( مميز ) ح ــطني . . في ع ــيوؤنك وغ ــمض ..!! .. بقلم : الأميرهـ العيناوية

[s-angel]

اهلين حبيييبتي

فديت روحج والله .. افا عليج مب مشكله ^^

مروورج وتوااجدج الرووعه
هههههههه هذا المطلوب انج تحسين بالقصه وتعيشينها ولا ما بتعيبج

مشكوره حبيبتي ع التشجييع

يعافيج ربيه

ومشكووره ع التقييم الروووعه

[s-angel]

السلام عليكم

شحالكم انيدراويين

بما اني فاظيه ما عندي شغله

ولاني اريد الكل يقرا الروايه ويندمج فيها

قررت اني انزل البارت الراااابع

قرااائه ممتعه احبتييييي

[s-angel]

البارت الرابع





بيت بو خآلد .. الساعه 4 ونص العصر ..

خولوه تناقز فالبيت يمين يسار .. وتشوف شوو حطوا وشوو ما حطواا . . وبين ماهي مشغوله ف التزهيبات .. تذكرت ميثه بنت خالتها .. هي ماعزمتها نستها ..

ودق لها على طووول ...

خوله : هلا ميثووه شحالج ؟؟ شخبارج ؟؟ علوم خالتييه ؟؟ اقولج تعالي بيتنا يلا بتي الشله كلها اليووم ..

ميثووه وبصوت خافت : حشى حشى شوي شوي .. كلتينيه .. مارووم مارووم مابيي

خوله تصااارخ بأعلى حسهااا : لااااااااااااااااااااااا واللللللللللللللللللللللللللله ... مب كيفج حبيبتي بتيين يعني بتيين ..

ميثووه : والله خولوه ما اقدر ,, امي مضايجه شووي ؟

خولوه تشهق : خاااااااااااااااالتيييه .. بلاها فديتها ؟؟ عسى ماشرر

ميثووه : ماشرر فدييتج .. بس انتي تعرفيين ابويه كييف .. مادري شكله سمعها رمسه وعاد هي وايد مضايجه ..

خولوه : والله ياتيين وتيبينها وياااج .. خليها اتيي تشوف امييه وبنتها .. وتغيير جوو .. وتنسى همها

ميثوه : هززررج يعني ؟؟!!

خولوه : هييه هزري .. يلا تعالي عندج نصص ساعه ..

ميثوه : اوكي بحاول فيها لو اني ما أتوقع انها توافق ..

خولوه : سمعي تخبريها وردي عليه .. اذا ماطاعت بخلي امييه ترمسها ..

ميثوه : أوكي .. ,, بندت ميثه وراحت عند أمها وخبرتها بالسالفه .. وتفآجئت انه امها تبا ترووح وماعندها اعتراض .. استغربت أول شي .. توها مضايجه .. غرييبه ؟؟ .. خلاف قالتها اوكي تزهبي وانا بقول حق الدريول يشغل السياره

وطرشت مسج ل خوله تقولها انها يايه هي وأمها ..

بيت بو خآلد .. الحديقه اللي برا البييت .. الساعه 5 العصر ..

خوله واقفه عند الباب وشموه تنزل من سيارة اخوها سلطان .. وتيي صوبها .. وتسلم علييها

وينزل سلطان ويي صوب بنت عمه اللي ما شافها اكثر عن 9 اشهر .. بحكم شخصيته اللي تخليه 24 ساعه فغرفته ومايطلع يسلم علي حد .. من الدوام للبيت ومن البيت لدوام ..

شموه : هههههههههههههههه هييه لازم اكشخ .. شو تبينهن يقولن عنييه

خولوه : والله انج حلووه حتى لوو بس حاطه جحال .. وانا حلوه لوو مب حاطه شي فويهيه .. يعني انا جمالي طبيعي واحلى عنج ههههههههههههههههههههههههه

ويقطع رمستهن ..

سلطان : السلام علييكم ..

خوله تعدل شيلتها : وعليكم السلام والرحمه ..

سلطان : شحالج بنت عمييه ؟؟ عاش من شافج ؟؟

خوله : طيبه طاب حالك .. عاشت ايامك .. ومن صوبك ؟؟

سلطان : الحمدالله عايشين ... ماشاء الله عليج كل مره اشوفج فيها تحلويين زياده ..

