You Are My Destiny

[princess mera]

You Are My Destiny

Tweet

لإزالة كل الأعلانات، سجل الآن في منتديات أنيدرا

انا لاحظت ان معظم القصص بالمنتدى مرتبطه بالسوجو او شايني و انا ما اقدر اعترض طبعا عشان الفانز ميولعش فيا بس انا قررت احط شي مختلف..قصه من تأليفي و تعتبر ثاني قصه ليا و بتمنى تعجبكم بجد..ميرال

الموضوع الأصلي : You Are My Destiny || الكاتب : princess mera || المصدر : منتديات أنيدرا

[princess mera]

you are my destiny

انت قدري
***
girls
اميره : محبوبه و طيبه..مفيش في قلبها اي حقد للناس..تصرفاتها و حركاتها بتدل على البراءه..دمها خفيف..جربت جرح الحب و قررت متدخلش ف اي علاقة تانيه..اجتماعيه و بتحب تكون صداقات..

ندى : رومانسيه و صريحه..مبتحبش اللف و الدوران..عندها عزيمه و تصميم مش عاديين..دايما متفائله و مليانه نشاط..

ساره : طيبه و رقيقه..دمعتها دايما على خدها..عانت كتير بعد موت اسرتها في حادثه عربيه..
****************
boys
ايمن : جذاب و محبوب..بنات الجامعه كلهم معجبين بيه..فاز بكاس افضل لاعب كرة السله ف الجامعه 3 سنين ورا بعض..مستعد يعمل اي حاجه للبنت اللي بيحبها و اللي لسه مش لاقيها لحد دلوقتي..

رامي : دمه خفيف و محبوب من كل البنات..هوايته يلعب بالبنات و يتقل عليهم..ضحكته تخرج اي حد من الحزن بسرعه..

سيف : اهدى واحد في اصحابه..هو الـstop بتاع ايمن و رامي..في نفس الوقت لما بيروق بيبقى واحد تاني خالص..رومانسي جدا..بيدور على حب حياته..

[princess mera]

بليز اذا عجبتكم ردوا عليا عشان اقدر اكملها

[princess mera]

الحلقه 1
*-*-*
اجتمع كل طلاب السنه الاولى في قاعه المكتبه مع مدير الجامعه و نائب المدير

النائب : اهلا بكل الطلبه الجداد معاكم مدير الجامعه و هيقولكم على القوانين اللي هتمشوا عليها طول ما انتوا موجودين في جامعة الصفا..اتفضل يا فندم
المدير : ابنائي الطلبه و الطالبات قوانين الجامعه كالأتي :
1- ممنوع الصعود للدور الثالث من المكتبه
2- ممنوع الخروج من الجامعه بعد الساعه 9 باليل و ده بالنسبه للمقيمين في الجامعه
3- ممنوع التجول في الجامعه بعد الساعه 10 باليل
الخ الخ الخ...
..و نتمنى لكم تقضوا سنه صعيده و بعيده عن المشاكل..و شكرا
النائب : انشاء الله باليل هيبقى فيه حفلة تعارف لجميع الطلبه اتمنى انه تعجبكم..تقدروا تخرجوا دلوقتي

خرج الطلاب من القاعه و بدأوا ينتشروا ف الجامعه

اميره : كل دي ممنوعات....امال ايه المسموح بيه ف الجامعه المهببه دي؟؟؟
ندى : عندك حق يا اميره انا كلها 5 دقايق و كنت هرتكب جريمه في المدير و الكائن التاني اللي جنبه
ساره : خلاص يا جماعه..فكوها بقى و كمان انتوا نسيتوا اننا اصلا جايين الجامعه هنا عشان نبعد عن اهلنا يعني متفرقش بقى ممنوعات و لا مسموحات ما احنا برضو هتعمل اللي احنا عايزينو

خرجوا البنات من القاعه و فضلوا يلفوا و يتفرجوا على الجامعه و يتعرفوا على طلاب كتير معاهم السنه دي
و قبل حفلة التعارف بـ 3 ساعات كانوا كلهم قاعدين في اوضة اميره في الدور الاول

