البارت الثالث
دخلت سوزان لمكتب ام رعد بعد ما دقت الباب بهدوء ام رعد : ادخلي >> لاانو قسم سيدات<< دخلت سوزان وقالت بهدوء : السلام عليكم .. رفعت راسها ام رعد وقالت بابتسامة : هلا هلا والله اتفضلي اتفضلي
ابتسمت سوزان وقالت : زاد فضلك ..سكتت شوية وكملت : هادي من روان .. ام رعد بتكشيرة : البنت دي ما تسمع الكلام خلاص عرفنا انها قد التحدي بس الدراسة مهمة وتشتغل ليل ونهار وتدرس والله حرام تكرف نفسها قد كدا .. ابتسمت سوزان وقالت : وانا ايش دايما اقلها .. عن اذنك ابغا اروح اشوف شوية شغلات سلمتني هيا روان يبغالي انهيها بسرعة .. ام رعد : اذنك معك وخرجت سوزان وقالت ام رعد في نفسها : يا حليلها والله بنت ناس الله يرحم اهلها .. راحت سوزان المكتتب حقها وبدأت تخلص الاوراق كلها
...............خلينا نروح للمى وروان...........
طبعا كالمعتاد ما يمديهم يدخلو الا والبنات مثل الدبان فوق راسهم..وحدة من المعجبات اتقدمت وهيا مستحي من لمى :اتمنى انك تقبلي الهدية البسيطة مني .. اما لمى ابتسمتلها بوحدة من الابتسامات الساحرة حقتها ومسكت يدها واخدت الهدية وقالت وهيا لسا مبتسمة : شكرا .. وبعدت عنها اما روان اللي تمشي بهدوء ومطنشة الكل وراحت عند صحباتها وبالتدريج بدؤو يخفو ..نرجع للبنت اللي ذااايبة في محلها وقلبها شوية ويخررج من قوة دقاته وقالت لصحباتها وهيا مفهية وتتحسس يدها : واااااااااااااااااااا علييها لمسة خيااال طبعا البنات عندها فاقعين من الغيرة .. وقالت وحدة منهم بغيرة وقهر : ياااااااااااااااااحظظظظظظظظظظظك ... وبحالمية : ياليتني مكانك .. وبجدية : لا تفوتين البنت لازم تسيرين خويتها >>> على بالهم انها من هالنوع << اما البنت قالت ايوة طبعا لازم اجننها فيا وخصوصا اني حلوة والكل يتمناني .. ادخلت اماني وبهدوء : هيا مو من دا النوع .. قالت سهى بعصبية : ووش تفسرين لمسها ليد سارة .. اماني : ولاشي حركة مقصودة عشان تشوف ردة الفعل .. سهى توجه الكلام بقوة لسارة : لا تسمعين كلامها روحي عندها اتلصقي فيها وكل ش...... :هههههههههههههههههه ومين قلك اني باخذها خوية لي سهى وسارة التفو لمصدر الصوت كانت لمى وكملت وباحتقار : انا مو من هالنوع من الناس انا متشرفة اني بنت طبيعية .... سارة والدموع في عينها : يعني يعني انتي عندك حبيبة غيري اهئ اهئ .. لمى باحتقار : انا ما اتشرف اني اخذ بنت حبيبة لي وانتي من الحين مفصولة من المدرسة انتي والثانية اللي معاك .. رفعت راسها اماني وجات بتتكلم .. لكن لمى قاطعتها : اقصد الثانية اللي تساعدها في هالاشياء مو انتي .. وانا بصراحة استغرب انك مصادقة هالاشكال .. اماني : انا مو صديقتهم .. سارة وسهى يبكون وسهى تقول بين البكى حقها : بليييز لا تفصلينا بلييز نسوسلك اي ... قاطعتها لمى بعصبية : مدرسة ابوي ما تستقبل شاذات .. والتفت لسارة ورمت عليها الهدية اللي اعطتها وباحتقار : انا ما استقبل هادي من شاذات ومشت وخسرتهم اما اماني بهدوء قامت وقالت : قلتلكم ما تسمعون الكلام ومشت عنهم اما سارة وسهى مقطعين نفسهم بكى وفعلا ما مرت عشرة دقايق الا وابو الاثنين جو وبعد خصام والدنيا قامت على ثنتينهم وبكى وصريخ كانت لمى تطالع فيهم بشفقة من الشباك ورجعت جلست على طرف الشباك وحاطة رجل على الطرف والرجل الثانية مدلدلتها تحت ابتسام وهيا على الكمبيوتر : وش فيك مهمومة .. لمى : ما ادري ليش الكل يحسبني بوية .. سيهام خاشة عرض بعد ما صحيت من النوم : عشانك غنية وبنت ناس .. لمى عشبت وقالت لسيهام : وانتي وكل بنات المدرسة وش تطلعون ؟؟ مو بنات ناس خلاص زيي زيهم لاعد اسمعك تقولين كذا >>على فكرة لمى مررة متواضعة ما تحب احد يقارنها بانها انسانة غنية وهم اقل منها<< سهام بملل : طيب اسفين لساني زل .. لمى رجعت كملت قراءة دخلت ريهام في الغرفة وقالت بصوت عالي وهيا تلهث : في ..تلهث.. في ... في مشكلة كبيرة تحت بين مشاعل واستاذة نجوى وشكلها بتطردها رخت لمى الكتاب بهدوء ونزلت هيا وابتسام وريهام وسيهام | روان واروى وعبير هاذولي السبعة بنات اغنى من في المدرسة طبعا راحت لغرفة روان وصديقاتها ونادتهم ونزلو مع بعض وكانت الدنيا مزحومة لكن بمجرد دخول ذولي السبعة الكل سكت معادا صوت ابلة نجوى و مشاعل اللي مافي ابلة ما اتضاربت معها قالت لمى بصوت عالي :وش في ؟ مشاعل بدلع متصنع : الابلة ضربتني وهرئتني قدام البنات ابلة نجوى مطيرة عينها ع الاخر : نعععععععم انا ضربتك يا ..... لمى قاطعتها : مين كان موجود بالفصل كل بنات الفصل رفعو يدهم سالتهم لمى وعينها تتفحصهم وبنظرات مخيفة قالت : ابلة نجوى سوت شي لمشاعل ؟ البنات سكوت من نظرات مشاعل ليهم لانها اغنى منهم فسكتو لكن لمى صرخت : جاوبوا ..ردت وحدة وقالت بصوت يرجف : اااابلة ن...ن نجوى ما ما سوت شي وراحت طيران تتخبى ورا ريهام وعينها تدمع طبعا كل البنات كتمو صدمتهم لانها اول بنت تقرب منهم بذا الشكل وبعضهم كانو يقولو انو البنت منتهية وميتة لا محال لكن الصدمة اللي حلت للجميع انو ريهام مسكت يدها ومسحتلها دموعها وقالت برقة للبنت : لا تبكين ما سويتي شي غلط .. والتفتت بحدة لمشاعل وقالت : هاذا اخر انذار ..وبصراخ : فاااهمة ..مشاعل بنظرات نارية للبنت خلتها تخبي وجهها في حضن ريهام خلت ريهام تتكلم بحدة:لو مستي شعرة من البنت اعتبري نفسك مييتة .. وسحبت البنت ومشيو كلهم ولمى اخر وحدة بعد ما اعطت مششاعل نظرات سخرية طبعا الكل مشي حتى ابلة نجوى وهيا في داخلها تحمد ربها انو بنت صاحب المدرسة وصحباتها بنات عادلين مررة ومستحيل يظلممو احد لمن دخلت غرفة المعلمات كل اللي فيها التفت لها وقالت وحدة اول مرة ابلة تنجو من لسان هالمشاعل ابلة نجوى بابتسامة : والله انهم بنات ناس ومتربيين احسن تربية مو مثل قليلة الادب مشاعل وبدؤو الابلات يثنو ععليهم وعلى شطارتهم وعدلهم الشديد بين الطالبات والمعلمات ............ عند رواان.......... روان بعصبية : لو ما اتكلمت ريهام كان فصلت هالمشاعل مافي ابلة ما سابتها في حالها بنت قليلة ادب .. عبير ببرود وهدوء : لا تعبرين لها وجود على الاقل المرة الجية طرد ما فيلو كلام
نعرفكم على صديقات لمى وروان :
صديقات لمى هم اقل شهرة من صديقات روان :
ريهام : بنت مخبوولة بس في وقت الجد تسير جادة اذا عزمت على انها تسوي شي تسوي وعنيدة وحلوة عيونها سودة مكحلة وشعرها اشقر لانو امها سورية وعيونها خضرا وجسمها حلو
