My Pet's History

[Yamazaki]

My Pet's History

Tweet

لإزالة كل الأعلانات، سجل الآن في منتديات أنيدرا

السلام عليكم ورحمة الله وبركاته ^^



ogenki desu ka minna san ^^

اووووه يامازاكي من العصر الحجري ماسوة موضوع اشعندها

ايه ادري اخيرا سويت موضوع العيز ومايسوي تدرون اصلا انه انا كتبت هالموضوع ثلاث

مرات اشطولها كان وكل مره اكتبه اقول لا لا بيطلع الموضوع سخيف محد بيعطيني ويه -__-

بس توأمي العزيزه اتقول لا بيطلع فلله وعطتني الشجاعه فعدت الا الحياه << اشدخل الحياه انتي متي اصلا ؟

المهم الله يسلمكم بما اني فاضيه فضاوه مب طبيعيه

وبما انه انا فاضيه فضاوه مب طبيعيه ماعندي العاب اكس بوكس خلصت الالعاب الي عندي

كلهم الا كمن شريط ووي محد يبي يلعب وياي ولابي العزيز انتقل الى رحمة الله << عيل من وين داخله

رحت ابوق لاب امي << حراميه

المهم مب هاي قصتنا ^^ << متى صارت قصه

المهم المهم ^^ << مب خالصين ^^"

بما اني احب الحيوانات يعني وبما اني اعشقها قلت اعرفكم على الحيوانات الي ربيتها بس ^^

للاسف يعني مب كل الحيوانات الي ربيتها عندي صور لها باراويكم الصور الي عندي بس يعني

اقول لكم اول شي يعني يوم كنا صغار كنا انربي حيوانات طبيعيه شكل الناس يعني ارانب دياي

حمام عصافير قطاوه انزين

فكبدايه طبيعيه باراويكم القطاوه الي كانو عندنا او للحين عندنا

اقول لكم هالموضوع قصة حياتي بيصير ههههههههههههههه

المهم ماعلينا

احنا ربينا اقطاوه وايد وطبعا شي طبيعي امي دايما امعارضه بس ابوي يقول عادي اذا كانت

القطوه نثيه بس عشان القطو سنداره -__-

في قصص وايد احمدو ربكم انه ماعندي صور القبلين هههههههههه Yo ^^

نبدا بهاذي ^^

------







-----

هاي الله يسلمكم اسمها عفروه
لكن اهيه مالت اختي الكبيره امسميتها Neko-chi الحين القطوه يسمونها neko

يعني بذمتكم اتقولون حق قطوه قطوه تعالي المهم

شكلهاا كيوووووووووت صححححححح ادري ادري ,, بس ترا لا يغركم شكلها اتخلونها اتقص عليكم

ترا عليها نذاااااااله مب طبيعيه هالقطوه اقول لكم لين كانت يوعانه ولا كانت تبي تنام اتيي

وتتدلع واتسوي كللل شي وعادنه مسكينه لكن لما تخلص حايتها تعالو جوفو النذاله على اصولها

ايي ابي ازخها تشمخني ولا ايي ابي اشيلها تشرد النذله ومع ذالك ماتحب تقعد بروحها يعني

جوفو لي انا شنو اسوي ويا هالقطوه المخرفه اذا ماجافت حد عندها على طول تحشر البيت بصوتها

لين ماييها حد ماتحب تقعد بروحها ولين يات ترقد ماتروح ترقد مكان بعيد لا لازم جنب حد

المهم اقول لكم نهاية هالقطوه المسكينه

الله يسلمكم هالقطوه لما صارت حامل كانت تحوس برع البيت عادي يعني احنا انخليها تطلع

انزين عاد في يوم من الايام ابوي رجع من برع جان الا يطالع القطوه منسدحه في الزرع

راح عندها انزين جان الا يجوف القطوه مجروحه وتنزف فقال حق الخدامه تحطها في كرتون وودوها