خوله : هههههههههههههه هييه توني اقول حق اختك ههههههه

لا يروح تفكيركم لبعيد .. خوله وسلطان شرات الخوان .. هوو يشوفها شرات اخته شمه وهي تشوفه شرات اخوها سيف .. وخولوه من النوع اللي يسولف .. وعادي عندها تيلس تنكت علييه .. وهو يستانس على سوالفها ..

وبين ماهم واقفيين يسولفون جدام الباب .. دشت سيارة أم أسمآ . . اللي هي خالت خوله .. دشت ووقفوا جدام الباب بس شوي بعييد . . يعني تقريبا عدال سياره سلطان . . ونزلت أم أسمآ ويآ بنتها ميثه .. اللي كانت متغشيه ..

ميثه كانت مضايجه وايد .. لانها تغشت على عيله .. وتحس ف أي ثانييه غشوتها بطييح . .

أم أسمآ : السلام علييكم ..

خوله : وعليكم السلام هلااا والله وغلاااا بالغالييين هلا .. توه مانور البيت خالووه .. قربي قربي ..

أم أسما : هلا بالمهلي .. منوور بهله فدييتج .. محلاج ومحلى رمستج ياخولوه ..

سلطان : شحالج خالوه ؟؟

ام أسمآ : طيبه ولدييه .. بس منووه الريال ماعرفتك ؟؟

سلطان : انا سلطان ولد راشد ..

أم أسمآ : هييييييييه هيييييييييه راشد بوسآلم ,, أخوو ريل ختييه شيخه ؟؟

سلطان : هييه ..

أم أسما : يآمرحباابك السااع ..

سلطان : الله يرحبج ع فضله .. يلا انا اترخص ..

أم أسمآ : مرخووص فدييتك الله يحفضك ..

وودرتهم ودخلت داخل البيت .. ميثه يت تبا تلحق أمها جآن تزخها خولوه من ايدها .. وميثه تأشرلها تقولها قومي ولد عمج هنييه استحي .. وهي تقولها صبري صبري بيرووح .. وعصبت ميثووه وجان تمط ايدها .. وتكفخ شمووه على راسها بالغلط .. والطييح الغشووه ..

شمووه : أآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآي ..

وسلطان الي كان ساير صوب سيارته لف على طوول .. وشاف ميثووه تترجى شمووه تقولها سكتي لا يلف أخووج .. سوري بالغلط والله بالغلط ..

خلى عمره ماشاف شي .. كمل وسار سيارته وركب السياره وشغلها وطلع .. طلع من البييت .. بس ولأول مره .. ينسى عقله ف مكان .. هذاك اليووم .. أسرنه عيوون ميثووه الوساع .. شعرها اللي كان طايح على أطراف ويها . . وجمالها الرباني اللي يلفت الانتباه .. وخدودها المورداات .. تم شكلها ف مخه .. خيالها مافارق عقلله .. طلع وخلا ورااه قلبه .. اللي تعلق فالبنت الي شافها وياا اخته .. سلمها قلبه وهوو حتى ماعرف من تكون غير انها بنت خالت خوله .

نرجع للبنآت . .

ميثه كانت معصبه وايد من خولوه ومب طايعه ترمسها . . وخولوه تربع وراها وتقولها سوري والله ماكان قصدي والله .. سلطان ماحب انه يبين انه شاف ميثه . . لكن البنات شافنه يوم جبل صوبهن . . وميثه هذا اللي كان مضايجنها . . كيف ريال غريب يشوف ويها ؟؟ . .وما كان بيشوفه لوو مب خولوه العبوله . .

وخولوه متلومه وايد فييها . . هي صح ما كانت تقصد . . بس ماكان لها داعي حركتها . .

ويدشن الصاله . . ويقعدن على الكراسي اللي هناك .. ميثووه تفصخ عباتها وتفرها .

ميثووه : أوووووووووووف

خولوه : سوريي والله :"(

شموه : خلاص ميثووه حصل خير . . وبعديين هوو يمكن ماشافج ..

ميثووه : انا اللي قاهرنييه انه شاف شعرييه . . لوو على ويهيه بس بخطف .. بس شاف شعرييه ..

