هههههههههههه اشوف في حرب قائمة هني بين الكوري و الياباني
انا اعترف بدايتي كانت كورية << الحين بتقول قصة حياتها
اول دراما شفتها كانت ساد سوناتا و اخبر تعلقت فيها بشكل كبير ما انكر ان تمثيلهم كان اكثر من رائع يعني اندمجت وياهم لدرجة كنت اتهاوش وياهم هههههه
عاد فجأه و مادري شلون دشيت عالياباني أظنتي من هانا يوري يوم شفت الكل يتكلم عنه و عجبتني السالفه و من يومها و انا كله انزل ياباني معاه a love to kill و my sister in law
عاد انا بقولكم شنو اللي عجبني في الياباني عشان اوضح
اولا: الياباني ما عندهم سالفة التمطيط اللي ماله داعي عشان تصير الحلقات 16 أو اكثر يعني لازم 16 شبيصير لو كانوا 10 مثلا؟؟ هالشي اللي كرهته في a love to kill يعني من عقب الحلقه العاشره و انا ودي اكسر الشاشه على روسهم تمطييييييط رهيب في الاحداث لدرجة ان في حلقات خليتها تولي و النهايه شفتها في 10 دقايق عاد الله و النهايه تبط الجبد
ماي سستر ما انكر كان حلو و كان فيه تمطيط بس على خفيف
اما ماي جيرل لا هاي سالفه ثانيه هاي ما اعتبره كوري لأن ستايله مب ستايل المسلسلات الكوريه كلش عشان جدي عجبني
بخصوص الممثبين ابي واحد كوري مثل يامابي و كيمورا يتقن كل الادوار لدرجة ان في كل دراما كل شخصية غير عن الثانيه و متقنه
النقطة الثانيه: اليابانيين يصرفون على دراماتهم دم قلبهم على الانتاج تصويرهم وااايد احلى من الكوري بالنسبة لي اعطيكم امثلة هانا كيمي المدرسة هاي بروحها مادري شكثر دفعوا فيها مب التايواني جنها مدرسة حكومة عندنا -_- و هانا يوري هاي اظني راح في تصويره ملايين
كوروساغي حدث و لا حرج في الانتاج ....خلوا كوروساغي لو تشوفون Karei-naru ichizoku تقولون فلم مب دراما انتاجها رهييييييييييب بكل معنى الكلمة من ناحية كل شي حتى التمثيل روووووعه
النقطة الثالثه: ال OST مالت اليابانيين بالنسبة لي احلى من الكوري يعني الموسيقى اتي واااااااايد راكبة عالمشهد مرات "لاحظوا قلت مرات" الكوريين الموسيقى في صوب و المشهد في صوب ثاني
بالنسبة للكوميديا: عاد بصراحة بصراحاحس محد احسن من الياباني في الكوميديا على مستوى العالم مب الاسيوي شوفوا ماي بوس ماي هيرو و احكموا صج ماي جيرل كان يضحك بس مب كثر ما اضك عالياباني ...احس الكوريين يبالغون في تعابير الويه و لا عاد هانا كيمي التايواني يا هالملقه البطله ما قدرت ابلعها لو يايبين غيرها يمكنكنت بجوفها بس كلش ما تنفع كوميدي عيل حد ينصدم بوزه ينمد شبر جدام هههه<< مع احترامي طبعا للي يحبها اكيد
و الله في مقارنات واااايد بس مخي توقف عن العمل حاليا ههههههههه
اهم شي بقوله هاي مجرد اراء فلا تاخذون الموضوع بحزازيات و عصبيه ...تراني كل شي قلته بطيب نيه و مب قصدي شي حبيت بس ادافع مثل ما انتوا تدافعون و ما كتبت هاي في القسم الياباني لانكم ما راح تشوفونه