البيطري انزين ومن عقب ما يات من البيطري صارت ماتقدر تاكل بروحها فاحنا كنا انأكلها غصب اوكي

يالله يالله تبلع بعد انزين عاد مرت على هالحال خمس ايام اليوم الخامس كان يوم الخميس انزين

واحنا يوم الخميس انروح بيت يدتي من الظهر لين الفليل فرحنا انزين ومحد عند القطوه لما رجعنا

الا انلاقي القطوه ماتت الله يرحمها مسكينه

نصيحه : اذا القطوه ماتاكل لا تودونها عند البيطري لأنه بيعطيها ابره وبتموت لازم تعطونها روب وعسل تم الاكتشاف عقب ماماتت جفنا في النت

----





---

سوري الصوره مب حلوه وايد لأنها مارضت تقعد في مكان واحد -__-

في الصوره شكلها مب حلو لأنه اضعيفه حدها لازم تاكل وايد بس ترا انا احبها وايد

هاي صورها يوم كانت صغيره وصاحيه ^^





هاي اسمها نفس اسم الي قبلها توارثو الاسم ^^

المهم هاي القطوه الي يبناها عقبها يوم كانت اصغيره يبناها من بيت يدتي من بين القطاوه الموجودين اهناك

المهم عاد هاي كانت عندنا انحطها في الحوش اهيه وكان في قطوه ثانيه بيضه اصغيره بعد وفيها كمن لون

المهم عاد خذو وكت لين ماتأقلمو مع بعض وبعدين يمكن عقب اسبوعين جفنا في بيت يدتي

قطوه مسكينه متعوره هي ريشيه وبيضه القطاوه مصطرينها وفيها جروح وفي اجزاء من فروها محد

المهم عاد احنا لما رحنا الامارات قبل شرينا دوا مال جروح انزين مال قطاوه عاد اول مايبنا هالقطوه

طبعا سبحناها لأنها كانت وصخه ويبنا لها القطوه البيضه الصغيره هاذيج عصبت وصطرتها قلنا بنييب

لها هالسوده لأنه السوده خوافه فيبناها اول شي طبيعيه فراحت هاي الريشيه تقرب منها جي

بكل براءه جان الا تصطرها السوده هههههههه مسكينه مايسوى عليها

المهم عاد تمو فتره جي مايحبونها هالثنتين وكان في ذاك الوكت لشتا برد يعني واحنا كنا حاطين

لهم برع طاوله وفوقها لحاف عشان يقعدون تحت تدفيهم وبيت مال قطاوه انزين ويا وكت سفرنا

وسافرنا ولما رجعنا من السفر الا اكتشفنا اكتشاف خطيييير

كلهم تأقلمو مع بعض وراقدين مع بعض داخل بيت القطاوه ههههههههه مساكين البرد ومايسوي

كل مره يرقدون في مكان ايه وصح صرنا نحط الدوا على الريشيه صارت الجروح اتروح اشوي اشوي ^^

والريش يرجع وابوي يقول لنا لا تزخونها بتمرضكم عاد لا حياة لمن تنادي انقول له ودها البيطري

يقول لا عاد قلت له انا بازخها << ميؤوس منها ههههههه

عقب قال صورو صورتها بنجوف البيطري شنو بيقول والبيطري قال لازخون ويها لأنه بيعادينا بيصير

حساسيه وقال ابوي خلاص بيوديها عاد الله يسلمكم في يوم من الايام قبل لا يحدد ابوي يوم

يودي فيه هالقطوه اختفت هالقطوه اهيه والبيضه من البيت وهاذيج السوده قاعده اتدورهمم واتنادي

من الظهر لين المغرب واهيه تنادي تسمعون صوتها تقولون القطوه قاعده تصيح من قلللب كانت

تكسر الخاطر بعدين دخلناها داخل عشانها بروحها واهمه محد وكل يووووم كانت تدورهم واتناديهم