ساره : محتاره البس ايه
ندى : و انا كمان محتاره.....ايه رأيك يا ميرو؟؟؟
ساره : ناويه تلبسي ايه؟؟؟
اميره : انا مش هروح الحفله
ندى : ليه؟؟؟
اميره : ما انتوا عارفين انا مليش في الحفلات دي
ساره : عشان خاطرنا يا ميرو متبقيش رخمه بقى و كمان احنا مش هنروح من غيرك

فضلوا البنتين يتحايلوا على اميره لحد ما صدعوها

اميره : خلاص خلاص هاجي
ساره : ماشي شوفي بقى هتلبسي ايه و انا هنزل اتمشى شويه حد جاي معايا؟
ندى : انا جايه معاكي..تيجي معانا يا ميرو؟
اميره : لأ روحوا انتوا انا هنام شويه و نتقابل باليل

نزلت ساره مع ندى و فضلوا يتمشوا لحد ما وصلوا للبحيره الصناعيه اللي واخده زاويه كبيره من الجامعه و قعدوا هناك

ساره : موضوع خالد مأثر على اميره اوي..خصوصا انها ملحقتش تخرج من حزنها على نادر
ندى : خبطتين في الراس توجع..هتلاحق على اخوها اللي مات و لا الواطي اللي سابها..خصوصا لو عندها مرات أب عايشه ف دور ريا و سكينه
ساره : ههههههه ربنا يكون في عونها

و من بعيد كان فيه شابين بيبصوا لساره و ندى و فجأه قاموا من مكانهم و راحوا ناحيه البنات

الشاب الاول : هاي
البنتين : هاي!!!!
الشاب التاني : انتوا سنه اولى مش كده؟؟؟
ساره : ايوه
الشاب الاول : انا رامي....و ده صاحبي سيف
ندى : و انا ندى...و دي صاحبتي ساره
سيف : احنا خايفين نكون ازعجناكم يعني احنا بس كنا عايزين نتعرف عليكم
ندى : لأ ابدا مفيش ازعاج اتفضلوا اقعدوا

قعدوا الشباب و اتعرفوا على بعض و اتفقوا كمان انهم يروحوا حفلة التعارف مع بعض

ساره : و كمان في واحده صاحبتنا اسمها اميره هتيجي معانا
سيف : و احنا كمان هييجي معانا واحد صاحبنا تالت اسمه ايمن
رامي : خلاص هنحجز لكم طرابيزه معانا لحد ما تيجوا
ساره : مفيش مشكله

قعد الاربعه يتكلموا شويه و بعد كده مشيت البنتين

ساره : ايه الجنان اللي عملتيه ده؟..ازاي تعزميهم ييجوا معانا الحفله؟
ندى : و فيها ايه يعني؟
ساره : انتي نسيتي ان اميره مبتحبش تتعرف على شباب؟

خبطت ندى دماغها بأديها

ندى : طب و العمل ايه دلوقتي؟
ساره : مش عارفه بقى..سيبيها بظروفها و اللي يحصل يحصل بقى..شكلك عايزه ترجعينا بيوتنا بدري
ندى : طب و الله نسيت خالص ان اميره مبتحبش تتعرف على شباب
ساره : ما قلتلك سيبي الموضوع لحد وقت الحفله لسه فاضل ساعتين

طلعت كل واحده لأوضتها و على الساعه 6 و نص اتقابلوا البنتين ادام اوضه اميره فخبطوا الباب و دخلوا
و كانت اميره اشبه بسندريلا في زمانها كانت لابسه فستان

ساره : مش معقول
ندى : هو احنا دخلنا اوضه غلط و لا ايه؟
اميره : لأ يا خفيفه منك ليها
ساره : انا مش مصدقه انك غيرتي اللون الاسود..اخيرا
ندى : و لا انا ده انتي هتتخطفي و انتي ماشيه معانا
ساره : ده على حيث انها ماشيه مع ارانب و لا ايه؟
ندى : و هو انا هشتغل بودي جارد على اخر الزمن و لا ايه يا ست ساره؟
اميره : خلاص حقكوا عليا..المهم دلوقتي يلا عشان نلحق لنا طرابيزه

