منتديات أنيدرا الدراما الكورية و اليابانية



الملاحظات

نادي SS501 نادي تربل اس زيرو وان

موضوع مغلق
 
أدوات الموضوع انواع عرض الموضوع
  #1  
قديم 11-08-2010, 04:40 AM
الصورة الرمزية Ludamory
Ludamory Ludamory غير متصل
SS501 Godmother
 
معلومات إضافية
الانتساب : Apr 2008
رقم العضوية : 26014
المشاركات : 3,688
   الجنس: الجنس: Female
  علم الدولة: علم الدولة Saudi Arabia
تكذيب إشاعه ان كيمو يكره فتيات العرب

تكذيب إشاعه ان كيمو يكره فتيات العرب


لإزالة كل الأعلانات، سجل الآن في منتديات أنيدرا

السلام عليكم

كيفكم و ان شاء الله الكل بخير و متسحر و مستعد للصيام~

حتقولو ايش عندي؟؟

طبعا شفنا اليوم الاشاعه اللي يختي على بعضكم ما صدقتو انها طلعت~

طبعا اول ما جاني الخبر~ و الكل يسأل ليش ساكته و ليش ما رديتي و كيف ترضي ينقال كدا

طبعا اللي نط عندي يتأكد عن الخبر و اللي جا معصب ليش انا بارده و اللي واللي

طبعا كان ردي.. شفتو فيديو؟ شفتو مصدر رسمي؟

كان الجواب لا بس الدنيا كلها تتكلم.. والو فن عملو نادي هيترز و مدري ايش

طبعا انا قلت كلمه وحده مع نفسهم دول مهم تربل اس.. لانو الموضوع ما يدخل راس احد

الموهم وانا جالسه احوس لقيت وحده حاطه الموضوع دا ~ و حنقله ليكم.. انا عن نفسي

أأيدها في كل كلمه و ما قصرت الله يسعدها..


,
أنا مني ممتازة في المقدمات عشان كدا حدخل في صلب الموضوع على طول
كنت بدور في النت وحالي في حال نفسي إلا ألاقي موضوع خلى قلبي يطيح من قوة الصدمة
طبعا الموضوع كلوا كدب في كدب والسبب :
ملاحظه : (أنا أنادي كيم هيون جونغ = كيمو عشان كدا حستخدم الاسم دا)

1. كيمو من متى راح أمريكا عشان واحد أمريكي يسالوا !!!
تراه مشغول بأشياء أهم منها الدراما حقت القبلة المؤذية ومنها مشاكل الدبل أس مع شركتهم

2. ايش دخل مراسل أمريكي يسالوا عن العرب !! يعني لو زي الراديو العربي كان صدقنا لكن تراها ما تدخل العقل


3. برنامج news star !! ما عرفوا ولا سمعت بيه والخبر فين اصلوا لأنكم لو بحثتوا مح تلاقوه

4. الخبر بالانجليزي مو موجود ولا بالكوري حتى يعني اللي ترجموا يقولنا من فين جابوا لأنو الإخبار أول بأول
حتوصل للترييل أس الكوري يعني حتى لو واحد اسباني أخد صورة معاه حيعرفوا ودا كلام حقيقي وكان إحنا عرفنا قبل ما ينزل الخبر هنا

(مترجمين الأخبار يعرفوا انو إحنا لازم نحط الكريديت عشان نحفظ الحقوق مو ننقل)


5. لا تصدقوا كل شئ بالله واحد ينتحر عشان عندوا فانز ديانتهم غير ؟؟
مستحيل يسويها حتى لو عرف انو عندوا لأنو في ديانات ماتدخل العقل زي الهندوسية

6. في برنامج البيبي (كيم هيونغ جون) عملوا اسموا البراري والدبل اس كلهم سووا فيها مع السلامه !!
بالعربي فكروا بعقلكم هادي سواة يسويها واحد ما يحبهم ويبى ينتحر لو يعرف انو واحد منهم يحبو

7. كان في فان ميتينغ في ماليزيا (ماانساه الفان ميتينغ هداك اللي سألوهم فيه عن dbsk)
المهم كان بيوقعوا للفانز وبعضا الفانز اخدوا صور ويومتها شفت صورة بنات ماليزيات متحجبات مع بعضهم أخدين صورة

(متحجبات يعني لابسين طرح مو متحجبات زينا >> مع انو والله عندنا فتنة بحجابنا اكتر من حجابهم بس الله يهدينا <<< المهم واضح إنهم مسلمين)


8. الخبر دا ظهر من زمان و من أول مرة الكل عرف انو هو إشاعة وإشاعة ما لها أساس من الصحة .

