ㄨكم هو مؤڷم آڷحنيڹ آڷيك •• آشٍتآق و آشٍتآق آڷيك وڷآ آرآك ︶︹︺ㄨ آووڷ روآيةة ڷي ••
لإزالة كل الأعلانات،
سجل الآن في منتديات أنيدرا
آهنن بنآت هذي آول روايه لي ان شاءالله تعجبكم
فيني ألم غربه مع فرقا أعز الناس
/ سفينه تايهه تبحث عن موانيها /
ذكرتك يوم ودعتك .. وضاقت فيني الأنفاس ؟؟؟؟
بكت عيني على فرقاك لكن .. من يواسيها ؟
حرام أشوف أفراحي بأقدام الألم تنداس
أداري دمعة هلت ومالي .. غير / أداريها /
::
_______
في السعوديه وبالتحديد في الرياض
من تقريبا16سنه
في احدى المطاعم الفخمه
راكان : بابا بروح العب في الألعاب
ابو راكان:لا حبيبي الحين بيجيبون الطلب
راكان بأصرار:بااااباا بس شووي
ابو راكان:اوك بس ماتتأخر
لين :بابا انا الووح مع راتان
ام راكان:لا حبيبتي انتي تجلسين معي
لين:لا لا مابي ابي الوح اعاب (( لا مابي بروح العاب ))
ابو راكان:خلاص خليها تروح مع عزام
لين وهي تناقز:هيييه هييه
ابو راكان:راكان امسك اختك زين طيب
راكان:طيب يله لين نروح
لين:تيب
عند الألعاب وبالتحديد الألعاب الكهربائيه
راكان شاف صديقه في المدرسه
راكان:ليونه خليك هنا بروح شوي وارجع طييب
لين:تيب
راكان على طول راح لصديقه سليمان وجلسوا يلعبون ونسى لين
لين وهي تلعب جت لها حرمه
الحرمه:وش اسمك ياحلوه
لين بحياء واصبعها في فمها:لين
الحرمه:الله حلو اسمك تبين شوكلاته
لين:ايه
وعطت لين الشوكلاته وقالت بأغراء للطفله:ياحلوه تجين معي للسياره عندي شوكلاته كثيير اعطيك بعدين ترجعين للألعاب
لين بتردد:بس ماما تقول مالاحوين مع ناث ماتعلفينهم ((بس ماما تقول لا تروحين مع ناس ماتعرفينهم))
الحرمه:لا بس بعطيك شوكلاته بعدين ترجعين
لين:تيب بس مانتأحر عسان بابا يقول لا تتأحرون
الحرمه:لا مانتأخر يله شالت لين وراحت بها لشارع وركبت السياره
ماجد:والله انك تعجيبني بس تأكدتي من اسمها
لين بخوف:يله عتيني سوكلاته عسان اروح ماما ((يله عطيني شوكلاته عشان اروح لماما))
الحرمه:الشوكلاته نسيتها في البيت بنروح البيت نجيبها بعدين نرجع
لين وعيونها تلمع بالدموع:لا مابي حلاس مابي سوكلاته ابي ماما
ماجد:لاتخافين ياحلوه على طول نرجع
لين بدت دموعها تنزل:لا مابي مابي
ماجد:والله هذي البلشه بعدين انتي هييه تأكدتي منها ولا لا
الحرمه (مزون):قلت لها وش اسمك قالت لين
ماجد بعصبيه خفيفه:مافيه في الدنيااا الى لين وحده بسسس
مزون:طيب خلاص اسألها الحين
ماجد بعصبيه:هذي بززر وش يعرفها بعائلتها
مزون:انت مو تقول ان البنت عمرها ثلاث سنوات خلاص اكيد تعرف
ماجد:وحده عمرها ثلاث سنوات تعرف وجه نظراته للين ياحلوه اسمك لين ايش؟
لين وصوتها يعلى في البكاء:اسمي لين الـ.......
