منتديات أنيدرا الدراما الكورية و اليابانية



الملاحظات

الدراما اليابانية الدراما اليابانية : نقاشات - مسلسلات - افلام - آخر أخبار الدراما في اليابان.

إضافة رد
 
أدوات الموضوع انواع عرض الموضوع
  #1  
قديم 21-12-2007, 12:11 PM
الصورة الرمزية فلانه بنت فلان
فلانه بنت فلان فلانه بنت فلان غير متصل
 
معلومات إضافية
الانتساب : Jul 2007
رقم العضوية : 4397
المشاركات : 6,282
   الجنس: الجنس: Female
  علم الدولة: علم الدولة Qatar
Anidra- Never Ending Wonderful Story[جزء من نادي نيوز]

Anidra- Never Ending Wonderful Story[جزء من نادي نيوز]


لإزالة كل الأعلانات، سجل الآن في منتديات أنيدرا

السلام عليكم

ادري بتقولون حشى مب عنوان هذا لووول

انا اقولكم شنهي قصة الموضوع مره و احنا نسولف ببراءه تااااااامه في موضوع نادي نيوز سوينا قصص تبين مدى رزانتنا و رجاحة عقلنا و ان احنا اعقل منا لا يمكن ينوجد ههههههه

المهم فقلنا بنسوي موضوع نكتب فيه قصه ابطالها اعضاء نادي نيوز و نيوز نفسهم

و على قولة القايل " و يستمر الحلم" اللي هي سوسو تشان ههههههه

شوفوا الحين انا بكتب القوانين بعدين بكتب اول جزء

الله يسلمكم

الكتبه يكتبون بالدور يعني مب اتيني وحده مب دورها و تكتب جزء ترا اطردها<< عدال يالبوس خفي علينا

لا ما نطردها بس بنحاسبها لوول

اللي ايي دورها و ما تقدر تكتب تكتب في دورها pass و اللي بعدها تكتب ...و بآخر الجزء نكتب بالأحمر " و يستمر الحلم" << اقتراح نينو هههههههه

المهم

الحين نحط منهم الكتبه و منهم الابطال

فلونه << يا زيني بس مدلعه روحي

بطلة + كاتبه

تومو

بطلة + كاتبه

نينو

بطلة+ كاتبه

ماكي

بطلة+ كاتبه

نانا + جين + قموره + قطوره +لوفو + فتوش+ سوسو أبطال ما يكتبو يا عيني مريحين نفسهم

ترتيب الكتابه اللي طلعناه انا و نينو امس من الفراغه

انا - نينو - ماكي - تومو

يالله الحين اكتب اول جزء و احطه

بهالمنتدى للحين ما شفت شي مثل الردود اللي بذكرها الحين بس احتياط

بكل احترام اطلب من اللي ما تعجبه السالفه ما ايي و يحط ردود مالها معنى لأنها صارت لي وايد بمنتديات ثانيه فحبيت انبه

الموضوع الأصلي : Anidra- Never Ending Wonderful Story[جزء من نادي نيوز] || الكاتب : فلانه بنت فلان || المصدر : منتديات أنيدرا



رد مع اقتباس
قديم 21-12-2007, 12:18 PM   رقم المشاركة : 2
SoSo Chan
[is not here]
 
الصورة الرمزية SoSo Chan





معلومات إضافية
  النقاط : 927
  الجنس: الجنس: Female
  علم الدولة: علم الدولة Kuwait
  الحالة :SoSo Chan غير متصل
My SMS سبحان الله وبحمده، سبحان الله العظيم. ولا إله إلا الله.


أوسمتي

فلونه


اقتباس:
نانا + جين + قموره + قطوره +لوفو + فتوش أبطال ما يكتبو يا عيني مريحين نفسهم

أفا ويني أنا؟

خلا زعلت!!

<< مدت البوز شبرين!



  رد مع اقتباس
قديم 21-12-2007, 12:35 PM   رقم المشاركة : 3
فلانه بنت فلان
 
الصورة الرمزية فلانه بنت فلان





معلومات إضافية
  النقاط : 192
  الجنس: الجنس: Female
  علم الدولة: علم الدولة Qatar
  الحالة :فلانه بنت فلان غير متصل
My SMS I miss you all :(


البارت الأول

في صباح مشرررق خااااااالي تماما من الغبار ولا فيه اي عمال يطقطقون عند الدريشه و لا في يهال قايمين من صباح الله خير يصارخون و لا فيه خدامات يتهاوشون و لا فيه تلفزيون مطول على صوته حده و محد يشوفه استيقظت فلانه على صوت تغريد العصافير و هي ما ودها تقوم بس وراها سفره و لو ان الطياره خاصه بس وراها جيش لازم تلمهم و تسافر<< طياره خاصه ايه هين
طالعت الساعه و ردت غمضت تكمل ثانيتين بس و ردت تطالع الساعه برعب

فلانه: لااااااااااااا بنذبح تأخرت 4 ساعات<< ما شاء الله عليها ما عندها شي اسمه تاخير عادي لازم وايد
فتحت امها الباب: شفيج؟!
فلانه: و انا ابي افهم يعني اذا مت ما راح تجيكون علي؟ شلون مخليني راقده للحين تدرون وراي سفر
ابتسمت امها : احسن احنا ما نبيج تسافرين بس شنسوي غصبن عنا
فلانه و هي تلم ثيابها المنثره بعصبيه: يعني شلون ما ادرس ؟؟
امها: الناس تدرس برا بس انتي طرتي لليابان ليش؟
فلانه: انا مب رايحه بروحي معاي شله مشتله تدرين
امها: خلصيني بس و روحي
و ترضخ امها الباب وراها

