و عليكم السلام و رحمة الله
يا هلا فيك ..... تمام الحمدلله أنت كيفك؟؟
الله يتمم لها على خير و يوفقها يارب
قلبي تمنيت لو تقدري تغيري العنوان حتى الكل يستفيد ^^
بعطيك أفكار سويناها في زواجات أقاربنا أتوقع تصلح للملكه
أولا تزيين المكان..... طاولات و كراسي الحضور تزينيها في البيت و ماراح تكلف كثير
تاخذي قماش الساتان أو الحرير مدري ايش اسمه بس المهم تغطي الطاوله فيه و تجيبي قماش تقصيه بشكل مربع بس يكون أصغر من الأول و يكون من النوع الخشن اللي فيه ثقوب <<< ما أعرف انواع الأقمشه
و يكون درجة لونه أفتح من الأول و تحطيه فوقه أما الكراسي تكتفين بطوق ورد بنفس لون الطاوله و تلصقيه فيه من الخلف
و الكاسات اللي تقدميها تربطي عليها شرايط كمان بلون مناسب للون الطاولات و الكراسي
البوفيه حاولي يكون بسيط و مرتب يكون أحسن
طاوله التورته خليها بعكس ألوان الطاولات الثانيه
بالنسبه للجلسه الكوشه اللي مدري شسمها المهم المكان اللي تجلس فيه أختك و زوجها
زينيه بنفسك أختاري مكان مناسب ببيتكم ثم خلي مثل الخلفيه على الجدار من قماش الساتان كمان
تكون بلون فاتح ثم جيبي قماش بلون غامق و سويه مثل الستائر يعني تقريبا مثل هالصوره
ركزي على البني بس هذا اللي أقصد ^^
الكرسي اللي تجلس عليه حتى لو كان كنبه من بيتكم بس غطيها بقماش الساتان
فكره حلوه لدخلة أختكـ
في البدايه الباب اللي تدخل معاه او كل أبواب البيت زينيها بأقمشه
و أفرشي من الباب إلى المكان اللي راح تجلس فيه قماش و حطي على الجوانب شموع و لما تدخل و شغلي الشموع و قفلي الأنوار و شغلي زفه هاديه و خلي أطفال يمشون معاها و يرشون الورد
أتمنى أكون أفدتك و إن شاء الله البنات مايقصروا ^^