ابتسام : اعقل وابرد واهدأ وحدة فيهم تهتم بالناس لكن ما تبين الكل يحسبها مغرورة ومتكبرة ومررة غامضة وقليلة الكلام وتهمها سعادة الناس قبل نفسها فسببلها جروح قوية هالاهتمام الزايد لكن لما اتعرفت على سيهام وريهام ولمى اتشافت جروحها بالتدريج الكل يلجأ لها في المشاكل ومتفهمة وما يفوت عليها شي تصيد اللي يحاول يخدعها بابسط واتفه الاخطاء تكره تجمهر البنات عندها وعند لمى وسيهام وريهام ودايما تسمي طالبات المدرسة بالصحافة والدبان حلوة عيونها سماوي غامق شوي ومحددة بالاسود وحاجبها مرسوم من الله شفتها حمررااا زي الدم وشعرها لين نص فخذها ودايما ترفعو بطريقة ما تبين طولو اما عن الجسم فهي نحيفة شوية
سيهام : بنت احيانا تحس الفيوز ضاربة عندها واحيانا تسير رزينة وثقيلة وعندها عقل سمرا >مو برونزي< عيونها بني غامق دبدوبة شوووووووووية يعني مو مررة باين وخدودها حممممممممممممرا طبعا مو سمرا مرا سمار خفيييييف
لمى : تم وصفها سابقا ..
صحبات روان
اروى : عاقلة وثقيلة ومررة عادلة ما تطيق المشاكل ولا الغرور وهاااااااااااااااااااااااااادئة وقليلة الكلام لكن اذا اجتمعت مع لمى يجيها جنان شوية بس مرررة خواافة وتخاف من خطط لمى وروان لون بشرتها حنطي مايل للسمار وعيونها بني فاتح وشعرها الين نص ضهرها دايما تربطو ديل حصان
عبير : بنت مخبولة لكنها هادئة وما يطلع الخبال والجنان الا لما تجتمع مع لمى ونادرا ما تخاف ولكنها خجوولة وتكره الاولاد مرة
وتاكل كتيييير زي لمى لكن ما يبين عليهم 24 ساعة وهيا تتشمس عمرو ماحد شاف لون بشرتهها الطبيعي ااما عن عيونها ناعسة وعسلية
طبعا هادا الوصف عنهم لكن عايلتهم بنتعرف عليهم فيما بعد >> اشطح يا اللغة
لمى بملل : وش ذا الابلات نصهم غايبين متى تجي حصة الـ sport >>على فكرة جسم لمى رشيق ورياضي << سهام بملل : 1.2.3.4.5 ترررررررررررررررن > صوت الجرس < سهام نطت:يلاا حصة الــsport جات واخيرا يلا نلبس بسرعة
ورااحت كل وحدة غرفة الملابس ولبسو الترينقات >ملابس الرياضة حقتهم< وكلهم رفعو شعرهم وبما انو الجو مغيم وحار شوية فلبسو تيشرت خفييف مررة يعني مرة ما تحس انك حران وشورتات وجزم رياضية
.................... خلوني اعرفكم على المدرسة
مدرسة ال......>>خخخ مو لازم تعرفون اسم المدرسة << للبنات مدرسة الكل يسميها خاصة بالاغنياء لانو فعلا ما فيها غير الاغنياء طبعا نظام المدرسة غير عن نظام مدارس المملكة كلها كانت المراييل كدا : http://t1.gstatic.com/images?q=tbn:ANd9GcTqhkSSlrFfbSM7LGhf-Qe9LVA06tSc5izLun3iGtXU3AXB8npsYQ طبعا اختياري للبنات اللي تبغا بنطلون او تنورة >>> لااحد يصدق لو تتطقعو مستحيل تلبسو زي كدا<<< كانت المدرسة قسمين قسم ثانوي ومتوسط والتاني قسم ابتدائي وفي بعد مبنى المدرسة مبنى تاني مرررررررة كبير الا وهو الجامعة >> ابوك ياللغة
طبعا الجامعة بكيفهم يلبسو اللي يبغو وعلى فكرة البنطلونات كانت ضيقة شوية مو كدا واسعة >> ياحظهم >_<
..................اقسام المدرسة والجامعة....... راح نبدا بالمدرسة :
كان ققسم الثنوي والمتوسط اكبر من الابتدائي
كان في نوادي مدرسية وهي :
الفروسية
.................
