والله طفح الكيل.....مليت

[(ڜپٷڞ«●~]

الانترنت صار مقرف .اول نفتحه ندور شي يوسع الصدر, الحين ما فيه الا الاكله هذي مسرطنه, والعصير هذا يسبب صلع ,وكيس الخبز اذا شقيته بدون تفك الربطه يسبب سرطان في الابط,والصابون اذا حطيته في فمك يسبب سرطان لثه.والله مليت

كل شي مسرطن .كل شي ضار ..يلعن بليسكم اذا كل شي مسرطن وضار وشلون عشنا.حتى الحب قالوا مسرطن..والشطة الي فيها مادة سو بي كورا مي دقني دقني دقني دق دق دق !!!..مسرطنه

الجح الي يباع في عز الصيف مسرطن.الماء الي تشربه بعد الوجبه يسبب حوله..

طيب ياخي غصيت وشلون ادف اللقمة .اموت الله يلعن ام الاشاعات..لا والمصيبه اذا صار مصدر الاشاعة شركة تعالو شوفو.شركة سنكرس تستخدم زيت الخنزير عشان تدعم اسرائيل!!!.

والله يا جماعه من كثر الخزعبلات تلخبططت الافكار.الشماغ اذا لبسته والمرزام مقلوب يسبب سرطان في الاصبع الصغير من رجل شغالتكم



واي شي تلقاه عندك ومبسوط فيه يقرفونك فيه ويقولون يسبب مرض.مثل عندك الخيار

تحبه ولذيذ والسلطه بدونه ولا شي .يطلع لك طلعه ويقول ان الخيار كبير الحجم يسبب سرطان قولون ولا معدة ولا اي شي يضيق صدرك

________________

الكوم الثاني

مليت من الرسايل الدينيه المكذوبة .كلها احاديث مكذوبه ومصطنعه.واخرتها يجي يقولك

قل هذي الجمله؟؟؟؟؟الان كسبت 398321 حسنه..على كيف امك هي .توزع حسنات

لا ويقولك انتبه لا يضحك عليك الشيطان ارسلها .انتبه تضغط دليت ترا اصل كلمت دليت

delete = devel

وتعني الشيطان

تلاحظ انا اول حرفين نفس الشي

de

وبدلV

بحرف L

L يعني لا يضحك عليك الشيطان

وحرفT

معناها تخسي تضحك علي

وصدقوني انا كتبتها وبعد فترة بتجيكم اشاعة وان مخترع الكيبورد يهودي وحرام انك تطقطق علية !

الله يلعن ام الخزعبلات يا شيخ
انتبه انتبه ترا الشيطان واقف جنبك

ما درا ان الشيطان هو الي يضحك عليه وطاق معسل جنبه ويقول قم غير لي جمر يا حمار

والملاحظ ان مصدر هالخزعبلات الدينية هو صغار السن والجهله .والا الي هم في جهه والدين في جهه ثانية..ما اقول ان انا كاملة انا مثلكم بس ياخي قبل ما ترسل تاكد ان الاذكار يبغى لها تفكر وتامل واخلاص نية لله ..موب قاعد تقول الاذكار ومحمد عبده يدهر معك..

سامحوني كل الحكاية ان الكيل طفح.....وعلى طاري الطفح ترا كثرة البربرة في النت تسبب طفح سرطاني ......

الموضوع الأصلي : والله طفح الكيل.....مليت || الكاتب : (ڜپٷڞ«●~ || المصدر : منتديات أنيدرا