في المطار

دشت فلانه و حالتها حاله تسحب وراها شنطتين و هي بتهلك خلاص و يالله يالله تسحب ريولها و تقبض الشناط اول هندي في ويهها
فلانه: شوف بابا ودي هاي شنطه حق طياره VIP مال انا يعرف ؟؟
الهندي: و انا شنو يعرف انا طياره مال انتي شنو ؟
فلانه: شوف هذاك طياره بينك مناك في نيم فلونه سوي داخل
الهندي: اه ماما جين جين

و بعد ما عانت ويا الجوازات استقرت فلانه اخيرا في الطياره بدت انواع الرعب و الالام في البطن لما استوعبت انها في طياره و انها ترا بتطير
و تبتدي الدعوات تشتغل من اول ما تحركت الطياره لين طارت
يات المضيفه المتينه تتدربح << شوفوا فلانه حطت مضيفه متينه عشان ما تتعقد كفايه اللي بتشوفهم في اليابان
المضيفه: Do you want something to eat؟
فلانه تطالعها بغضب بارد : و انتي ويا ويهج شايفتني بمزاج اكل انا بموت من الروع و انتي تقولين اكل مابي وخري عن ويهي

المضيفه ما فهمت بس عدت السالفه و ردت مكانها

و طيرااان عالسعوديه لأن الاغلبيه هناك و طبعا فلانه منبطحه عالكرسي و انواع الغثيان و الصداع و الخوف و ما يسوي فيها دخلوا نانا و قموره و جين و نينو

الجميع: فلانوووو صباح الخييير
جين: انتي ما تستحين مب قايلج انا اتين الساعه 8 الحين الساعه 12
فلانه بصوت رايح: اسفه مالي مزاج هواش عدها لي هالمره
نينو: سلامات اشفيه ويهج الوانه معتفسه
فلانه تطالعها بطرف عين: شايفتني تلفزيون تقولين الواني معتفسه
نينو: بسم الله شهالمزاج
قموره: خير شصاير؟
نانا: خلوها مسكينه شكله هاي خوف الطيران
نقزت فلانه و اصطلبت بمكانها؟: خوف؟ من انا ؟ انا اخاف من الطياره ؟؟ لا لا ابدا من قال انا بس مريضه اليوم<< فنانه في الجذب
قموره : سلامااات تبين شاي قهوه؟؟
و طلعت قموره شنطه فيها دلال شاي و قهوه
طالعوها الكل بنظره بارده و قالت نينو: قموره بالله عليج منو اييب شاي و قهوه في الطياره
جين: بعد اش علاقة الشاي و القهوه بالمرض؟
نانا: صح كلام اخوي شالعلاقه
قموره: شفيكم القهوه زينه حق الصداع
فلانه: اوووف الا تجيب لي الصداع
جين : خلاص بس بس سكتوا الحين فلانوه قومي بس قولي لكابتنج يودينا الامارات خل نلحق على تومو و ماكيو لوفو تلقينهم الحين مشوطين من العصبيه تأخرنا وايد عليهم
فلانه و ترد تنبطح و تقول: روح انت قوله و انا شلي خص
جين : ان شاء الله انا بشوف اخرتها وياج

و فيووووووو يطيرون للامارات

و يستمر الحلم

بس مخي توقف عن العمل حاليا يللا يا نينو شدي حيلج




  رد مع اقتباس
قديم 21-12-2007, 12:36 PM   رقم المشاركة : 4
فلانه بنت فلان
 
الصورة الرمزية فلانه بنت فلان





معلومات إضافية
  النقاط : 192
  الجنس: الجنس: Female
  علم الدولة: علم الدولة Qatar
  الحالة :فلانه بنت فلان غير متصل
My SMS I miss you all :(


سوسو

فديت قلبج كنتي فبالي بس ترا عدلته و كتبت اسمج قبل لا اقرا ردج

شكلي من الاستعجال اسمج سقط سهوا




  رد مع اقتباس
قديم 21-12-2007, 12:44 PM   رقم المشاركة : 5
SoSo Chan
[is not here]
 
الصورة الرمزية SoSo Chan





معلومات إضافية
  النقاط : 927
  الجنس: الجنس: Female
  علم الدولة: علم الدولة Kuwait
  الحالة :SoSo Chan غير متصل
My SMS سبحان الله وبحمده، سبحان الله العظيم. ولا إله إلا الله.


أوسمتي

اقتباس:
و لا فيه خدامات يتهاوشون
ههههههههههههههاااااااااي

اقتباس:
شوفوا فلانه حطت مضيفه متينه عشان ما تتعقد كفايه اللي بتشوفهم في اليابان
اي والله

اقتباس:
جين: انتي ما تستحين مب قايلج انا اتين الساعه 8 الحين الساعه 12
زين سوه فيج جين!!

اقتباس:
و طلعت قموره شنطه فيها دلال شاي و قهوه

هههههههههههههههاااااااااي


-------------------

لا ينسون يمرون الكويت وياخذوني أنا وفتوش!!!



  رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
 
الانتقال السريع


الساعة الآن 10:56 PM.
ترتيب أنيدرا عالمياً
Rss  Facebook  Twitter

Powered by vBulletin® Copyright ©2000 - 2024, Jelsoft Enterprises Ltd

منتديات أنيدرا An-Dr للدراما الآسيوية و الأنمي

منتديات أنيدرا