+++++++++++++++++++
في الليل .. كانت نينو في غرفتها تحاول تنسى .. وتدعي لصديقة عمرها بالتوفيق ..
وكانت تقول " اتمنى لها كل الخير .. تستاهل .. قلبها طيب وانا احبها .. "
حست نينو بعطش .. وخرجت تجيب من المطبخ مويه .. وهي في الطريق رن التيلفون ..
الوقت كان متأخر ..
مين ممكن يدق بهالوقت ؟؟
رفعت السماعه .. وشهقت يوم سمعت صوته ..
نينو : شيجي ؟؟ ..سوسو نايمه ..
شيجي : انا مادقيت علشان سوسو .. دقيت علشانك ..
يمكن بذيك اللحظه دق قلب نينو الف دقه !!
++++++++++++++++++++++++++=
نينو : انا عرفت بسالفة الزواج .. ليه تدق تبيني ؟؟
انا استحاله اخون صديقتي !
شيجي : عرفتي ؟؟
نينو : ايه عرفت .. خلصني انا ماعندي وقت !!
شيجي : انتي غبيه .. المفروض تعارضي وتبعديني عنها ,, المفروض تحاربي كل شي علشان مشاعرك !!
نينو بشجاعه : مهما كانت مشاعري .. انا ادوس عليها علشان اعز الناس لي .. انت ماتعرف سوسو شلون قريبه منها ,, شلون احبها ,, شلون اخاف عليها من هبة الهوا !!
شيجي قال بصوت مزعزع : المفروض سوسو تبعد عني .. ابعديها عني !!
نينو : طلبت منها الزواج والحين تقول هالكلام !
شيجي : انا أناني ,, علشان كذه طلبت منها الزواج ..
نينو : ................. ماني فاهمه شي !
شيجي : انا ماكملت القصه !! .. لازم اكملها علشان تفهمين !
نينو : .......................................
شيجي : قبل ماتموت .. قبل ماتموت بيوم واحد ..
كنت داخل الصف .. وسمعتها تقول لوحده من صديقاتها : هوساذج.. صدقني بسرعه ..
بسرعه قدرت احصل على مشاعره ,, لأنه كان وحيد !!
مااستحملت .. ماقدرت اسمع هالكلام من الإنسانه اللي انقذتني من الوحده ..
دخلت الصف .. صفعتها كف قدام الجميع !!
سمعت نينوصوت شيجي يبكي ..
وقال بعد ماتمالك نفسه تكلم وقال : بعد ماماتت .. لقيت رساله منها ارسلتها عن طريق البريد قبل ماتموت ..
موتها ماكان عادي ..
انتحرت !!
نينو كانت السماعه بتطيح من ايدها !!
كمل شيجي والدموع تنزل من عيونه ..
" انتحرت لأنها كانت تحبني من جد ..ولأني سمعت نص الكلام اللي كانت بتقوله ..
مثل ماقالت في الرساله انها كانت بتكمل وتقول لصديقتها انها حبتني من جد .. بعد فتره ..
لكني استعجلت ,, وصار اللي صار ..!
قالت اني اكثر شي جميل كان بحياتها .. وان ابتسامتي بعد فترة الوحده اللي كنت عايشها كانت احلى شي شافته بحياتها .. قالت انها لو عاشت وحاولت تقنعني ببرائتها استحاله كنت راح اصدقها ,, وانتحارها كان الحل الوحيد علشان اصدقها !!
كان كلامها في الرساله يقول " عش سعيداً .. وتذكر لحظاتنا معاً .. عش سعيداً من اجلي !! "
حاولت بعدها الإنتحار .. وشربت كميه كبيره من الأدويه .. لكن .. مامت !!
وعشت .. علشان اشوفك .. واشوف سوسو !
بقو لحظات ساكتين عالخط ..
نينو تبي تستوعب اللي انقال .. كاتو ياخذ انفاسه بعد هاالذكريات اللي مرت على قلبه ..
نينو وهي تحاول تمسح دموعها : وانا وش دخلني في كل هالحكايه ..؟
ليه ماتصارح سوسو باللي في قلبك ؟؟
شيجي : لأني أحبك !!!
هالكلمه هزت كيان نينو .. هزته بكل قوه ..
خلتها هشه وضعيفه مثل اوراق فصل الخريف !
رجع قلبها يدق ويدق .. بأسرع مايمكن ..
كانت كلماته مثل السحر !
" شيجي يحبني !! "
شيجي : احبك من اول مره شفتك فيها .. من يوم ماكنا في ممر المستشفى والتقت نظراتنا ..
تذكرت نينو الوقفه .. والنظره ..
صارت تحس بحراراه فضيعه من الكلام اللي يقوله شيجي !!
شيجي : يوم قلتي اكرهك .. تحطمت اشياء كثيره بقلبي ..
نظراتك مانسيتها ..
كيف قدرتي تقوليها !!
الصدمه خلت نينو تجلس ع الكنبه اللي بجنبها ..
والكلام يتبخر ..
مافي أي كلمه ممكن تقولها !!
شيجي : احبك من زمان !
فجأه نينو تذكرت سوسو ..
كيف يقولها هالكلام .. وسوسو ..
نينو : وسوسو ؟؟
شيجي : ماانكر اني احس بمشاعر غريبه ناحيتها ,, حب .. لكن حب ممزوج بالماضي ..
موصافي ..
صرخت نينو : انا مااسمح للك تتكلم معاي بهالطريقه !!
انت منافق!
شيجي : ماني منافق .. انا مظلوم !! مشاعري .....
نينو: مشاعرك خليها لسوسو .. سوسو وبس !!
انا مااسمح لك .. تخونها معاي ؟؟
انساني فاااهم !!
كانت سوسو واقفه عند باب المطبخ ..
سمعت كل اللي انقال !!
عرفت سوسو ان نينو تحب شيجي ..
وانها تركته علشانها ..
كل شي صار دمار ..
خلاص ماعد عارفه وشلون تفكر !!
++++++++++++++
في كفتيريا الجامعه كانو نينو وسوسو مع بعض ..
سوسو : انا رفضت شيجي ..
جمدت نينو مكانها وطالعت سوسو!!
سوسو : رفضته !!
نينو وقلبها يدق : ليه ..
سوسو : لأن في انسانه احبها .. استحاله اكون السبب في عذابها .. مهما كانت سعادتي راح تكون كبيره !!
انسانه عرفتها من ايام الطفوله .. وكانت صداقتنا صداقه يضرب فيها المثل ..
انسانه كل حروف الكون ماتخليني اوفيها حقها ..
ممكن ماالاقي مثل شيجي في حياتي بعد كذه .. بس اللي انا متأكده منه ..
اني مستحيل الاقي صديقه مثلك ..
دموع نينو صارت تنزل .. ماقدرت تستحمل وراحت حضنت سوسو بكل مشاعرها ..
نينو : احبك .. احبك وماقدرت اقرب من شيجي علشانك ..
سوسو : انا عارفه .. انا آسفه لأني شكيت لحظه فيكي .. وانا احبك بعد !!
نينو : آسفه .. لأني ماخبرتك بمشاعري الحقيقيه .. المفروض كنت اقول لك كل شي من البدايه ؟؟
سوسو : انا آسفه لأني مافهمتك من عيونك .. لأني عشت لحظاتي مع شيجي ومافكرت فيكي .. بس اوعدك استحاله اسوي شي بعد كذه .. بدون ماتكوني عارفه ..
نينو وهي تمسح دموعها : اوعدك .. راح اصارحك بكل مشاعري ..
ومااخبي عليكي شي !!
_________