شموه حبت تغيير الجوو . .: انزيين يمكن سحرتي أخوييه وعيبتييه ..

ميثوه : هيهيهي مب وقتج انتي الثانييه بعد ..

ودش عليهن جليثم وسلامي ..

جليثم : خولوه وينج عن فونج . . والله دشينا البييت جنه بيتنا . . حتى محد استقبلنا ..

خولوه : سوري والله حاطتنه هزاز وماحسيتبه يووم رن ..

سلامي : اوووه اوووه . . شفيه الجوو متكهرب هنييه . . ؟؟

ميثوه اللي ماحبت انها تبيين اي شي : لا متكهرب ولا شياته . . بس انتن جي دخلتن فجآه ف نصدمنا ..

جليثم : يعني عسب جي لين الحين ماقمتن تسلمن عليينا ؟؟!!!

ميثوه + خولوه + شموه : خيييييييييييبه صح يالفظييحه . .

وقامن يسلمن على بعض . . واللي تكفخ هاذي واللي تلوي على هاذي . . وخلاف قالن انهن بيسيرن يسلمن على ام خولوه وخالتها وحرمة أخوها . .

وهن متجهات إلى الميلس رن تيلفون خوله . . طبعا البنات ماترينها وراحن يسلمن . . ويلست خوله برا ترد على الفون

خوله : هلا .. بحبي .. بحيااتي .. بروووحي .. أشششششششششتققتللللللللللللــ ...

وماتحس غيير بإيد تير التيلفون من ايدها . . وتلف وتشوف اخوها سيف اللي توه نازل من فوق . . مسك ايدها ومط الفون من عندها .. وصرررخ بصووت خلى كل اللي فالميلس يطلعووون

سيف : انتي منوووووووووووه ترمسييين ياللي ماتخيليييين ؟؟!!!

خولوه وكل علامات الصدمه والدهشه والحزن والضيجه على ويهاا : سيييف بلاااك ؟؟

سيف : أقوولج منووه ترمسيين ؟؟ ,,

ما كلف على نفسه يرمس ويسمع منووه ترمس ؟ .. أو على الاقل يشوف الاسم .. من ظيجته فررر التيلفوون علييها .. وقعد يسفل فيييها ..

خولوه تمت منصدمه وتصيييح ,, شوو استوى ؟؟ هذا مب سييف اللي أعرفه ؟؟ شيااه ؟؟ شوو سوييت ؟؟ تمت هالأفكار تدور فراسها . . والبنات وراها كلهن منصدمات . . وامها وخالتها توهن يوصلن ..

أم خالد : سيف بلاك ؟؟ شوو سوت عسب جي تسوييبها ؟؟

سيف : سئلييها سئليها منووو كانت ترمسس ..

الفوون طاح عند ريول شمووه .. سبحان الله .. القدر بغى حبيبت قلبه تنبهه انه قبل لا يقول أو يتصرف اي تصرف .. لازم يتأكد .. شلت التيلفوون .. شافت الاسم . . مريووم سآلم .. هاذي مريووم حرمت أخوي .. اللي هي ختها ,, رمست شمووه ..

شموه : ألوووه

مريووم : شموووه بلاه سييف زخييه لا يجتلها ,, عنبوه انا اول مره اعرف انه ممنوع الاخت تتفدى ختهااا ..

شمووه : مريووم براييج برمسج عقب .., مريم بندت من هنييه , بس تم قلبها عند ختها , ربعت على طول تلبست عباتها وطلعت سايره صوب بيت هلها ..

فالناحييه الثانييه .. كان سيف بعده يصاارخ على خوله .. وامه تحاول تهدييه وهوو مب طايع يهدى ..

شمووه البنت الهادييه .. الي عمرها ما علت صوتها ولا اذت حد ,, ماقدرت تستحمل تشووف اغلى ناسها جي تنهان وتنسب وجدامها وهيي مظلووومه ..

مشت بكل قووه تملكها ,, ووقفت فوييه سييف .. وقالتله بكل ضيييجه ,,

شموووه : كانت ترمس مريووم اختك يالفالح .. يالسه تتفدى ختها .. ليش .. اي شريعه وأي ديين الي تحرم هالشي ؟؟ كيف تسوي بأختك جي ؟؟ كييييف .. ليش ما تأكدت .. ولا انت اصلن جي دوومك متهور ومتسررع . . حسااافه طحت من عينيه صدققق ..

