الصح ...والخطــــأ ...<< خخخخخ

Mάźάĵ ₡яάźΨ · #1 08-07-2010, 10:28 PM

الصح ...والخطــــأ ...<< خخخخخ

لإزالة كل الأعلانات، سجل الآن في منتديات أنيدرا

مساءكم .. ورد ..

كيفكم يااحلى آعضاء ..

ما أطوول عليكم ..
حابه آعلمكم .. كم آسلوب من اساليب الحياهـ..

هناك سلوكيات خاطئة في مجتمعاتنا

لذا يجب توضيح الخطأ ... ومحاولة إصلاحه بسلوك تربوي حضاري ...

قبل لا تقرون مـلآحظه أني اعلمكم النذاله او انكم تاخذوا حقكم<~عز الله مابريت فيكم

المهم بسم الله نبدأ

خطأ : عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...

الصحيح : تمسكه مع ثيابه ... وتصكه بالجدار .. وترفسه مع بطنه .. وحبذا تنهيها بركبة وإلا كوع ...

ثم ..

تقوله شيل الكتب .. ومرة ثانية فتح عيونك يالوح ..

ـــــــــــــــــــــــــــــــ ـــــ

خطأ : تفتح الإشارة .. ثم يعلق يزمّر لك االي وراك ... ثم تطالع في المراية ... وتلقاه يهاوش ومعصب .. ثم تلوح بيدك تتأسف ...

الصحيح : تنزل له بمفتاح الكفر أو ببقناه ... وتطق الدريشة عليه ... وأول مايفتحها ... جرّه مع شعره ... واجلده لحد مايقول العيد بكره ...

ثم ..

قله مرة ثانية تصير الاشارة خضراء .. تصير حمراء .. تصير زرقاء ... تستنى وآنتا ساكت ...

ـــــــــــــــــــــــــــــــ ــــــــ

خطأ : تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك ... ويصك الباب بوجهك .. ثم تروح وانت متضايق ...

الصحيح : انك تمسكه من كرفتته وبعدين تلفه وتلفه وتلفه وتلفه وتلفه وبعدين تريح شوي وبعدين

تلفه وتلفه وتلفه وتضربه بالسبوره وبعدين تقومه وتمسكه من الجاكيت وتمسح فيه الصبوره وتطلع ..

ثم ..

قبل لاتطلع تقوله لاصارت جامعة ابوك اطرد الطلبه ..

ـــــــــــــــــــــــــــــــ ــــــ

خطأ : جالسين أنت ومجموعة من الشباب ... وعندكم علب بيبسي ... وطلعت تبي تغسل ... فيقوم صديقك ويرج العلبه ... ثم تجي تبي تفتحها .. ثم تطيش بوجهك ... ويضحكون عليك .. فتقول ... هههههه الله يرجك والله لارد لك المقلب ..

الصحيح : تمسكه ... مع رجليه ... وتصبخه بالارض صبخ ... وتجيب علبه البيبسي .. وترجه رجا مبرحا ... ثم تفتحه بوجهه ...

ثم ..

تقوله لاصرت أخوك الصغير ... والا تمون علي .. امزح معي هالمزح ... وهالمرة بسمح لك عشان خاطر الموجودين .. والا تدري !! ...

ثم عفط العلبه... وحطّها بمخباته ... وقله لاتطلعها من مخباتك الا اذا رحنا ...

ـــــــــــــــــــــــــــــــ ــــ

خطأ : تحلق عند حلاق ... ومتحمس تعلمه سو كذا ... وسوي كذا ... وهو يقولك .. أنا في معلوم .. أنت بس ارتاح ...

وتتركه ... وتلقاه حالقن نص شنبك ... ثم تهوشه هوش ... وتحاسب وتطلع ... وتقول بنفسك والله ماعمري أحلق عنده ...

الصحيح : تاخذ الموس ... وتخربط براسه ... وشنبه ولحيته ... وإن حصل تحلق راسه عكس ماهي شينه ...

ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) ..

ثم ..

قل بينك وبين نفسك ... ماعمري أحلّق عنده ...

ـــــــــــــــــــــــــــــــ ــــــــــــ

خطأ : تمشي بالحارة .... مثلا رايح للمسجد ... ثم يجي بزر من هالبزراين ... ويفلقك بحصاة .. ثم تلعن الشيطان وتعوذ من إبليس ... وتكمل دربك .. تقول بزر ماعليه شرهه ...

الصحيح : تاخذ لك بلكّه ... وترميها عليه ... إن ضربته ... فهو خير ونعمة

وإن ماضربته ... خذ عصا .. وامسكه واجلده ...

إن صاح خير ونعمة ...

وإن ماصاح .. فاتركه ... ورح صل وخلص مشواريك... وهم ارجع له .. وتفرّغ له ...

أكيد مو متحمل لمين وقت الصلاة الثانية ... وعلى مسؤوليتي بيصيح ...

ـــــــــــــــــــــــــــــــ ــــــــــــ

خطأ : راكب سيارتك مستعجل ... وكل اشارة توقف عندها ... حتى الاشارات اللي مافيها أحد

الصحيح : حتى لو انت مو مستعجل ... اقطع الاشارة ... الاشارة حطوها للي مايعرفون يسوقون واللي يفحطون حالها حال المطبات يعني

ـــــــــــــــــــــــــــــــ ــــــــــــــ

خطأ: ساكن بالدور الأرضي ... وفوقك ساكن واحد ... وصارت الساعة وحدة ... وأنت بتنام ... واللي فوق لجّه وصجّة ...

ماتقدر تنام ... ثم تروح لهم .. وتدق عليهم ... وتقول لهم .. ترى سويتوا ازعاج وانا بنام ... ثم ترجع .. وتلقاهم نفس الحالة .. ثم تقول .. الله يقطعهم ماخلوني أنام .. وتواصل للصبح ..

الصحيح : اول شي تروح تدور دريل بالبيت وبعدين تروح وتطلع له ولا تدق الباب ولا الجرس اضرب الباب بدريل لين يفتح لفتح ترجده رجده ماينساها طول ماهو حي يرزق وتحط الدريل براسه وتخــرمه براسه لحد ماتصير الفتحات بجنب بعض ...

ـــــــــــــــــــــــــــــــ ـــــــــ

خطأ : متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟

الصحيح : صكه بالصينية ... ولحقه بكاسه... وخذ منه الريموت .. بدون ماتكلمه ... وحط فيلمك ... وتابعه بصدر رحب...

ـــــــــــــــــــــــــــــــ ـــــــــــــ

خطأ:تكتب بعد نهاية اي موضوع تكتبه ان شاء الله ما طولت عليكم وتجلس اتأسف وكأنك مسوي جريمه

الصحيح : المفروض تكتب اقرواء وانتم ساكتين واذا طولت

تقول موضوعي وكيفي واللي مو عاجبه لا يقراء

تحياتي ...

الموضوع الأصلي : الصح ...والخطــــأ ...<< خخخخخ || الكاتب : Mάźάĵ ₡яάźΨ || المصدر : منتديات أنيدرا