بصوا ندى و ساره لبعض و كل واحده فيهم من جواها بتلطم ع اللي هيحصل من شويه..
خرجوا البنات من الاوضه و نزلوا على السلالم و راحوا للمكان اللي هيتعمل فيه الحفله و اول ما وصلوا شاف رامي ساره و البنات شارولهم

اميره : هو الشاب اللي هناك ده بيشاورلنا يا بنات؟
ندى بأرتباك : تقريبا كده..تعالي نشوف

راحوا البنات للطرابيزه اللي عليها رامي و سيف

ساره : اتأخرنا عليكم؟؟؟
رامي : لأ خالص احنا لسه واصلين من شويه
ندى بقلق : نعرفكم بصاحبتنا اميره......اميره اعرفك برامي و سيف اتعرفنا عليهم النهارده الصبح
اميره بأبتسامه : اهلا
رامي : اهلا بيكي يا اميره
سيف : رامي مشفتش ايمن فين؟؟؟
رامي : جاي علينا اهه

بصوا للناحيه اللي شاور لها رامي لقوا شاب وسيم و متشيك جاي ناحيتهم

سيف : تصدق افتكرت انك مش جاي
ايمن : لأ يا عم مش للدرجه دي
رامي : اعرفك...ساره...اميره...و ندى
ايمن : اهلا يا بنات
البنات : اهلا
ندى ف ودن ساره : هي مش هتضربنا و لاايه؟
ساره بهمس : اتكتمي و اقعدي احسن تاخد بالها

و في اللحظه دي بدأت موسيقى هاديه جدا و بدأ معظم الطلاب يقوموا يرقصوا

رامي : ساره ما تيجي نقوم نرقص
ساره : يلا

قامت ساره مع رامي و راحوا يرقصوا و بعدهم قامت سيف و ندى و فضلت اميره قاعده مع ايمن و لما خلصت الرقصه رجع الكل لمكانه

ايمن : عن اذنكم يا جماعه ثواني
سيف : هتروح فين؟
ايمن : هتعرفوا دلوقتي

غاب ايمن شويه و بعد كده شافوه على المسرح و بدأت الموسيقى و بعدها بدأ ايمن يغني بس بلغه محدش عرفها
(اغنية no one else - lee seung chul )

رامي : ده روسي ده؟
اميره بدهشه : لأ كوري
ندى : مش وقته هزار يا اميره..روح يا رامي نزله من على المسرح قبل ما يحدفوه بالشباشب
اميره : بجد مش بهزر ده بيغني كوري
ساره : و انتي عرفتي منين يا ام العريف؟
اميره : انتي نسيتي ان ماما من كوريا و لا ايه؟

بعد ما خلصت الاغنيه الكل صقف و مع انهم مكانوش فاهمين الاغنيه الا ان صوت ايمن الساحر و الموسيقى غطوا على معنى الكلمات
رجع ايمن للطرابيزه.
ساره : اول مره في حياتي اسمع صوت يسحر كده مع اني مفهمتش حاجه خالص
ايمن : شكرا يا ساره ده بس من زوقك
رامي : ايه يا عم الاصوات الجامده دي...احنا مش واخدين على كده
ايمن : ما هي دي الاغنيه اللي ألفتها و مرضتش اقولكم عليها
ندى : و كمان بتألف؟
سيف : طبعا بيألف و يلحن و يغني مش ناقص غير انه يمثل و يرقص

كملوا السهره ضحك و لعب و قامت اميره تتمشى و راحت قعدت عند البحيره فراح وراها ايمن

ايمن : ممكن اقعد معاكي؟؟؟
اميره : طبعا اتفضل
ايمن : قوليلي ايه اللي قومك و جابك هنا؟؟؟
اميره : و لا حاجه...اصل انا مبحبش جو الحفلات و الرقص ده..مليش فيه بصراحه
ايمن : و لا انا