9. عندهم في كوريا مو من الأدب انو الواحد يتكلم في الدين ... كيف يتكلم في موضوع زي كدة مع مراسل
و أمريكي كمان وأزيد على كدا تشددهم لعاداتهم وتقاليدهم فمح يهينوا ناس عشان لايهينوهم


10. كيمو الين دحين بياخد دروس في الانجلش عشان يحسن انجلزيتو ... كيف يعمل مقابلة مرة وحدة ؟؟؟

(أنا الين دحين فاكره القصة دي لما قال i am not rose بدل مايقول i m not lose والشئ المضحك انو حتى الجمله غلط ^^ وفي أحداث ثانيه عن انجليزيتوا )


11. العرب مو كلهم مسلمين ... كيف يحكم عليهم كده ؟؟؟ (بالعقل !!)



آخرا وليس أخيرا ينتحر عشان عندوا معجبات عربيات مسلمات !!
على حد علمي يعرف انو عندوا معجبات مسلمات وهادا الفيديو اكبر دليل ولاحظوا وحده منهم صافحت كيو



سؤال ؟؟ في احد غير المسلمات يتحجب بدي الطريقة ؟؟ ما عتقد فهدا دليل إنهم مسلمات
يعني كيمو عارف انو في معجبات مسلمات لأنو ما اعتقد في احد ما يعرف انو المحجبات مسلمات يعني لو الخبر صحيح كان زمانوا انتحر .

وهنا البرنامج اللي قال في مع السلامة رفعتوا من جهازي على الزد شير شوفوه بنفسكم


و اخيراَ اللي طلع الإشاعة دي يكره كيمو ... و اساء للتريبل اس العربي و للي ما يعرف مين تريبل اس فهم الفان كلوب الخاص بدبل اس

وترا عار عليه يطلع الخبر دا وهو مسلم يعني يكذب وينمم بين الناس وهادا وإحنا داخلين في ليلة رمضان

سؤال أخير كيف تهجمو على احد الهجوم دا كلو و انتو ما أتأكدتوا من شي ؟؟؟

والله استحيت من بعض الردود اللي قريتها واللي ما تليق بينا كمسلمين لأنو إحنا منا شعب يسب ويشتم ويهاجم بدون دليل
خلوا الرسول صلى الله عليه وسلم وصحابته رضي الله عنهم قدوة ليكم
ولو الخبر دا صحيح فانا أول من حيقوم الأرض ويقعدها لأنو ربي ورسولي وإسلامي قبل كل شئ
ولكن للأسف أشاعه غير محبوكة بشكل صحيح عشان يشوهوا سمعة شخص اشهد لو بانوا مؤدب واللي تبى ادلة على انو شخص مؤدب أنا مستعدة أعطيها .

والسلام عليكم ورحمة الله وبركاته
ورمضان مبارك علينا وعليكم وأتمنى محد يعصب أو يزعل لأنو مافي شئ يستحق الزعل أنا قلت
الشئ الصحيح وما حطيتوا من ضمن الردود في الموضوع لأنو محد حيقراه وأتمنى إني وصلت الفكرة ليكم ،


المصدر~ sweet melody@ مرسى الحب

لم يتم التعديل على النص~ تم نقله كما هو

ملحوظه~
sweet melody=love sound

لودا مرة اخرى

خلاصة الكلام الرجاء تحري الدقه في نقل الأخبار..

لا تكونو مع الخيل يا شقرا او كـالحمار يحمل اثقالا~ جالسين تنقلو اشاعات مالها اساس من الصحه

و بالنسبه للي جلست تسب وتتمنن عليه و اللي قالت و قالت مو بس هنا في انيدرا في كل مكان

يختي بـناقص مو لازم تحبيه~ تراك ما فرقتي.. ما صدقتي طلع كلام عشان تجي تسبي ولا تقولي كلام مدري كيف..

لا تنسخو وتلصقو و تكونو سبب في انتشار اشاعات مغرضة مالها اساس من الصحه

اتعلمو دام مافي مصدر~ خبر مؤكد من المدونات الاجنبيه المشهود لها بالصدق او فيديو..