لين مايأست مسكينه هالقطوه

عاد لما كبرت كالعاده هالقطوه خوافه انزين مره ابوي جافها تشم الطاوله واهوه كان بعيد عنها

فصفق بيده جان الا القطوه تنقز وتشرررد خوافه خوف مب طبيعي ولما تروح برع

كانت قطوة بيت يدي اتيي عشان الاكل واتسطر قطوتنا هاي وهاي تشرررررد واتحففففص وهاذيج

وراها وراها لين ماتيي تندعس عندنا ومرات يروحون يحوسون برع وهاذيج للحين الا تطقها

المهم عاد هاي القطوه عقب فتره كبرت ويابت عيال

هم اربع بس الرابعه اشويه عينها تعبانه لأنه في قطو ايي بيتنا مريض عادها -___-

المهم اقول لكم هاي وحده من عيالها

---

---

ماتقر مكان واحد فما صدت الصوره عدل -__-

تدرون لما كانو العمال يعدلون الميلس انزين كان في بيبات مالت الكهربا مادري مالت شنو انزين

هاي تمت مفتوحه على اساس انه بيكملون اليوم الي عقب والقطاوه الصغار يدخلون ويطلعون يلعبون

عاد على حظ هاي دخلت داخل كلللش رايحه داخل والعمال مادرو فدفنو المكان وصكروه بالسميت

والام صارت اتدور بنتها كل يوم انزين واحنا ماندري واندور برع ترا البنت محد انزين وتمت جي اسبوع تقريبا

واهيه حاشره المكان بصوتها جنها قاعده تصيح بعد واتروح صوب الميلس واحنا ماندري عاد خدامتنا

ماتحب القطاوه مره كانت تلحق مادري أي قطو تخرعه ماعندها سالفه الا وصلت عند الميلس مالنا

جان تسمع صوت قطوه وعقب نادت اختي الكبيره وقاعدين يسمعون جان الا صوت القطوه طالع من الطوفه

فقرر انهم يكسرون السميت ويحفرون جي وكسرو من السميت لييين وصلو هالفتحه وانا يبت الام

عشان تنادي بنتها هي خايفه تبي تشرد وتسمع صوت بنتها بعد واتوقف وبعدين وصلو لين هالبيب

ولما وصلو هالبيب الا هالقطوه تطللللللع مسكينه اسبوع كامل تمت محبوسه لا اكل لا ماي

زين ماماتت وبعدين دخلناها داخل مسكينه قاعده تشرب الماي بسرعه من العطش بعدين كلت

وراحت عند امها

وللحين عندنا هاذيلا القطاوه ^^

بس الحين الام صارت تعبانه عشان عندها اعيال واكلناها وايد لازم نأكلها وايد اقول لكم ماتشبع

الام كيسين من اكل القطاوه مايكفيها اعطيها كيسين الفير وكيسين الغدا وكيسين العشى الفير

ماتخليني في حالي انام اتيي تنادي من الدريشه -__-

----

----

هالقطوه عجييييبه هاي انا شريتها انزين عاد اول ماجافها ابوي يقول لي شكلها شكل بوومه

هاي اسمها لوسي حتى اسم ماخلتني اختي اسمي -__- مصره الاخت على رايها -__-

جفتو Fairy Tale في شخصيه اسمها Lucy هي عاجبتها والا اتسمي قطوتي لوسي -__-

لا وكل يوم اقول لكم الاهل امطلعين مره فلوسي ومره قوطي وكل مره اسم -__-

هالقطوه الله يسلمكم عليها خباااال مب طبيعي انا جفت شكلها قلت هاي هاديه ماتسوي شي

لكن يا انها مب صااااحيه اقول لكم العبها بلعبة القطاوه هاي صورت اللعبه


اوكي هاي اقعد احركها مني ومناك واهيه اتحففففص وراها ولما ارفع اللعبه تنننقز ووتتشقلب بعد ههههههههههههه