ماجد وهو يخاطب مزون:احمدي ربك انها هي ولا كان دفنتك بقبرك اليوم قبل بكره
مزون بخوف:طيب الحين وش بتسوي بها وليه ماخذها
ماجد:وانتي وش دخلك انتي كل الي عليييك تجيبين لي البنت وجبتيها لي خلااص
ابو راكان:يله انا بروح انادي العيال تأخروا
ام رااكان:اوك
راح ابو رااكان للألعاب وشاف عزام مع ولدركز فيه بعدين عرفه
لأن سليمان وراكان مره اصدقاء دايم مع بعض بس لاحظ ان لين مو مع
ابو راكان راح لراكان
ابو راكان:راكان ويين اخـــتـــكـ؟؟؟
راكان:تركتها عند هذيك اللألعاب
ابو راكان:مجنوووون انت تخليها بلحالها ورااح بسرعه يدورها وراكان
يدورها ودموعه تنزل
ابو راكان طلع برا المطعم ودورها بعدين راح لسكيورتي:لو سمحت
ماشفت بنت صغيره عمرها تقريبا ثلاث سنوات لابسه فستان احمر
السكيورتي:شفتها مع حرمه طلعت من هنا
ابو راكان انهااار ورجع لزوجته مع عزام
ساره بخوف:ويييين لين؟
ابو راكان بعصبيه وخوف على بنته:اسألي ولدك
ساره وهي خلاص منهاره:راكان حبيبي ويين اختك ليين؟
راكان بخوف وعيون مليانه دموع:خليتها عند الألعاب ورحت مع سليمان
ساره بصراخ:بنتييييي وينهااا جيبوهاا
ابو راكان: وهو مايقدر يوقف على رجلينه:ساره اذكري الله وقومي ارجعك للبيت
انتي وراكان واروح ابلغ عنها
ساره:لا لا مو راجعه الا وبنتي معي
ابو راكان:سااره اذا انتي جد خايفه عليها تعالي ارجعك للبيت واروح ادورها
ساره ودموعها تنزل:اوك يله
_______________________
في شقة ماجد ومزون كانوا نايمين ولين قامت جوعانه فتحت باب الغرفه
وراحت تدور المطبخ وماتدري وين تروح وشافت قدامها باب وكان الباب الي يطلع على الشارع
وماجد نسى انه بقفله لأنه كان مشغول بلين يهديها فتحته لين وطلعت تمشي وهي ماتدري وين
تروح ومشت الى ان وصلت للشارع الرئيسي
________________________
ام محمد:ابوووووووووووووو مـــــــــــحمد انتـــــــــــبهـ
ابو محمد كان يحاول يسيطر على السياره بس ماقدر لأنه كان يمشي بسرعه
_ _ _ ____ _ _ _ _ ______ _ _
في المـــــــــــــــســـــــــــــــــــتشفـــــــــ ــــــى
ابو محمد:هاه دكتور بشر البنت صار لها شي؟
الدكتور برتباك:والله ياخوي هي الحمد الله مافيها الا جروح خفيفه
بس فيه شي ابي اقوله لك هذا قضاء الله وقدره البنت فقدة الذاكره بس
فيه امل انها ترجع
ابو محمد:لا حووول ولا قوة الا بالله وش هالبلوه الي طاحت علينا وراح لأم محمد
ام محمد بخوف:هاه بشر عساها بخير
ابو محمد قال لها بالي قاله له الدكتور
ام محمد:ياعمري عليها وين اهلها عنها
ابو محمد:البنت اليوم بتنوم في المستشفى
خلينا نرجع للبيت والصباح رباح
________________
نرجع لأبو راكان
ام راكان منهاره وراكان الى الأن داخل في صدمه وابو راكان يسكر من مكالمه ويبدا في ثانيه
ام راكان:ياحسرتييي عليييك يابنيتي خالد شلووون بنوم اليوم بدونها
ابو عزام بضيقة صدر:اذكري الله وراكان حبيبي يله رح لغرفتك
راكانودموعه تنزل:لا مابي مابي ابي لين انا غبي رحت وخليتها كله مني
ابو راكان:ساره روحي مع ولدك الين ينام وتعالي
ام راكان:تعال حبيبي راكان
راكان:ابي ليووون
ساره:خلاص حبيبي ان شاء الله نلقاها بكره
وراحت هي وراكان تنومه
________________
الساعه 9:30 صباحا
ام محمد تكلم اختها:وش السوات وانا اختك بهالبنيه
ام فيصل(نوره):ياوخيتي انا عندي فكره بس مدري بيوافق عليها ابو عزام ولا لا
ام محمد:قوليها انتي الحين
نوره:انتي ربي مارزقك الا بمحمد ومشعل يمكن ربي عوضك بهالبنيه ورا ماتاخذينها عندك
وتربينها واذا كبرت يحلها حلال
ام محمد:والله مهيب شينه بس رايك يوافق ابو محمد؟؟؟
نوره:انتي كلميه وشوفي
ام محمد:ان شاء الله يالله مابي اطول عليك وهذا ابو محمد جاء بروح اقوله
يله مع السلامه
ام فيصل:في امان الله
ام محمد قالت لأبو محمد الي قالته لها اختها
ابو محمد يفكر وكأن الفكره دخلت مزاجه:يصير خير خلينا نشوف البنت الحين وتطلع من المستشفى
