lw',gi dont worry speak your mind < رهيب السمايل XD كل شخص له رايه ووجهة نظره خذي راحتك
المهم نجي لبعض الاقتباسات
انا عارفه انو مكه صغيره بس الصراحه المباني اللي قدام الحرم ماليها فايده يعني لو على مواقف السيارات والزحمه اللي مسويتها كان على الاقل لو واحد من المباني تنبني موقف سيارات كيده الزحمه اللي قدام الحرم تخف شوي
المباني ترا كانت اكثر من كذا تراهم هدو جبل وهد الاسواق عشان التوسعه ومازالوا يهدون شوفي المباني الي ملحفينها باخضر يهدون فيها والمباني شلون مالها فايده ذي مباني سكنيه من فوق واسواق من تحت يجونا في السنه ملايين ماتكفيهم الفنادق والشقق حتى احنا بيتنا الي في مكه نأجره من كثر امة محمد مره يجونا حجاج ايران ومره عرب امريكا اخر شي الافارقه الامريكان .. يعني كل بعثه تاخذ لها مبنى كامل
وعلى فكره ترا في موقف سيارات كبر سوق الحجاز في مكه وفي واحد ثاني بعد جنب الحرم وواحد ثالث قدامه وماغير يبنون في المواقف والناس مثل الدود " على قولة المصريه جارتنا العربيات عندكو اكتر من الاوادم "
سوري قلبو بس انا ماقلت النفق مكانو غلط بس مدام هوا نفق ليش يسير موقف سيارات هما بنو النفق عشان السيارات تجي وتروح فيه ليش يسير موقف سيارات زيي ماقلت فوق يبنوو بدل الكم مبنى قدام الحرم ولو واحد مبانى يسير موقف سيارت حرام ترى مو كتير اللي نطلبو
مبانى الساعه الصراحه بوجهة نظري مالو داعي يعني ماشاء الله الساعات مملية الحرم وماشاء الله الوقت بينعرف بمجرد الاذان يأذن يعني اسفه بس من وجهة نظري مالو داعي مرره انا فاهمتك بس انا اوضحلك من الزحمه الناس يركنون سياراتهم هناك بسبب انهم يبغون يكونون اقرب فاقرب من الحرم < من عادة الانسان يحب يريح نفسه وانا لمن قلت جبليه قصدي مكه نصها جبال عشان كذا التوسعه تاخذ وقت وانهم يساوون جبل مب مثل مبنى
وعلى فكره قريبا بترتاحين من السيارات تراهم يعانون مثلك والحين مخططين قطار من الحرم لين جده ويشتغلون فيه
+ مبنى الساعه = اكبر ساعه في العالم ومعها ثاني اكبر برج في العالم+ هي مخصصه عشان يشوفها مو الي عند الحرم اكييد هي مخصصه عشان يشوفها كل سكان مكه ..بيتنا شمال مكه بعيد عن الحرم واشوف الوقت من السطوح الساعه اشتغلت وسارت كشخه ماودي اشيل عيني عنها
ماصدق تقولين مالو داعي وتبين تصيرين مثل الصين الساعه نقله للتطور واعتبرها افضل شي حصل ل 2010
< يقال انها بتطلع انوار من فوق لاكتملت بس اشتغلت ساعتين وباقي ساعتين
< امانه مو شي يشرف ان مكه عاصمة الامه الاسلاميه في تطور .. اذكر وحده افريقيه تقول "السعوديين عندنا مهندسين وتجار اغنياء توقعت مكه اجمل من نيويورك لاكن انصدمت " ولمن رحت الحرم سمعت رجال عراقي يمدح في البرج وكيف مكه حلوه فطاح شي من الي في قلبي