والفليل تستوي مينونه اذا محد لعبها تقعد تحفص في الغرفه بروحه وتقعد تلعب بأي شي ماينلعب فيه

وشتسوي تركب على الستاره ليييين فووق وتنزل تركب وتنزل فاضيه حدها ولا تركب على المكتب

واتطيح الاغراض اقول لكم طيحت هاردسك اختي كسرته اشوه انه لين الحين يشتغل بعد -__-

ولين يات تبي تاكل اتضحك واهيه تمشي لما اناديها ذيلها اتسويه جنه علامة استفهام وتمشي

وتتمغط الله يهديها بس ههههههههههه

الحين هي صايره ماتلعب وايد في شي في لثتها يعورها باجر بنوديها البيطري مسكينه -__-

لا والاخس من جي شنو هالقطوه هي عجيبه اوكي انزين بس وايد تتشرط ماتاكل لحم ولا تاكل

سمج بس تبي دياي اول مايبناها كان في اكل من كنتاكي زايد في البوكس ماله جان اهيه تدخل

في البوكس وتقعد تاكل مب راضيه تهده ههههههه تعششق دياي كنتاكي عشق مب طبيعي

بس اعطيها اكل قطاوه انا عشان في اوكات ماناكل فيها دياي -__-

بس الصراحه هاي اوووول قطوووه البيت كله يحبهاااا حتى امي والخدامه ووحده من

خواتي

حتى اليهال لين ياو بيتنا يحبونها

بس ماتقول مياو نفس الناس تتدلع وايد -__- ,, المكان المفظل تتوقعون وين تحب تنام

في المطبخ فوق الثلاجه

-----



-----

سوري بعد على الصور مايرضى يقعد الله يهديه ولا يرضى يطالع الكيمرا -__-

هاي الصراحه ماعنده اسم لأنه يايبينه اشويه وبنبيعه بس كان عصبي كله يقعد عند

الباب ويبي يهاوش القطاوه الي برع فسموه عنتر اما اقول لكم اسامي مب طبيعيه

هاي القطو الله يسلمكم شريناه عشان يكون مع القطوه هاي خليناه اسبوعين جي بعدين

رحنا انبيعه سندرنا هههههههههه


-----


الحين هاي كله قطاوه عادي يعني بعدين اراويكم البغبغاوات مالاتي الي طارو ههههههه

الموضوع الأصلي : My Pet's History || الكاتب : Yamazaki || المصدر : منتديات أنيدرا

[Yamazaki]

الحين الله يسلمكم البغبغاوات

---




هاي المتوحشه يحليلها عندها صلعه



هاي الانثى الاليفه الذكر ماعندي صورته بس يشبهها ^^

---

اول وحده الي في القفص الازرق متوحشه -__-

بعدين شريت لي ثنتين يركبون على اليد انا كل مره اقول حق ابوي ابي بغبغاء كبير

ينتهي فيني المطافه بأن اخذ صغير

الاليفين مفروض يكون واحد حقي وواحد حق اختي الصغيره بس الله يسلمكم محد يحط اكل

ولا ماي ولا يمسكهم ولا ينظف الا انا فطقت في راسي يوم يات وقالت وين مالي عصبت عليها

قلت لها مب مالج خلاص هاذيلا اثنينهم حقي لأنها ماتهتم اصلا وامي وخواتي وابوي قالو انزين

لأنه صج من حقي انا اتعب واخر شي تقول لي مالها وين -__-

المهم عاد الله يسلمكم كل مره كانو مايطيرون حتى لو كان الباب مفتوح ^^

هاذيج عشانها متوحشه طيرناها بس بعدين كانو يشتغلون في البيت والبغبغاوات صارو يخافون

اشوي اشوي بعدين طارو بسبة العمال

----






----

البيضه كل اشوي وشردت لحد يعلق على الصوره لأنها مب واضحه -__-

وهاي صورة البغبغاوات الصغار كلش احنا كنا شارين اثنينه الاخضر ووحده بيضه بس البيضه ماتت