ام محمد:ان شاء الله
ابو محمد:قومي البسي عباتك خلينا نروح نشوق البنت
ام محمد:طيب
_ _ _ __________ _ _ _ _
في المستشفى وبالتحديد في غرفة لين
دخلت ام محمد وباستها مع راسها وجلست عندها
لين والشاش ملفوف على راسها وبنظرات استفهام
:من انتي؟؟
ام محمد وهي ماتدري وش تقول لها:حبيبتي انا ماما
دخلت لين في حالة صمت ووجهة نظراتها للـ t.v
شوي وقالت لين:ماما
ام محمد وهي مستانسه لأنها ماجربت شعور ان بنت تقول لها ماما
:ياعيون ماما
لين: ابي الــ ع ـــب ملييت هنا
ام محمد:طيب حبيبتي الحين بيجي محمد ومشعل ويروحون يلعبون معك في الحديقه الي تحت
لين:مين محمد ومين مشعل؟
ام محمد وش اقول لها:امم هذولي اخوانك
لين:تيب قولي لهم يجون بسرعه
ام محمد:ان شاء الله حبيتي واتصلت على ابو محمد وقالت له يجيبهوم معه وبعد نص ساعه تقريبا
وصلوا المستشفى وطقوا باب الغرفه ودخلوا
لين بفرحه:هذولي محمد ومشعل؟؟؟؟
ام محمد بأبتسامه:اي هذولي هم
لين قامت تناقز على السرير هييه ابي ارووح المرجيييحه
ومحمد ومشعل فوق راسهم 100 علامة تعجب
محمد:يمه من هذي؟
ام محمد ماتدري وش تقول وجهت نظراتها لأبو محمد
ابو محمد:روحوا العبوا معها وبعدين تعرفون
محمد وفيه فضول يعرف من هذي بس عارف ابوه بيعصب عليه:طيب يله تعالي يا سكت وناظر امه وقال
:وش اسمها؟
ام محمد برتباك ومن دون تفكير:حنين
محمد:طيب يله تعالي حنين نلعب
لين وهي تنط على السرير وطاحت على الأرض:ايي وفجأه ضحكت هههههههه
مشعل ومحمد:هههههههههههههههاي
وطلعوا لحديقة المستشفى
وابو محمد وام محمد في الغرفه
ابو محمد:ماتحسين انها هذيه من ربي ياام محمد
ام محمد:الا وانت الصادق والله اني حابتها
_______________________
نرجع شوي على ورا عند ام عزام
في بيت اهلها
هياء(الجده):الا يابنيتي ماجاكم الى الحين شي عن لين
ساره وعيونها تدمع:لا والله يمه على حطت يدك بلغنا الشرطه ويقولون اذا وصلنا خبر بلغناكم
الجده:الله يحفظها ان شاء الله من كل شر يارب ويرجعها لكم ربي سالمه
ساره بلهفه وشوق لبنتها:اميييييييين
__________________________
في الحديقه حنين تقول لهم:ركبوني مااطول
جاء مشعل وركبها المرجيحه
حنين:مين مشعل ومين محمد؟
محمد:انا محمد
مشعل:وانا مشعل
مشعل:انتي تروحين الروظه؟
حنين:وشو الروظه؟
مشعل احتار وش يقول لها:يعني المدرسه
حنين:وشوووو مدرسه
محمد:هههههه المدرسه يعني الي تروحين لها ويعلمونك الأشياء الحلوه
حنين وهي عاقده حواجبها وهي الى الحين ماعرفت بس تسلك هع:لا ماروح وانتم
مشعل:ايه انا اروح صف خامس
محمد:وانا اولى متوسط
حنين:وشو يعني هالخربوطات؟؟؟
محمد ومشعل:هههههههههههههههههههههههههههههههههههههههههههه ههههه
_________________________
عند راكان كان يلعب كوره في الشارع ودخلت في رجله قزازه وقام يصيح ..
وتجمعوا عليه خالاته وراح ولد خالته عبد الله .
عبد الله:خالتيييي سااااره خالتيي ساااره راكان دخلت في رجله قزازه!
ساره قامت خايفه:ولدي وش فيه ويين ابوه؟
عبد الله:في المجلس.
ساره راحت بسرعه للمجلس:ابوو راكان بسرعه رووح شوف راكان في الشارع!
ابو راكان قام بسرعه وراح لراكان وشاله ووداه للمستشفى.
وكان المستشفى نفس الي فيه حنين.. !!
_____________________
1-هل تتوقعون ان حنين ترجع لأهلها؟
2-تتوقعون ان ماجد بيرجع يدور عليها؟؟؟؟وهل بيأنبه ضميره ويقول لأبو عزام ان هو الي خطفها؟؟
3-هل بترجع لحنين الذاكره؟؟؟
4-تتوقعون ان ابو عزام يشوف حنين في الحديقه؟؟؟
آنتظرر ردودكم :: 
● ما آحلل احد ينقلها بدون ذكر الكاتبه والمصدر
..TOKE
اذا ششفت تفاعل معي نزلت البارت الثاني
الموضوع الأصلي :
ㄨكم هو مؤڷم آڷحنيڹ آڷيك •• آشٍتآق و آشٍتآق آڷيك وڷآ آرآك ︶︹︺ㄨ آووڷ روآيةة ڷي •• || الكاتب :
♥ l e e t e u k || المصدر :
منتديات أنيدرا
العرض العادي
