اللون المفضل : الاصفر ، الازرق ، الاخضر ماننسى ملك الالوان الاسود ...
فرقتي المفضلة : shinee
طموحي: ازور كل بقعة في العالم ،اصبح مستكشفة او دكتورة ، و الرقي نحو الافضل وانجح في كل شي باذن الله سبحانة وتعالى وان اكون قائدة وقدوة للناس
شخصيتي : بناء على وصفكم لي حيوية جدا ، مااحب ازعل احد ،وفيية دايما اسال عن الجميع ادخل القلب بسرعة ، ملقوفة احيانا، حنونة جدا ،صريحة انسانة رائعة وراقية ولاننسى اهم شي شريرة وعجيبة ،متفائلة سريعة الرضى ،كريمة ، متواضعة ،ذكية ،محششة ، خطيرة عقلي اكبر من عمري عندي حاسة سادسة قوية جدا عنيدة ، تجيني حالات دفرنة غير طبيعية المحقق كونان << قصدهم المتحرية اعرف اكشف الحقيقة اجازف بحياتي كثيرررر راح اقولكم عن مجازفاتي <<لايكثر بس
اكره: اني اكلم احد ويطنش ، اشوف احد مضايق او يبكي او حزين وانا مااقدر اساعده المتكبرين اللي يصدقو نفسهم ، الدلع الثقيل جدا، الحزن اني اكون في قمة الفرح ويجي احد يخرب علي الفرحة المضاربات،اكره اكون مرؤوسة و مني القائدة اراجع شي من الماضي لانه مؤلم، الاحساس بان وجودي مكروه، واكره المجاملة [ كونو معايا صريحيين علشان اصحح اخطائي ] وطبعا اكره الكذب الخيانة الانانية ....والخ
طبعا في هذي الايام الكل يستعد للاختبارات والكل متشوق للاجازة وانا منهم
من طبيعة المواد الدراسية انها تتمدد عند المذاكرة وتتبخر عند لامتحان وفي لاختبار ياتي التوتر و نسيان الاجابات
في وقت الاختبار البعض يجلس يطل على السؤال وهو محبط لانه مايقدر يجاوب عليه والبعض لاخر يبدا قلمه بالشغل وقلبه مطمئن والبعض تلاقيه يجلس يطل في ورقة اللي قدامة او اللي جنبه ويغش
انا من النوع اللي كان يغش بس تاب توبة نصوحا وترك الغش اللي خلاني اسيبه تأنيب الضمير وهناك من ساعدني على تركه وهو الاخ زيرو قلي : (اذا غشيتي تطير البركه )هذي الكلمة علقت براسي وهنا سبت الغش فشكرا لك زيرو الله يجعله في ميزان حسناتك ترى مافي احلى من انك تاخذ نتيجه تعبك اللي بذلته بدون غش بتكون في قمة الفرح والسرور والسعادة وبيجيك شعور لايمكن وصفه
وطبعا اذا نسيت اجابة عند الاختبار في هناك اية :
(( وجعلنا من بين ايديهم سداً ومن خلفهم سداً فاغشيناهم فهم لا يبصرون ))
هذي الاية بتيسرلك امرك وبتلهمك الاجابات وبتسهل عليك زي ماسهلت على النبي صلى الله عليه وسلم
وفي دعاء ذي النون ((لا اله الا انت سبحانك اني كنت من الظالمين ))
هذا الدعاء اذا دعي به يفرج الله به همه ويشرح صدره
واذا ذاكرتو ذاكرو بفهم لا تحفظو بس الحفظ بيلخبط الاجابات اما الفهم فانك بتعبر عن اللي فاهمه
ولا تنسو انو الاختبار عبارة عن مقياس لقوة الحفظ والفهم لا تخافو منه بالجد والمثابرة بتحقق كل شي