وشرينا هاي بدالها بس القطوه سندرتني كله تروح عندنهم بس الحين تسنعت لما انقول لها

لا تستعدل واتوخر عنهم


المهم يبقى اخر شي حيواناتي الثانيه ^^

[Yamazaki]

الحين يا دور حيواناتي العجيبه هاي المب طبيعيه انا يعني صرت اعشق الحيوانات عشق مب طبيعي واروح

ادور عنهم واتعلم عنهم وايد احبهم

المهم عاد وحبيت ال exotic pet's هاذيلا هم الحيوانات الي مب سمج ولا قطاوه ولا جلاب ^^

انزين انا عشقتهم صرت احبهم وايد وكله ابي اربي منهم ^^

انزين عاد طبعا كان عندي سلاحف

---



---

طبيعي اقول لكم اشلون انتهى مصيرهم ؟

كانو محطوطين في حوض

وكانو محطوطين على طاوله صغيره ورحت انا بيت يدتي والقطوه السوده كانت داخل فطيحت

الحوض وطلعو السلاحف ضاعو

عقب ثلاث اسابيع لقيت واحد حي ووحاد ميت بعدين مات الثاني بفتره بس والله عاشو

تمو عندي اكثر من ست شهور

وكان عندي ضفدع اسود صغير انزين بس الضفدع الكمبيوتر سوو لها فورمات والصوره محد

الله يسلمكم الضفدع كنت اخرع فيه اختي مره كان لابها في الصاله انزين ورحت وحطيت الصفدع على

الكيبورد وقعدت ادووور جنه الا مامسوي شي فهي يات توها بتقعد عند اللاب جان تجوف

الضفدع وتصصصرخ صرررخه بطت اذني الله يهديها اتقول لي شليه شليه شليتها بعدين الاخت

راحت تييب ديتول حق الكيبورد مسكينه هههههههههه

وتتوقعون متى مات ضفدوع المسكين ؟

اليوم الي سافرنا فيه تايلاند هو الفليل مات مسكين ماقدر على فراقي << لحد يصدق نفسه بس هههههههههه

------

------

شنو هاي ؟ فار ؟ هامستر ؟ سنجاب ؟

لا الله يسلمكم هو يشبه السنجاب بس اسمه Sugar Glider واهوه مب من فصيلة السناجب

هو من فصيله يسمونها gliding marsupial وال marsupial اهيه من نفس فصيلة الكنغر يعني

ذوي الجوارب يعني اذا احملو ولا ربو اعيالهم يكونون في شكل المخباه في بطنهم شكل الكنغر

انزين وهو اكثر شي يعيش في استراليا وكمن منطقه غير ^^ << جفتو اشلون اعرف

هاي الله يسلمكم قصصي وياه عجيييبه اقول لكم مب هيين يفتح القفص ويشرد ينخش في المطبخ

وكل مره ادوره يقولون لي انتي ماتأكلينه عشان جي يشرد المطبخ هههههههههههه

وخدامتنا اتخاف منه لما تدري انه شرد تقعد تتلفت يوم تكون في المطبخ انا احطه على يدي واروح

اخرعها فيه هههههههههههه << نذله

كنت اعطيه فواكه ويحب البيض والجبن بعد ,, وايد احببببه اقول لكم مره طلع من القفص

وطلع برع البيت وانا مادري انزين وانا ادوره وادوره اسبوع كامل جان الباب مال الصاله كان مفتوح

المغرب عقب اسبوع ابوي راح المسيد وخلا الباب مفتوح الا اجوفه ياي البيت يبي يدخل واتيي القطوه

الام الي تسطر السوده وهوه ينقز على القزاز مايدري انه قزاز وهاذيج حاصرته عند الباب وتوها بتنقز

عليه جان انا ايي بسرعه وايوده واشله واهوه ينتفض وديته عند القفص وصكرت الباب جفتو اشلون

