بـــرنــامج //ضــوء على عضــو// الحـلـقه 9 مع مديرنـــا أبو خليل

[بــو خــلــيــل]

تسلمي ري ري على استضافة القبطان بو خليل
بسأل سؤال واحد لا أكثر <<رحمتك

ماسبب شردتك ؟

أهلين يا ست ويتاشي .. اشحالج ...

ليش شردت .. !؟ لانه باجر كان عندي يوم عمل من الصبح لازم اقوم له .. وضرب خط للعابر .. فالله يستر ويعين ..




B3eeed

شحالك يالطيب .. وشحال ايامك .. ^^




ماشاء لله، شكلك هاف كم سؤال من هنا وهناك ...

1/ ليه ماتحب حد يناديك « ابو خليل » بالالف

لغوياً فـ ( أبو خليل ) أصح .. ولكن صوتياً، فإني أحب سماع اسمي ينطق هكذا ( بو خليل ) ..
خاصةً، لو كان ولدك اسمه خليل .. ^_^

2/ شو شعورك وانتا مدير منتديات أنيدرا ..

والله شعور حلو وطيب .. بس ما أدري هل اعتبر نفسي مدير المنتدى أم مؤسسه أم أم أم ...
بالنهاية، أنيدرا جزء مني .. أوليه كل اهتمام ورعاية وحب ... فهو كفلذة كبدي ومجهود سنوات من عمري ..

وشو ردة فعلك لما الاعضاء يخافون منك او يهابونك

وهل المدير يجب أن يهاب .. ؟!
لا أعتقد .. المفروض يكون فيه احترام وتقدير لدور المدير، حاله حال غيره من الأعضاء والمراقبين الذين يستحقون كل التقدير والاحترام بناءً على ما يبذلونه من أجل المنتدى ...

أما على الصعيد الشخصي ...
أحب أكون قريب من الأعضاء، وما عندي مانع اسولف واضحك معاهم .. لكن ، يظل كل شيء بحده ومقداره ..
فالاعتدال هو شعاري بالحياة .. ^_^

وفي المقابل مع الاعضاء اللي يطيحون الميانة من اولها ؟

ممكن أتماشى مع هالنوعية من الأعضاء ... لكن بنفس الوقت، أحب يكون فيه نوع من الاحترام المتبادل .. ^^

3/ شي محيرني ، انك ماتحب تنسئل ، تتهرب من هالشي .. ليه ؟ طبعا لو ما كان دلع

واذا كان دلع .. فيها شيء؟


لا والله .. على العكس، اسالوا وخذوا راحتكم، بشرط واحد
تكون أسئلتكم من أنفسكم لي .. مو اسئلة مجمعينها من النت وطارحينها علي ..

4/ انت شخص تحب تلقي الضوء عاللي تتعامل وياهم ، واكثر انك تسعى لفهمهم ، سؤالي هل تعطيهم اللي تاخذه منهم في المقابل ؟ <<< تخليهم يفهمونك

أتمنى تفهمني هالعبارة بالبداية عشان أفهمك الاجابة .. ^^

5/ لو ماكانت كنيتك او لقبك « بو خليل » شو بتكون ؟

لو ما كنت بو خليل .. كنت برجع وبختار ( بو خليل ) .. ^_^

6/ بو خليل بالمنتدى هو نفسه بو خليل في الواقع ؟

لكل منا شخصيته وحياته ... فما ترونه مني، هو ما يظهر على صفحات النت من كلماتي وأفعالي على نطاق العالم الاكتروني ..
لابد من وجود اختلافات وتنوع بين شخصيتي حسب الموقع والمكان .. ولكن، القناعات واحدة لا تتغير ^_^

7/ اثمن درس تعلمته في الحياة ، نحب نتعلمه منك ..

" هذي الحياة حلوة "

كثرت اسئلة ، واحسك مابتجاوب

سبحان الله .. نطق الحجر وجاوب بو خليل ...



اللي بعده ..

الموضوع الأصلي : بـــرنــامج //ضــوء على عضــو// الحـلـقه 9 مع مديرنـــا أبو خليل || الكاتب : بــو خــلــيــل || المصدر : منتديات أنيدرا

[B3eeed]

شحالك يالطيب .. وشحال ايامك .. ^^

بخير الله يسلمك
انت شحالك ..^^

ماشاء لله، شكلك هاف كم سؤال من هنا وهناك ..