كلمتها الاخييره هزته .. لكن اللي هززه أكثرر ,, انه ظلم اغلى اخت عنده .. ظلمها بتسررعه وجهله .. تلفت شاف مجموعت بنات متلايمات حولها .. خيييبه .. انا شوو سوييت ,, كييف فشلتها جدام ربيعاتها .. شياني أنا .. متضايق من الجامعه أفج الضيجه فييها .. ما همه هالذييج الساعه البنات اليي كانن حولها .. ماهمته حبيبت قلبه اللي واقفه جدامه وتطالعه بكل أنواع نظرات الاحتقار اللي عرفها .. ما همه كل هااا .. همته أخته .. اخته اللي خرب عليها فرحتها بشوفت ربيعاتها وفشلها جدامهن .. اخته اللي تجابله بظحكه .. وتسئل عنه دووم .. اخته اللي عمرها ما ردته .. بدون لا يحس .. خوز شموه من جدامه .. كانت عيونه عليها وهي تصييح وحاطه ايدينها على وييها .. تقررب منها وخازن البنات عنها .. قررب منها .. وهمس لهآآ ..

سيف : واللله آآآسف وحقج عليييه .. واللللللللللله ماكان قصدي .. سامحينيه يالغالييه ... قرب منها ولمها لصدره ..

دزته خوله بكل قوتها .. وصرخت علييه وقالتله : روووح .. ماباك .. مابا اخووو شراتك .. انا شوو سويتلك شوو سويتلك ؟؟ .. ظلمتني وحرقتلي قلبي .. شو يفييدنيه اسفك الحيين ؟؟؟ شووووووووووووووو ..؟؟

وربعت وسارت غرفتها وهي مييته صيااح ..

نزل راسه .. كل الموجوديين حسوا كثر شوو هوو متلووم .. بس اللي سواه كان غلط .. كان لازم يتأكد قبل لا يسوي إلي سواهــ .. تسحب من وسطهن وطلع برا .. ركب سيآرته .. وطلع من البيت .. ماعرف ويين يرووح ,, أو أصلن ليش هوو كان نازل ويين كان بيروح .. حس انه الضييجه ملت قلبه وصدره .. لييش جي سوييت انا ليييييش ؟؟

[s-angel]

في بيت بو خآلد .. وفي غرفة خولوه بالتحديد ..

كانت منسدحه ع الشبرييه وتصييح .. تصييح بقهرر .. ماتوقعت هالشي من أخوها سيف .. سيف اللي دوم هي ويااه رباعه وسوالف .. تمنت انها تكون راقده وانه اللي صار كابوس .. بس للأسف هالشي صار وانتهى .. عقب دقايق سمعت دق على الباب .. وسمعت ربيعاتها اللي تيمعن كلهن عند الباب يزقرنها .. وختها مريووم اللي خيفانه مووت عليها ..

شموه : خولوه فتحي عاد ,, والله قلبي يعورنيه علييج ..

جلييثم : يلا خولوه فتحيلنا انزيين نحن ماسوينا شي ..

مريووم : خولوه فتحي ابا اطمن عليييج .. يلا خولووووه ..

سلامي : ايييه خولوه ماتستحيين تودرينا بروحنا ونحن ظيووفج ...؟؟

هنييه ظحكت خولوه غصبن علييها .. ماقدرت تتحمل ,, سلامي هاذي نكته .. سوالف وربشه .. قامت ومسحت دموعها وبطلت الباب وبتسمتلهن ولا كأنه شي صآر .. دخلن ولون علييها كلهن .. وهي ظحكت علييهن .. ما بغت تخرب على عمرها .. قررت تستانس اليوم وتنسى اللي صار .. شافت ميثوه واقفه بعييد وتبتسم لها .. لفت صوبها خوله وقالتلها

: شفييج ميثووه قربي ليش واقفه بعييد ؟؟

ميثووه : لاااه .. اونج نسيتي شوو مسوتبييه توج ؟؟

خوله : والله سوري مب قصدي والللللللللله ..