انا منقذه من الخرعه شمخني سوا لي نص سواره هههههه << حلفي بس صج صج

بعد ماحسيت مانتبهت الا لما قالو لي هههههههه

ومره الفليل توه طالع من القفص امي يات اتطفي الليتات جان الا تجوف شي يشبه الفار

تخرعت عبالها فار فتحت الليتات الا اهوه واتناديني اتقول لي تعالي شلي فارج ههههههه

اقول لهم مب فار اهوه كلهم ينادونه فار ههههههه

والحين ننتقل حق نهايته مسكين

الله يسلمكم في يوم من الايام طلع من البيت وصار له اكثر من اسبوع وانا ادوره كل يوم

واخر شي كان يوم اليمعه الا اختي قاعده اتقول لي سنجابج مات اضحك عليها اقول اتقصين

علي عقب اتقول لي لا صج والله مات اقول لها اشلون اتقول لي بنت عمي جافت القطوه الام

في بيت يدي شاله شي يشبه الفار فضربتها عشان تهده لأنه جافته يشبه مالي ولما هدته

اعرفت انه هاي مالي فحطته في فوطه وحطته في كرتون عشان كان الوكت متأخر وانه على اساس

الصبح تكلمنا لما يات الصبح لقته مات مسكين الله يرحمه

----

----

ماهذااااااااااااا ؟ انــــــه نمسسسسس اتعرفون تيمون وبومبا جفتو تيمون هاي هو في الحقيقه

عاد هالنمس الصراحه ذكرياته وياي عجيييييبه هذره طويلها هاي مع انه اخر شي

اقول لكم اول مايبته كان في قفص صغير ومتضايق فطلعته وحطيته في قفص البغبغاء المتوحشه لأنه

قفصها كبير كان فهو اشويه ارتاح انزين عاد انا يبت القطوه السوده ملاحظه ترا على ايام ^^

النمس ماكان عندي الا القطوه السوده بدون اعيالها والبغبغاوات الخضره الا المتحوشه ^^

انزين عاد يبتها انا مادري انها تخاف منه مريت قريب منه اشويه للحين ماقربت وايد بيني

وبينه مسافه جان تتخرع القطوه تشمخني واتححففففص سوت شوارع في يدي الله يهديها

بعدين صرت اشويه اشويه اطلعه عشان يتعود على الوضع يعني اقول لكم شنو يحببب يكتشف

عاد خواتي وامي كانو يخافون منه بس اختي العوده ماتخاف منه انزين عاد هم قاعدين في الصاله

مايدرون انا هديته ورحت اييب له فواكه يبت قطعت يح (جح) ويبته حقه جان الا الاقيهم يزاعقون

يقولون قوم روح اشتبي ايي ترا هم مايدرون راح يشم ريولهم هههههههههههه من عقبها كلهم

يقعدون في الصاله واهمه رافعين ريولهم هههههههههه

عاد انا شاسوي اقعد على الارض واخليه اييني لما اييني اعطيح يحه وحده شيسوي يروح ياخذها

ويدعسها تحت الكرسي ماياكلها ايي بعدين عشان ياخذ حبه ثانيه اعطيه ويروح يدعسهم تحت الكرسي

ومرات استنذل فيه لما ايي يعضها ايرها عشان تكون قطعه صغيره وياكلها عشان ياكل كله يدعس

وبس انزين عقب لما اخلص معاه اطلع الاكل وطبعا امسح المكان تحت الكرسي -__-

وارده القفص اهوه واكله بس بعدين مع الوكت سندرنا مع ريحته انظف كل يوم لأنه ماشريت -___-

نشارة خشب

ففي الصاله في باب يودي في مكان مصكر جي انزين اهناك يحطون الغاز فأنا اشسويت

بما انه مايحب القفص صبيت رمل اهناك وخليته اهناك وحطيت له بيت وخليته اهناك اهوه واكله

وكل صبح ادخله داخل عن الشمس انزين تعلم صار مؤدب اخلي الباب مفتوح اذا يا بيوصخ يروح

