صباحكم نور و تفائل يا ايها الشعب المعطاء و الجميل
كيفكم وشو اخباراكم حبايبي ؟ طمنوني عنكم <<<الرجاء الرد على السؤال وعدم تجاهلة
اليوم سبحان الله داخلة كمشتركة ودي اول مشاركة لي في فعالية منذ زمن طويل و مغبر جدا
وحبيت اورجيكم صور سفرتي لاحلى الدول في العالم من وجهة نظر طبعا
صحيح قبل كدا سافرت لعدة دول بس دي الدولة كانت من احلى الدول و اجملها من ناحية الطبيعة و العادات و المخالقي الطيبين اللي هناك وبساطة الاجواء بشكل عام
راح اورجيكم بعض الصور اللي اخذتها بماليزيا بلعام الماضي وللحق لقيت عندي اكثر من 250 صورة و احترت ايش احط وايش ابقي فاخترت بعضها و تركت بعضها علشان لا
اثقل المتصفح عليكم و تروحو تقفلو الصفحة من قاصرها <<<ياويلكم لو عملتو كدا
اوكي داي اول صور اخذتها وانا طابة فوق الطيارة , طبعا الرحلة كانت طويلة جدا لمدة 10 ساعات تقريبا فما خليت ولا بقيت حتى الجناح
صورتو وفصفصتو من كثر الطفش بس ماراح اوريكم هو دحين
طبعا الموضوع مش تقرير لهذا احاول انقز من صورة للتانية رغم في احداث كتير بنص بس الموضوع خاص للصور
راح اورجيكم الان صور لاول منطقة سكناها و هيا تدعى (ملاكا )
منطقة هادئة جدا وهيا اول منطقة نروح فيها من وقت وصونلا لمطار كوالا طبعا المنطقة دي تبعد عن كولا (العاصمة) ساعة و نصف يعني اجهاد للصبح
بس للحق المنطقة تستحق الزيارة وبلعكس كنا مصحصحين على الاخر و العيون خمسة خمسة مع الاجواء الحلوة و الماطرة
المهم ملاكا كانت سابقا ميدان حربي قديمة جدا (بورد دكسن) , طبعا نحن قضينا فيها 4 ايام تقريبا و اكثر تماشينا كانت في منتجع افاموسا
السياحي و هو منتجع كبير كبير جدا و فية فعاليات سياحية طول اليوم
هذي صور المنطقة اول مادخلناها وطبعا كنت بصور من السيارة
هذا مدخل المنتجع " افاموسا"
المنتجع عبارة عن كباين وفلل عائلية فنحن اخذنا هناك فيلتين تقريبا علشان عائلتنا الجميلة
****
صورة من داخل الفيلا من احدى الشرفات الداخلية ليها ..
صورة للمسبح الخارجي للفلل وكان على شكلة جميل جدا و على كل بيانو
مدخل للسفاري الموجود داخل المنتجع و فية حديقة حيوان و طيور كبيرة الي جانب الملعب المائي و قرية الكاوبوي
طبعا في صور لحيوانات كتيرة بس مني عارفة لية بينكوو اخذت صورة دا الطاوس وشاتت باقي الصور التاني
****
بعد الاربع الايام الماضية اتوجهنا الي جزيرة اخرى اسمها (لنكاوي) بصراحة هيا احلى منطقة رحتها من بين الست مناطق اللي زرتها في ماليزيا , بس
بعد الكامرون طبعا , لانو الاثنين منطقتين انعم الله عليها بخضااار و اجواء رهيبة ومطر طول اليوم و بحر نقي و منعش واهلها جدا ناس طيبين , و لنكاوي
تعتبر قروية نوع ما و اهلها بسيطين و طيبين و تحس برحابة من وجوههم و بشاشتهم و بساطتهم في التعامل
طبعا بما انها جزيرة فرحنالها بطائرة تقريبا تبعد عن ملاكا ساعة ونصف
صور لنفس المنطقة و طبيعتها
****
صورة من داخل شرفات غرفة بلفندق اللي اقمنا فية
صورة للساحة الخارجية للفندق وفيها بركة سباحة وطبع انتظرت الفرصة علشان اخد صورة و هو فاضي
****
صور لاحد الشلالات الطويلة و العميقة بس للاسف ماقدرت اخد راحتي في التقاط الصور نظرا لازدحام السواح الاجانب فيها و احم احم ..