قربت منها ميثووه .. وقالتلها ..: حصل خيير .. وانا طريت الموضوع عسب انسييج همج .. اسولف وياج يعني ..

خولوه : ههههه فدييت رووحج ميثووتي .. أمووااححح .. وباستها على خدها

ميثووه : ايييع خيستيينيه تفاال ..

خولوه ظربتها على جتفها .. ويلسن كلهن يظحكن .. وقعدن فالغرفه يسولفن وينكتن ويتذكررن ايام طفولتهن ..

الساعه 11 مساء .. فوق يبل حفييت ..

كان موقف سيارته ويطالع المنظر من فووق .. متلووم فييها وايد .. ويفكرر ف بنت عمه اللي قالتله انه طاح من عينها ..

ررن تيلفونه ولا رررد .. وتم يررن وييرررن ,, لييين آخر شي قرر يرد .. شاف المتصل .. راعي جميرا ..

محمد : ألوووووووووووووووووه سيفوووه عنبووه وييييييينك ياريااال روعتني عليييك ؟؟

سيف : هنييه بوجاسم هنيييه .. بس كنت فارنه فالسياره ..

محمد : هيييه .. وشحالك وشحال العيين ؟؟

سيف : الحمدالله طييب والعيين يسرك حالها .. انت شحالك ؟؟

محمد : اناا بخيير دامك بخيير .. بو هنآد وين انت الحيين ؟؟

سيف : فوق يبل حفييت ..

محمد : هييه تريانييه عييل .. دقايق وايي صوبك ؟؟

سيف : لييش ؟؟ انت فالعين ؟؟

محمد: هييه وببات عندك بعد جان تبا ههههههههه

سيف : يااامرحبااابك والله .. والله ان ماشالك البيت احطك ف عيونيه ..

محمد : هههههههههه مااتقصصر سيفووه .. يلا دقاييق وايي صوبك .. فداعه الله

سيف : فداعه الكرييم .

محمد حس انه سيف مضايج من صوته .. وهوو كان اصلن ياي العيين ومقرر هالويك اند يتم فيها وياا سيف .. بعد دقايق وصل محمد .. ووقف عدال سيف ونزل من سيارته ..

محمد : مرحباا مرحباا .. ويدقه خشم ..

سيف : مرحبن بااااجي .. هلا وغلا .. اسفرت وانورت ... حيااك والله

محمد : الله يحييك ويبجييك .. هااه العاشق الولهان اليووم فوق السطووح هههههههههههههه

سيف : اي عاشق اي خرابييط ..

محمد : سيف .. اشفييك وانا اخووك ؟؟ احسسك مضايج ؟؟

سيف : خلها على رببك ؟؟

محمد : سييف ياخي ان ماشكيتلي بتشكي لمنووه .. يلا عاد قوول شفييك ؟؟

سيف : مشكله عائلييه محمد .. مابا اصدعبها راسك ..

محمد : اهااا .. يعني ماتقدر تقوول ؟؟ خلاص اللي يرييحك ..

سييف : ااااااااااااااه ياا هوى العيين ,, احسسك كلك ماتكفينيه اليووم ..

محمد : هونها وتهوون وأنا اخووك ..

سيف : تعال صدق بتبات عنديه اليووم ؟؟

محمد : لا شوو صدقت ببات فالفندق خلاص حجزت بس قلت اسلم عليك أول .

سيف : والللللللللله مايكوووووووون والله .. انك تبات عندييه .. وماعندييه غيرها هالرمسه ..

محمد : ليش تحلف عاااد .. صدق انك هرم ..

سيف : انا حلفت ومابا اصووم ..

محمد : كييفك يا تصووم ياا تكفرر عن حلفتك هع

سيف : لا فديت روحك انته اللي بتي عنديه البيت ..

محمد : سيف انا مابقعد يووم هنييه بقعد يوميين وبرد بالسبت .. شوو ابات عندك استخفييت

سيف : انزيين عادي شوو استوى .. حياك العين اوسع لك من الدار

محمد : يالله حشى اسمنك صدعه

سيف : هييه صدعه وقوم الحيين خلنا ننزل ونسري البييت ..

محمد : ويين انا يوعان .. ابا عشى ..

سيف : بنعششيك بنعششييك يلا قووم فكني ..