ماهف لو هفيت باذكر المصدر

واذا كان دلع .. فيها شيء؟

تدلع مديرنا ومؤسس منتدانا تستاهل

أتمنى تفهمني هالعبارة بالبداية عشان أفهمك الاجابة .. ^^

تلقي الضوء عاللي تتعامل وياهم : تبرز الاشخاص اللي تتعامل معاهم ، وتبرز ايجابياتهم ومايقومون به ، تساعدهم عالظهور وتشجعهم
واكثر انك تسعى لفهمهم: تسعى انك تفهم الشخص المقابل خصوصا اللي يتعامل معك وتبذل جهدك لتقرأه جيييدا وطريقة تفكيره وو << باعتقادي حول شخصيتك
سؤالي .. هل تعطيهم المجال انهم يفهمونك ويقرأونك مثل ماتفعل،بفهمهم وقرائتهم .. تكون واضح .. ماتخفي شيء .. ما تلف وتدور .. صريح .. ؟



شكرا لك على اجاباتك ورحابة صدرك .. ^^

[بــو خــلــيــل]

مرحبا وسهلا بكم جميعاً ^^

أحس الموضوع هادئ اكثر من المتوقع بصراحة ...


بالمناسبة، توني انتبه على حاجة ...
عنوان الموضوع ( بـــرنــامج //ضــوء على عضــو// الحـلـقه 9 مع مديرنـــا أبو خليل ) !!!!

مو كأنه في شخص هنا يباله قتلة محترمة .. !؟

ونآآآآآآآآسه بو خليل الضيف ... يا هلا فيك.. وربي منور القسم

هلا بك اختي ڛيمـٱ ﭤشـٱن°• ... والف شكر لك والله على ترحيبك الكريم

_ ايش هيه هواياتك ؟

أحب القراية بشكل عام، والتاريخ والدين بشكل خاص .. ^^
أعشق التكنولوجيا .. واتابع جديدها ..
اهوى جمع الأشياء المختلفة وبعضها الغريب .. مثل جمع ( العمل النقدية الصغيرة مثل النصف والربع ! )

_ لما تحس انك تبي تغير جو.. ايش اكثر مكان تحب تروح له ؟

أنيدرا !!


واذا تقصدين مكان ثاني .. همممم، بيكون البحر من الأماكن المفضلة عندي .. او محل الكمبيوترات بدبي ... ووبعض الاوقات اطلع في الفريج واتمشى على الحديقة مثلاً .. حياك ^^

_ ايش هيه رياضتك المفضله ؟

رياضة مفضلة .. !؟
لست من هواة متابعة الرياضة للأسف ... والى هالجانب، احب ممارسة المشي، كرة القدم .. وبس ^^

_ لما كنت صغير ايش هو اكثر انمي كنت تحبه و له ذكريات حلوه عندك ؟

كثير اشياء .. !

- نينجا كابامارو: الى يومك هذا ما شفت حلقاته كاملة .. مع اني حملته مؤخراً .. لكن احب احتفظ بالطعم القديم
- ميمي الصغيرة: هالرسوم بالذات تاريخي احسه .. مرررة كيوت ...
- قوس قزح: أول رسوم بحياتي اقوم بتسجيله ومحاولة حفظ حلقاته .. لذلك ، فاني اعتبره المفضل جداً لدي .. ^_^

_ افضل فاكهه عندك ؟ "^^

ما يسهل تناوله دون مجهود .. ! ===> انسان كسول
احب العنب .. والدراق .. والموز ..

ادري اسئلتي سامجه "^^ بس ان شاء الله ماكون ثقلت عليك ..

لا عادي.. حياك .. ادري انها سامجة بس ممشينها اليوم ...











خخخخ، لا ما عليج .. اسولف واياج بس ... اسئلتك حلوة وخلتني افكر واتذكر اشياء جميلة بحياتي فشكرا لك اختي ...











لك أطيب تحية وتقدير ...
والسلام عليكم ورحمة الله وبركاته

[بــو خــلــيــل]

ليش سميت اسم المنتدى بــ.. {انيدرا}

تم الجواب على هذا السؤال من قبل ... ^_^

ليـش إسسمك {بو خليل}..؟؟؟

اويه .. شكلي قاعد اجاوب على الأسئلة قبل سماعها ... صرت خطير




خلصت كل الاسئلة بدفعة واحدة

حمدلله مافيه اسئلة كثيرة شاطرين .. يعطيكم العافية ...


يالله، أشوفكم على خير .. وفي امان الله ...

[CimαChαη]

ونآآآآآآآآسه بو خليل الضيف ... يا هلا فيك.. وربي منور القسم


ببتدي بالسئله ^^

_ ايش هيه هواياتك ؟

_ لما تحس انك تبي تغير جو.. ايش اكثر مكان تحب تروح له ؟

_ ايش هيه رياضتك المفضله ؟

_ لما كنت صغير ايش هو اكثر انمي كنت تحبه و له ذكريات حلوه عندك ؟

_ افضل فاكهه عندك ؟ "^^


وبس .. "^^

ادري اسئلتي سامجه "^^ بس ان شاء الله ماكون ثقلت عليك ..


الله يعطيكي العافيه ري شان ..