برع يوصخ ويرجع داخل هههههههههه مب هييين صار مؤدب المهم عاد مره حطيت لها سرير القطوه انزين

يستانس عليه فكانت القطوه السوده داخل هو راح تحت الكرسي واهيه يات قعدت في سريرها لما جافته

طلع شرردت انزين راح يقعد جان يشم ريحتها فيه ويعصصصب ويروح يلحقها وينقز ومادري شيسوي هههههههه

واهيه تحافص مسكينه زين ماسطرها بعدين هدا وخلاها تولي

ومره بعد حطيت له حليب انزين هو شرب وخلص وراح تحت الكرسي يحوس مايقر مكان واحد

والقطوه تبي تشرب اتقرب اشويه لما اتجوفه طلع ترجع لما تجوفه دخل تقرب لما وصلت تشرب بسرعه

بسرعه ههههههههههههههههه يلعبون شرطي حرامي

وبعدين صرت اوديه بيت يدي حتى يدتي صارت تسأل عنه وينه صار فرد من العائله

وابوي ايي يزخه ويلعب معاه عادي يعني بس اما اهوه ويا القطوه السوده مغامرات ماتنتهي

وطلع بعد من البيت اكثر من مره لما يكون في القفص داخل عن الحر يكسر القفص ويطلع وانا مادري

وينه مره طلع من البيت وصار اسبوع وانا ادوره الا لما كنا في بيت يدتي ابوي يسوي لي تليفون

يقول لي مبروك اقول له على شنو يقول لقو النمس وينه طلع في حوطة بيت يدي اشلون دخل

اهناك انا مادري مع انها مصكره

المهم تم معانا فتره طويله انا شريته على انه هدية النجاح مالتي كل ماييجوفونه خواتي وامي

يقولون لي بدال لا تاخذ لها لاب بدال الي عندها خذت نمس مادري اشمشكلتهم الصراحه هههههههه

بس وعقب فتره قبل ارمضان باسبوع طلع ولم يعد بعدها يمكن حد شله لأنه مايعض الا اذا يا

بيجوف انه هاي اكل ولا لا ولا هو اليييف حده

ومن عقب النمس ابوي يقول بسنا تجارب لا تيبين حيوان ثاني

وللحين خاطري في حيوان ثاني

بس مابستسلم باحاول اقنعه هههههه << ميؤووس منها من قلب

والحيوان الوحيد الي مدحه ابوي يقول عن لوسي انها احسن حيوان يبتوه يقول نظيفه وامأدبه ومب مزعجه

ههههههههه لأنه وكت الاكل ماتقرب من السفره هههههههههه

وهكذا انتهى موضوعي اخيرا مب صح جنه تاريخ صجي ترا الزين انه

هاي بس الي عندي صورهم وفي قصص ثانيه بس اذا كتبت زياده اخر شي

المشرفين بيطيروني انا وموضوعي قسم المحذوفات

واكيد لاعت جبدكم وعيزتو وقلتو هاي مب صاحيه عادي عادي انا من زمان مب صاحيه

بس ترا من قللللب عيزت كم ساعه صارت وانا اكتبه وكم مره كنسلته ورديت كتبته

عطوني رايكم يعني

انجوفكم في الموضوع الياي ان شاء الله

<<<<

لا تخافون لا تخافون ادري محد يبي يجوف مواضيعي مب كاتبه عقب هاي

عيزت المواضيع عذاب هاي اول مره اكتب موضوع في حياتي واكمله من اوله

لين اخره

[Μ Ί Ύ Ά]

محجووووووووز

وعليكم السلام ورحمة الله وبركاته

في قصص وايد احمدو ربكم انه ماعندي صور القبلين هههههههههه Yo ^^

وللهي الحمد <~ آوت . .!

