أهلا بكل الموجودين هنا منورين بجد
انا تأخرت عليكم فعلا بس متابع كل ردودكم وتفاعلكم الكبير والمشجع
تسلم اديك ياميسيري يا ابو الكرم كل مره جايب لينا معاك القهوة والشاي والحلو كمان تسلم بجد
انا ناوي ان شاء الله استغل فرصة معرض القاهره للكتاب واشتري مجموعة كتب معينه وكمان اشتري كام سلسله من روايات الجيب
لان المعرض فرصه حلوه اقدر الاقي كل اللي انا عايزه موجود هناك وهو مقام من يوم 22 يناير لحد 4 فبراير يعني في وقت بس ربنا يسهل الحال يااااااارب
وكمان الروايات موجوده في المكتبات بس المشكله مش كل الاعداد متوفره
على كل حال انا موافق جداااااا على الاقتراح
وهبدأ من النهارده من سلسلة ماوراء الطبيعه وفعلا نزلت العدد الاول منها وهبدأ فيه ان شاء الله
سعيد جدا ان ميسيري وحوريه وشوكو وجيو هيسترجعوا الذكريات معانا تاني والله شئ جميل
موقع جود ريدز اللي اتكلمت عنه حوريه موقع ممتاز انا فعلا متعود دايما قبل ماقرأ اي كتاب اشوف التقيم واراء القراء واعمال الكتاب فهو فعلا موقع ممتاز انصح الكل فعلا بيه
بالنسبه لكلام حوريه ومسيري عن الكتب الورقيه
فعلا الكتاب علشان تجيب نسخه ورقيه منه بقى شئ متعب
يعني محتاج تنزل لاماكن معينه رغم انه في السنوات اللي فاتت انتشرت بشكل كويس فكرة معرض الكتاب بحيث بتكون موجوده في المدراس والجامعات وكنت فعلا بلاقي إقبال من الطلبه كبير
افتكرت مره واحد صاحبي كان بيقول لي لازم يكون الكتب ورق في ايدي علشان انام عليه واتني الصفحه واعلم على الصفحه اللي وقفت عندها واحس بيه ويحس بيا
الله يمسيه بالخير
ولكن كان بيكون المعرض مرتين او تلاته في السنه ففعلا الكتب الالكترونيه حلت أزمه كبيره جدا واصبحت متاحه لللجميع وفي كل وقت وبأسهل الطرق
سعيد بتواجد الكل هنا وسعيد بتواجدي معاكم
وهرجع ان شاء الله بعد قرأة مصاص الدماء واسطورة الرجل الذئب يلا شدوا حيلكم ياشاب
الموضوع الأصلي :
نادي عشاق روايات مصرية للجيب - النسخة الثانية || الكاتب :
2DAY..4U || المصدر :
منتديات أنيدرا