طبعا دا الدرج لازم نقعد نمشي و نطلع حتي نوصل لراس الشلال , طبعا اتكسرت وانا اطلع
****
طبعا هنا صور للبحر وجمال البحر على الغروب و كانت في سحب و امطار من بدري الي خلانا فقط نستمتع بنظرمن غير ما نجرب الالعاب المائية الموجودة
بصراحة استمتعت بمشاهدة الناس الي تركب على البنانا والبارشوت و الجيت و البلالين المائية
بس لمن اتحمست اركب البنانا شفت عيلة جميلة مكونة
من سبع افراد امكن على ماافتكر كانو متحمسين و بنهايا بنص الموية اتشقلبو ياعيني فوق تحت
طبعا انا عملت حالي نبيهة و قلت يابنت انتي ماجبتي
غيار و مو معقول تغطسي زيهم و تشمتي الناس في منظرك و راح تكملي للتكسي و انتي كلك تراب و بلل
فقلت خليني محترمة وابطل افضل
طبعا انا مااتهورت وركبت البارشوت , بصراحة خفت لا اعمل بات مان طاير وخفت اكتر من السدحة المهببة و قدت نزول البارشوت و اكتفيت فقط بمشاهدة الاحداث
و السقطات الرهيبة للخلق الي عمالة تركب فية
بس و الله عوضتها بركوب الجيت و طلعت فالحة حبتين , بس ماقدرت اصور لاني خفت الكاميرة لا تغطس وتاخدلها حمام سباحة على الطاير
بس صورت صورة الغروب على الشاطئ وكان رهيب و حلو جدا
****
طبعا في يوم اخر على جزيرة تانية في لنكاوي بس قضيناها بتنقل بين الجزر و النزول فيها وصيد السمك و اطعام النسور و دخول كهوف الخفافيش
و هذا كة بلنش سياحي ..
****
بعد قضاء 5 ايام في لنكاوي اتوجهنا ( لبيننج ) بباخرة عملاقة لبيننج نظرا لان لنكاوي و بيننج عبارة عن جزيرتين كبيرتين و حولهم مجموعة جزر صعيرة ,فلمواصلات اما عن طريق القوارب او السفن او السفر
بلطائرة فحبينا نجرب السفر بلباخرة دي المرة وكانت ممتعة و تقريبا كانت الرحلة لمدة 2 ساعة
****
صور لمعالم بيننج (العربات المعلقة - احد الجوامع - بحيرة بيننج - احد المتاحف)
****
حديقة الزهور و الفراشات ببينج
****
طبعا في ناس خوافين بشدة لدرجة انهم ما صممو غير صورة وحدة او اثنين فيها فراشة رغم انو كانت في صور كتير
بعد انقضاء الخمس الايام ببينج توجهنا لاجمل منطقة و اروع منطقة استجمام في ماليزيا
توجهنا لجبال الكاميرون ودي احتجنا لباص سياحي علشان نوصل لهناك وكانت رحلة ممتعة بصراحة والتصوير فيها ممتع بس المشكلة الوحيدة انو كان صعب
نوقف السائق كل شوي للتصوير وكمان الجو كان ممطر بشكل رهيب, بس وقفنا لعدة محطات سياحية المحددة من ضمن القائمة السياحية
وبعدين وقفنا لتناول الغداء في المطعم وبعدين استمرينا لساعتين تقريبا حتي وصلنا للكامرون
للاسف ضلينا فيها 3 ايام فقط لاننا كنا حاجزين مسبقا في فندق في كولا ولازم نلتزم بلحجز
نظرة عن قرب لجبااال الكامرون الخضرااااء
****
الفيلا الا سكنا فيها وسط التلال الخضراء وطبعا اغلب المباني اللي سكنا فيها هيا فلل لاننا طلعنا في جروب عائلي كبير امكن مكونة من ثلاث اسر فكان اريحلنا اننا
ناخد فلل عبارة عن اكوااخ كبيرة وسط مسطحات خضرا و ملاعب الجولف الي بيشتهرو فيها هناك في اغلب اماكنهم السياحية
نظرة من شرفة الفلا للمنطقة الخضرا اللي حول الفيلا