الدفاع عن النفس : كاراتيه - تايكوندو-كونغ فو...الخ .... وكان في احسن مدربات في العالم
...............
نادي الرياضة فيه :
سباحة
كورة قدم
كورة سلة
كورة طائرة
تنس
كورة الريشة >> تشبه التنس شووية لكن الكورة مختلفة والمضرب اطول من مضرب التنس
تنس الطاولة
بولنغ
.....
نادي الموسيقى
..
واندية كتيرة نتعرف عليها بعدين >>نرجع للمدرسة
كان نظام الدراسة مشابه للنظام الامريكي والياباني >>يا حظظظهم
اما عن الجامعة نفس الشي تقريبا
..........ااه نسيت كان في سكن للطالبات سواء جامعيات او طالبات المدرسة كان فيه سكن للي تبغى لانو بيتها بعيد لكن يقدرو يخرجو ويتمشو لكن ممنوع بعد الساعة 9 واذا جاء احد بعد 9 محا يدخلوه
............نبعد عن المدرسة وعن الرياض وعن قارة اسيا بكبرها ونروح لامريكا.......
خرجت من الجامعة وعلى وجهها كل علامات الاحباط احباط تاااام واشرت للتاكسي ودخلت ولمن جلست اتنهدت بقوة ووجها واضحة عليه علامات الاحباط
ضحك سائق التاكسي قالها ( الكلام بالانجليزي بس بترجمو على طول واذا لقيتو حوار بالفصحى فيعني الكلام بالانجليزي) : ماذا بك محبطة هكذا يا جيني
جيني باحباط شديد : لقد ...سكتت
سائق التاكسي : لم تنجحي في الاختبارين !!
جيني : لا.. لقد نجحت في الاختبار التحريري لكن لم انجح في العملي
سائق التاكسي بنبرة ترجع الامل : لا بأس على كل حا.... حادث مروري لدراجة ناري مسرعة (دباب)
سائق التاكسي بصدمة خفيفة : ان الدراجات النارية مشكلة كبيرة
اما في الشارع الكل متجمع على البنت اللي طاحت من الدباب وشكلها راح تموت لا محالة نزلت جيني بسرعة وشافت البنت بلعت ريقها وجات بترجع للسيارة لكن فجأة جا في بالها اخوها والتدربيات اللي ساعدها فيها والبروفيسورة والاخطاء اللي طلعتها لكنها خافت وقالت في نفسها : اذا استمر الوضع ل7 دقائق ستموت خلايا عقلها واذا استمر لعشرة دقائق تقريبا ستموت .. لكني فشلت في الاختبار .. لا لا لا يجب ان احاول واساعدها وحتى لوفشلت واخدت نفس عميق وصرخت : ابتعدو عنها الكل بعد عنها >> مو زي عندنا يبغالنا اسلحة عشان نبعد واحد بس << وجلست على ركبها وقربت وجهها من عند خشم وفم البنت تشوف اذا هيا تتنفس او لا وفعلا زي ما اتوقعت ما تتنفس فرفعت راسها بالطريقة الصحيحة وسوتلها تنفس صناعي وبدأت تغط على قلبها 30 مرة ورجعت عادت الكرة مرتين ثانية وفجأة............