لــــحــــ صمت ــــــــــظـــــة

اميره : ممكن اسألك سؤال؟
ايمن : اتفضلي
اميره : انت ألفت الاغنيه دي لمين؟..اصل انا فهمت معناها و ده اللي خلاني مصممه اعرف انت غنيتها لمين بس لو مش عايز تقول خلاص

سكت ايمن شويه فحست اميره انها اتدخلت اوي

اميره : شكلي اتدخلت زياده عن اللزوم مش كده؟
ايمن : لأ خالص بس انا مبحبش اتكلم في الموضوع ده كتير
اميره : خلاص لو مش عايز تقول مفيش مشكله
ايمن : لأ عادي هقولك مفيش مشكله..بصي يا ستي من 3 سنين كنت بحب واحده كانت معانا هنا ف الجامعه..عارفه لما تشوفي احلامك كلها متجمعه في شخص و مبتبقيش عايزه تسيبيه ابدا؟..بيبقى نفسك تقضي عمرك كله معاه..اهو انا كنت كده لحد ما فجأه اختفت من حياتي من غير اي سبب
اميره : اختفت ازاي يعني؟
ايمن : يعني عرفت بالصدفه انها سافرت بره مصر و اتجوزت واحد من فرنسا و بعد كام شهر لقيتها عايزه ترجعلي تاني و طبعا رفضت و من ساعتها و هي ليها عيون ف الجامعه او بمعنى اصح بتراقبني
اميره : انسانه غريبه اوي
ايمن : اممم عارف..تسمحيلي انتي بقى اسألك سؤال؟
اميره : اكيد اتفضل
ايمن : انتي ايه اللي خلاكي تدخلي جامعه داخليه؟؟؟
اميره : ده ايه السؤال الغريب ده؟
ايمن : مش عارف..غبي اوي مش كده؟
اميره : لأ مش غبي و ع العموم يعني عادي اجابته سهله..انا يا سيدي امي ماتت من و انا صغيره و بعد موتها ابويا اتجوز واحده غنيه بس كانت بتكرهني و عندها بنتين و ولد البنتين مش بيحبوني اما الولد كان طيب جدا معايا و بيحبني زي اخته بس توفي من شهرين و وجودي في البيت بقى ملوش اي لزمه عشان اللي مصبرني على عمايل مرات ابويا خلاص مات فقلت ابعد شويه عن جو البيت و قررت ادخل الجامعه دي
ايمن : مش عارف ليه حسيت اني قاعد ادام سندريلا
اميره : بس الفرق بيني و بين سندريلا ان قصتها انتهت سعيده زي كل القصص الخياليه..لكن قصتي انا بقى مستقبلها مجهول مش باين لها ملامح
ايمن : طب تسمحيلي بسؤال تاني؟
اميره : اتفضل يا سيدي
ايمن : انتي عمرك ما حبيتي قبل كده؟

سكتت اميره و سرحت و حست ان دموعها هتنزل بس مسكت نفسها

اميره : لسه ملقتش البني ادم اللي يستاهلني
ايمن : ده ايه الغرور ده؟
اميره : مش غرور..ده كبرياء و كمان انا مش هسلم نفسي لشخص الا لما احس اني رقم واحد في حياته و ان مفيش حد هيشاركني فيه و ان دايما باله هيبقى مشغول بيا انا و بس

بص ايمن في عين اميره و حس باللي جواها

ايمن : شكلك انجرحتي جامد اوي..مش كده؟

في اللحظه دي سمعوا الجرس بيعلن عن وقت النوم

اميره : انا هطلع انام
ايمن : مش هتجاوبي على سؤالي
اميره : اظن انك عرفت الاجابه من غير ما اتكلم
ايمن : طب هشوفك تاني امتى؟
اميره : اكيد هنشوف بعض كتير احنا خلاص بقينا اصحاب مش كده؟
ايمن : اكيد
اميره : ماشي يلا تصبح على خير
ايمن : و انتي من اهله

رجع كل واحد لأصحابه و طلعوا كلهم على اوضهم و ناموا على حوالي الساعه 10 باليل
يتبع

[sam junior]

واااااااااااااااااو الرواية حلوة جدا و الميزة انها فكرة جديدة
كملى انا هاتابعك بجد روايتك رووعة