./
\.
./
صالح دخل مع زوجته نوره غرفتهم و قفلها و قعد معها على الاريكه و مسك يد نوره و تكلم بنبره غريبه ممزوجه بحنيته المعتاده:نوره سمعيني زين انتي اول زوجااتي و انتي استحليتي اكبر مكانه فقلبي فضلتك على كل زوجااتي تدرين ليه مو لاني تزوجتك عشاني احبك لا ..؟! لانك اكثر وحده فيهم لاحظت عليها الحنيه حنيتي على كل عيالي ولا استثنيتي ولا فرقتي واحد بمعاملتك معاهم , ابيك تهتمين فيهم زين , نوره
نوره ردت بلهفه:لبيه يانظر عيني
صالح:انا منيتي قريبه قد قلت لك هالشي من قبل و قلت لك اني مابرووح للسعوديه لوو شنوو صار بس مانسيت بس لما كنت افكر بهالقرار نسيت انها وطني اللي ربيت فيه و عشت فيه طفولتي و مابحرم عيالي منها وقلبي ما يطاوعني احرم عيالي من عيال عمهم (ناداها مره ثانيه) نوره
بس هي لما سمعت نداءه للمره الثانيه تفجرت بكآآ صالح ضمهااا بحنيه و مسح على شعرها
نوره وسط شهاقها:ليه تقول كذاا ياصالح ليه كل تحب تكسر بخاطري و تعور قلبي ليه صالح ..؟!
صالح سكت ويده تسمح على شعرها و قلبه يتقطع على بكااها
نوره بصووت يعور القلب:جااوبني ياصالح لا تسكت
صالح بهمس:لاني احس كذا احساااسي ما يكذب و انتي عارفه هالشي
نوره:لا تقول كذا لي قول لشيرين ولا منااار اوو هيلين الا انا , انا اموت اذا جبت طاري الموت
صالح قعدها و هو ماسكها من كتفها و حاط عينه بعيونها العسليه:لاتبكين قطعتي قلبي
نوره ردت ببراءه غريبه و هي تناظر بعيونه:تستاهل
صالح ضحك رغم توسط سنها الا ان البراءه تنبع من قلبها الصغير
نوره ردت بتسائل:ليه تضحك
صالح بأبتسامه:عليك يامزيونه
نوره انحرجت منه و سكتت و على شفاهها شبه ابتسامه ناعمه
صالح:واخيراً سكتي من هالبكاا يا دلووعه
نوره ضحكت بنعومه
و صالح همس:جعل ربي مايحرمني من هالضحكه الحلوووه
/
\
/