****
معالمها الجميلة من ( مطاعم و مقاهى باعلى التلال الخضراء و احد المساجد ومصنع الشاى )
****
واخيرا نحن في العاصمة والمنطقة القبل الاخيرة
العاصمة كوالا لمبور حلوة بس تعتبر مدنية ومافيها اختلاف كتير من ناحية حضارة ناطحات السحاب والاسواق و المراكز اللي فيها
بس اللي حلو فيها انها تعج بسكان و السواح الي جانب اهتمام سكانها بلمهرجانات الفنية في كل مكان تروحة
يعني 24 ساعة مدينة مضاءة و اصوات الاغاني و المهرجانات تعم المكان
يب نحن في برج التوام
بداخل البرج من محلات تسويقية واحلاها محل من الحلوة و الايسكريم
****
مصنع الحلويات وفيها مالذ وطاب من الشكولاتات بجميع انواعها
****
اخر صور لنا قبل لا نروح جزيرة الصباح وهيا منقسمة تماما عن ماليزيا وكانها ولاية مجاورة
بس هنا تنتهي رحلتي معكم للان لانو لو بتكلم عن ولاية الصباح
فاالمفروض اعمل تقرير اخر لانها بضم مناطق كتيرة و حلوة كتير ومجموعة جزر مجاورة رغم اننا ما ضلينا فيه غير 8 ايام فقط
دي اخر صور في الفندق في ساحة البركة المائية المجاور للمطعم في الطابق ال 30
وهذي اخر لقطة لكوالا لمبور متوجهين للمطار لولاية الصباح الجميلة (لقطة على السريع من السيارة )
وهنا تنتهي رحلتي معاكم و اعتذر عن الاطالة وكان نفسي اوريكم كل الصور بس خفت توما تشوتني انا وصوري من كثرتهم
سعيدة كتير لاني استرجعت احلى اللحظات وامتعها من خلال هذا الموضوع , وصدقوني سواء فزت او لا فمش مشكلة لاني كسبت متعة المشاركة ومتعة
مشاركتكم لاحلى لحظات حياتي
بس تعرفو من المواقف الطريفة اني وانا راجع للسعودية قاعدة ابكي بطيارة مااريد ارجع او للحق اريد ارجع لاني اكيد راح احن للسعودية بس كان
نفسي اقضي فيها لو شهر اخر بس للاسف مو كل شي بننتمناه يتحقق و الحمدلله كدا رضي وانا سعيدة بهذي اللحظات
اتمني انكم قضيتو وقت جميل مع صوري في ماليزيا ..
في نهاية مشاركتي احب اشكر توما هابي لاشرافها على هذة المسابقة الرائعة وكانت الفكرة رائعة ايضا
والف شكر للمسات الجميلة و الاخراج الاكثر من رائع للتصميم كاكل , وطبعا هذا كلة من يد المبدعة صاحبة اللمسة الجميلة و الرائعة بينكوو
فالف شكر لك حبيبي على تصاميم الرائعة للهيدر و الخلفية و الفوتر اما الصور فاضفتها من غير اي تاثير ولا اي اضافة علشان تكون مشاركتي عادلة و الصور بطبيعتها
المهببة
وعليكم السلام ورحمة الله و بركاته
مساء الخير و الورد و السعادة
الحمدلله بخير
أخباركِ أنتِ . . ؟ أن شاء الله تمام
ما شاء الله وش هالزين وش هالابداع
أسم الله عليكِ . . مبدعة كالعادة فديتكِ
ماليزيـا بنت عمي تزوجت و سافرت لها
و ولد خالتي بعد . . وَ حيل حيل يمدحونها
بس من جـد شئ خيال الصور " مـا شاء الله "
حبيت الاشجار و الحركات ذي سبحان الله أشياء عجيبة و تجنن
أهم شئ هـارتو قلبي كانت سعيدة برحلتها الخرآفية
عليك بالعافية يََ عمري على هالسفرة الجميلة
الله ودي أنام فوق السحاب . .
منظر خطيير ما شاء الله
اقتباس:
المنتجع عبارة عن كباين وفلل عائلية فنحن اخذنا هناك فيلتين تقريبا علشان عائلتنا الجميلة
ما شاء الله الله يحفظهم لكِ
ولا يحرمكِ منهم . .