اعرفو انو الكلام اللي ذكر افتراء و كذب~
الكلام دا لكل خبر تنقلوه مو بس كيمو و لا اي فرقة تانيه.. اي خبر مهما كان..

فكرو في كل اللي تقروه.. شغلو مخكم شوي.. تبو تفهموني انو ما قد مرت عليكم مقالات تافهه زي كدا


بطلو تخلف~ ترا بجد قرفت من السطحيه والتخلف اللي جالس يطفح في كل مكان

ياخي إما أن تقل خيراً او اصمت.. يعني يا تكتبي خبر عدل ولا خليك ساكته احسن لك

لا تكونوا سبب في تحول شراره صغيره إلى حريق يصعب إخماده


يرجى قراءه هذا الرد :
هنا







الموضوع الأصلي : تكذيب إشاعه ان كيمو يكره فتيات العرب || الكاتب : Ludamory || المصدر : منتديات أنيدرا



قديم 11-08-2010, 04:47 AM   رقم المشاركة : 2
(ڜپٷڞ«●~
شبح شبوص !!
 
الصورة الرمزية (ڜپٷڞ«●~





معلومات إضافية
  النقاط : 181
  الجنس: الجنس: Female
  علم الدولة: علم الدولة Saudi Arabia
  الحالة :(ڜپٷڞ«●~ غير متصل
My SMS كــــــــــــــــ تون ـــــــــــــــات احبهم يا ناااس


رد: تكذيب إشاعه ان كيمو يكره فتيات العرب

اقتباس:
حجزززززززززززز
هع هع هع
ما عندي شي زيادة على كلام الاخت سويت ميلودي الله يسعدها
بختصر اللي عندي بكلمتين << نصابة بتطولها عليكم هعـ
يوم قالت لي لودا عالخبر ما صار فيني شي عاادي و لا تفاجأت و لا شهقت و لا شي
لأن بصراحة اسسسسسسخف اشاعة مرت علي من يوم دخلت عالـ K-POP و الأسخف الشخص الي كتبها بصرااحة ضيع وقت بكتابة هالاشاعة اللي مدري وش تبغى من الحياة ,
سواء الاشاعة كانت على كيمو او اي عضو ثاني او اي نجم ثاني
و اعتبرها نص اشاعة مو اشاعة كاملة كمان هعـ ,,
طيب يا (غبي يا متخلف ياللي كتبت الإشاعة ياللي عسى يدك الكسر)
<< ما عليها صيام لا تخافون هعـ
كذبت ياخي طيب ضبط كذبتك و كملها ,,
طبعن الولد "كيمو" مو فاضي يحك راااااسه خصوصن هالفترة ,,
و اي شي يسويه او يصير له بتلقون الخبر الاكيد و الموثوق بالمصدر و الـ Triple S الكوري ما يقصرون باالخبار و لا الـ Triple S الاجانب اللي يترجمونها ,,
اي لقاء ذا ؟ و متى كان ؟ بأي تاريخ صار ؟ و اي قناة او مجلة اللي سوت معه اللقاء ؟ و اي مذيع امريكي ذا اللي سوى اللقاء معه و سأله اذا كان عنده معجبات عربيات !!
وووووووووووووش هالسؤال اللي ما يدخل عقل بشر !!
قسمن بالله اسخف اشاعة سمعتهاا بحياتي , لو انهم قالو سارق له اغنية و لا شي ارررررحم مليون مرة من هالغبااااااء خخخـ
و احب اعلق على نقطة قالتها الأخت سويت ميلودي
9. عندهم في كوريا مو من الأدب انو الواحد يتكلم في الدين ... كيف يتكلم في موضوع زي كدة مع مراسل و أمريكي كمان وأزيد على كدا تشددهم لعاداتهم وتقاليدهم فمح يهينوا ناس عشان لايهينوهم

و الله مو كلهم اخلاااااااق و مأدبين ترى و اولهم الاعلام و الميديا الخااااايسة
و لا نسيتو وش صار بـ family outing s2 و mbaq idol army
بتقولون كل الشعوب فيها الزين و الشين بقولكم ايه صح بس لمن يصير الوضع فيه "تعدي على حرمة الأديان " وش بيكون رايكم ساعتها ؟؟

و بس و اقول للبنات مو كل ما سمعتو شي تجون تجروون يختي حكمي عقلك و منطقك شوي
وشو اللي طايحين سب و شتم و كلوب للهيترز استغفر الله بس

و معليش طولت عليكم << قايلتلكم نصابة خخخخخخـ
و كل عام و انتم بخير و صيام مقبول وافطار شهي هعـــــ

.
.
.



