أمس
كانت عندي مقابلة وظيفية
وكالعادة.. بما إن الوظيفة حكومية.. كان لابد نتحمل الموظفين الحكوميين وانضباطهم الشديد في المواعيد !
المهم.. المقابلة نفسها!
هل كان يتعمد محاولة شد أعصابي؟! يمكن!
بس من سوء حظه إنه ما نجح
هههههههه الحين بعد كل الأشكال والألوان اللي قابلتها في المستشفى اللي كنت أشتغل فيه.. يتوقع ذا إنه ببساطة يقدر ينرفزني؟!! يمزح صح؟!!
من بين الأسئلة إني أتكلم عن خبراتي الوظيفية.. طيب بدأت أتكلم.. وهو يقاطعني ويسأل.. ويجي بدل ما يسأل عن تفاصيل الشغل.. يسأل عن مديري..!!! يسأل تفاصيل عن مديري وشغله!!!! يمزح صح؟
بعدما خلص من مديري صار يسأل عن باقي تفاصيل الشغل.. عن مستوى لغتي الانجليزية.. و..
السؤال اللي يحبوا يسألوه في المقابلات الوظيفية.. وش الشي اللي ممكن حورية تقدمه لنا لو وظفناها؟
تصرفت بكل برود.. ورديت على أسئلته.. وعبرت بطريقةٍ ما عن مشاعري.. وأتمنى تكون رسالتي وصلته خخخخ
قلت له شي عن غياب الانضباط في المؤسسات الحكومية :P
عاد إذا فهم كان بها.. وإذا ما فهم فهذي مصيبة! يعني يدخلوني المقابلة بعد الموعد اللي حددوه لي بثلاث ساعات !!! خيييييييييييييير!!!
بدأ يلف ويدور بالأسئلة.. ووصلنا لـ سيناريو معين.. وكيف تتعاملي مع مثل هالشخصية؟
هو مفكر إنه بيورطني كذا.. قلت له.. تعودت على هذي المواقف.. بأتعامل معاه عادي.. بأتجاهل التصرفات اللي ما تعجبني.. وبأسوي واجبي وشغلي في حدود أنظمة المؤسسة وقوانينها.. في النهاية هذي وظيفتي!
المهم كمل اللف والدوران بالأسئلة.. وسأل كم سؤال مالهم داعي وما فهمت الحكمة من طرحهم!
أنا طلعت من عنده بإجابات واثقة منها.. وحسيت بشي زي النصر هههههه رغم إنه طول معي يعني تقريباً ربع ساعة.. بس ما قدر يورطني بشي !
والاثنين اللي معاه كانوا بس ديكور! ما سألوا ولا علقوا على شي!
ننتظر النتيجة.. بس التفاؤل الزايد ما ينفع !