أعجبتني لقطاتك لصور . . حلووهه مرة
عندكِ ذوق رائع في أختيارك . . ربي يعطيكِ العافية
يازين بيوتهم بسيطة و حلوهـ
ما شاء الله
هالمكان بذات ودي أطير له الحين
اقتباس:
طبعا في ناس خوافين بشدة لدرجة انهم ما صممو غير صورة وحدة فيها فراشة رغم انو كانت في صور كتير
هههه لا تضحكين . . ترى أنا وحدة منهم
أنا أخاف من الذبائب مو عاد الفراشات يازينها والله
يــاي كيوت هالمكان حبيته . .
شكلها لزيزهه . .
اقتباس:
سعيدة كتير لاني استرجعت احلى اللحظات وامتعها من خلال هذا الموضوع , وصدقوني سواء فزت او لا فمش مشكلة لاني كسبت متعة المشاركة ومتعة
مشاركتكم لاحلى لحظات حياتي
أحنا بعد أستانسنا وياج يََ الغلـآ
وَ بعد حبيت ماليزيا حييل
جزاكِ الله خيراََ
عقبال ما تفوزي بالمسابقة يََ جميلتي . .
حـجـــــــــــــــــــــــــــــــــــز < اللي شفته فوق أسر أنفاسي
وعليكم السلام ..
إحنا تمام إنتي كيفك عساكي بخير ؟
ما شاء الله ما شاء الله إيش كل هادا الجمال ؟
بداية من أعالي السماء "فوق الطيارة"
الصراحـة هادا المنظر من أجمل المناظر بالنسبة لي ..
الغيوم والسماء لوحة فنية لها معاني عميقة ..
المهم ..
ما شاء الله تصويرك فاتن و جميل وفقتي بتصوير الغيوم منجد راقت لي ..
طبعاً المنتج اللي سكنتوا فيه .. جداً راقي ورائع ذا طابع ريفي هادئ ..
ما شاء الله تصوير رائع لصور يانعة طبيعية خضراء أروع
جداً جميلة ما شاء الله .. سبحان الله ، كل جمال الطبيعة بماليزيا
تصوير بينكو ؟ ليش بينكو تقرب لك ؟ أول مرة أعرف وربي ..
المهم الطاووس رائع بكل ما تحمله الكلمة من معنى ..
طبعاً أجمل مناطق تروحيلها بالرحلات لازم تكون قروية ..
ترى صخب المدينة مو شي مرحب فيه أبداً لما الشخص يكون مسافر بغرض الراحة ..
وفقتم في الإختيار .. المنطقة رائعة و جميلة سبحان الله
ما شاء الله ، الجنة بأم عينها ..
و شي أكيد يكون في إزدحام ، وكيف لا ، والمناظر اللي تأسر الأنفاس كلها هنا
طريقة التصوير إحترافية ما شاء الله
رائع هالمنظر رومنسي هادئ جداً .. الواحد يحتاج يجلس هناك لوحده بدون إزعاج
جداً جميلة لبيننج .. وياريتك صورتي لنا الباخرة
أكثر شيء ممتع بالعالم .. هو العربات المعلقة أو إللي نسميها إحنا "التلفريك"
أتمنى تكوني حظيتي بفرصة لركوبها ..
ما شاء الله تبارك الرحمن .. أجمل الورود هو الورد الجوري ,,
كانت لقطة موفقة و شاعرية
احب المناطق اللي زي كدا .. اللي فيه طريق واحد وهالأشياء الرومنسية
بس تحتاجوا تكونوا couple مو مع عائلتك < خرفت البنت ,,
جميلة جميلة جداً أسرت أنفاسي ..
صورة هادئة بقمة الروعة والجمال
تصوير موفق لأجمل مكان
تبغي تدبحينا إنتي ؟
ما شاء الله تصوير رائع لمكان أروع .. أجمل مكان على وجه الكرة الأرضية ..
الألوان كفيلة لتخليكي تحبي الحياة .
رائعة ما شاء الله
شكراً عالصور الرائعة و المبهرة ..
فالك الفوز يالغلا ..
أتمنى لك التوفيق بالمسابقة..
و تصوير الكاميرا عجبني كتير ..
وكمان إنتي تصوري من زوايا جميلة جداً ما شاء الله