السموحة بناتً مآ قدرتً أنزل اليوميآن لأن كآن عليً امتحاناتً . !
يلآ نبدىً . ,
1
الإثنين \ 7-12-2009
الصبح :
دخلت باب المدرسو وأنآ نودآنة أبآ أنآم
وقآعدة أتأملً البنآت
إليً توهآ يايه
وإلي تدرس عليها امتحان
وإلي تسلم على ربيعتها
وإلي تتضارب
وكنتً رآيحة صوب كلاسي
(
نحن عندنا في المدرسة بنايتنين وساحتين يفصل بينهم المطعم انا في المبنى الثاني (الأبعد)
وانا أمشي شفت ربيعاتي واقفات هناك في الساحة الحمراء (لأن أرضيتها لونها أحمر)
غيرت طريقي ورحت صوبهن وفريت الشنطة عليهن
ميمة : أبا أنآآآآآآآآآآآآآآآآآآآآآآم . ,
ريم : خخخخخ شفيكن كلكن تبن تنامنً
ميرة : انزين سلمي .
بعدين سلمت عليهن
شفنا هند داخلة من البوابة هي واختها
قلت اتريا هند اسلم عليها وبعدين اروح صفي لأنها هي في المبنى الصغير وانا الكبير
انزين سلمت عليها لأن من 15 يوم ماشفتها كانت غايبة قبل الإجازة
ميمة : هنادي يعلج اشتقتلج . ,
هند : احم احم استحيت
ريم : عيل ليش يوم شفتينا يوم الأحد ماقلتي جي سو نحن عيال البطة السودة
ميمة : والله أني قلت لج حتى على المسن
ريم : اوه صح تذكرت
ميمة : وحدة منكن توصلني الصف ابا احط شنطتي وعباتي . ,
هنادي : يلا انا بوصلج . ,
رحنا صوب المبنى وطبعا انا كنت بدخل عشان اروح الصف لكن كانت هناك ابلة مناوبة وقالتلي حطي شنطتج برع وبعد الطابور دخليها
المهم فصخت عباتي وحطيت شنطتي على ينب
ورحنا نتمشى ونسولف وندور على باقي بنات الشلة
شفنا اليازية وسلمنا عليها وبعدين راحت تودي شنطتها ونحن روحنا عنها
وبعدين يتنا معصبة
اليازية : مالت عليكن ودرتني اروحي
هند : شيخصنا مش متفجين نترياج
اليازية : لاوالله ماعليه بعدين أنتي بتحتايين حد يوصلج
هند : مايخصني
ميرة : سوري زيزي بس تحريناج بتمين مع اختج
ميمة : هيه صح كنت تمشين مع اختج يوم روحنا نسلم عليج
اليازية : المهم المهم
تمشينا لين مادق جرس الطابور
كل وحدة راحت صفها
طبعا أغلب الشلة كل ثنتين في صف
إلا أنا الوحيدة إلي حطوني في صف مافيه حد أعرفه
وقفت في مكانيً ويت أبلة الرياضة أبلة نعيمة وهي تصارخ
أبلة نعيمة : يا مأصوفين الرأبة يلآ كل وحدة في صفها ( جنسيتها مصرية )
وخلص الطابور ورحنا صفوفنا
قعدنا نتريا الأبلة لين ماتيي ( كان علينا انحلش والأبلة واااايد اسلوبها حلو وكوميدية وتحب تمثل )
الصف كله قعد يتسابق منو اول مجموعة تخلص اول ( اسلوب الأبلة هي بالمجوعات )
البنات يتضاربن : نحن خلصنا اول . ,
حد ثاني : لا نحن
حد ثاني : جب جب نحن خلصنا قبلكن حبيبتي
دخلت الأبلة : hi girls . ,
good morning teacher
وبدت الحلصة الأول
كانت عادية مافيها أحداث حلوة
الحصة الثانية كان علينا عربي ويت الموجهة والمديرة عشان يحضرن الحصة
بعد الحصة كانت عادية
الحصة الثالثة:
هي الحصة الكريهة
كان علينا رياضيات وانا أحب الرياضيات بس أكره الأبلة (أبلة راية )
اصلا محد يحبها لامعلمات ولا بنات
كانت عادية بعد لأني ماأداني هالحصة أقعد ساكتة
وبعدين الفسحة
اول ماطلعت من الصف يتني فاطمة عند صفي
( فاطمة واليازية وعبير وعايشة نحن في نفس المبدنى وصفوفنا عدال بعض . , اما البقية في المبنى الثاني )
وعطتني بيبسي وقالت خشيه ونزلي تحت سرعة <~~ تراه ممنوع
نزلت على طول ورحنا تجمعنا في نص الساحة وطلعنا البطاطس والحلويات خخخخ
وقعدنا نتمشى وكل ماشفنا ابلة خشيناه خخخخخخخخ
ونتمصخر على البنات . , ونستخف
ونغني وبنات عشار يطالعنا باحتقار ماأدري ليش
الفسحة كانت مملة مملة لدرجة فضيعة
يعني غير عن الأيام الماضية
كان اليوم ملل ملل حتى الحصص سواء حصتي او حصص ربيعاتي
مافي شيء جدير بالذكر
وقت الرواح طبعنا إلي في مبناي يتجمعن في صفي لين ماتوصل الشلة الباقية من المبنى الثاني ونطلع مع بعض
طبعا ين بدون هند
ميمة : وين هنادي ؟
ريم : اوه نسيناها وطلعنا مستعيلات
ميمة : حرام . ,بعدين بتزعل
ميرة : اففف ياخي شو نسوي حرام ننسى
ميمة : انزين انا ماقلت جي بس بعدسن يوم تزعل قولن نحن شسوينا
ريم خلاص اليوم نعديها وبكره نشوف يلا روحنا عن تعصب الخدامة علي لأني تأخرت
ميمة : صدق أخاف الدريولية تمطني من كشتي واايد تأخرت اليوم
ورحنا البواية وسلمنا على بعض وردينا البيت
على فكرة :
نحن يوم نكون كلنا مع بعض في صف واحد ( نفس السنة الماضية ) تصير الحصة اكشن رووووعة
بس انا صفي ممل والأغلب إلي فيه بنات هاديات
والله يليت نصير نفس قبل
الكلمات إلي جمعتها ( يوم بنت او ابلة تغلط في كلمة احب اكتبهن خخخخخ )
● اممم ابلة الانجليزي بدال ماتكتب مستهلك كتبت مستهك
● وبنت من صفنا سمها آمال بدل ماتقول عجب الذنب قالت جند الذنب
● وابلة الدين بدال ماتقول رياح صرصر قالت رياح ثرثر
● وبنت من صفنا كانت تقرا في حصة العربي وبدال ماتقول لها مصراع قالت لها مصارع
.
,
خخخخخخخخخخخ النهاية