اسفه بس الصين بعددهم دا كلو تخيلي مليار اكيد اكيد مهما يكون راح تكون البلد بنسبه ليهم صغيره مهما سوو ولعلمك الصين عندهم مبني تحت الارض انتي بس تخيلي تعيشي تحت الارض والله خنقه راح تحسي انك مدفونه وانتي حيه بس فيها نظام وفيها ترتيب وفيها اكثر من كيده وعيالهم مو كلهم اخذين حقهم لانهم مرره كثير وبرضو عندهم ابداع يعني مني فاهمه ليش مانقدر نسير زييهم يعني عيالعهم عندهم عقلين ونحنا عندنا عقل واحد ليش مني فاهمه وانتي كمواطنه ووحده من عيال بلدنا ماعندك ابداع انا ماعندي ابداع كيف سرنا كلنا نمشي في الارض بس حق الفساد الصراحه دا الكلام ماأيدو ابد والصراحه الصين عيالهم هما الفساد يعني يكفي اللي يسوو عندهم الزنا عندهم الخمر عندهم والعياذ بالله الملاهي الليليه يعني نحنا بمقارنه بينهم مايجي الفساد نص اللي عندهم وللاسف نحنا اللي مسلمين ويجي دا كلو مننا ونحنا ولا كأنو ساكتين عليهم
طيب راح تقوليلي الصين ماراح نقدر نوصلهم بس دبي نقدر اهو عندهم نظام عندهم ترتيب واهم شئ اذا تقولي نحنا عندنا الجو حار فدبي مو ابرد منا ابدددددد
وليش نشوف الحبشه ليش نطالع تحت للي اقل منا ليش مانطالع فوق ونخلي رؤسنا مرفوعه ونطالع اللي هم فوقنا ونبدع ونكافح عشان نوصل ابعد مناااهم عمرو الكفاح ولا الطموح ماسار عيب يعني الصراحه كمواطنه مرره الوضع مو عاجبني وفي ناس كتير وكتير مو عاجبهم لا بالعكس إلا مضررين طيب امكن انتي ماشا ءالله في نعمه وكل شئ متيسرلك وان شاء الله يدوم النعمه عليكي بس في ناس من جد مضررين وماعندهم النعمه اللي ربي انعمها ليكي عشان اموورهم تتيسر فنحنا من باب الاحسان والعطف ليش مانوفرلهم اللي ييسر امرهم ليش حرام بالعكس لينا اجر في دا الشئ
ادري ادري الجو حار وذا كلو كانت مقارنه مازحه بس لاتخلو من الصحه و ان الصين شي ومافي مقارنه بينا وبينهم الصين دوله تجاريه ومع اتصال بالغرب قبلنا احنا ماتطورنا الا قبل 50 سنه بالقليل , دولتنا كانت في حروب ومعتقداتنا القبيليه معقده ,, ومازالوا في قبايل كثيره ماوصلهم التطور في الخيام والغنم والكلام يكثر عن الموضوع ..
لــكن .. عن عيالهم فالتربيه تفرق هم يكدون ويتعبون باجر قليل احنا كل شي عندنا على طبق من فضه وعيالنا كل واحد يبي مكتب الفرق مب بالعقليه الفرق في التجربه والحياه كفاح والله قال (قل هل يستوي الذين يعلمون والذين لا يعلمون إنما يتذكّر أولو الألباب). لكن طبعا مااعم الجميع.. في شباب عندنا فيهم البركه وفي الي يكافحون ..
وبالنسبه للحبشه خالي يشتغل هناك عشان كذا اعرف عنها كثير فعشان الشخص يتطور يشوف الي اقل منه اذا كانوا وصلوا لشيء ماوصله اكيد الغلط منه ! تكبر في عين العظيم صغارها .. وتصغر في عين الصغير الصغائر .. وبالنسبه للصدقه والنعمه الحمدلله كل شخص يمد رجله على قد لحافه عندنا ناس فيهم الخير والمتبرعين ياكثرهم ومافي دوله في العالم خاليه من المحتاجين ..
.gif){kind=icon}
رد: كل مالو وضعنا بيدهور ><
< رهيب السمايل XD
ذي مباني سكنيه من فوق واسواق من تحت يجونا في السنه ملايين ماتكفيهم الفنادق والشقق حتى احنا بيتنا الي في مكه نأجره من كثر امة محمد 
مره يجونا حجاج ايران ومره عرب امريكا اخر شي الافارقه الامريكان .. يعني كل بعثه تاخذ لها مبنى كامل 
العرض العادي