يآزينها ,,

تحشر البيت بصوتها <~ عجبتني

الله يرحمها

قطوه مسكينه متعوره هي ريشيه وبيضه القطاوه مصطرينها وفيها جروح وفي اجزاء من فروها محد

اش ذا الإجرآم . .

كلهم تأقلمو مع بعض وراقدين مع بعض داخل بيت القطاوه

Happy Ending

من الظهر لين المغرب واهيه تنادي

كسرت خاطري . .ياشين الوحده

إلا اقول قطاوي بيت جدتك مستقويييين اشفيهم

تهبل

ياساتر . .اسبوع كامل !!

من جد زين ماماتت . .

توكلين فيها طول اليوم . .طالعه عليك ماتحب الجوع

<~ مين يحبه يالمخرفه XD

لوسي قدعه . .

أما علامه استفهام أههههههههههههههههههههههههههههـ . .

مكانها المفضل عجييب

عنتر أههههههههههههههههههههههههههههههههههههههههههههههـ

<~ وبعد أههههههههههههههههههههههههههههههههههههههههههههههههه ههههههههههههههههـ

من جد قطاوي عجييبه . .وعجبتني مأساه الجبس

<~ اذلفي بالله XD

نجي للبغباء الصلعا . .ذكرتني بالعجوز اللي في عدنان ولينا المصلع . .

<~ لاعمرك شبهتي . .

نهاية السلاحف @@

لاتسمعك سلحفاتنا فلم رعب

الضفدع !

ما اتخيل يكون عندي ضفدع XD

وآخ ماقدر على فراقك من جد شكله

أما الكتغر أكثر شي حمسني . .<~ عشان مو كثير ناس عندهم زيه

أوخس ياسوبر ومن انقذتيه من القطوه المتوحشه قطوتكم ذي قاهرتني بس تصطر في الخلق . .

مات بعد . .

الله يرحمه . .~

النمس . .والله إنه اكشنات وشخصية <~ أدبهم XD

شرطه حرامي


ترا عجبني عنتر عطوني إياه بس

ماشاء الله توآمي يبغالك تصيرين مدربه حيوانات . .

بس قللي من عدد الوفيات الله يرضى عليك . .ولا سوي مقبره يختي <~ بتكفخ ..

ناقصك تربين حصآن . .<~ عشان اجي وآخذه منك XD

موضووع أحلى مماتوقعت . .والله

يعطيك العافية ياكشخة . .

ولاصار شي سوي جزء ثاني للموضوع XD

[Kat-Kuta]

محجوووووووووز

وعليكم السلام و رحمة الله وبركاته^^

أخيراً نزلتي الموضووع
المهم
الموضوع خطييير والله .. روووووعه



<< شكلها كيووووووووووووووت و التصوير رووعه
شكلها كيوت و عليها نذاله مب طبيعيه هههههههههـ ..
النذاله ماخذتنها منج طبعا هعـ ..
بس يحليلها مااتت .. الله يرحمها مسكيينه




<< صدق هاي شكلها هاااديه بس عيبني شكلها
هههههههههههههـ.. جان صورتيها و هي تسوي ذيلها علامة استفهام خخخـ ..
بس الصوره ناايس


أما البغبغاء الصلعا هههههههـ ..يحليلها ليش جي
مسكييينه لوول

و نهاية السلاحف تكسر بالخاطر و الصوره حلووه بعد ..

وييي مالوومها اختج هههههههههههـ .. عيل حاطتلها ضفدع ع الكيبورد
انا لو مكانها مادري شو بسوي ههههههههههههـ ..



<< عيبني شكل هالحيوان .. و التصوير كشششخه
وحلييله مات

انتي اغلب الحيوانات اللي كانوا عندج ماتوا لوول

و النمس قصتج وياه عجييبه هههههههههههه ضحكتني


بس موضووعج رووعه ماتوقعته جي
موضوعج كشخه و تصويرج بعد روووعه
وسوالفج مع حيواناتج تحححفه هههههههههههـ ..

يلا نتريا مواضيعج اليايه ان شاء الله