محمد : هههههههههههه عصب عصب .. يلا يابووك يلا ..

نزل محمد وسيف من يبل حفييت .. خطفوا على المطعم وخذولهم سندويجات شوارما .. وساروا لبيت سيف ...

الساعه 12 بعد منتصف الليل .. بيت بو خالد ..

خالد وحرمته أسما .. وخوله وأمها ومريووم .. وشمووه كلهم قاعديين فالصاله .. ويسولفون ..

مريووم : يلا نحن بنترخص ..

أم خآلد : ويين بنتييه باتي عندنا اليووم .. الوقت متأخر ..

مريم : ماعلييه امييه وقت ثاني .. مارووم أودر سالم بروحه ..

أم خآلد : خلاص بنتي براحتج .. خالد فديتك قوم وصلهن .. مايوز

حرييم يظهرن انصاف الليالي بروحهن ..

خالد : فالج طييب أمييه .. على هالخششم ..

مريم : يلا شمووه قومي ..

شمووه : مريووم ابا ابات هنييه .. شوو بسوي يعني اذا سرت البيت ؟؟

مريووم : والله ياشمووه انتي امآنه .. اذا ابوج وافق انا مابقول لا ..

شموه : انزين الحيين بدقله وبستأذن منه .. ,, دقت شمووه حق ابوها .. ورد وهوو مترووع .. طبيعي لانه الوقت متأخر .. وخبرته شموه بالسالفه .. ورخصها .. وسكررت عنه

شموه : خلاص ابوويه رخصني ..

مريم : خلاص عيل انا برووح .. ما تامروون بحاييه ..

يمييع القاعدييين .: سلامتج ..

ترخصت مريم وراحت بيتها ويا خالد اخوها .. وأم خالد استأذنت بعد وراحت ترقد . .وتمت شمووه عند خوله هذاك اليووم ,, ما بغت تودرها وهي ضايجه .. وحست انها هي بعد مضايجه من سيف على موقفه البايخ ..

أسمآ : شمووه خولوه تعالن عندييه الغرفه نطالع فلم ..

خوله : شوور طييب .. ولا شو راييج شمووه ؟

شموه : اوكي ماعندي مانع ..

راحن غرفة اسما وقعدن يطالعن فلم .. عقب ربع ساعه رد خالد .. واستحن يتمن خصوصا انه الوفت متأخر ,, مع انه خالد اصر عليهن يتمن .. بس هن ما طاعن .. طلعت خولوه وشموه وراحن غرفت خولوه .. وهن يرقن الدري ..

شموه : يخساره والله شكله الفلم طررر ..

خولوه : عادي مب مشكله باجر بقول حق اسووم تعطينيه اياه وبنشوفه عنديه فالغرفه ..

شمووه : واللللللللللللله اوووكي هههههههههه

خولوه : شفييج تظحكيين وايد فرحانه انج بتشوفيين فلم هههههههههههه حليلج بنت عمييه .. مستقطعه ..

وسمعن تنحنييح من وراهن ..

سيف : شموه اشوفج هنييه ؟؟

شموه وبكل عصبييه : لييش لايكوون بعد حرام ابات ف بيت عمييه وانا مادري ؟؟

سيف تظايق من كلامها وخلاها فقلبه .. ودرهن وراح فوق وياب فراش له ولمحمد .. ومن ضيجته نسى يخبرهن ان ربيعه فالميلس .. شل الفرشان وسار صوب الميلس ..

عند البنات ..

خوله : شمووه ليش جي رديتي على سيف ؟؟ انتي تعرفيينه انه يحبج ؟؟

شمووه وهي متلومه : مادري خولوه مادري .. احسني زودتها حبتيين ؟؟

خوله : اي حبتيين انتي زودتيها واايد .. واكييد هوو مضايج منج الحيين ..

شمووه : خولوه بروحييه متلومه لا تزيدينيه ..

خوله : لا بزيدج لانج تستاهليين .. انا سامحته كيف انتي ماتسامحينه ؟؟

شمووه : خولوه صدق سامحتييه ؟؟

خوله : مهما كان بيظل اخوويه .. صح اللي سواه قهررني .. بس ماعلييه بكبر وبنسى ههههههههههههههههه

شموه : انتي محد شراتج .. غبي .. خخخخخخخخخخخخخخخخخخخخخخ

خوله : غربلج الله يالحماره انا غبييه هااه ماعلييج ..