اليوم بتاريخ 4/7/1432 يوم الاثنين نزل مطر وربي يجنن طلعت السطوح علشان اشوف الناس ايش بتسوي و المنظر خطيير من فوق وانا اشوف الا القى لاولاد متجمعين تحت وكل واحد يرمي مويه على الثاني ويصرخو وكل واحد فيهم يشرد كانت اشكالهم تضحك ذكروني بالمدرسة وقت كانو صحباتي يرمو عليا مويه ويخلو شكلي كاني طالعة من مسبح بس طبعا انا ماسيبهم ارجعلهم الضعف <<شريرة كانو صحباتي يجيبو معاهم قوارير موية ويخططو يكبوها علي لكني اشرد في كل مرة ولله الحمد لكنهم!!! يدور على بنت ثانيه ويكبو الموية فوقها<<مسكينة كنا كل يوم ربوع على حال هذا الحال رش ولعب في الصرفة وكنا كل مانشوف ابله نلبس العباية ونشرد الا اني قلبت الموازين بطريقتي الشريرة وخليتهم يطبلو رش بالموية لانو مايسير نهدر بالماء بدون فايدة و رجعتهم لوعيهم لاني اخاف يوم ننمسك ونكتب تعهدات لو كتبت تعهد بروح فيها انا وهم مع ذالك كانت ايام حلوة لايمكن ان تنسى وبينما انا اكتب لكم هذه الذكرى بدا المطر بالتوقف والارض تغسلت ورائحة المطر كانت جميلة جدا شكرا لكم على حسن المتابعة كانت معكم المقدمة ويتاشي << كف
واخيراااا انتهى لاسبوع لاول من لاختبارات احس نفسي انسان ألي من كثر المذاكرة والكرف في الديو <الله يعين لاختبارات كانت سهلة جدا ولله الحمد بتكلم شوي عن لايام اللي مرت
يوم السبت .......كان التحشيش هنا غير طبيعي بعد اختبار الرياضيات والتوحيد كنا لابسين العبايات بنخرج قامت صحبتي اخذت شنطة بنت وجريت والبنت تجري وارها تبغى شنطتها بعدين وهي تحاول تلحقها الا تتطيح وربي شكلها مضحك بالعباية وحتى هي جلست تضحك على نفسها المهم انا وقت شفت انو صحبتي سراقة شنط سويت نفسي سوبر ومن <<برااا وجريت وارها وصحبتي تطل علي وماتشوف قدامها الا بعد شوي باقرب جدار هنا طحت انا وباقي البنات ضحك سرنا بالارض و نضحك عليهم الابله سارت تطل فينا وتضحك لان اشكالنا زي المجانين واحنا نضحك بالعبايات وبعدين وحدة من البنات تقولي كتفي سار يعورني من الضحك وهنا ضحكت عليها ايش دخل الكتف بالضحك وهذا يوم السبت كان خطيرررررررر
يوم لاحد .......ماكان فيه شي حلو لان القواعد مادة تعيسة وكئيبة
يوم لاثنين........ <<ان شاء لله خير كان كله كلام مضحك ماسكين الكتب ونضحك على خيالاتنا الواسعة جلسنا نتخيل الديسكو حق المجاري رحنا بالخيال و علشان فلسفة زماني ودفرنتي العجيبة طلعلي لقب (اينشتاين)سرت ورثية لسلالة انيشتاين
يوم الثلاثاء ......كان تعيس بسبب النصوص العفن انكرفنا بالحفظ
يوم الاربعاء.......هنا سارت مصيبة وحدة من صحباتي وهي تجري طاحت على راسها واغمى عليها اول ماشفتها جريت وشلتها مدري كيف شلتها بصراحة ولابلات والبنات كلهم تجمعو حاولنا بكل الطرق نقومها بس مانفع من الساعة 9:30 الين 1 وهي مغمى عليها خفنا واتصلنا بالاسعاف واخذوها بصراحة لاول مرة احد يغمى عليه قدامي واساعده الله يشفيها ويساعدها