|[ بـاستــــPink sauceــا من مطبخ نـونـو

[NoONoO]

|[ بـاستــــPink sauceــا من مطبخ نـونـو

Tweet

لإزالة كل الأعلانات، سجل الآن في منتديات أنيدرا

الـسـلام عـليكم و رحمة الله و بركـاتهـ

كيف الحال ان شاءالله مناح
سبق و وعدت بموضوعي السابق اني بحط طريقتي بعمل الباستا
عشان ماتقولون ماتعرف غير للاندومي

طبعاً كل وحدة ولها طريقتها
و ان شاءالله طريقتي تكون سهلة و لذيذة (دايماً يخلص believe me )
مع العلم اني عمري ماسويت هالطبخة مرتين نفس الشي ايدي تاكلني و دايماً احب احط اي شي جدامي ، و بتلاحظون هالشي بصورة المقادير

يالله مابطول أكثر لأني يوم اتكلم ماسكت

نبدأ بإسم الله

•••••••••••••••

المقادير



#من الخضار استخدمت البروكلي ،، وممكن الاستغناء عنه
#البصل و الثوم قصوهم صغااااار او افرموهم حتى ماتحسون بوجودهم
# اللي مو متوفر عندها حليب سائل تستخدم بكل كوب ماي ملعقتين طعام حليب بودر و تذوبه


بتلاحظون حاطة بقدونس مجفف و غار و فلفل احمر .. و لو عندكم شي ماتعرفون لأي طبخة تستخدمونها هاتوه بنحطيه بالصلصة خخخخخ
لا تخافون اصلاً مابتحسون بوجودهم لو حطيتوهم الا نكهة بسيطة

••••••••••••

الخطوات

1- نفور المعكرونة في ماي مغلي مع اضافة قليل من الزيت و الملح (اسمحولي ماصورت هالخطوة) ..

في هذه الأثناء ..


2- لو حابين تسخدمون بروكلي مثل ما سويت نغليه بالماي لين ينضج شـــــوي ،، بعدين نصفيه و نتركه على جنب للنهاية حتى ما يتفتت لو ضفناه من البداية ..

3- في وعاء كبير .. نسخن قليل من الزيت (استخدمت زيت الزيتون) و نحمر البصل ثم نضيف الثوم

4- نضيف الدياي (تأكدوا انكم نظفتوه ) و نتركه حتى ينضج

5- نضيف الصلصة المعكرونة الحمراء + البهارات من ملح و فلفل و شوي مكعب ماجي و الخربطيشن اللي عندكم (لا تكثرون من الملح لان عندنا الصلصة البيضا)

نترك الصلصة الحمرا مع الدياي على نار هاديــة .. و بهالأثناء بنشتغل عالصلصة البيضا ...


6- في وعاء ثاني على نار هادية .. نضيف كوب و نص من الحليب السائل + 1 علبة قشطة و نخلطهم لين يفور (اللي حابة تضيف ملعقة جبن بيطلع حلو بعد )

7- نضيف الخلطة البيضا للخلطة الحمرا مع الدياي .. ونمزجهم شوي شوي (و نتذوق لو ناقص ملح نضيفه الحين ).. و ما ننسى نضيف البروكلي ..

كل ما تركنا الصلصة اكثر صارت اغلظ .. حسب رغبتكم

8- نضيف الخلطة للمعكرونة المطبوخة .. و نخطي الجدر و نتركة على نار هادية حتى تتشبع المعكرونة من الصلصة .. (و ممكن تاكلونه بنفس الوقت مثل ماسوي لان حلاته حار )

••••••••••••

النتيجة النهائية
صورة كلش ماتشجع ولا تعكس الطعم الحقيقي


••••••••••••

ان شاءالله تكونون فهمتوا شي على كثر ماتفلسفت لووول
و هني و عافية لكل اللي بيطبقون

الموضوع الأصلي : |[ بـاستــــPink sauceــا من مطبخ نـونـو || الكاتب : NoONoO || المصدر : منتديات أنيدرا

[Mišs Fňoo]

جوووعتيني وربي
حسيت اني شاامه ريحة الباستا من عندك
طريقة حلوووه وبما اني بكرا ماعندي جامعه راح اسويهااا ان شاء الله
تسلم يدك ياقلبي على هي الوصفه الجميله والمشهيه
وناطرين المزيد من ابداعاتك
وتم التقيم +
مودتــي....~

[NoONoO]

المشاركة الأصلية كتبت بواسطة Mišs Fňoo

جوووعتيني وربي
حسيت اني شاامه ريحة الباستا من عندك
طريقة حلوووه وبما اني بكرا ماعندي جامعه راح اسويهااا ان شاء الله
تسلم يدك ياقلبي على هي الوصفه الجميله والمشهيه
وناطرين المزيد من ابداعاتك
وتم التقيم +
مودتــي....~

يا هلا فيج نورتي الموضوع الله يسلمج و يعافيج
صدقيني يوعت نفسي اول الحمدلله بيدي ايس كريم جالكسي احلي فيه

ان شاءالله تطبقينه و يعيبج .. و صحتين و عافية
و مشكورة عالتقييم و التواجد الرائع


اي ملاحظة او استفسار نحن هنا

[اوني~]

ععججييبه


بجريبها ان شاءالله

يسلمو على الموضوع الذيذ