 
قديم 11-08-2010, 05:08 AM   رقم المشاركة : 3
بوكونيـــا
.βòķÒỲ.





معلومات إضافية
  النقاط : 855
  الجنس: الجنس: Female
  علم الدولة: علم الدولة Saudi Arabia
  الحالة :بوكونيـــا غير متصل
My SMS


رد: تكذيب إشاعه ان كيمو يكره فتيات العرب

أنياسيوه

وااهــ من جد مادري وش جاني

بالعادة ما أصدق أي شي يجني الا هالمرة

ياشين الغباء اللي يجيبشي غبي زي كذا ><"

الحمد الله أن طلعت أشاعة

تشووومل كومسااميدا لوداموري

أنيونغ





 
التوقيع
http://img213.imageshack.us/img213/204/bokoniya.png
http://www.almlf.com/get-2-2011-almlf_com_lufhobmf.png

رجاءً أي أحد عندو حلقات لأي دراما ترجمتها بان لأيعيد رفعها مرة أخرة أريد ان احلل الكل بس ان رفعت ترجماتي من أخرى فكاني ما تركت ترجمة من أجل أخرتي فلذا أن أحد قام برفعها من جديد فاعتذر منكم فلن أحلل من يقوم برفعها مرة أخر فأنا بريئة أماام ربي من كل عمل ترجمته واللي حاب يكمل دراما أتمنى يعيدها ترجمتها من أول


آخر مواضيعي

مكان عبقري لإخفاء الأشياء الثمينة جداً
القرآن الكريم
وقت لايرد فيه أي دعاء!! سبحان الله
أريد أن اكون داعية ولكن...!!
فيديوات لشيخ محمد العريفي

 
 
قديم 11-08-2010, 05:25 AM   رقم المشاركة : 4
noody501
أنيدراوي متميز
 
الصورة الرمزية noody501





معلومات إضافية
  النقاط : 56
  الجنس: الجنس: Female
  علم الدولة: علم الدولة Saudi Arabia
  الحالة :noody501 غير متصل
My SMS i love all ss501 -- i love all k-pop .♥♥♥♥


رد: تكذيب إشاعه ان كيمو يكره فتيات العرب

ياااي لوودا تسلميين ...

اصلاا انا مستحيل اصدق اي شي يقال الا بشي مرئي ...

و ربي اللي كااتب الكلاام اني حبيتها .. كلااامك درر ...

و الفيديو اكد هذا الشي ...

لووودا تسلميين على النقققل ...

ربي يخليك ...


و كللل عااام و انتو بخيييييييير .. رمضآآآآآآن كريييييييييم ...




 
قديم 11-08-2010, 05:57 AM   رقم المشاركة : 5
misho mashakl
أنيدراوي فعال
 
الصورة الرمزية misho mashakl





معلومات إضافية
  النقاط : 310
  الجنس: الجنس: Female
  علم الدولة: علم الدولة Saudi Arabia
  الحالة :misho mashakl غير متصل
My SMS


أوسمتي
رد: تكذيب إشاعه ان كيمو يكره فتيات العرب

ياااه الحمد لله والشكر

توي دريت بالخبر >> سواة اللي النت عندها خربااان

وش هالكلام اللي مايدخل العقل وشلوون بالله يكره العرب

يااشيخه وش هالتخلف وش هالاشاعات اللي مدري من ويين يطلعوونها ذوول

اوووف بس وربي تخلف

وش اقول بس ..

لوداا تسلمي يااقلبو عالمووضوع وادعي ربي يرحمنا من هالتخلف بس





 
موضوع مغلق

الكلمات الدلالية (Tags)
العرب, تكذيب, يكره, فتيات, إشاعه, كيمو
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
 
الانتقال السريع


الساعة الآن 05:03 AM.
ترتيب أنيدرا عالمياً
Rss  Facebook  Twitter

Powered by vBulletin® Copyright ©2000 - 2019, Jelsoft Enterprises Ltd

منتديات أنيدرا An-Dr للدراما الآسيوية و الأنمي

منتديات أنيدرا