احم احم ..
بدايةً، أبارك لجميع أبناءنا وبناتنا على بداية العام الدراسي الجديد، ونتمنى لهم دوام التوفيق والنجاح ..
ولكل شخص كان مقصر بدراسته بالأعوام السابقة، نقول له : ترى باب الاجتهاد مازال مفتوحاً
وممكن تعوض كل اللي راح عليك لو شديت حيلك ...
المهم، اليوم يتني اختي تقول، ابي طوابع مدرسية حق ولدي...
وعاد بو خليل على الكمبيوتر، ما ينفع يقول لأ
( لو اني بصراحة، ما عمري سويت طوابع لا لي ولا لأحد ) !
بس ما ينفع نقول لأ .. صح ...
المهم، هات، واشتغلت تصميم بالفوتوشوب، بشكل مبسط وسهل ... أخذت صورة من جوجل، وحطيت خلفية بسيطة عبارة عن مستطيل عليه نقش مدري وش تسمونه ... وكتبت خانات البيانات .. وهذه النتيجة:
الطوابع المدرسية حق انمي:
Go For Speed
وسويتها بالعربي والانجليزي ...
صحيح التصاميم عادية، ويمكن نعتبرها تصاميم بسيطة جداً مقارنةً بكم .. لكن، طالما اني اشتغل وخلصت هالشيء، فليه ما اشارك به احبائي بالمنتدى !؟
وبنفس الوقت، شو رايكم نخلي الموضوع عبارة عن مشروع متكامل لكل الأعضاء بالمشاركة معنا في عرض تصاميمهم للمدارس ..
منتدى انيدرا يحمل كمية كبيرة من المصممين ... وبخاطري اشوف طوابع مدرسية من تصمميكم احبتي الأعزاء ...
سواء كنت بتصمم لأنمي، أو لدراما، أو لفرقتك المشهورة ( سوبر جونيو أو كاتتون أو أراشي أو سنسد ) ..
تقدر تشاركنا بتصاميمك هنا ...
لو كان التصميم تصميم واحد .. اتمنى منكم عرضه هنا معنا ...
نترقب مساهماتكم ومشاركاتكم ..