي وهونت عنه بروح للكوري، مالي خوي
بقدر مَ الإنسان سهل وبسيط*
بقدر مَ يحاول يزرع حوله من التعقيد!
نفس البارتات تتكرر، لا جديد
كل واحد يفرد عضلاته يحاول يكون مختلف وبكل غرور يعدّ خطواته
لكن بالنهاية مايطلع من إطار سبقه له كثيرون
السؤال الفاصل والمهم: هل كان خير أو شر؟ هل هو راضي الحين واللي يعزون عليه مازالوا حوله أو تركوه؟
بيموت وهو مبتسم أو ندمان؟
مهووسين بشكل أو بآخر بكل لحظة من حياتنا
بالمقابل ماندخر جهد في تضييعها ... !
من أنت؟
وش سويت حتى الآن؟
شقاعد تسوي؟
بعد عشر سنوات وين تشوف نفسك؟ << بالمناسبة أكره هذا السؤال مررررة ^.^"
* ملاحظة لغوية إثراءية للمهتمين ^_* :
كلمة (بسيط) معناها الفصيح معاكس تماما للمعنى اللي نستخدمه
مع انه -وللأسف الشديد- خطأ يقع فيه كثير من الباحثين والطلاب، بل وبعض من حصلوا على (الدكتوراه)
ف(بسيط) مرادف ل(مبسوط) أي الكثير أو الواسع أو الكبير ... الخ
وليس كما اعتيد استخدامه والتعبير عنه في الشيء (السهل) ونحوه ^^
كان صعب التوفيق بينه وبين بحثي اللي معي
الله يعين ويسهل من عنده 
.gif "SnipeR (75)")
ساحبة عالدنيا وأهلها 
.gif "SnipeR (6)")
)
العرض العادي