شموه : خولوه قومي المطبخ ..

خوله : ليش شو تبين فالمطبخ ؟؟

شموه : بيلس هناك اونييه اكل , ويمكن هوو بعد يقرصه بطنه وينزل ياكله شي ..

خوله : خخخخخخخخخخخخخخخخخ طااع هااااي .. الحين اونج بتراضيينه ؟؟

شموه : هييه هييييه يلا خولوه بليييز ..

خوله : ههههههههههههههههههههههه انزيين حشى لا تصيحين علييه يلا قومي ..

نزلت هي وياها المطبخ .. كانن يتحسبن سيف ف غرفته .. يلسن يترين ويتريين .. خلاف شمووه قررت تسوي له كيكه وتكتبله عليها .. آسفه .. وسوتله كيكه مدوره .. بالكاكاو لانه هو يحب الكاكاو وشلت الكريما وكتبت عليها آسفه وحطت تحت حرفها SH .. وحايلت خوله تروح غرفته وتودييها .. بس خولوه حلفت ماترووح .. وتمن يظاربن ومني ومناك ..

اليين رحمها القدر .. اللي ياب سيف للمطبخ لانه كان عطشان .. يوم شافهن فالمطبخ انقبض قلبه .. ماعرف شوو يسوي .. تنحنح ..

سيف : احممم احمممممممممممم

شموه لفت وشافته .. طارت من الفررحه ,, اخييراااا ,, اخييرا رحمني ونزل .. كان هو يطالعها ويطالع اخته خولوه الي كانت واقفه ومافييه اي تعبير على ويها ..

سيف كان يبا يرمس .. بس خاف ان شموه تسمعه كلمه مره ثانييه .. ف سكت ..

خولوه قررت انها تطلع من المطبخ وتخليهم براحتهم .. وهي يايه بتطلع .. زقرها سيف ..: خوله

لفت وطالعته ..

سيف : آسف ,, انا اعرف انه اللي سويته غلط .. لا تلوميينيه كنت مضاييج شووي .. سامحينيه ياختييه .. وانا اسف وحقج علييه ..

ابتسمتله خوله وقالتله : مهما كان انت اخوويه , ومافييه حد معصووم عن الخطأ .. وطلعت ..

سيف تم يطالعها .. مافهم ؟؟ شوو يعني ؟؟ سامحته ؟؟ .. ألتفت لشمه .. اللي ابتسمتله بدورها

سيف : سامحتني ..؟؟

شموه هزت له راسها بمعنى هييه ..

سيف : وانتي ؟؟

شموه : شلت الكيكه وعطتها له ويت تبا تطلع .. بس مسكها من ايدها ..

سيف : وين بتروحيين ؟؟ تعالي ابا اقولج شي ..

شمووه وهي ميته مستحى : آمررر ..

سيف : شموتي انا والله مب جي .. ماعرف شيانييه اليووم .. لا تفهمينيه غلط ..

شمووه: ادري ..

سيف : يعني ما طحت من عيينج ..؟؟

شمووه : هييه طحت .. ودششيت قلبي .. وسحبت ايدها



وطلعت من المطبخ ..

سيف وقف مصدووم .. شوو قالت ؟؟ لايكون انا ماسمعتها زيين ؟؟ .. لا مستحييل انا متأكد من اللي سمعته ؟؟

دشيت قلبي .. يعني تحبني ؟؟ ااااااااااااااااه ياشموووه انتي دوومج مخبلتنييه .. وفج الغطاه عن الكيكه .. وشاف كلمة اسفه وحرفها .. ابتسم .. مسح الاسفه وحرفها بصبعه .. وشل الكيكه وسار صووب الميلس عند ربيعه ..

نهاية البارت الرابع

[s-angel]

بنوتات اللي ماتفهم شي تخبرنيه ..

اعرف انها باللهجه الاماراتيه ويمكن فيه كلامات صعبه شوي ..

بس اللي حابه انا مستعده اترجملكن .. وبجي بتخلصن الروايه وانتن ترمسن اماراتي

لا تحرمونا من ردودكم الحلوه شراتكم