عصير البرتقال للجميع ماعدا أنا وأبوي ( مانحبه وقت الفطور ^^"")
الفيمتو للجميع ماعدا أنا ( مااحبه بالفطور ^^" ) وأخوي الصغير ( يبغي يخفف ويقلل من الأكل ) ..
اللبن مرات يكون متواجد ..
الطبق الرئيسي الشوربة شوربة الحب المعروفة اللي بالكيلو ..(مو كويكر مانستخدمها أبدا ^^"")
أحبها كثير هذي اذا مو في ماادري ايش بيصير فيني
وخصوصا اذا زاد فيها الطماطم أحس شيء جنان
طبعا توضع كل المقادير اللحم والحب والبهارات الكزبرة ووو ع الفحم يكون ألذ واروع
( يعني يحمى الفحم جيدا ع جمب ع النار ومن ثم يوضع بمثل تبعت البخور بس ع كبيير
ويوضع فوقها قدر الشوربة - إن شاء الله الشرح واضح ^^"" )
فياخذ وقت طويل جدا من الظهر ليييين اذان المغرب ..
تنطبخ على مهلها مع التقليب بين الحين والآخر ..
ولا ننسى الطبق المعروف السمبوسة ..
نعمل صنفين صنف بالرقاق أو العجينة الجاهزة ونفضل عجينة مرحبا
ويتم حشوها بصدور الدجاج والخضار والبهارات ..
هذي أنا ألفها واعملها لنا أنا و أخواني
وصنف آخر بالعجينة بصنع والدتي اللي هي دقيق ومويه وو وتعجنها وتبدا
تمدها وتفرشها وتقطعها وتعمل منها السمبوسة ويتم حشوها
باللحم والخضار والبهارات .. هذي للوالد مايحب عجينة السوق أبدا ..
اذا زادت عجينة سواء الجاهزة أو من صنع والدتي
نعمل فيها جبنة بيضاء أو صفراء نحبها كثير ..
هذي الأطباق اللي يومية ماتتغير ابدا ابدا
أحيانا مرات تكون في لقمة القاضي أو لقيمات مثل مايسميها البعض ..
طرمبة أو بلح الشام .. كنافة .. بقلاوة ..
كيكة بالشوكولاته ..
سمبوسة سبانخ ..
بيتزا ..
ان شاء الله فطورنا نال اعجابكم
نراكم قريبا احبتي ..
ماشاء الله تبارك الله ... سفرة مثالية تفتح النفس
بالعافية على قلوبكم ... الله يتقبل صيامكم و صيامنا
و يخلي لكم الوالد و الوالدة تاج على سفرتكم منورينها
و شكراً ع الوصفة ، اول مرة اعرفها طول عمري استخدم كويكر و لا احب غيرها
لكن شكل الوصفة تفتح النفس بصراحة ( ع الفحم ) حركة حلوة